Kung Fu Dim Sum

今晚同屋企人飲夜茶，揀咗呢間功夫點心，喺香港有11間分店，今晚食嘅係屯門建生分店，等咗大約10分鐘就有位，是日叫咗7樣嘢... 逐一講支竹豉蒜蒸排骨好味，唔會太鹹，肉都好淋陳皮牛肉球味道ok, 但食慣其他有馬蹄，呢個就好似無鮮蝦腐皮卷新鮮滾熱辣脆口好味豉汁煎釀茄子必食推薦個汁好正順德脆皮魚餅 又係新鮮炸起上枱，好惹味豉汁排骨飯飯就唔算大碗後呢要encall多一碗，排骨夠農場蛋牛肉飯 老豆食得好快試唔切味鮑汁鳳爪略嫌個汁唔夠味希望下次可以再整好啲啦埋單$231，3個大人1個B, 抵食…Read More

今晚放工好想食點心, 但話晒晚市, 要食點心又真係的確有D難度, 唯有去功夫點心止下點心癮先, 見咁耐無黎, 環境依然無變, 叫佐兩粒燒賣, 唉~好多好多肥豬肉呀, 一入口好似咬緊舊肥膏咁, 好失望呀, 好地地一粒燒賣, 點解要咁樣糟蹋佢,叫佐個臘味糯米飯, 得個3片臘腸加D蔥花花生咁, 臘肉碎同潤腸都無, 份量又小, 早知叫蒸飯啦, 好在仲有山竹牛肉爭下氣, 好味, 鮮蝦腐皮卷都唔差, 但油佐D囉, 如果索緊D油先拎出黎可能會好好多, 話晒呢D都係香口野嘛 要脆口D先好味, 希望下次再嚟嘅時候會有所改進啦…Read More

上個星期買左團購, 諗住星期六去食下午茶...3點幾無咩客...坐低左先發現團購要6點後先用得...不過橫掂都坐左, 就照食啦...我地叫左既有 功夫蝦餃王, 蟹子香菇燒賣王, 黃金流沙包, 酥皮香麻蘿蔔餅, 鮮蝦腐皮卷... 功夫蝦餃王: 皮太痴, 有d硬, 而且好乾...入面d蝦肉OK, 有荀...但係出面有好多間個皮都比佢好食... 蟹子香菇燒賣王: 好好好好食, 皮唔乾, 夠薄...蝦爽爽地, 肉幾彈...食到有蟹子...而且好夠味...仲要好大粒...不過真係有d貴...但係係我必食推介  黃金流沙包: 雖然個飽好有彈性, 而且流沙好香咸蛋味...但係流沙同包既比例係1:4...所以食唔到流沙流出黎既感覺...(始終都係大戶人家個流沙包最好食)可以唔叫! 酥皮香麻蘿蔔餅: 係炸過既包...面頭好脆, 好多芝麻, 個包甜甜地, 但係有麵粉味...而且好濟...應該要4個人share...蘿蔔唔夠多, 而且有苦味! 唔太需要叫... 鮮蝦腐皮卷: 好油...腐皮有豆香, 有韭黃係入面--好特別, 蝦係用原隻...如果唔係減肥既話, 就可以試下...冷氣唔夠, 一路食一路出汗...不過waiter做野都幾快手!…Read More