Susan Chicken Rice

鮮油咖央多士（$30）淨叫要$38，下午茶餐有埋嘢飲先$30，我唔會同啲錢過唔去嘅。兩片正常厚度嘅多士（室溫，脆身），內裡塗上不少咖央醬（偏甜，微酸），加兩塊厚切鮮牛油，一開二兩件，夠哂邪惡。招牌海南雞飯（$65）跟餐奉送冬瓜湯，加咗$10轉輕怡排骨茶。湯底好重胡椒味，少辣，無乜藥材味；有兩舊排骨，肉質紮實，唔會好嚡；有兩件豆卜，索哂湯汁。海南雞份量適中，雞皮爽口，無咩肥膏，雞肉尚算嫩滑。有齊三色醬，黑醬油帶甜杰身味濃、紅醬酸辣、薑蓉普通。油飯，要咗多飯（但都唔算好大碗），乾身，有油香味，味道不錯。地道白咖哩魚餅扎肉老鼠粉（$58）白咖喱湯底唔太辣，夾雜香茅味，味道唔算太濃厚，不過不失。老鼠粉份量適中，長度合適，唔會一夾就斷，幾有咬口。配菜有魚餅（兩塊，少辣）、扎肉（三片）、豆卜（兩件）、芽菜、通菜。開心果椰子奶昔（+$12），飲唔到開心果味，椰奶就好濃，重有少少椰絲。凍生椰拿鐵（+$3），帶椰奶味嘅咖啡。熱鮮檸檬薏米（+$0），除咗薏米，仲有兩片糖冬瓜。…Read More

招牌海南雞飯配冬瓜雞雜湯 $65連熱飲幾乎是每張枱都會點的雞肉嫩滑，雞油飯入味，三款醬汁（醬油、泰式酸辣、沙薑）都很好味。鮮油咖央多士 $30連熱飲下午茶時段好抵食牛油算幾大塊，半溶牛油連咖央醬一起超好吃！…Read More

平日夜晚都坐無虛席，排左一陣先有坐就知蘇山雞飯好食。火焰醬香椰子雞窩 $168煲仔飯食得多，但煲仔椰子雞又試過未？加入酒精加熱做成火焰，將所有精華注入，個湯又甜又有雞味，雞肉煮到岩岩好，嫩滑香甜，點豉油食再配獨家油飯。獅城芽菜走地雞飯 配雞雜冬瓜湯 $95海南雞食得多，蘇山除左海南雞仲有得揀走地雞，食法一樣，但走地雞肉質更加有彈性有雞味，套餐配湯有3款揀，不愧為雞飯專門店！龍蝦叻沙摻摻（1人份） $1101人份有半隻龍蝦，龍蝦好多肉星洲叻沙摻摻 $73另一個揀左海鮮版，有青口2粒，海蝦2隻。鮮油咖央多士 $15套餐小食有半價，必點咖央多士，烘底飛邊多士配超厚牛油，入口即溶真係超邪惡😈夜市沙嗲（4枝）$39可以揀走雞或者走牛，我地揀左走雞,所以4串都係牛肉套餐加配特飲都好多款揀～凍生椰拿鐵$12仙草椰奶冰 $18開心果椰子奶昔 $18…Read More

🇸🇬🇲🇾🥣人氣抵食星馬菜✨ qr code 落單✅星洲叻沙海南雞摻摻 -$80個湯底幾正，椰香味濃，微辣開胃，米粉同埋油面混埋一齊口感獨特。海南雞會另上，一碟都有六至七件，每件都好滑，另外有個酸辣汁俾你點。🆗馬拉盞椰菜苗 -$29平時出去食個菜都要$60 ，呢度加$29就可以食到馬拉盞椰菜苗。份量唔少，性價比好高，不過感覺有啲油膩，但調味都算唔錯，如果食通菜嘅話會再平啲。✅開心果椰子奶昔 -$18呢杯飲品咁特別都只係需要加$18一定要試吓。味道冇令人失望！都飲到少少開心果味同埋濃濃嘅椰子味，口感亦都好綿滑，個甜度都算剛好。🆗新加坡白胡椒排骨茶- $88呢個配左米粉，估唔到係好似湯麵咁樣上，個湯有少少藥材味同埋胡椒味，但比起出面單點嘅肉骨茶感覺上有啲淡。排骨都有三至四件，每件都容易做到骨肉分離，豆卜有2粒，油條會另上，但吾脆了，好硬。✅鮮油咖央多士-$15一份切開咗兩件，烘得好脆，個牛油雖然睇落去好似好厚，但係其實只係得邊邊位有，但係都已經好足夠，如果唔係會好油膩。多士口感豐富，外脆內滑，牛油咖央有入口即溶嘅感覺。✅凍蜂蜜桔仔水 -$12你杯飲品酸酸甜甜，好有東南亞嘅感覺，幾特別。…Read More

之前午餐都有食過蘇山嘅海南雞飯已經覺得好好食，今次6點幾行過發現仲未有人龍排隊就決定入去再試雞飯。獅城芽菜走地雞飯 配油飯同雞雜冬瓜湯 - 走地雞皮香肉嫰，雞味濃郁，雞件下面鋪滿芽菜，我最喜歡點佢酸酸辣辣嘅醬汁食，呢到嘅油飯好香雞油味，而雞雜冬瓜湯完全冇腥味，清清地好好飲。鮮油咖央多士 - 套餐加配嘅小食所以半價就食到，好大塊嘅牛油同埋滿滿嘅咖央醬夾向烘到好脆口嘅多士入面，啖啖都係滿足感。馬拉盞椰菜苗 - 咸香味都好足，份量都多，兩個人都一定夠食。脆炸鳳尾蝦春卷 - 春卷夠哂香口，唔油膩，食完都冇負擔感。開心果椰子奶昔 - 完全係好驚喜，第一啖飲落去充滿椰子嘅味道，跟住後面就有開心果嘅味慢慢走出嚟，飲落唔會太甜，讚!!!!…Read More

海南雞飯喺香港嘅受歡迎程度真係唔講得笑，無論係海南雞飯嘅專門店定係茶餐廳都會見到佢嘅身影。今次嚟到呢間人氣餐廳，主打星馬菜，仲長期都好多人排隊，一於試下佢嘅招牌菜。 火焰醬香椰子雞窩以瓦煲一路煲住椰子雞，開蓋之前侍應將酒淋落煲邊，造成火焰效果。椰子湯入面有椰子、杞子等材料，好清甜，即刻飲咗兩碗先！雞肉好嫩滑，有微微嘅酒香，亦有椰子嘅香甜。配埋油飯好夠飽。 獅城芽菜走地雞飯雞肉一樣嫩滑唔肥，淋上炒過嘅蒜汁好香口，配三色醬汁各有風味；芽菜厚身清爽多汁；雞雜冬瓜湯暖胃。 鮮油咖央多士厚厚嘅牛油同咖央勁邪惡！烘底多士熱熱哋，令牛油有少少溶化，咬落有鹹甜鹹甜嘅味道。 砂拉越菠蘿冰砂拉越係馬來西亞嘅行政區域，盛產菠蘿。飲得出係鮮菠蘿打出嚟，爽口解渴。 開心果椰子奶昔好creamy，椰奶味重得嚟開心果味都好出，兩者味道幾夾。…Read More

平時去開長沙灣分店，今次黎到太子見到「火焰醬香椰子雞窩」好吸引，就入左去。裝修與長沙灣分店相約，都以藍色為主。鄰近太子地鐵站，十分方便！    ⦁火焰醬香椰子雞窩 $168上菜方式有驚喜‼️店員在砂煲蓋上淋上醬香茅台🥃，再點火🔥，等待沙漏漏完⌛，店員再前來打開。打開後滿滿的雞件，以及香濃椰子味🥥。另外仲配有一碗油飯，每粒都油香十足。😋😋   ⦁鮮油咖央多士 $15尼款是我必定加配，熱辣辣的烘底多士🥪，入面夾了一半凍冰冰的牛油🧈及甜絲絲的咖央，口感十足之餘，仲好邪惡‼️😏😏  ⦁超冰凍椰青 $35大大個椰青，椰青水清甜解渴！每次必點😋😋   ⦁砂拉越菠蘿冰 $48⦁開心果椰子奶昔 $42尼兩款可以稱甜品，亦可稱飲品！原個菠蘿呈上🍍，非常吸睛，岩晒打卡，味道清新。而奶昔飲落順滑，椰奶味香濃，開心果味則淡淡的，但可以飲到少量椰絲，口感十足。   …Read More

💈熊妹成日經過彌敦道，發現太子警署對面街開咗呢一間《蘇山雞飯》都有好一段時間，今日終於可以等到愛吃海南雞飯的卡肥得閒一齊去試下。📌店舖環境都好大，有好多張四人卡位枱，枱與枱之間好闊落，唔會話好壓迫。裝修格局就懷舊風味🎞，天花板掛著草騰吊燈💡，牆身有懷舊黑白墨水畫，成個感覺有一點馬拉冰室的味道。📌主打新加坡菜，當然少得招牌海南雞🐣，仲有星洲叻沙，巴東牛肉、胡椒排骨湯、娘惹咖喱飯等等，價錢非常親民，大概$70以上包飲品，午餐或者下午茶嚟就仲平啲，仲要唔使加一，晚上就要加入一。招牌海南雞飯配冬瓜雞雜湯，$65首先，卡肥當然點佢最愛的海南雞飯。竟然係隻脾位連雞翼，即刻心心眼左😍。海南雞飯要做得好味，工夫真係唔惹少。當中浸入冰水的過冷河程序就係食到雞精華一隻啫喱狀的關鍵。呢個雞髀位雞肉好嫩滑，脂肪位極少，有少少啫喱狀雞精華，就咁食已經好夠雞味，雞皮滑嘟嘟，入口肥美，點上薑蔥蓉酸辣汁或者黑醬油就多點醬汁嘅味道。雞油飯粒粒分明🍚，用雞油撈飯趁熱食，好香雞油味，但用油撈飯脂肪含量真係頗高，都係少食多滋味為妙。星洲叻沙摻摻，$58一碗正宗喇沙摻摻面底係米粉撈油面兩溝，入面配料有好多，有豆卜、魚片、魚蛋、蝦、芽菜、通菜、青口同半隻雞蛋，咁多配料成為大雜麵，就咁睇個賣相已經色彩繽紛啦🎨。叻沙湯底就係用椰奶撈咖喱汁，帶少少辣醬 🌶，所以有少少辣味之餘，又有椰奶嘅中和，唔會太辣。米粉同油面兩溝嘅食法好特別，食食吓好幼嘅米粉又會食到好有咬口嘅油麵質地，可以滿足到人一次過兩個嘅慾望。鮮油咖央多士，$30食完兩個主食梗係要幾個小食啦！咖央多士🧈從來係星馬菜入邊必食之選，因為咖央醬喺新加坡嘅特產。兩片烘底白麵包🍞中間塗上咖央醬同一塊厚厚的鮮牛油，咖央醬味道甜甜地，加埋淡淡的鹹香牛油味，就係想帶出甜鹹嘅效果。麻辣玻璃魷魚通菜，$50熊妹食咗咁多嘢，梗係要有啲菜落下肚分解返啲油膩。玻璃魷魚🦑都有好多舊，食落去好爽口，冇煮到過老，通菜🥬撈上麻辣汁，好滋味。泰式魚餅（四件），$38魚餅本身已經帶點微辣味，再點跟上嘅酸辣汁，更為惹味，係唔錯嘅一款小食。即磨炭燒厚椰乳咖啡，跟餐價，加$5新加坡菜好鍾意用椰奶代替牛奶，沖咖啡都唔例外。用上炭燒咖啡豆仲出嚟嘅咖啡，咖啡味好出之餘，仲有一份炭燒香味🔥好特別，即是放涼一陣，炭燒味嘅味道依然久存，椰奶沖出的咖啡☕️又有少少椰奶味，呢款係非一般的咖啡口味，可以一試。拮仔菠蘿梳打水（左），跟餐價，加$12卡肥就揀咗呢個菠蘿特梳打水，因為想gur下去。味道唔係好甜，飲的主要係有氣泡，仲有浸住粒拮仔帶少少酸味，係好解渴的夏日特飲🌞。雪糕班籣奶茶（右），跟餐價，加$12熊妹喜歡食雪糕🍦，飲品加埋雪粒真係好開心。雪粒係椰子味，裡面有椰絲，奶茶味道偏甜，驚喜地飲到淡淡的班蘭味🍃，本身班籣味道好難出，可能用上糖漿🍯所以咁有味。📌兩個人食左三個下午茶餐，加一碟菜同一款小食，埋單都唔洗$300。環境大又坐得舒服，今時今日，香港地真係好難食到呢個價位。…Read More

上個月去完個馬來西亞旅行🇲🇾今個月就開始掛住佢地啲美食要食就要食好啲 緊係要揾返啲食過覺得好食嘅先得而係香港覺得好食嘅馬來西亞菜唔算多咁當然唔少得食過幾次嘅蘇山雞飯比起之前我去食多左啲夏日甜品🍨飲品🥤❣️巴東牛肉配江魚仔椰漿飯 $85食過咁多次蘇山雞飯 呢個就真係第一次食😂巴東牛肉好嫩口🥩叄巴醬濃郁香口係有nasi lemak嘅味道出現❣️招牌海南雞飯 $85雞依舊一樣咁滑身🐔一樣咁處理得好乾淨雞皮可以放心食！而油飯食落唔油膩 仲配左冬瓜湯❣️鮮油咖央多士 跟餐+$15係我去親蘇山雞飯都會必食 就連我身邊嘅朋友都係😚大大舊牛油🧈完全係邪惡 但我鐘意 多士夠脆身 咖央唔會太甜❣️開心果椰子奶昔 $32近期大熱開心果💚就連蘇山雞飯都有開心果產品咁嘅配搭真係初體驗椰子味會相對上重少少🥥❣️砂拉越菠蘿冰 $48大大個菠蘿裝滿菠蘿冰菠蘿冰應該有成3人分量多🫣即叫即整夠曬冰涼🧊簡直消夏解口渴仲可以邊飲 邊飯菠蘿肉🍍…Read More

間唔時夜晚經過呢間舖都見到好多人，今次晏晝經過竟然好好彩唔使點排隊就可以食到，當然唔執輸嗱嗱臨走入嚟🙌🏻呢到設計好新好靚，野食又掂，難怪咁多人排隊都要食😍✨ 不得不提下午茶餐真係好抵食🤫 份量唔少又包飲品🍹1️⃣ 招牌海南雞飯🐣招牌果然係招牌，就咁睇都好多人嗌🤣 香氣十足嘅油飯加上無骨海南雞啖啖肉好正🥰 醬汁方面嘅三色醬包括薑蔥蓉、黑醬油同酸辣汁，三款都各有各風味，蘸邊個都好好食😋 另外都轉咗做肉骨茶，味道香濃，豆卜嗦滿哂精華，排骨就好軟稔，真係加錢都抵😆2️⃣ 娘惹咖喱炸雞配椰漿飯🍗即叫即炸令人期待，好大嘅一隻炸雞脾皮脆肉嫩好滿足，仲配有一隻蛋蛋😽 而椰漿飯係加咗香茅葉榨成汁落去一齊煮所以變咗做綠色嘅飯，配埋咖哩、炸魚仔、花生撈埋嚟食好惹味🥜 3️⃣ 鮮油咖央多士🧈超級無敵極邪惡嘅鮮油多士，入面有厚厚嘅牛油同係東南亞最受歡迎嘅醬料——咖央醬🤫烘好嘅多士脆脆哋，夾上鮮油同咖央真係要襯熱食，完入稱得上無得頂🥰4️⃣ 夜市沙嗲🍢呢份沙嗲有4串，分別係2串牛肉同2串雞肉😛 串燒真係好有風味，蘸上沙嗲醬食真係回味無窮✨5️⃣ 煉奶炸饅頭🍯一份有4個小饅頭，炸到金黃色嘅外表好誘人，但最緊要一定要蘸滿煉奶食😋6️⃣ 恐龍美綠🦖單純因為天氣凍所以嗌咗少冰🤣 點知少冰有少冰嘅好處～ 就係杯野瞬間變咗特濃口味，飲到最尾用匙羹潷起，仲有啲微微結團嘅美綠粉，食落去超ᴊᴇɴɢ🥰…Read More

上次食過椰漿飯之後，對呢間念念不忘，於是我又同老公黎左食飯下午茶時段過嚟食，價錢仲抵食啲。豬手飯：豬手皮軟腍腍，啲邊位仲有少少焦香味👍🏻仲有大量酸菜同花生做配料送飯，好開胃香蔥海南豬扒飯+油飯：一定要加錢變油飯👍🏻因為油飯更加香同惹味香蔥同埋豬扒一樣炸得好香口👍🏻而且豬扒份量都幾多。牛肉及雞肉串燒：上枱熱辣辣即刻食，好惹味，個沙嗲醬好香👍🏻有泰式味道鮮油咖央多士：本店必食推介👍🏻👍🏻👍🏻鮮牛油超厚，又軟又滑，加上咖央醬嘅甜味，同多士嘅脆口！食過包你滿意🤤🤤下午茶價錢抵食，但係份量一啲都唔少！一定會返轉頭再食 😍👍🏻…Read More

太子呢間雞飯真係好多人食！平日晚飯時段都要排隊先入到去！因為見佢推出左個椰子雞鍋，好想食！ 不過好可惜今日賣晒！食唔到了，唯有食返海南雞飯啦～ 下次再試佢個椰子雞鍋！雖然食唔到椰子雞鍋，但佢既海南雞飯都係好出名🥰 之前都有食開～ 雞肉大大件好厚肉之餘仲好滑！ 配埋佢個泰式海南雞酸辣汁，好好食！ 套餐仲可以加15$轉迷你叻吵🥰 再用半價加購其他小食或菜我地加左馬拉盞椰菜苗！ 好惹味！ 好爽脆～ 另一個餐叫左個’豐盛辣死你嗎’😂個名好搞笑，係炸雞髀加牛腩，仲有一隻鹵水蛋！真係好豐盛～ 隻炸髀幾大隻，炸得好脆之餘肉質唔會乾👍🏻跟餐加錢配左個鮮牛油咖央多士！呢個多士超邪惡，好正，牛油好厚好大件，即上即食好好食！ 🤤今次雖然食唔到個椰子雞鍋但佢其他食物都係值得食既～！ …Read More

話說有日陪朋友去聯合廣場，突然之間肚餓想食野，見到這間店個名，才醒起這間店長沙灣好出名嘅小店，所以入咗去食店內雖然沒有華麗的裝修，但就因為這樣，環境給人一種親民的感覺！畢竟想走「街坊生意」，但雖然如此，都會引來一班食客，慕名而來這間小店，由一間長沙灣小店，打到去太子開分店，招牌菜「火焰醬香椰子雞窩」！所以必食推介1）服務員先在煲蓋上點火，同時倒入茅台酒2）等沙漏計時器倒數（一邊煲一邊聞到濃濃的茅台酒香）3）火熄咗就可以享用4）服務員先叫我們喝點湯（椰子雞湯好清甜，整煲湯一滴不留的給我喝清）5）然後再品嚐雞肉（雞肉份量很足夠，鋪滿成個窩！服務員很細心，建議盡快食用，避免雞肉煮太耐，影響口感！雞肉新鮮雞肉，很有雞味）6）隨套餐跟油飯及醬料（再配上油飯，令到整個餐非常豐富）雖然這裡的海南雞飯很出名，但由於雞煲實在太大，所以就叫了2個下午茶餐！既然要食新加坡菜，星洲叻沙摻摻是必試的！湯底是一種用蝦殼及辣椒熬煮而成！配以油麵或者米粉（兩溝叫摻摻）！當中有海鮮！不要以為下午茶就睇少佢，份量也非常之大，蝦和青口各有2隻！油麵及米粉滲透蝦殼及辣椒熬煮而成的湯底，濃濃的蝦味充滿著整碗摻摻！很地道呀超冰凍椰青（跟餐 +$28）真係超冰凍，清甜嘅椰青，透心涼嘅感覺！如果西多士係香港嘅代表，新加坡菜嘅代表，一定是鮮油咖央多士非佢莫屬！厚厚的邪惡牛油，配上脆脆嘅多士，中間加上咖央醬，味道有層次！海南清補涼（跟餐 +$18）冰冰凉凉的口感，又清熱整體來說，果然名不虛傳，雖然只是一間小店，就做出如此水準！…Read More

🙋🏻‍♂️餓底探員今晚去咗太子調查呢間人氣星馬菜館，除咗地道嘅海南雞，肉骨茶，喇沙湯麵，原來仲有好多特別嘅菜式，價錢親民仲好好味，難怪晚市時間座無虛席，要排隊輪候入座🔥🥥火焰醬香椰子雞窩 $168📸表示店員沿住個蓋倒入茅台酒再點火，等火熄咗就可以享用，打開個蓋聞到濃郁嘅酒香，雞肉鋪滿成個窩，配上油飯，非常豐富，店員仲細心建議盡快食用，避免雞肉煮太耐影響口感🙋🏻‍♂️表示個雞窩用上椰子水同茅台酒製成，滴水不加，確保個窩原汁原味，椰子水飲落清甜，加上茅台嘅醇香，味道濃郁，雞肉嫩滑吸引咗湯汁嘅精華，食落香濃入味🍖新加坡白胡椒排骨茶 $88📸表示個排骨茶可選飯或米粉，餓底㨂咗米粉，配上油炸鬼，醬油同椒絲蒜蓉，胡椒湯味香濃撲鼻🙋🏻‍♂️表示個白胡椒湯味道濃郁辛香，飲落暖胃，米粉吸收咗湯汁，食落非常入味，排骨食落好軟腍，加上香脆嘅油炸鬼，食落好惹味🍗特色小食拼盤 $98 (跟餐加配 $49)📸表示個小食拼盤有雞翼，泰式魚餅，脆炸鳳尾蝦春卷，豬肉串，全部炸到金黃色，睇見都流口水🙋🏻‍♂️表示個豬肉串入面加咗黑椒，食落脂香惹味，鳳尾蝦春卷用咗絲網皮包住，食落好酥脆，泰式魚餅鮮甜香脆，雞翼係全翼，食落嫩滑香口🧈鮮油咖央多士 $30 (跟餐加配 $15)📸表示個多士每塊都搽咗咖央醬，中間夾住塊鮮牛油，嚿牛油仲要厚過塊多士，好邪惡但好吸引🙋🏻‍♂️表示個多士咬落好脆口，每啖都食到香滑濃厚嘅牛油，配上香甜嘅咖央醬，好味到不得了😍📈吃貨指數😋好味度 8.5/10🔙返啅度 8.5/10…Read More

早排喺太子上堂，一到lunch落樓下冇啖好食咁，點知最近先開咗間星馬餐廳，大胃喺長沙灣食過總店好正㗎太子新店比起總店裝修更是正，仲有新品𠻹除咗廣東人，星馬人食雞都有好多方法，啱啱起涼意食椰子雞鍋啱晒，首先樓面會點到煲蓋都會著火之後打開，椰香撐煲蓋，湯底全椰水，清香極致，雞肉奇嫩無比，點沙薑食或點豉油或清食一樣正，飲幾啖椰水再唧啲檸汁，更顯清新海南雞飯係台柱就梗啦，冇諗過會有星馬叉燒醬油上色入味，肉質頗滑，夠晒南洋風味海南雞一樣超級滑，滑到筷子都夾唔到，點吓三種經典醬料，一款一滋味油飯色香味俱全，有得揀多飯太幸福喇跟餐可以半價加小食，牛油咖央多士係大胃每次食星馬嘢無法抗拒嘅，呢間鮮油厚切，同時能夠同咖央醬融為一體，綿綿嘅香氣太令人陶醉雖然係夜晚，但跟餐可以半價加特飲加上厚椰乳呢個賣點太吸引，就嗌杯嚟飲，咖啡味由於係即磨炭燒，勁濃味呀…Read More