Sai Kung Cafe & Bakery

入西貢一定要食Sai Kung!!!!冇食過真係唔好話你入過西貢🤣因為菠蘿包好出名嘅關係，一去到就有幾個人排緊隊等出爐。等左大概7分鐘出爐啦！！菠蘿包每個都好大個好漲卜卜😍叫左2個菠蘿油+2個葡撻，因為我哋堂食，原來最低消費要一杯嘢飲，咁就叫左杯凍阿華田。首先菠蘿油真係要襯熱食，因為漲卜卜好好口感！最正係層皮好鬆脆！！啲牛油溶得到幾快，食到成手都係有啲狼狽😂但真係好邪惡好正！比起太子某間茶記菠蘿包更好食！再嚟葡撻，中間蛋位味道正常發揮，但個酥皮邊係超酥脆，食到啲酥皮係有好多層，真係想再食多一個！😂杯阿華田就冇特別，反而覺得有啲貴唔係好抵🥲但迫住要叫就唯有是但叫一杯。下次再入西貢都依然會嚟食！🤣…Read More

📍#西貢咖啡餅店🇭🇰香港西貢海傍廣場2號金寶閣6-7號舖地下人均消費: HKD18味道: 👅👅👅👅賣相: 👀👀👀👀價格: 💰💰💰服務: 👨🏻👨🏻👨🏻性價比: ⭐️⭐️⭐️回頭率: 🔆🔆🔆到西貢好自然會買個菠蘿油食！⭐️鮮牛油菠蘿包🥯$18菠蘿包的確是香脆，包口感亦軟熟！加上厚厚的鮮牛油有夠香！不過我覺得鮮牛油應該要橫放，直放好難食到每啖都有牛油，食起來挺麻煩個人認為是好味的，未到必食推介，但難得入西貢食食又無妨…Read More

\\ 西 貢 必 食 馳 名 葡 撻 ♥️\ 必 定 覆 桌 🤤 ｜ 菠 蘿 油 同 樣 出 色 🌟\一直bookmark咗呢間好耐🤤🤤，難得嚟到西貢，終於食到☺️；聽講假日嚟嘅話會大排長龍，當日閑日下午時段來到，超幸運地唔洗等，買埋杯野飲就可以坐低食🌟\\\\葡撻 $14鮮牛油菠蘿包 $17Tiramisu $42·葡撻同菠蘿油都係新鮮出爐，熱辣辣🤤。葡撻酥脆，具濃郁蛋香，香甜滑溜，甜度恰到好處；鮮牛油菠蘿包同樣出色🌟，牛油呈半溶狀態，包面好酥脆，甜度適中，內裡超軟熟‼️ 絕對唔係空氣包；同行友人係西貢原居民，佢話Tiramisu都係必試，價錢就有小小貴，但明顯同平時食開嘅有少少唔同，層次分明，口感滿滿，不過咖啡味就唔會好重，餅底就有少少硬。·推薦指數：★ ★ ★ ★ ★··📍 西貢咖啡餅店 (西貢)西貢海傍廣場2號金寶閣6-7號舖地下🚌彩虹黨鐵站外轉乘1A綠頂小巴🚌沙田新城市巴士總站轉乘299X九巴…Read More

今日去咗西貢行山，落山見有啲肚餓就去咗搵下西貢有咩出名好食，離遠見到好多人排隊，走過去睇下原來係新鮮出爐嘅菠蘿包，見到咁多人排隊，身為吃貨嘅心態當然真係唔好走寶，決定買個試下。鮮牛油菠蘿包🧈新鮮出爐熱辣辣,面頭脆皮非常鬆脆，食落脆卜卜，面包咬落鬆軟，中間夾住塊牛油，牛油咬落入口即溶，冰火相交口感一流。雖然價錢唔平，但食得出同出面餐廳買幾蚊一個嘅菠蘿包真係唔一樣。經過西貢嘅朋友有興趣可以買黎試下👍🏻…Read More

山長水遠專程去到西貢，就係要來試呢間好多人講嘅「鮮牛油菠蘿包」$15，中間夾住好大塊嘅「牛油」！ 不過好快就要食，因為鮮牛油菠蘿包新鮮出爐，係好熱騰騰，啱啱切出嚟嘅牛油就會好快溶。菠蘿包岩岩出爐好軟身好香，夠曬熱， 菠蘿包面上的皮很脆，牛油又唔太鹹，味道岩岩好。 另外就係如果要堂食嘅話，就要指定每人叫一杯餐飲（最低消費），而我就飲左杯凍奶茶少甜($19)，好香茶味。不過由於餐廳是露天，所以無冷氣，只有幾部風扇，所以都比較熱（夏天時候）！ …Read More