LUNAR

今次介紹呢間台灣餐廳，我好矛盾呀，一方面佢食物好有水準，好想俾多啲人知道支持佢，另一方面又驚介紹咗之後，太多人會搞到我好難攞位🥹餐廳「玥」位於元朗嘅加點商場，餐廳座位唔算多，但係坐得好舒服，簡單就連筷子同埋免費提供嘅紙巾都做得好精美！醬香茄子 ⭐️⭐️⭐️⭐️⭐️呢個冷盤茄子係我每次嚟必點，醬香茄子嘅醬汁係比較偏甜，茄子軟硬煮得剛剛好，我諗鍾意食茄子嘅都會大讚❣️醬香牛肉面 ⭐️⭐️⭐️⭐️⭐️我第1次點嘅時候嚇一跳，因為份量好大完全唔似前菜，牛面肉唔肥但超級軟腍，中間有一層骨膠原，所以食落口有黏黏嘅感覺，實在太好味👍🏻松露百花臭豆腐 ⭐️⭐️⭐️⭐️⭐️第一次見將松露配搭臭豆腐，估唔到有令臭豆腐更加濃味嘅方法😳 台灣嘅臭豆腐同香港唔同，台灣會切到細細嚿，所以會炸得更香脆！臭豆腐嘅造法好有台灣風味，配埋加入松露嘅沙律醬，呢個組合好有驚喜😳無花果黑醋骨 ⭐️⭐️⭐️⭐️⭐️黑醋骨配搭無花果凍乾，淨係睇賣相都覺得吸引！黑醋骨嘅黑醋醬掛滿成嚿肉，調味好好唔會太酸亦唔會太甜！伴碟嘅無花果凍乾千祈唔好忽略，食到淡淡甜度嘅無花果果味👏🏻鮮蚵手工安格斯滷牛肉飯 ⭐️⭐️⭐️⭐️⭐️冇諗過滷肉飯可以棄用豬，轉用安格斯牛，成件事好特別！加埋新鮮蚵仔，唔止味道好，台灣風味更加係直線上升🤣 同台灣最大分別嘅就係，呢碗滷肉飯份量十足，蚵仔嘅份量一啲唔手軟，配埋滷牛肉，味道豐富😍芝啡頂生椰 ⭐️⭐️⭐️⭐️⭐️呢度飲品嘅款色竟然有成版紙！我左揀右揀揀咗呢款比較特別嘅芝啡頂生椰(半糖少冰)😌 飲品分為兩層，下半部份係椰水，上半部份係由咖啡打成嘅厚泡沫，咖啡味配搭椰水原來可以咁好飲，建議可以學我咁叫半糖，我覺得咁樣甜度啱啱好！紅豆宇治抺茶鮮奶 ⭐️⭐️⭐️⭐️⭐️朋友又係，揀咗好耐終於下定決心飲呢一杯紅豆宇治抺茶鮮奶 (少糖少冰)😆 宇治抹茶真材實料，濃郁得來帶有少少嘅抺茶甘苦味，紅豆又甜又大粒，朋友比滿分，仲話下次嚟再飲！…Read More

元朗開左好幾個新🆕商場，真係超級多野食，比我哋發現「加點」新開左一間食台灣菜🇹🇼既“玥”，西鐡站穿過商場沿住天橋就到，餐廳裝修企理。坐低冇耐侍應遞上“琥珀合桃”比我哋，小食非常香脆，檸茶吾等我夾🥢己經急不及待用手拎黎食，細問之下原來餐廳自家制。🌈甘梅地瓜條 $42酥脆嘅地瓜條，甜甜既梅子粉，一口接一口停吾到口。🌈皮蛋三杯雞 $98雞肉鬆軟嫰滑，外層略帶脆口，十分惹味，皮蛋都整得非常出色，完全食吾到皮蛋既腥味，非常送飯。🌈鮮蚵手工安格斯滷牛肉飯 $98嘩，勁多粒鮮蚵，一共有19隻，再用上安格斯滷牛肉，牛肉非常軟淋，送飯一流。🌈酥炸豬排蛋白炒飯 $98豬排原塊夠酥脆，蛋白炒飯仲有菜粒，岩晒吾食菜既檸茶。🌈春菜珍珠鮮奶茶(高香茉莉) $28茶底用上高香茉莉，淡淡既茉莉花味，夠清新。🌈芋泥芋圓鮮牛奶 $52甜品配有紅豆，珍珠，薏米爆爆珠，桃膠，非常足料，搭配牛奶🥛吾會太甜，好好味。📍玥📌元朗鳳翔路2-6號加點地下C028號舖…Read More

商場翻新後，多左好多選擇。呢間外面睇似日式，原來係台式。晚市散叫，每樣都好精緻，以為唔夠食，最後勁飽。擺盤靚有心思，味道好。飲品有驚喜，奶蓋冇得彈。環境優雅，係高級版台菜。🥢餐前小食--琥珀合桃好好食，勁香脆，少甜，食得出新鮮製造。店員話係自家製，有得賣，可惜今日售罄😆。🥬樹子香菇炒水蓮 $88水蓮係台灣原生菜，爽脆好食，配上酸酸樹子，好開胃。🐟蜜薑脆鱔 $108呢個擺盤好靚，上層炸物有少少蜜糖，炸得香脆。好鐘意食鱔，呢個做法甜甜地，少少脆，魚肉彈牙，啖啖肉。🏵️無花果黑醋骨 $95原來係乾無花果，黑醋骨醋味濃，配上乾身少甜無果花好特別，又可平衡到個醋酸。件數唔少，好夠食。🐮鮮蚵手工安格斯滷牛肉飯 $98滷肉飯係台式必點，但我怕肥肉多，不過呢個係安格斯牛，唔使擔心😆。肉炆得好淋，入口即化。配上大大隻鮮蚵，平衡番個肉感。🍹芝啡頂生椰 $36椰青水做底，好清爽；頂層芝啡奶蓋好夠味，奶脂夠，飲到底奶蓋仲係度。🍹夏香芝士奶蓋醇茶(竹香鐵觀音) $36奶蓋真係無得頂，茶清香，好解膩。…Read More