TASTE OF SHANGHAI

星期六晚同班Friend撐枱腳，專登去咗太子呢間「滬小館」！嘩，未到七點已經排長龍，我哋五個人等足半個鐘先有得入，為咗食，等！冷盤醒胃打頭陣◂糖醋排骨 - 未食香先到！排骨唔係得個骨，係啖啖肉，個汁酸甜度啱啱好，邪惡到震，忍唔住連夾幾舊！◂四喜烤麩 - 凍食涼浸浸，個烤麩索晒ｄ醬汁味，仲有冬菇吊味，送啤酒真係冇得頂！◂雞絲粉皮 - 麻醬多到滿瀉，撈勻晒ｄ滑捋捋粉皮同雞絲，食落好舒服，個開局唔錯！熱葷鑊氣小宇宙◂京酱肉絲配餅 - 哇，呢個真係必叫！ｄ肉絲炒得好香，個京醬濃得嚟唔會死咸，用塊薄餅包住，大口咬落去，好滿足呀！全枱一致讚好！◂京蔥爆牛肉 - 牛肉係幾嫩滑嘅，不過我覺得ｄ蔥多到有ｲ的誇張，當係食蔥送飯啦，哈哈！點心湯品埋尾◂鲜肉小笼包 - 皮薄餡靚有湯汁，夾起上嚟唔穿底，點少少醋食，係嗰種傳統嘅好味。◂酸辣湯 - 料多到瀉，飲落去個喉嚨暖笠笠，酸酸辣辣好開胃，飲完成個鼻哥窿都通晒！…Read More

睇完可愛既兔仔，倉鼠，要揾野食。見到間上海野幾多人食，就入去試下啲小食。- 雞絲粉皮冷盤叫咗雞絲粉皮，不過雞絲，青瓜比較少，整體都可以。- 四川擔擔麵 擔擔麵係上海餐廳必食既，但係間間既湯底都唔同，真係要試下先知好唔好。花生同麻醬好香，微辣，但係湯底比較水，可以再濃啲。- 雲呑雞湯一個細盅，一人份量，足料，湯同雲呑都好食，性價比高。- 鮮肉小籠包皮薄多湯汁，要小心啲食。- 上海生煎包可以叫2隻，人少都可以試下。包子鐵鍋上，底部煎得香脆，入面肉多汁多。…Read More

周四晚既九點鐘竟然係旺中附近可以有位泊🤩 搵咗滬小館，個位啱啱好對住泊車😂食飯高峰時間已過，唔駛排；其實已經target 好食小籠包，其餘再叫個麵同小菜😊 舖頭空間還算寬闊，無旺角度焗束，裝修都有花啲心思，唔係茶記格局👍係點菜紙上明明揀咗「自選三小拼」，醉雞，青瓜海蜇同鎮江肴肉；點知一黎係分開左三份完整既前菜🤨 原來係要求你係三小拼個度再剔一剔😞 但大佬，明明你下面各自有小菜既位置剔，我剔得上面點會係分別要三個小菜🤔 後來發現有其他食客一同中伏，而落單時店員亦都無提到，其實係咪有心欺騙🙄三個小菜質地尚可👌 要嫌個青瓜拍得唔夠散，都幾大舊下，肴肉就肥膏多，肉少😶去到期待既小籠包，原味四隻上枱有煙🌫️ 咬落去，意外發生⚠️ 太大口咬落去，必晒啲汁落恤衫同西褲😫 小籠包質地尚可，湯汁夠，餡唔太多豬扒擔擔麵都幾搞笑，碗麵超大🍜 ，豬扒🐖好細塊🤣 豬扒炸到有點乾，湯麵本身帶辣🌶 呢點要留意兩個人埋單178，其實還好，撇除三小拼個因素，係旺角黎講算中上。始終旺角有質月素既店難搵，希望店家可以主動處理問題，免得食客再度中伏🙄…Read More

現在食上海菜，通常惠顧集團式的食肆！今天行街經過此小館，地方不大，但食物選擇也不少，所以決定試試！雞絲粉皮：份量及花生醬不多，有少少失色！鮮肉小籠包：皮薄多汁雲呑雞湯：細細盅有兩粒雲吞、3件雞，而湯也鮮甜上海粗炒：細細碟，麵條比其他食店幼，味道不夠濃上海綠豆糕：外觀已經不錯再加上口感及味道ok …Read More

旺角呢條街 都算食到熟哂 見到有間新野上海菜 終於唔係米線鋪 先講食物，ok la, 不過服務就麻麻地😐😐，啲職員入埋人地個台啲野食落我張單，我叫佢check下，佢又好似一舊飯甘，其實佢對下張order紙就得啦，唔緊要，當你地新開，未熟最激氣係😡😡😡仲有我地食完野起身走，行到門口朋友話聽到個職員叫出黎 話小心我地食完野走 唔比錢 ，我嬲到係門口叫返入去，有冇搞錯甘講野？！咩態度 鮮肉小籠包 $28/4隻，皮唔厚又多湯汁 不錯特色水煮魚 $55 ，份量細細又可以食其他野 ， 味道都ok, 個底有啲寬粉， 魚肉就預左係普通野擔擔麵～花生味好足👍🏻紅燒牛肉麵...得肉碎甘...勁多肥肉...👎🏼👎🏼整體黎講 野食可以一試 不過我又唔想再去！…Read More

星期六晚十點半，經過旺角，太子...想搵間靚少少又坐得舒服d餐廳食野。選擇唔算太多，終於搵到呢間滬小館，幸好我地成為最後可以享用嘅顧客。入到去望望餐紙，比起一般上海菜館便宜，相對某部份份量會比較少。而種類亦非常多。兩個人叫左5樣野，先係冷盤有招牌醉雞。味道一般，雞得表面有酒味，入面沒有。應該接近收鋪，呢d都係整左無耐，所以唔太入味再黎雞絲粉皮，醬汁好多，雞絲同青瓜份量都ok多。呢味入口好多種層次，一絲絲的肉、爽口的青瓜、煙韌的粉皮配合麻醬。層次豐富！$28黎講性價比好高！三絲春卷超級熱辣辣，要放一陣先可以入口！外脆加入面餡，好有舊時細個茶樓食嘅感覺，幾好食！再黎上海野必食的小籠包！$28有四粒，正常size,皮薄，一咬...入面d湯汁爆曬出黎。好香嘅湯汁配合薄皮加一舊鮮豬肉，好正！咁嘅價錢真係好抵食！重點推介！四川擔擔麵，之前食過好多間。好易中伏，但呢碗有好香花生味之餘有陣陣辣香，再食埋硬度適中的擔擔麵，可以話係呢餐完美的句號！最後賣單，兩個人5個餸，只係$156好抵食！好味又平又食得飽！推薦大家！…Read More