富東閣海鮮酒家

#wetdodo_沙田好多食店都關咗好一段時間～但都陸陸續續開番💛而呢間出名嘅茶樓亦都係上星期六開番lu以前買過片皮鴨外賣 份量都幾足～今次試下佢地既點心🤪原來下午茶1:30就開始🙆‍♀️比一般茶樓早半個鐘！好爽！而且呢到都幾乾淨🤓啲餐具係茶樓中央有個位置統一蒸煮拎上枱時熱辣辣 自己唔洗再額外洗餐具留意番以下價錢係星期六既價錢黎下午茶張點心紙：星期六、日、公眾假期每款點心+$2———————————————————————💛陳皮牛肉球 $20 🌟🌟🌟😋：8.5/10牛肉球質感彈牙好咬夠結實 又大大粒入面有馬蹄粒好爽口 增添口感散發淡淡陳皮味 幾出色💛香煎黃金糕 $19 🌟🌟🌟😋：9/10呢個我會覺得係必叫的～之前食過一啲茶樓既煎黃金糕會好乾身但佢呢個就啱啱好 外脆而入面仲軟軟地身食到黃金糕獨有一絲絲既口感而且聞落已經好香 真係色香味俱全😛💛杞子桂花糕 $16 🌟🌟😋：8/10桂花糕係最早黎到既😂因為佢凍上唔洗等🤣就咁睇都見到入面好多杞子同桂花整體幾清甜 鐘意桂花糕既話要試下～💛鮮蝦菜苗餃 $23 🌟🌟😋：8/10雖然上枱時有一粒散開咗🤣但冇損佢既美味相比蝦餃 其實我就更鐘意菜苗餃～通常都平一截😏水晶皮幾煙煙韌韌 唔錯而入面蝦既份量好多 反而菜苗得2-3條成隻係比蝦迫爆🤣入面材料用左蒜黎調味 食落好香蒜味😛💛蟹籽燒賣皇 $23 🌟🌟😋：8/10其實呢個價錢有4粒豬肉燒賣都真係幾抵豬肉部份結實 蝦都夠彈牙 係唔錯既燒賣 咁抵完全叫得過！💛港式叉燒包 $22 😋：7/10一上枱就見到叉包流血事件🤣不過啲汁漏左 入面都仲好夠醬調味適中 唔會過重不過叉燒粒唔算太多麵包幾香同軟熟正常發揮🙆‍♀️💛肉骨茶鮮竹卷 $20😋：7/10個湯汁係肉骨茶既鮮竹卷第一次食😂鮮竹卷自己就冇咩餡料 普普通通但配肉骨茶湯又幾夾 肉骨茶湯幾清新 但飲落又夠香濃既藥材味💛小食：青瓜海蜇頭 $34😋：6/10呢個相比點心就冇咁抵lu青瓜正常爽脆 海蜇頭比較少見 個樣一粒粒有啲似墨魚仔口感幾好 夠爽但係整體味道較淡 略為普通💛下午茶茶芥 $9一位我地就叫左普洱不過啲茶就真係表現得遜色啲～睇落好深色但飲落都唔太濃👅：下午茶真係幾抵食！而且仲要係難得既黃茶樓🌟可能係因為啱啱先開番～當日係星期六中午1點9左右直入唔洗等🥴不過點心就出得比較慢～睇黎係即叫即蒸☺️預黎蒸點要等30分鐘左右🙆‍♀️可以慢慢食～—————————————————————🥢🫖🥢🫖🥢富東閣海鮮酒家💸：人均～$100📍：沙田瀝源街6號瀝源廣場1樓5號舖💡收加一#wetdodo_meals #美食 #hkig #hkfood #hk852 #shatin #foodphotography #foodblogger #沙田 #沙田黃店 #黃色經濟圈 #黃店 #飯 #點心 #滑嘟嘟掃黃 #富東閣 #黃點心 #黃茶樓…Read More

好凍#唔想出街淨係想喺張床到啪啪啪 好想食點心搵間平靚正黃店點心食先！差唔多1:30pm去到，以為睇錯點解門口咁多後生仔女。諗深一層其實好事嚟，個個支持係開心嘅！好快有位等咗三四個字就入到去。燒賣有驚喜，個味好食裏面有好大隻蝦! 正呀，個燒賣分分鐘好食過平時賣到貴一貴酒樓！鮮竹卷三條勁大條，好多汁唔乾係油咗少少，$18呢個價錢都足料。奶皇包黎到係超熱 #凍得滯無奶流 雖然唔係流心中間有大大個鹹蛋黃，好有以前嘅味道。菜苗餃超推介，隻隻都好大，每啖都食到菜苗同鮮味嘅蝦，唔係無味！真係唔好意思#食埋人地條菜食曬三隻 臘味糯米飯唔知點解有咁多蛋同花生，臘味就唔多。成個飯唔重臘味味，個飯係多嘅，呢個就麻麻啦。做緊午市優惠點心要四款送一款！酒樓姐姐好有心話多謝我哋啲後生，如果無人支持佢哋冇得做，人情味濃，男人老狗聽完有啲想流馬尿...平心而論質素一般，下午茶真係抵食兩條友食咗$120 咋！呢個價錢真係平靚正 #平時叫隻雞都唔得啦…Read More

今日去到瀝源廣場呢度飲下午茶☕️ 屋邨生意所以價位較低 下午茶更平 都幾抵食 最平既點心$10都有 茶錢$8今次試左4款食物首先有燒鴨烏冬$21 （可以配檬粉/米粉）$21 黎講呢 燒鴨份量好多！而且肉質一啲都唔柴 皮好香仲有少少油脂幾好食 😋都算幾大碗第二樣係蔥油餅$10 同我想像既有少少出入我以為係薄餅個種 原來係偏向麵包質地 蔥唔多但煎得幾香 $10有3塊好飽肚 係幾抵食蓮藕餅$16 煎得好脆 豬肉餡調味岩岩好 蓮藕爽脆口感好好 抵食🤩👌🏼第4款係菜苗餃 $16 好大舊 餡料飽滿咬開仲好濕潤juicy 仲有好多蝦添 總結4款食物都做得好 而且只係$10-$20 又好抵食 值得支持呀～～…Read More

五月最後一個星期天下午，沙田。最近天氣不好，友人昨天提出星期天吃點心，很想拜訪這家很久，於是睡飽後就一起坐車出發到沙田瀝源。這是一家位於瀝源邨裡面的酒家，在大集團的趕絕下，現在已經買少見少，吃點心還是喜歡飲茶。下午茶時段是兩點到四點，門外排隊人潮不斷，門外貼上晚市，雀局，旁邊燒味部的燒味飯餐牌價錢都非常相宜，選擇又多，我們更迫不及待想試試了。我們只有兩個人，等沒多久就被安排入座。點心原來是現點現蒸，保證新鮮，位子挺乾淨，沒有一般舊式酒家髒髒的，感覺真的蠻舒服。脆皮燒乳鴿，光看顏色炸得挺乾身，一咬下去卻不得了，每一個部位都軟嫩非常，又能做到鎖住肉汁，真正皮脆肉嫩的程度，一點醬都不用沾已經很夠味，友人說比起一家老字號的燒乳鴿還要高水準，可想而知有多出色。沙薑雞腳，難得有人跟我一樣喜歡雞爪，除了筋腱處，連骨頭也醃得入味，充滿膠原的外皮滑而不膩，友人說沙薑汁才是精髓，果然沾了之後，鮮味更加提升，而且吃完不會覺得口很渴，想必是自家調製的。甜酸炸雲吞，這是一道香港飲茶的懷舊小吃，友人特意點的，因為他知道我從來沒有吃過。三顆大雲吞炸得金黃不過火，聞起來完全沒有油炸味，最怕聞到想吐的油味了，一咬下去雲吞皮非常香口酥脆，餡料新鮮彈牙，友人說要淋上甜酸汁，不愛炸物的我一吃就愛上，味道果然更豐富。原隻鮮蝦腸，每個切段部份都有一隻新鮮爽彈的大蝦，然後呢，薄薄的腸粉皮一層層卷著，卻晶瑩剔透，完全沒有出現黏糊糊，或者是皮太厚太膩，一夾就散開的問題，每口都吃得到米香，吃過這裡的腸粉之後，才體會到真正的軟綿滑溜是怎麼回事，不打算再吃外面的所謂腸粉了。鮮蝦菜苗餃，一般飲茶這樣子的餃非常油，而且只有蝦子碎其他全是肥肉，所以從來都不會吃。這是友人點的，上桌之後看到漂亮的水晶餃皮，一夾，皮沒有爛，裹著翠綠的菜苗和滿滿彈牙的蝦子肉，沒有其他有的沒的，皮Q餡料香，好美味，改變了我對水晶餃的印象。北菰棉花雞，冬菇吸滿醬汁，軟滑的雞肉很大塊，重點當然是盡吸鮮美雞汁的魚肚，滿口膠質又綿密，美味無比。黑椒金錢肚，外面很多都會鋪滿厚厚黏稠稠的芡，其實以前的金錢肚根本不會這樣弄，因為不會吃得到任何味道的。這裡的果然沒有，黑椒跟豆豉的比例剛好，全是真正的網胃，沒有混雜其他部分，鹵得夠味不腥，口感爽嫩，酥而不爛，太滿足了。宮廷桂花糕，我們都愛桂花糕，這裡的顏色比較深，杞子很多，所以味道偏甜，$10有三大顆真的很划算。小時候周末上酒樓飲茶是一個習慣，隨著時代推演，要吃點心已經不需要再上酒樓，生活質素的提高，對吃的觀念變成要吃得精緻，導致一堆鮑魚黑松露醬點心橫行，懷舊的味道漸漸消失在洪流之中，今天吃的這頓點心，除了找回了美味，更是對於他們堅守本質有一份感動。…Read More

多幫襯下區內小店，就唔會全部都係連鎖餐廳啦。今日去開附近，放棄新城市既連鎖餐廳，行多幾步去左瀝源既街坊酒樓。原來酒樓有兩層，所以唔駛等好耐就有位。雖然地下果層唔算大，但係都會花地方做無障礙通道，俾街坊都可以推坐輪椅既老人家黎飲茶，好有人情味。飲茶餐牌竟然有好多套餐，點心餐、小食餐等，花多眼亂。我地叫左一個二人餐，有一個粉麵飯、小食、兩個點心。另外再加多三個點心，三個人夠哂食。鮮蝦菜苗餃非常大隻飽滿，入面真係有好多原隻蝦仁，爽口鮮味。燒賣既肉質都非常彈牙，而蒸排骨都好足料，味道較惹味。咪睇呢窩米線個樣無特別擺盤，但真係其貌不揚。呷一口湯發覺真係超級鮮咪既魚湯，加埋番茄酸酸甜甜咁好開胃。 配料有雞脾菇、鮮冬菇、勝瓜、芹菜、番茄，仲有超多鮮鯇魚片，全部都係新鮮原材料，而唔係用人造野好似魚片果d，其實真係好健康又好鮮味。 三個人一人起碼有三碗，但可以食哂連湯都唔留一滴，唔油唔會滯有機會想試埋晚市小菜，見大家寫到片皮鴨好吸引咁…Read More

[未寫review依家補返!!]嗰陣上網見到佢告急所以過去懲罰 嗌啲生料點心返去自己蒸 加餸!一開始自己睇錯嘢 好彩入去嗌嘢嗰陣姐姐提返我點心買3送1係$60跟住就嗌咗-蝦餃拼潮州粉果(4個)-鮮蝦菜苗餃(3個)-港式叉燒包(3個)-薑粒雞包仔(3個)臨走前姐姐提返啲生料蒸15min就可以食得!!------------------------------一開始就食咗菜苗餃先料好足!蝦仁有成3 4粒粉果係傳統粉果唔係平時喺街篤魚蛋嗰啲咁 佢係帶返少少辣味 即刻再多咗種層次!蝦餃亦都好足料又係有3 4粒 大大粒不得不提嘅係嗰水晶皮 本身諗緊蒸15min會唔會淋 口罩就話啫 仲可以消毒重用添😅🙏🏻但係個水晶皮係好煙韌 啱啱好!!唔係無口又唔係有啲到覺得似膠跟住就係叉燒包同雞包仔!!一樣足料!!嗰包整得鬆軟唔係有啲酒樓整到嗰包好濕/實咁!!60蚊試到5款點心 仲要高汁 抵!!encore率高 下次嚟過最後疫情下大家都記得幫襯黃店呀!!💛一齊擴大黃圈💪🏻💛…Read More

今日下午我們去咗沙田瀝源商場嘅「富東閣海鮮酒家」飲下午茶！我們叫咗斗門水晶蝦餃皇、鮮蝦菜苗餃、潮州怒漢蒸粉果、手打鯪魚球、鮮竹粗打牛肉球、陳村粉蒸排骨、雪山叉燒焗餐包同即燒蜜汁叉燒腸粉！斗門水晶蝦餃皇嘅蝦好爽口彈牙，餃皮好煙韌彈牙！鮮蝦菜苗餃嘅餡料好豐富！潮州怒漢蒸粉果嘅餡料好惹味！手打鯪魚球嘅鯪魚肉質好鮮味同彈牙！鮮竹粗打牛肉球嘅肉質好嫩滑多汁，牛肉味亦好濃郁！陳村粉蒸排骨嘅排骨肉質好爽滑！雪山叉燒焗餐包嘅表面都幾香脆，包質亦幾鬆軟！即燒蜜汁叉燒腸粉嘅叉燒份量都幾多，味道亦幾香甜！…Read More