Xia Mian Guan (Plaza Hollywood)

餐廳環境比較細同逼。🤔濃湯津白 津白煮到比較軟身，個濃湯汁好杰，打左好厚實芡嘅口感。有少少金華火腿鋪係面。味道正常，個汁覺得唔使咁杰。👌🏼鮮肉小籠包  👌🏼蟹粉小籠包  小籠包皮偏厚。蟹粉小籠包嘅蟹粉汁都足夠，味道符合預期。👌🏼砂鍋雲吞雞 湯味道偏淡，好家常嘅味道，味道唔算濃郁，好處係唔會飲到味精味。材料方面d 雞件斬得唔靚，好多一嚿嚿嘅雞胸肉，口感頗嚡。雲吞味道正常。…Read More

未試過夏麵館， 星期日即興去食下。位於鑽石山龍蟠街3號荷里活廣場1樓173A號舖。 大約8點45分到，唔使等位。 餐牌上的菜式不算多， 我們點了三鮮炒年糕$68、 老上海炒麵$70、 鮮肉鍋貼$36、 鮮肉小籠包$38、 牛肉生煎包$30、 凍豆漿$15、凍酸梅湯$15。 ▫️鮮肉鍋貼🥟 ～ 鍋貼一貼有三隻，味道正常。 ▫️鮮肉小籠包🥠 ～ 小籠包的皮太厚。 ▫️牛肉生煎包🫓 ～ 原先我是點原味生煎包， 但來了牛肉生煎包， 跟店員說的時候她的態度有點惡劣， 我都不想與她計較了。 講返牛肉生煎包的味道， 牛肉餡死死實實， 不太好吃。 ▫️三鮮炒年糕🧈 ～ 味道清清地， 年糕煙煙韌韌。 ▫️老上海炒麵🍝 ～ 蔬菜菇菌份量正常， 但炒得不夠鑊氣，偏油。 ▫️凍豆漿🥤 ～ 凍豆漿都幾大杯，味道正常。 ▫️凍酸梅湯🥤 ～ 點了兩杯酸梅湯， 一杯有很多冰，一杯沒有冰，很趣怪。 整體味道普通， 勝在不用排隊。…Read More

前兩日（2/6/2021）來這店食下午茶，款式較茶餐廳多，價錢都合理。店內寬敞，枱與枱相距遠，佈置亦有心思。點了二個下午茶餐排骨擔擔麵，排骨剛炸起，好香口，擔擔麵有濃濃花生醬味，唔係好食得辣，要了少辣，都可以食到。回鍋肉粗炒，粗麵較少，太多餸，味道可口，下次可再食。另加了鮮肉小籠包及鮮肉鍋貼，都唔錯。…Read More

四月中的星期日下午，我本來是想留在西貢墟裡面，光顧位於西貢墟裡面新開張的貓主題餐廳。可惜那間貓主題餐廳在星期日整天都沒有開門營業，所以我在等候期間，唯有坐車到附近食飯打發時間。結果我在西貢巴士總站，等候到有準備開往鑽石山「荷里活廣場」的巴士。於是我立刻坐上那部開往鑽石山「荷里活廣場」的巴士，在「荷里活廣場」裡面找食店。結果我選擇了光顧，位於「荷里活廣場」一樓的中式粉麵餐廳「夏麵館」，因為「夏麵館」竟然在星期日公眾假期裡面，都有提供粉麵下午茶茶餐給食客享用。在我印象中的中式粉麵餐廳，或者是港式茶餐廳裡面，大部分餐廳在星期日和公眾假期，都不會向光顧的食客，提供價錢相對便宜的下午茶茶餐。難得「夏麵館」是我見過少有在星期日公眾假期裡面，都有提供優惠價下午茶茶餐給食客享用的餐廳，所以我選擇在「夏麵館」先食個「牛腩麵」為自己塾底，之後返回西貢那餐廳有沒有開門，對我影響也沒有那麼嚴重。我發現原來「夏麵館」的下午茶茶餐食品的價錢也不算很便宜，最便宜的麵只是沒有肉食餸菜的「青菜煨麵」，又或者近乎沒有肉食的「蔥油開洋（蝦油）燴麵」而已。反而想在「夏麵館」下午茶時間享用一碗「香辣牛腩麵」，未計算加一服務費在內已經需要收食客港幣五十二元，偏向昂貴的價錢。跟著我再選擇多一客「鮮肉小籠包」，加上飲品「豆漿」後，總價錢已經變成了港幣九十元。結果我選擇了一碗，下午茶未計加一服務費之前，售價已經賣港幣五十二元一碗的「香辣牛腩麵」，加上「鮮肉小籠包」和飲品「豆漿」，當作提前食晚餐的「夏麵館」「下午茶茶餐」食品。至於「夏麵館」下午茶茶餐裡面的飲品，飲品價錢整體上都是偏向比較便宜，除了選擇飲汽水需要另外加港幣兩元之外，選擇其餘「下午茶茶餐」的飲品都不需要再加錢。於是我選擇了，享用一杯冰凍的甜味「凍豆漿」飲品，作為我在鑽石山「夏麵館」享用下午茶茶餐，當作提前食「晚餐」版本的晚餐粉麵食品。另一方面，我發現「夏麵館」還有為食客附上一壺中茶跟茶壺，讓食客可以當作隨入座而附上的飲料享用。不過這壺茶其實不像一般茶餐廳的免費茶，「夏麵館」已經預先收了食客每位港幣四元作為「茶位費」。所以食客即使已經因為選擇下午茶茶餐，而有了免費又冰凍的茶餐飲品，但是也可以在剛享用下午茶之前，先喝一口餐廳提供的免費熱茶，當作暖一暖肚子也無妨。先講一下「夏麵館」下午茶茶餐裡面的優惠價食品「鮮肉小籠包」，「鮮肉小籠包」除了以中式蒸籠盛載起來之外，也一如所料地有調味醋和薑絲可以用來調味。「夏麵館」的下午茶茶餐版本「鮮肉小籠包」在被送到上檯的時候，溫度仍然算是溫暖，蒸籠仍然是辣手的，仍然能期望「鮮肉小籠包」裡面仍然有甜味的湯汁和濕潤的口感。不過食客還是不要對「夏麵館」下午茶茶餐的「鮮肉小籠包」湯汁期望過高了，畢竟「鮮肉小籠包」始終不是「湯包」，不會只咬一口「鮮肉小籠包」，就會有源源不絕的灸熱湯汁噴出來。不過「夏麵館」廚房製作的豬肉餡料「鮮肉小籠包」，豬肉餡料裡面的味道勉強還算是甜的，頗能夠配合調味醋裡面的酸味，跟薑絲裡面的辣味。至於「夏麵館」下午茶茶餐裡面的真正主角，「香辣牛腩麵」出乎我意料地，不是使用一般湯碗盛載牛腩跟湯麵，而是選擇了使用像陶具煮鍋的餐具，直接盛載牛腩跟湯麵出來。幸好「夏麵館」下午茶茶餐「香辣牛腩麵」使用的疑似陶具煮鍋，煮鍋在上檯的時候，溫度已經正在冷卻，我最初不敢直接觸碰煮鍋，需要用大型湯勺直接試飲湯汁。「香辣牛腩麵」裡面的湯汁實際味道，味道還是一如我所料地屬於很辣，辣到我無辦法喝完整鍋湯底，只能夠小小試飲兩啖辣味湯底就算了。「香辣牛腩麵」雖然只屬於「夏麵館」下午茶茶餐裡面的食品，但是「香辣牛腩麵」裡面的「牛腩」也不是只有小小的碎腩而已，還附送「牛腩」的必然拍檔「牛筋」。「夏麵館」「香辣牛腩麵」裡面的牛腩跟牛筋實際口感，都已經因為被煮到完全變腍了。無論「夏麵館」的牛腩牛筋有否在煮時已經加進瓦鍋裡面，牛腩牛筋的口感已經被煮到很腍，而且已經吸收湯底裡面的辣味。就連「香辣牛腩麵」裡面的麵條也不例外，「香辣牛腩麵」裡面的麵條質地偏向比較幼身，但是麵條幼身的同時，卻頗能夠吸收辣味湯汁，還能夠食到陣陣的辣味。「夏麵館」下午茶「香辣牛腩麵」裡面的辣味，跟小食「鮮肉小籠包」裡面的豬肉鮮甜味，還有調味醋裡面的酸味，整體味道感覺也是偏向比較濃厚，完全符合上海菜「濃油赤醬」的要求。至於「夏麵館」收每位港幣四元，連茶壺一同附上的濃味綠茶，跟套餐甜味「豆漿」飲品，則屬於可以化解中和「香辣牛腩麵」偏濃辣味味道，跟「小籠包」調味醋酸味的飲品。「夏麵館」下午茶茶餐本身有收加一服務費，所以一鍋「香辣牛腩麵」加上一籠「鮮肉小籠包」，再加上套餐飲品「豆漿」，和另收茶位錢的中茶，總共收費港幣九十元，不算便宜的價錢，但是值得下次再試。…Read More

七十三回很久沒有見寶寶，掛念死我，沒法子，完全沒有意欲拍拖看戲吃飯。解禁期間，可以去夏麵館吃，絕對是可以一戰的上海店。餐廳設計以二人座位計，不是坐得十分舒適，但也可以接受。餐牌方面多得令人看到眼花繚亂，加上價錢實惠，每道菜也想淺嚐。食物方面1）夏味鱔糊麵；2）鮮肉小籠包；3）上海醬鴨；4）香煎南瓜餅。先來了上海醬鴨和夏味鱔糊麵。夏味鱔糊麵，餐廳特意把擔擔麵和鱔分開處理，十分貼心，既不失擔擔麵的鮮味，也不怕失去鱔的鮮名。那個鱔，看似其貌不揚，但也很好，配合鱔，沒有搶了鱔的原有味道。那個上海醬鴨，比起南小館，可以說好了10倍、價錢差不多，不過啖啖肉，而且那個濃味醬令人食指大動。鮮肉小籠包，皮薄餡靚，一吃下去，湯立刻咇出來，十分出色！可惜只是一籠，抱著遺憾離開。最後來了南瓜餅，十分煙軔。我家寶寶刻怒吃兩塊。你說好唔好？…Read More

要搵食，鑽石山真係有各式各樣嘅選擇! 越南、泰國、日本、台灣嘢，應有盡有，今次我哋揀咗上海菜! 每次必食嘅前菜~鎮江水晶肉! 最鍾意啫喱狀嘅部分，口感層次分明，入口肥而不膩，加埋少少醋就更好味，不過今次有d啫喱部分與肉分離，感覺就差咗少少!食上海嘢當然要食小籠包，好味嘅，不過湯汁如果多d會更好!蒜泥白肉~肉本身已經無乜味，今次覺得連個醬汁都唔夠味，所以麻麻地!上海粗炒係另一款必叫嘅，因為兩個女最愛食，有菜有菇有肉，雖然唔係話特別好食，但不過不失啦！年糕其實唔錯，不過略嫌淡口咗d，年糕彈牙好咬口，有菜有雞肉有火腿，都算足料!最欣賞就係呢碟四季豆，d肉非常入味，四季豆煮得啱啱好，唔會太林又唔會太硬，掂! …Read More

上海菜的狂熱粉絲又出洞啦連續比幾間所謂傳統既上海菜小店伏左既我，今次揀左間連鎖店。因為中左幾次伏，對香港仲有冇整得好食既上海菜心存質疑，所以都冇抱任何期望。點知，今次反而有驚喜喎12點左右啦，都幾多客，揀左兩個午市套餐等食啦。一個套餐係炸醬牛肉拌麵配涼拌粉皮加熱豆漿炸醬牛肉拌麵單睇賣相，見到面頭有唔少肉碎，麵既份量都幾多(係真係好多!）麵質落order果陣叫左煙韌，但因為佢麵條算係幼細，未做到好彈牙果種，但唔會煮得太耐過淋、似食緊麵糊，麵質黎講質素平平，不過接受范圍內。配料有大量肉碎同薯仔粒不得不提，薯仔切到好細粒、四方型，但食落係煮得啱啱好，就算勁算粒都食得出係薯仔既質感同味道值得一讚肉碎冇食過就唔知啦見到個底都有一層汁定唔知油既野，撈完食會惹味啲，同行朋友話食完係唔會覺得漏既。我試左一啖，唔會太重口味，都ok既。涼拌粉皮，粉皮仍然有少少凍，質感都彈牙既，但未係食過最爽口果種。因為都食過啲好漿既粉皮，所以哩個質素算中或中上；青瓜絲就普通野，無特別，解下漏咁；麻醬杰身，食得出甘味，唔錯。好彩落左唔多麻醬，如果唔係就會重口味好多:)整體表現唔差，但無驚喜，正常發揮。豆漿，㨂左熱既。飲落少少杰，唔太甜、有豆味，唔差另一個套餐叫左排骨擔擔麵配小籠包，飲品都係熱豆漿排骨擔擔麵有驚喜喎正確黎講，應該係話擔擔麵有驚喜擔擔麵份量依然好多，自問大食既我食完都覺得好飽><麵質都係叫左煙韌既，可以再做好啲。不過，麵底浸係湯入面都有一小段時間(for影相)本身驚佢會糊左，點知又冇喎，收貨既！麵條掛湯力唔錯，撈勻左啲配料之後，湯汁同配料都可以依附係麵條上面，食落更加好食湯底方面，雖然碗麵放落黎聞唔到來自湯底既花生醬香氣，但係佢好有內涵湯底中等稠身，可以更好咁附係麵條上面，令麵條更易入口。湯底唔會過油，浮住油果啲好可怕味道方面，放入口首先感受到湯底既花生醬味，隨之而黎既係辣，辣勁過一陣先係喉嚨攻上黎。可以放心，辣味唔會過辣，唔食得辣既我都接受到。因為擔擔麵既辣勁，令人忍唔住一啖接一啖咁食正呀配料方面，有蔥花、肉碎、花生碎、白芝麻不過，對我黎講，湯底先係最重要，佢足以令成個擔擔麵起死回生！哩個係本人食過數一數二既擔擔麵會想放慢速度去食、仔細品嚐，最尾果幾啖仲有啲唔捨得添整體黎講，湯底味道有層次，做得稠身、麵條掛湯力強，好食過老字號詠x園kikuxxxx既千層豬扒擔擔麵都好唔錯，但辣勁既惹味令夏麵館略勝一籌至於排骨，份量正常，冇咩肥膏，而且炸粉唔厚，炸得都唔算太油，肉質保持鮮嫩易咬，但見到排骨係粉紅色既，我估佢yip左都幾耐，因為食落排骨冇任何肉味可言，只係有一股死鹹，排骨處理手法唔差(師傳功力有返咁上下)，可惜味道強差人意、不值一試下次我會淨係叫上海擔擔麵，排骨就不了～上海菜館除左擔擔麵，小籠包又係一必試菜式。小籠包好大個、挺身，有啲似蒸肉包事實上，食落肉餡係超多，有成粒肉丸咁大，但肉味就唔係好出皮唔算薄，又唔會厚，成粒放入口會因為肉餡太多而忽略左個皮湯汁亦唔多，可以話係好少，不過湯汁唔油既(可能太少啦)，更無味道可言雖然係啱啱蒸好，但食落一啲都唔熱喎小籠包真係麻麻，可能會滿足食肉獸大口食肉既慾望，但味道只屬下品午市套餐真係好抵食，份量好大，食完會好飽！野食方面味道屬中或中上，首推擔擔麵擔擔麵既驚喜會令我想encore(可能之前比幾間小館傷左心，要求準則冇咁高？)不過真係可以一試既～唔會食到嬲囉…Read More

這裡晚上非常多人，即使下班後即到來亦要等位，等了三十分鐘才能入座。實在太多人了，內裡非常擠迫和嘈雜。先是一籠小籠包 — 內裡超多汁！湯汁非常熱，差點辣嘴了。皮的厚度和肉餡的份量都適中，完全吸收了湯汁～這裡的麵食超大碗！擔擔麵的麵條比一般的粗，湯底的辣味足，富花生味，但肉碎都沉到底下了。黃魚麵是不錯的 — 黃魚多，也不會全部都散成小塊的，湯水多，完全掩蓋了麵，清清的但亦吸收了黃魚味，把整碗湯喝已非常飽肚~鱔絲也挺多的，加入荀絲，一爽一淋。醬油很多，但味道就有點鹹。菜比較清淡，可以用以沖淡剛吃過的眾多小菜。丸子只有輕微的酒味，丸子未熟透，雖然見到有不少桂花碎，但桂花味亦不夠突出。整體覺得這裡的食物味道平平，沒有什麼太突出的，而且更要等半小時才有位，不太值得。…Read More

可能 6:30 pm 未到晚餐黃金時段, 不用等位就可以直入  坐下無耐就見到外面有人要等位了。下次再食一定番點既涼拌茄子 平時好小點食既擔擔麵，因為見係推介既～所以點食，沒有後悔 皮薄，內裡多汁。 …Read More

周末與朋友到荷里活廣場「醫肚」，友人建議到夏麵館，反正未拜訪過，一試無妨吧！雖然適逢假期，但只消等10分鐘便有位了我們每人點了一兩道菜，上菜速度也算快！先來了涼拌茄子，茄子軟硬度適中，微辣的醬汁相當惹味，實在是夏天恩物！觀「夏麵館」之名，對其麵之質素固然特別期待。首先，水餃擔擔麵的麵質優良，口感煙韌，惟肉質未見鮮甜，僅屬一般之作。麻醬撈麵是最「好玩」的一道菜，因為麻醬把麵條糊在一起，要夾起確實相當費勁，而味道上未夠惹味，亦過於油膩，個人而言不大喜歡。吉列豬扒擔擔麵整體感覺還不俗，可惜豬扒的肉汁欠奉，但份量極之大，填肚一流。來到上海食店，吃小籠包是常識吧　這道鮮肉小籠包外表包滿，外皮不大厚，輕輕一咬便濺出湯汁，餡肉尚算新鮮，值得一嚐！紫菜湯非常鹹，置於一旁罷……千絲卷熱度剛好，口感柔軟，沾點煉奶香味吸引。由於點餐紙沒有「南瓜餅」的照片，但這南瓜餅的外形﹑做法跟我們想像的相差太遠了……不論外形還是味道，在我認知中應介定為「年糕」吧:(店內侍應服務良好，不斷為我們加水:)　在香港吃上海菜的價錢一般不便宜，所以「夏麵館」在偏低的價位而言，也值得光顧的！…Read More

因為住附近，所以都食過好多次。之前係叫人落單，但今次去就有紙自己劃野食。次次黎都一定叫最愛O既黃魚煨麵。以前叫親都係嫩雞煨麵，但自從食過一次黃魚煨麵之後就移情別戀啦!!不過今次個麵就咸O左少少，多O左D胡椒味，冇之前食咁清甜~我同老公兩個人食，仲叫O左個小籠包，排骨擔擔麵同酒饟丸子。小籠包皮厚O左少少，肉汁唔夠多，但味道都可以。排骨炸得好靚，又唔會好多油，唔錯! 酒饟丸子第一次食，都幾清香，唔算太貴，一個$24~…Read More

很久沒有和朋友相聚，所以難得約到友人，便選了一個地點方便大家放工去相聚，最後便選了這間食晚飯。很意外地沒想過今晚所點的菜式味道不差，讓整晚也食得開心，談得歡心。一來到便有位，然後便點好小菜，好快便有菜來了。雞絲粉皮HKD38，好好味。糖醋小排HKD38，其實是細份量的，不要以為好多，我覺得都好味。涼拌海蜇HKD48，貴了些，但好味喎。排骨擔擔麵HKD48，排骨是分開上的，炸得好入味，不錯。擔擔麵是不辣的，如果辣多一點點我覺得好味好多。菜心獅子球HKD65，是好普通的一個菜:(，我不知要多少功夫，但這個價是好貴，因為只係好普通。鮮肉小籠包HKD24，都係好一般的:(。內裏的汁不算好鮮甜肉味，看到只是肉沒有什麼其他材料，一粒又不是大，剛好一口一隻。炸銀絲卷HKD18，內裏的一層層不多，但外皮都脆，又沒有太油膩的感覺，幾好。飯後我們還坐了很久也談了很久，這裏環境可以讓我好好享受和爱詳談盡歡，食物味道又滿足，是一個不錯的選擇，只是價錢有點偏貴一點。…Read More