Kopitiam Bagus.Bagus

#🍎👧🏽行經深水埗想食碗蝦麵🤤無意中發現一間同蘇媽·蘇媽相似度十足嘅馬拉菜😲 由門面到食物款式都好似🙈仲要兩間都排曬隊 一於試吓邊間好食啲先~🔻鮮牛油咖央多士🥪($29)咖央多有三件 都脆嘅但可以再熱啲 咖央醬份量唔算多但偏甜🙈 加埋牛油嘅軟滑真係超邪惡!!😼 不過美中不足係牛油厚薄不一🤔 🔻舊街白咖喱麵🍜 ($65)🔻檳城福建蝦麵🦐 ($65)🔻娘惹喇沙🌶($65)三碗麵嘅配料都大同小異 有蝦 魚片 豆卜 仲有通菜同芽菜 👧🏽最鍾意呢種短肥芽菜🤣好清甜~白咖喱麵多咗兩件豬紅 福建蝦麵就有豬腩片🤪湯底方面 白咖喱相對清淡 椰漿味較突出 唔落辣醬的話成碗麵係完全唔辣的🙈喇沙湯就係微辣呢度嘅蝦湯比較清 冇蘇媽·蘇媽嗰碗咁橙紅色 蝦味都重但鮮味爭啲 不過最大問題係麵質偏淋☹️🔻馬來亞拉茶🌱<熱> (跟餐+$8)🔻怡保白咖啡☕️<熱> (跟餐+$8)拉茶嘅茶味好濃 微澀白咖啡都好香滑但比拉茶略甜~(整體都係私心蘇媽·蘇媽🤫)－－－－－－－－－🍴食物：6/10🏝環境：5.5/10🛋服務：6/10💲價錢：6.5/10💥翻兜指數：6/10✨CP值：6/10…Read More

最近仲係限聚令，舖頭堂食要收六點，想食餐安樂茶飯都有點難，今日行開深水埗黄金商場，便順便過埋汝州街搵食，見到呢間店門面幾特別，望入去都幾企理，即管入去試食下，果然有驚喜，先唔好講啲嘢食好無味，佢送上嚟個賣相都好吸引先，即刻忍唔住要手機食先，今次我點咗個，馬來亞拉茶,鮮牛油咖央多士,檳城福建蝦麵，呢三樣我都覺得好好食，首先真係真材實料，你睇下我碗麵，啲料幾豐富，重要有三隻蝦添，我響其他店食同一款麵得一隻蝦咋🙈,重要賣相無咁靚同好味，佢個蝦湯真係夠晒濃郁，無得彈👍,大家可以睇下張相就知好味道…哈哈。至於我朋友叫嗰碗我就無試過同埋唔記得咗叫乜，下次find out 咗再補充返比大家😅,下次行過深水埗要搵食，可，以行多兩步過嚟試下，唔洗食嚟食去都黄金商場嗰條街嗎…Read More

深水埗出名嘅馬來西亞🇲🇾餐廳我識兩間 一間係蘇媽蘇媽 另一間就係捌哥捌哥今次就試左個咖央多 佢有分有奶油同淨咖央嘅version 緊係揀有奶油啦！！！試左呢個真係無得返轉頭！個咖央同塊奶油好夾🤯🤯成個多士係serve cold 但好好食😋好脆 個咖央份量又剛剛好 唔會太甜✨✨✨食完真係大滿足 最緊要佢唔貴 只係 $29蚊另外叫左個肉骨茶細渗（$95）🥣 原來可以任飲湯 真係好爽 然後店員好細心咁介紹要點食 有咩汁要點之類 佢個湯啲料幾唔錯 有🐷豬腩肉 豬腸 豬肚 同豬手 樣樣都唔肥膩 但又有少少肥 有返個口感同味道最後就叫埋個怡保芽菜雞飯🐔🍚配啦～～佢有個薑黃雞飯 個飯落左少少薑渣！呢個要讚 因為係會加返啲口感落去 個飯好上個薑黃粉 不過如果隻雞🐔可以再滑啲就完美啦⋯⋯間舖衛生做得幾好 有俾消毒餐具嘅濕紙巾我地 所以食得好放心…Read More

係深水埗睇完鋪當然係該區覓食，選人氣食店食晚餐😋今次選了捌哥捌哥，環境較大舒適，裝修有特色，適合打卡！馬拉菜食物較特別！終遊說到嘴刁大少 Raymond Hei Chan 大駕光臨🤣🤣以為晚市會少人，但都多人要等位！老公等位時，我就周圍逛逛睇鋪。原來 汝州街 都多美食餐廳，有些餐廳都幾full。等了20分鐘後，終於可以入鋪內等位區，一邊坐住等一邊選食物。間鋪好細心呀，安排座位俾人坐住等。因為限制令😷 關係，坐得較鬆動及唔駛同人搭枱😌 當然等的時間會較耐🤣 好多特色食物想試，最後選了細滲（雜錦肉骨茶）、娘惹喇沙、鮮牛油咖央多士，玻璃魷魚蕹菜，魚仔醬蘿蔔糕，仲送左辣魚蛋🌶 添（唔知點解呢）。🥪鮮牛油咖央多士：最緊要係唔會燶底又夠脆香口！醬料份量適中，牛油咖央好match,唔會有膩感👍😋🍲肉骨茶：有些藥材味，飲完唔會渴，我鍾意食豬手，豬肚及豬腸😋🍜娘惹喇沙：麵彈湯濃，滲滿辣味既豆卜好好食🐠魚仔醬蘿蔔糕：蘿蔔糕較淡，加點魚仔醬較香惹味🐙玻璃魷魚蕹菜：魷魚彈牙，蕹菜雖淡，適合連同醬汁一起食肉骨茶可無限refil（如果你有無限既胃）👍下次想日頭來試飲拉茶及其他美食！會再encore肉骨茶、娘惹喇沙、鮮牛油咖央多士👍😋 深水埗對於我地來講較遠，希望佢地快來港島區開分店😁#MagicCherry攻飲食 🍒🍽 #MagicRaymond#嘴刁Raymond #Openrice😋#Cherry攻商鋪 #馬來西亞美食…Read More

疫情嚴峻，口罩價錢未見回落，最近就去咗深水埗買物資自製布口罩，難得黎到深水埗呢個美食天堂，當然要搵啲特色食物啦。🤤今次就試咗呢間捌哥.捌哥特色馬拉茶啡廳，個人最喜歡係娘惹喇沙，喇沙湯底充滿龍厚嘅椰奶味香，一啲都唔辣，所有配料，蝦、豆卜、魚蛋都浸滿喇沙的味道，尤其是豆卜特別入味，和喇沙嘅味道很合🍜👍🏻。除咗喇沙麵，仲叫左兩款小食，第一款係咖央多士，多士入面塗了一層滿滿嘅咖央和牛油，咖央充滿香甜嘅椰醬，再加上牛油，十分邪惡🥥！另外一款嘅雞肉串燒，雞肉嫩滑，無烤過龍，沙爺醬汁好惹味，隔離配上青瓜，食到飽飽可以冇咁膩🐓。最後，當然一定要飲返杯馬拉特色嘅拉茶啦！曾經係馬來西亞飲過，茶淡奶重，口感幼滑，而捌哥嘅拉茶完全飲返馬來西亞口味。喂，老闆多來一杯丫，唔該☕️！…Read More

自己係香港比較少試馬拉餐廳，呢間評價好似不錯咁，放咗工近近地幾適合去食。餐廳幾光猛，感覺同粥鋪有少少似，另設座位比等位嘅客人，幾貼心。設有點餐紙供客人自助落單，劃完比店員就可以了。-檳城香炸滷肉卷本身以為好似春卷，實際似腐皮卷多啲。加上以為餡料會食到滷肉，但食個陣又唔覺。餡料似係有芋頭個類餡泥蓉，入口勁熱辣辣，略嫌油份太多。-鮮牛油咖央多士見到網上好多人推薦呢款，我都專登點嚟試下。多士烘得好酥脆，入口鬆軟。牛油同咖央嘅比例岩岩好，令多士無咁乾身，起到中和作用。估唔到呢兩個醬又幾夾，甜中帶鹹香，好特別。-桔仔話梅水(熱)話梅得一粒仔，不過想潤下喉都係個選擇。-辣死你嗎(椰漿飯)配娘惹咖哩雞肉見到唔少人都選擇藍花飯，但由於顏色太特別，我都係揀返普通啲嘅椰漿飯。青綠色嘅椰漿飯，椰漿味唔算太重，飯粒亦稍嫌過硬，可取之處係食落帶點清甜。咖哩帶點辣勁，伴碟花生香脆，小魚乾就要配飯先唔會過鹹。雞肉唔算好嫩滑，肉質有少少老，有啲失望。…Read More

有一種搵食, 叫唔憤氣😤食過麥金. 麥金, 條氣唔多順後🤬 第二日晏晝再去深水埗試埋捌哥. 捌哥, 將呢批馬拉菜一網打盡🗞️ 週六中午熱爆既深水埗⛱️處位汝州街稍稍遠離核心既位置, 捌哥掩門外未見人龍🈵 店家好貼心, 係店內留左幾小許位置比人等🥳室內既陳設, MENU同蘇媽以及麥金都係同一路📋 咖央多士得意少少🥪 比你選有牛油定無牛油, 有增磅良伴既牛油襯底下, 炴脆咗微焦既多士, 海浪般既咖央浸食麵包層🌊被包實既牛油將液化咖央同脆包提供緩沖, 咬落去出現3️⃣個層質 捌哥既肉骨茶多啲選擇🍗選擇困難時, 大滲同細滲映入眼簾👁️細滲份量一啲都唔細,🤲豬腩🐷豬手🐖雞腳🐤豬肚🐽豆卜樣樣齊, 加埋佢既純香茶湯易入口, 對於食量唔大既食客係個好選擇✌️ 炸滷肉卷其實無IDEA 佢係乜🤔 上枱咬咗淡先知係有芋頭、肉碎用腐皮包起黎既肉卷, 唔算特別出色, 但加埋個辣醬幾惹味🥰 食物仲有白咖喱麵🍜 白色湯底恰似日式豬骨拉麵, 清澈少油, 但飲落去, 有少少似濃身椰漿汁, 未聞咖喱香, 但加咗辣醬後🌶️成件事就叻沙晒, 東南亞味番晒黎; 配料亦非常充足, 三蝦報到之餘, 仲有豬紅、熟蛋🍳魚蛋🐟芽菜🥬 嘢飲, 白咖啡同冬瓜龍眼茶唔錯☕🥤👍 試晒三間馬拉菜, 明白點解蘇媽真係要等咁耐💪 味道真係出色太多; 然今次既主角捌哥, 我覺得做到蘇媽既七八成 (當然兩次食物唔係完全一樣), 至於大角咀既麥金, 得罪講句, 完全唔入流🤦‍♂️ 捌哥是日埋單兩個人238港元, 食物素質上乘, 不過開係蘇媽附近, 要競爭🤼‍♂️就要再努力啲~ …Read More