Praise Dining Bristro (Changed Hand)

一入到去店員態度都好好 後來睇返原來冇收+1服務費 好有禮貌呀 值得一讚👍🏻 入到去嘅時候已經係食下午茶 見到都好多人啊 🙆🏻‍♀️ 事不宜遲 講一講佢啲點心先 同平時一樣 嗌左勁多野😂😂 佢啲點心全部都熱辣辣 真係值得一提蝦餃皮薄 而蝦都好足料 點佢個辣椒油嚟食一流 燒賣 覺得佢入邊嘅冬菇好有味 好有咬口 流心奶皇包 如圖所見係唔流心㗎 好失望呀🥲 雖然個包熱辣辣 但係佢入邊嘅餡料太唔出色啦😔 呢個有待進步出錯單嘅關係本來我哋嗌牛肉腸 佢嚟咗叉燒腸 不過都冇關係 都唔錯 鮮蝦炸雲吞真係一般 可能唔係我想像中嘅嘢 所以結果會有落差 本來我以為係真係一般茶樓食到嘅炸雲吞 結果佢係將平時牛腩麵嗰啲雲吞炸成 但係食落去都好結實 但係皮就比較厚有啲失望🥺佢嘅上海小籠包 入邊唔係好多湯 所以我覺得都一般牛肉球就正常發揮 都冇乜特別好講 鮮蝦菜苗餃雖然28 但係我覺得都對得起佢嘅價錢 我覺得都好好食 但係個皮稍為厚咗少少呢個沙律蝦春卷 佢可以做到入邊凍凍地出邊熱辣辣 不過下次唔會再嗌 🤣🤣最後佢嘅鳳爪我嗌左兩次 因為好好食呀 佢嘅醬汁調味得剛剛好 鳳爪都好淋💯 睇食評好多人話佢麻麻哋 唔係好好食好中伏 我個人認為未去到講到咁差 如果屋企樓下有呢一間 可能我都會經常光顧 我覺得係一般茶樓嘅水準 佢呢個價錢 仲冇收加一 我覺得已經好好㗎啦 我覺得如果住喺嗰個屋村裏面嘅人 應該都係經常光顧…Read More

平時Weekday要番工，食個早餐都特別趕。到左快樂既Weekend，又想懶洋洋訓晏啲。「飲早茶」呢個term已經離我很遠，既然飲唔到早茶，不防來個「飲夜茶」丫~ 夜晚有得食點心，特別有feel！最重要係呢度坐得舒服，店員服務又好好，有禮貌笑咪咪，食都食得特別開心。雲南野菌餃 $20野菌炒過後特別會釋放出香味，餃皮煙煙韌韌，意想不到的連齋餃都咁好食。唔需要撈肥豬肉都可以做到「香口」既感覺~鮮蝦燒賣皇 $29燒賣好大粒，蝦肉與豬肉已混合打均，比起一粒粒蝦肉我更愛呢個做法。最緊要係呢度既點心上桌時一定係熱辣辣，超級熱既！味道好加分！白灼通菜 $35出街食飯食得多，慣左要叫碟菜平衡吓。通菜條條都咁嫩綠，切到齊齊整整，舖到靚一靚先上碟，食碟菜都咁講究，呢啲就係生活態度啦~ 哈哈~ 腐乳醬係另上既，超級濃郁，正！炸醬魚蛋撈麵 $53炸醬麵既肉絲切得幾粗口，咬口一流。魚蛋正正常常，麵質梘水味重左啲，但梘水味本身係有Fans既，有人就係鐘意呢陣味。惹味金錢肚 $55個牛腩汁好正，十分濃郁，仲要辣辣地，金錢肚炆得夠曬淋，同埋份量都幾多吓。下面墊碟果幾條菜心都索曬腩汁日月精華，記得食埋佢呀。紫米露 $22同嫲嫲飲茶，每次佢都會食紫米露。有時食野未必係食份味道，仲係食份情感~ 見到某啲野食，就會記起一些人和事。呢度既紫米露幾香椰汁味，紫米外皮少少脆、內裡軟熟，幾好食~…Read More

飲茶唔一定朝早嘅，對於我地呢啲平日趕返工，假期又唔想早起身嘅都市人，「得閒飲茶」一句已變成難以兌現嘅承諾，不過得閒唔一定要咁早嘅，夜晚一樣得香港好難食到咁高質素嘅腸粉，外皮超綿，又彈牙，勁想encore多碟鳳爪唔會太硬身，藥膳入晒味，湯水好濃郁足料帶子同蝦好滑溜，二者成功融和一體呢間做皮嘅功力真係一流，菜餃皮唔爛不突止，仲要好煙韌春卷炸得超脆，就算我地掛住傾計攤涼咗，一樣脆口，好堅呀大胃好怕薑，食落先知有薑汁，不過竟然令我覺得好好食喎燒賣更係秒速清籠，不剩一粒咁有誠意嘅港式手工點心，商場租舖，價錢竟然唔離地，款多好味道，坐得又舒適，樓面態度又唔西，好友善，真係除咗酒樓之外，呢間絕對係早晨/夜晚必選…Read More