The Dining Room (D‧PARK)

👭🏻孖妹今日收工經過覓到南小館做緊期間限定2人套餐，$288可以食到酸菜魚🐟小籠包、蜜桃咕嚕肉，比單點平$28，叫多幾款餸一家人齊食🥢招牌老壇酸菜魚🥘✨呢款菜式單叫點要$188，size 就要有番咁上下大份✨魚片份量好多，👭🏻孖妹兩個人至少每人食左10幾塊，肉質幾嫩滑唔腥，連埋魚皮食吸收埋膠原蛋白😂✨餐廳加入紅薯粉墊底，同米線鋪食既唔同，佢偏扁同薄身，👭🏻孖妹從未食過，佢冇一般紅薯粉咀有咬口，但比粉絲硬身✨仲有酸菜辣椒🌶️白芝麻點綴，酸味適中帶麻，幾過癮😇，賣相又吸睛😍睇下我地既封面就知🤭👭🏻孖妹評分：🌕🌕🌕🌕🌖🥢鮮肉小籠包✨一共有5️⃣粒，皮唔算做得好薄，但勝在多肉汁，點埋醋食解油膩感👩🏻‍💼大孖話一粒小籠包有成100幾卡路里🔝但咁好食既食身用D quota 都抵🉐👭🏻孖妹評分：🌕🌕🌕🌕🌗🥢蜜桃咕嚕肉✨👭🏻孖妹一行4人，每人平均兩舊，總共8️⃣塊，4個人食就覺得少😂✨ 咕嚕肉有多地方餐廳都有做，雖然呢間餐廳係上海菜，但咕嚕肉做得幾唔錯✅炸粉夠薄，放低一陣食都冇腍到😝，面且肥瘦肉比例perfect，👷🏻‍♀️細孖本身唔好咕嚕肉，但配埋酸甜汁同蜜桃🍑食好開胃，可以Encore😎👭🏻孖妹評分：🌕🌕🌕🌕🌕🥢招牌生煎包 💰58✨一碟4️⃣個，麵包比較厚身唔夠皮薄，好唔好就因人而異，👷🏻‍♀️細孖好鍾意食包，所以幾🆗✨包底煎得唔夠耐，皮底唔夠脆✨肉餡就肥豬肉比較多，相對比較油🥹👭🏻孖妹評分：🌕🌕🌕🌗🌑🥢金網生煎三鮮銅貼 💰50✨一共4️⃣隻，平均$11-$12隻✨廚師👩🏻‍🍳落左米漿，煎成網面底✨鍋貼反而煎得幾脆口，內有一隻鮮蝦配埋juicy肉餡，咬落爆汁yummy😋👭🏻孖妹評分：🌕🌕🌕🌕🌑🥢上海粗炒 💰78✨味道一般般，廚師👩🏻‍🍳加入豉油蠔油將粗麵上色，餸菜略少，只有椰菜絲+肉絲，一試就夠👭🏻孖妹評分：🌕🌕🌕🌑🌑🔸🔹🔸🔹🔸🔹🔸🔹🔸🔹🔸🔹🔸🔹🔸🔹✍🏻總評：👭🏻推薦指數：⭐️⭐️⭐️⭐️👭🏻回頭指數：🌸🌸🌸🌸👭🏻環境評分：🌈🌈🌈🌈👭🏻服務評分：🍀🍀🍀🍀🔸🔹🔸🔹🔸🔹🔸🔹🔸🔹🔸🔹🔸🔹🔸🔹💰人均消費：$100 - $200…Read More

同先生行完Ikea諗住食Outback，見到門口人頭湧湧，直接放棄，行咗一輪揀咗唔洗點等嘅南小館。餐廳食物選擇唔少，特別係甜品，選擇零舍多，整體價錢亦算合理。一入座侍應為我哋送上前菜，花生脆卜卜幾香口，但旁邊嘅菜脯味道麻麻。清燉牛𦟌湯入口好重味精味，感覺唔似係清燉。還好牛𦟌口感非常軟腍，而且有四、五塊，當佢係一味餸嘅話感覺上會好啲，湯頭就真係麻麻哋。鮮肉小籠包算係成餐最正路嘅一道，一籠五個，價錢亦合理。小籠包摺數雖然唔係好多，而且外皮偏厚，但肉汁尚算豐富，味道亦鮮甜。老重慶擔擔麵湯底味道一般，份量唔多，青蔥同肉碎亦好少，雖然價錢唔貴，但性價比亦唔高。還好麵質軟硬適中，爽口彈牙，挽回少少分數。咕嚕肉係最令我哋失望嘅一道，粉漿好厚，入口偏硬，肉質比較乾，醬汁味道亦偏酸，伴碟嘅蕃茄仔更加係「玩味」十足⋯⋯食完主菜已經好失望，本來仲想試下佢嘅甜品，為免再中伏都係放棄。第一次食南小館，以佢嘅價錢定位起碼都以為係食巧手上海小菜同服務唔錯，但食物質素強差人意不特止，收加一服務費之餘仲要收茶水費每位6蚊，而且唔係一枱一壺茶，而係普通茶記咁一人一杯好淡嘅茶水，另外優質服務亦係欠奉，點菜舉手等咗好耐都冇人理，令人失望⋯⋯…Read More

近年荃灣區有一些我常幫襯的上海菜館都結業了，在開飯喇搜尋這區還有什麼上海菜館，選了這間位於愉景新城的南小館。由荃灣地鐵站行去都幾遠，不過有天橋直達就不怕風吹雨打。坐低睇住一大張點菜紙，有好多嘢想食。菜式選擇多，點完餸就食住前菜先。有花生和菜莆，味道唔錯，好快就俾我哋食左一半。為了滿足食小籠包心願，叫左兩款小籠包大吃一餐。鮮肉小籠包，上檯時熱辣辣，一籠有5隻，肉汁豐滿充塞在包內，吃時不可心急，否則會淥親條脷。雖然包皮不是很薄，但厚度適中，好吃。帶子鮮肉小籠包，小籠包皮是翠綠色的，有小帶子混和在鮮肉內，味道鮮甜，同鮮肉小籠包一樣，肉汁豐富好吃。南小館四小拼，在七款小吃內選四款。我哋選了四喜烤麩、糖醋排骨、羅漢素鵝、花雕白雞。四款食材分別放在四格位的碟內，小巧精緻。四喜烤麩，軟軟綿綿。糖醋排骨，酸甜好吃。花雕白雞，酒香雞肉滑。羅漢素鵝，腐皮有豆香。京蔥肉絲配薄餅，這個放上檯時我以為是上海粗炒，肉絲較粗，肉絲下舖滿了京蔥絲，炒肉絲的醬汁帶甜味，用薄餅皮包住吃另有風味。肉絲份量很多，薄餅皮只有四片不夠吃，多加兩片就差不多。上海粗炒，粗身麵條掛滿醬汁，另外有肉絲，冬菇絲，椰菜絲，醬汁不鹹，口感可以。老上海酸辣湯麵，湯底酸辣味濃，但麵上放的幾隻白蝦仁卻沒有什麼味道，麵身幼長彈牙，這個湯麵也要快點吃，否則麵會變得越來越糊就不好吃了。紅燒乳鴿做特價，29元一隻，叫了一隻試下。乳鴿體積都不少，肉多又嫩滑，一口咬下去，即時漏油，燒得夠火喉，色澤鮮明。今餐叫左好多嘢食，吃得飽飽，上海粗炒食唔曬要打包帶回家。…Read More

去到愉景新城想買外賣，係foodpanda見到南小館折扣多，佢有我最愛嘅小黃魚，買埋食親上海菜都必叫嘅小籠包及生煎包鮮肉小籠包5件 $29.40（原價$45）皮薄餡靚，有湯汁，正招牌生煎包4件 $29.50（原價$45）擺咗入雪櫃幾日，唔記得食，用微波爐翻熱，味道唔錯又幾好味喎風沙小黃魚2條 $50.40（原價$72）小黃魚炸到脆卜卜，鹹香味夠，食到唔停得口我個胃已經比南小館征服咗，我依家成日都諗住呢三道菜，好想去堂食，慢慢品嘗新鮮出爐的小黃魚及其他美食…Read More

南小館在香港分店都算唔少，但有時每間分店嘅水準都好壞參半，大致良好，但服務就幾個别，而哩間荃灣店總覽都是平均。人流也多，座位剛好，食物種類繁多都算到位。今次試左主要是餐廳推介，包括鮮肉小籠湯包，招牌生煎包，重慶特色嘅擔擔麵，回鍋肉還有薺菜肉絲炒年糕。小籠包同生煎包一定要試，包皮非常適中，熱湯喺包內面料多湯濃！擔擔麵就正中四川重慶風味，十分麻辣又冇花生醬味道，如果唔鍾意太辣嘅就唔會喜歡。炸銀絲卷配回鍋肉就已經一絕，銀絲卷外脆內暖，而回鍋肉醬料適合椰菜新鮮爽口！…Read More

老媽子有滿$150減$50 coupon，好就試試佢一打開個menu，奇怪啦，個menu上有好多傳統嘅上海野食都無，有嘅反而係好多時尚fusion 但根本唔係上海菜嘅疑似上海野..... 已經覺得大打折扣。第一味 四小拼：烤麩 + 口水雞 + 花雕雞 + 糖醋骨烤麩重點係醬油香，但呢個烤麩，唔好意思，係無嘅！只有覺得係求其撈左一堆糖同小小豉油，甜，只有甜味。口水雞第一眼望到個醬嘅顏色已經知有啲唔同啦.... 第一下入口，味道好矛盾，真係唔同呢！呢種味，同我喺四川店買到嘅麻辣辣椒油完全一樣，重點，好似加左d 是拉差辣椒醬，呢個係fusion 定係咩食法？我一路同自己講，新派餐廳，要接受，要接受，要接受！順帶一提，雞有啲“梅”，有啲羶味，有啲雪味。花雕雞一樣地，雞唔入味，酒底好咸，用左類似玫瑰酒嘅味道，總之唔係傳統嘅花雕酒，有啲羶味，有啲雪味，但偏偏無乜酒味.....:(繼續講...... 新派餐廳，要接受，要接受，要接受鎮江骨味道還可以，但都係一樣，醋味未夠入，未夠濃，肉質好“鞋”。頭盤後，已經知道，好多求其製作，求其撈一堆野，其實呢啲菜係要用時間去蚊同醃架......第二味：乳鴿半價$29，任叫，只係唔可以帶走，賣相好好，但唔敢期望，第一口咬落，簡直要搵搵容祖兒唱唱“大概也夠我 送我來回地獄又折返人間”，得喎！ 肉鮮嫩多汁，調味好好，咩都唔需要落，就咁食已經好味道 （其實我寧願全晚食兩隻乳鴿算）第三味：蝦肉紅油抄手一夾，好幾舊雲吞已經痴埋一齊！ 個汁無咗原本應該有嘅醋同辣香味（簡單講，無咩味！）， 第一舊雲吞個餡整得好好， 肉好嫩，皮好薄，第二舊，一咬，好腥！第四味：鮮肉小籠包 小籠包皮薄餡靚多汁，肉餡鮮調味剛剛好，呢個要俾返分！第五味：生煎包嗰底煎得唔夠，不過同小籠包一樣，肉餡鮮，做得唔錯最後：擔擔麵第一眼望，又覺得係一個伏，一夾起啲麵，已經聞到一陣唔係擔擔麵嘅味道，再食落去，幻覺黎嘅！完全係唔使擔擔麵！湯底香料味太重，好重嘅麻辣+孜然粉嘅味道（其實我係咪食緊X哥麻辣麵？），香料重到第一下飲嘅湯有陣苦澀味 ，蝦米味呢？花生味呢？麻油味呢？無！自問本人都好食得辣，但呢碗野令我食左幾啖已經辣到出汗，感覺只係好似好似就咁放咗一大堆辣椒醬同麻辣辣椒醬落去，個麵，好得意，其實好似意粉.... 我食完有啲奔潰，其實係咪大台喺裡面拍緊美女廚房？？？食後感：我只係想簡單咁食餐傳統嘅上海菜，其實嗰啲咩翡X，XX姥姥等，我都覺得麻麻地，呢間，真係但如果你去係食乳鴿，鮮肉小籠包，都可以嘅，不過其它就真係....... you 諗 you啦…Read More