Susan chicken rice

呢間餐廳主打東南亞菜式，店主更係大廚出身，廚齡達廿年👨🏻‍🍳💗獅城芽菜走地雞飯配輕怡白胡椒排骨茶（$105）海南島文昌雞皮下脂肪少，雞皮爽滑，肉質嫩滑而雞味特別鮮香濃郁，可以分別蘸上薑蓉、辣醬或黑醬油提升風味🐓墊底嘅怡保芽菜清甜爽口，吸收哂雞油同醬汁精華🎍油飯特意選用泰國米，預先以香茅、斑蘭葉、黃薑、紅蔥頭等炒香，再加入椰奶調味，飯粒飽滿煙韌，吸收配料香味🍚肉骨茶以新加坡白胡椒炒香熬成，胡椒味重但唔搶鼻，同時帶藥材甘甜。排骨燉至軟嫩鬆化，另外加入蔥花同豆卜🍲💗Susan豬手飯（$83）豬手炆得醬香入味，豬皮Q彈充滿骨膠原，肉質鬆化🐖豬手飯更配咗一隻滷蛋同花生，最畫龍點晴當然係加咗酸菜，可以中和油膩感🥬💗Susan雞翼(+$24/ 3隻）雞全翼炸至皮脆內嫩，肉汁豐富，味道香濃惹味🐥💗脆炸鳳尾蝦春卷(+$22/ 4件）米網春卷鬆脆可口，包住原隻蝦、紅蘿蔔絲同肉碎🍤💗鮮油咖央多士（$38）香脆多士夾住香甜咖央醬同兩大塊半融牛油，非常邪惡🥪…Read More

👧🏻😋👅🍽✨高質‼️美食當前😋豐儉由人-🇸🇬 下午茶餐$30-$62不等, 抵食做到6點好好! 5:45開始電話同網上外賣平台機就係咁響😂 -▪️火焰醬香椰子雞鍋（半隻） $168上鍋時店員細心講鮮椰水煲雞滴水不加, 再以醬香茅台吊味, 湯勺可隔油隔渣個湯好香酒味但飲落係椰子清甜; 雞肉煲過但緊嫩彈滑唔柴❣️ 細心加分位: 有店員幫手睇住沙漏, 差唔多夠鐘先叫廚房起油飯同醬料, 個飯keep住熱辣辣🥬 參巴辣蝦醬通菜 跟雞鍋半價 $21一條老菜都冇lol 爽脆清甜帶少少鹹香, 個底仲要唔油😭 但唯一挑剔係食到辣椒碎但食落唔辣的😂▫️下午茶餐🍜 手撕雞扎肉湯粿條 $53個雞湯好鮮甜出色! 果然係海南雞飯專門店, 雞絲份量十足又嫩滑, 扎肉彈牙但略嫌黑椒味重左, 另有芽菜, 通菜同個雞湯都好夾🧈 鮮油咖央多士 $30黃金比例! 咖央包住厚身滑口既鮮牛油, 夠凍挺身唔油膩, 咖央少少甜唔會遮左牛油香味, 外脆內軟, 食完肥兩磅都抵🍹跟餐飲品🥥 超冰凍椰青 $28老椰青大大個超甜, 真係飲到最尾都好冰凍😂🍋 熱鮮檸檬薏米水 免費跟餐免費勁抵個個都叫, 係一盤盤咁出😂 薏米勁足料仲有冬瓜條, 去濕清熱❣️細心加分位: 檸檬冇浸住唔會澀; 切左中間層衣, 一擠就出汁, 仲要冇核唔知係撩埋定咁岩冇LOL…Read More

長沙灣飲食小店林立去咗近期好多人推介星馬餐廳為咗食鮮油咖央多士🤩真係冇令我失望！！！所有菜式夠地道足料要讚餐廳員工好細心會特別溫馨提示某啲菜式要盡快食用，讚👍🏻🥢地道白咖喱老鼠粉（豆卜、叉燒、魷魚、芽菜、通菜、蛋）🥢招牌海南雞飯 （跟油飯、奉送冬瓜雞雜湯）🥢鮮油咖央多士🥢麻辣玻璃魷魚通菜飲品大力推介：開心果椰子奶昔…Read More

小弟本身都幾鍾意食星馬菜，所以，以菜系而言，星馬菜確喺相對食得多。而呢一間「蘇山雞飯」長沙灣分店好耐之前都曾經嚟過，無論質素、價位都好啱心水，趁今晚無飯開就約咗住晌附近嘅表哥落嚟聚一聚，食餐星馬菜。環境就唔太多講，因為上次食評都有交代，簡單而言，地方夠大（分左右兩邊），地磚、裝修都帶點馬拉懷舊茶室風，啲卡位又寧舍大張闊落，舒服好坐。簡單嘅調味料、餐紙及餐具放晌枱邊，而呢度都喺用二維碼落單，合介面都易用，相信大家都熟晒點搞，不過，如果加配咖央多士一環可以加多欄「後上」就更貼心，唔使另外再同侍應講。由於二維碼落單，所以，都無問佢哋拎餐牌睇，好在臨走時見收銀旁有啲外賣單張拎，加上時隔年半，價錢都有所轉變（睇落無乜太大加價），掃瞄晒出嚟俾大家參考一吓。菜式嘅選擇由午餐、下午茶、招牌雞飯、推介、湯粉、蔬菜、小食、特色飲品到甜品，都充滿星馬風味，又有多種加配優惠，仲要無加一添，唔怪得咁多街坊幫襯。黑白雞飯 $93第一次去長沙灣店就食咗招牌菜「獅城芽菜走地雞飯」，第二次去太子店就試新嘢「牛車水醬油雞飯」，今次嚟見有款「黑白」，啱晒啦，一次過俾表哥試晒兩款招牌雞，仲配上雞雜清湯、雞油飯。一整盤套餐送上嚟，賣相吸引。個湯幾清甜，裡面有啲冬瓜同雞腎之類，味道唔錯；而個雞油飯有別平常所見，比較深色，上次已問過店員，知道煮雞時加入啲日本花菇、元貝、多種香料增味，加埋啲雞油、斑蘭汁去煲個飯，自然色香味全。先試「白雞」，食落雞皮好爽，皮下脂肪又少，啲肉嫩滑鮮味，去晒骨，啖啖肉；試埋「黑雞」，似似哋豉油雞，濃郁得嚟帶點甜味，同樣皮爽肉嫩。佐食嘅3款醬汁：薑蓉、秘製辣醬、黑醬油，夠晒傳統、地道。巴東牛肉配江魚椰漿飯 $85印象中都好耐無食過巴東牛肉，所以，呢個我就想試一試，碟飯仲配咗隻滷蛋同好多花生粒、江魚仔，而個椰漿飯加咗班蘭汁去煮，一身青綠，不過，班蘭本身嘅味道唔強，煮出嚟嘅飯都唔會話食到好大陣班蘭味，但勝在賣相吸晴，最緊要喺飯粒分明，入口軟熟。至於「黑掹掹」嘅巴東牛肉，咬落極之鬆化，除肉香，仲滲出複雜嘅香料味，再帶少許辣勁，夠惹味，確喺有質素。鹹魚蓉怡保芽菜 +$23加配咗一碟菜，之前試過「參巴醬通菜」，今次就介紹表哥試試怡保芽菜。大大碗幾足份量，啲怡保芽菜肥嘟嘟，多汁爽脆，加上鹹魚蓉自然添幾份鹹香惹味感，不過，個人嚟講，再加多啲就仲好。冰爽砂拉越菠蘿冰 $48小弟向來都鐘意飲菠蘿冰，晌網上見到呢個「菠蘿冰」就更加想試，單喺原個菠蘿咁上，仲加多一大片菠蘿圈，已經贏晒焦點，無得輸。有別茶記嘅菠蘿冰，佢實際喺沙冰嚟，打得細滑，飲落唔會有碎冰感，冰度啱啱好，無過冰嘅問題，每口都滿滿嘅菠蘿清甜香味，飲得出真材實料嚟。依家開始天氣熱番，更加「應節」，溫馨提示一吓，成個菠蘿沙冰份量堅多，一個人真喺飽到上頂，建議兩個人「些牙」就仲好。開心果椰子奶昔 $32表哥就見呢個奶昔幾特別，就不如試試新嘢，顧名思義就喺開心果搭椰子做成嘅奶昔，一身青綠再加片薄薄葉，幾好睇。先講個口感，打得幼滑順口，雖然好青綠，不過就以椰子味突出啲，而開心果味隱隱約約，但整體嚟講確喺好唔錯。鮮油咖央多士 +$15後上一客咖央多士，點都要嗌呢個俾表哥一試，一來有特色，二來「蘇山」做得有水準。單喺睇見片厚到不得了嘅牛油，已經有點震撼感，尤其依家啲菠蘿油塊鮮牛油越嚟越薄。多士烘得香脆，中間嘅咖央清甜，配上厚切鮮牛油，嗰份「脂」味唔喺人人識欣賞呢個邪惡之下嘅美味。三嚿水唔使，就飽到過晒心口，但最緊要喺啲嘢食得呀嘛，好食之餘份量又足，啲妹妹仔招呼又好，無話要受氣，所以，值得我再返兜又返兜！…Read More

有眼不識泰山 差點就錯過這家寶藏🏴‍☠️店了火焰醬香椰子雞窩（半隻）跟油飯 ＄168也太大了吧 還要在面前燒窩 上面還淋上一層酒精 用火燒一次視覺感滿分💯窩裡滿滿的雞肉 湯🥣清香的椰子甜香 尾再來淡淡的雞香還有椰子🥥 肉 還第一次喝到這麼重椰子🥥 味的湯 而且不腥大家還能沾他們所付的醋 湯🥣 更甜更鮮 雞肉和椰子🥥 肉感覺也不同呢～鮮油咖央多士 +$15笑死😆 鮮油也太大塊了吧~！！但是好吃的而且咖央醬味在而不甜 配脆多和牛油🧈 是邪惡的美味牙～咖央油條配薄荷朱古力雪糕 +＄38誰會想到呀～咖央和油條竟然搭 不會覺得肥膩 再加上巧克力真的讓人意上不到牙 愛薄荷朱古力雪糕一定要試配著吃是個創新驚喜的美食 是個會讓你炸腦袋的東西～開心果椰子奶昔 ＄32喜歡💕 ！！先是開心果 再是椰子🥥 甜~順順的微濃稠 喝起來不會過甜 相信沒人不喜歡～～參巴辣蝦醬通菜 ＄42他們的參巴辣蝦醬味在 又不會過辣大家記得在吃前上下拌好 每片的通菜都沾到汁通菜都嫩的 特別最好吃的是通菜葉～～要吃～～每分品質都滿高的 但就在一個不起眼的地方 真的會讓人「走寶」然後發現大家來這家都是為了 「海南雞飯」 下次要再來吃他們的雞飯才行😆…Read More

bookmark左都一段時間 係長沙灣頗負盛名嘅平民星馬菜 位置就唔太就腳 不過臨時起興就去試下星洲叻沙摻摻 $58真係超級抵！🥹首先想讚係湯底 奶味夠 叻沙味好香嘅同時唔辣！🥺（我嘅max辣度係脆香雞翼）飲曬都唔會膩（我差d清底🤣）材料索到湯底好香好好味；另外就係份量 冇因為係下午茶就hea 一大兜油麵撈米粉（索湯之後變巨型😂🤡）有兩大隻青口、兩隻蝦、兩舊豆卜、兩粒魚蛋、芽菜同通菜；口感豐富 青口同蝦唔會霉 魚蛋我覺得就正常 較深刻係豆卜 應該有浸過濃d嘅叻沙汁？就咁食都好香 浸完湯之後索湯更香 好滿足 重要只係$58 味道份量黎講都超級抵食👍🏻👍🏻👍🏻味道：4.5/5口感：4.5/5CP值：5/5鮮油咖央多士 $30超級邪惡！放左一陣先食 所以冇咁熱辣辣🥲兩大塊厚牛油、甜甜地嘅咖央醬 再加烘得好脆嘅方包 如果即刻食一定更加正🥹🥹🥹唔好睇好似細細舊咁 食曬都幾heavy會飽 建議兩個人share食味道：4/5口感：4.5/5CP值：4.5/5整體而言 下午茶黎真係超級抵 有好多平d嘅招牌菜 但又唔會質素差d/份量少；環境闊落光猛 坐得幾舒服；另外想提嘅係餐廳雖然係QR code落單 唔收加一 但服務比好多要加一嘅餐廳好好多 坐低會比水（睇我其他食評就知去過幾間d 幾舊水嘅cafe水都冇杯😀）員工態度友善指示清楚 唔會好似有d乜都唔講落單拎餐具都唔知點😅（見我怨氣咁重因為最近真係去過好多服務差又好意思收加一嘅餐廳🙂）呢間絕對會回頭試其他野！😙…Read More

星期日去長沙灣探朋友，順路一齊試試呢間餐廳。招牌海南雞配油飯 $62 轉輕怡肉骨茶 +$10海南雞雞肉嫩滑，啖啖肉，加上帶甜味的黑醬油、薑蓉，以及開胃的酸辣醬汁，每種醬汁令雞肉變出不同風味。油飯味道有驚喜，雞油、蔥及乾蔥令白飯變得香而不膩。天氣凍，加錢轉了肉骨茶，可以飲到香濃的白胡椒味同藥材味道，很暖胃。星洲叻沙摻摻 $58星洲叻沙湯底咖哩香料同椰奶的味道明顯，味道濃郁惹味。摻摻是油麵加上米粉，兩者軟硬適中，份量大，做到掛湯效果。配料豐富，有青口、蝦、魚蛋、魚片、豆卜同通菜等等。鮮油咖央多士 $30鮮油咖央多士必食，牛油份量毫不吝嗇，很厚身。多士外層烘至脆身，加上中間稍為融化的牛油及香甜的咖央醬，是邪惡開心的味道。Susan雞翼 $30同朋友都是雞翼愛好者，本身以為只有三隻雞翼，所以特地叫了兩份。上枱的時候發現是三隻全翼，上層是雞翼，下層是雞鎚。連待應姐姐都不住笑道我地應該好鍾意食雞翼😂😂。雞翼新鮮炸起，熱辣辣，外脆內有肉汁。雪糕薄荷咖啡 +$12咖啡香濃，帶點薄荷香味，加上雪糕，味道不錯。超冰凍椰青 +$28冰凍清甜。餐廳環境舒適，光猛企理，食物味道不錯，份量大，十分抵食。即使下午茶時間，都坐滿了客人，是不錯的下午茶選擇。…Read More

最近發掘咗一間高質嘅星馬餐廳🧐成為咗我近排嘅飯堂之一🍴除咗價錢親民 食物用料, 出品, 賣相等等都好用心💙假日中午時分嚟幫襯係座無虛席😼今次嚟食 我就點咗幾款餐廳嘅招牌菜嚟試試⭐️✨️龍蝦叻沙摻摻 $110龍蝦叻沙係成功吸引到我入餐廳最大嘅因素🤩實物同餐牌嘅相片一樣咁震撼🤤開半嘅龍蝦加蝦尾超大條🦞肉質都幾鮮甜而彈牙😋其餘配料都相當豐富 有魚蛋豆卜等🐟叻沙都幾香濃 椰味較重🥥加入些許辣蝦醬 辣味溫和唔太辣🌶整體好豐盛滿足🤪✨️Susan 豬手飯 $70暫時食過香港最好食嘅豬手飯三甲😳豬手肉好軟冧鮮嫩🐷皮同脂肪同肉嘅比例啱啱好😉而米飯粒粒都吸晒豬油 好香口☺️而配嘅黃辣椒蓉好香辣而帶微酸清新嘅感覺🌶豬手沾醬一齊食好刺激香口😝最後配埋旁邊嘅醃蘿蔔 清一清口腔🥕✨️鮮油咖央多士 +$15最最最出色的莫過於鮮油咖央多士💯內有一大塊1cm咁厚嘅牛油 超邪惡🧈而多士香脆鬆化🥪咖央醬嘅班蘭香氣濃郁😋做到冰火相交嘅感覺🔥加埋一齊嘅配搭十分完美😛✨️桔仔菠蘿梳打水 +$18✨️蜂蜜桔仔水一間十分出色嘅平民飯店🍚食材足料新鮮 出品都相當高質🥰點嘅3款招牌菜色都帶到驚喜比我💖而且性價比極高💰絕對會令我回頭嘅餐廳 亦都成為咗我嘅飯堂之一🍽…Read More

蘇山雞飯絕對係長沙灣人氣街坊店，周末下午茶時間都係全場爆滿🐔招牌海南雞飯 配輕怡肉骨茶$62雞肉肉質香滑幼嫩，油飯色澤夠濃，三種醬汁必點。原本配冬瓜湯加左$10轉左肉骨茶，肉骨茶白胡椒味香濃🍜星洲叻沙摻摻 $58性價比好高嘅下午茶，油麵加米粉硬度適中，份量好多。配料海鮮份量不少，有青口，蝦，另外仲有魚蛋、魚片，豆卜，通菜等配料，大滿足！🥪鮮油咖央多士 $30牛油超厚身，入口外脆內軟,個人比較喜歡咖央醬多d牛油少d就更好🍡夜市沙嗲 串燒$784串牛雞各2，牛肉完全唔乾身，雞肉肉質juicy,帶啖啖焦香味，非常惹味！沙嗲醬花生味香濃，推介必食串燒！🍹雪糕薄荷咖啡呢個好有驚喜！下次黎都必點！咖啡味濃而不苦，雪糕奶香重，薄荷味如果再重一d更好🧉椰青清甜多汁，解喝又清熱，食東南亞野必配…Read More

餐廳裝修企理，走型格的南洋風格,用QR code落單，Menu上面有很多不同種類的星馬美食,選擇甚多,我哋嚟嘅時候啱啱係下午茶開始時間，叫完主食更加可以差不多半價叫1分小食,而且下午茶的份量更與正價lunch的也差不多，連飲品小食平均都是60-$70左右,真心覺得勁抵🔮 鮮油咖央多士烘底多士中間夾着兩大片牛油再加一層咖央醬，口感外脆內軟，大大塊牛油慢慢溶入在口中，加上椰香味濃郁的咖央醬，雖然油膩了一點，但是感覺很甜蜜呢～🔮小食拼盤小食拼盤有泰式魚餅,炸雞翼,脆炸鳳尾蝦春卷，順化豬肉串，全部各2，魚餅香口又彈牙，蝦卷外酥內鮮嫩，豬肉串軟熟又惹味，雞全翼亦都相當入味，外脆內嫩，入口Juicy又唔乾身，全部小食都好好味呀🔮輕怡肉骨茶胡椒味較濃的肉骨茶，入口新辛辣蒜香的味道，即刻醒神一下，排骨肉質軟腍，骨頭也吸引了湯底的味道，真係可以連骨頭都lur埋呀🔮星洲叻沙摻摻這個喇沙真的要極力推介，湯底已海量的鮮蝦和其他東南亞香料再加入夜奶熬製而成，椰香蝦味非常濃郁，微辣而已，辣味一點也不會蓋過蝦湯的味道，喇沙摻摻上面的配料也十分之多，有鮮蝦，青口，雞蛋，魚片，豆卜，豆芽等，而且摻摻麵質地有嚼口，麵條吸收了蝦湯底濃郁的味道，鹹鮮幼稚，越食越想食，而且份量真的很多，一定要thumb up 呀～🔮娘惹咖喱炸雞配椰漿飯大大隻炸雞脾，雖然外表看來真的很邪惡，不過食咗先算啦，外皮脆香，肉質鮮嫩又juicy，微甜香辣的娘惹咖喱，十分惹味，配飯真的一流呀！旁邊更配上一隻滷水蛋，鹹魚仔，脆香花生和一大塊鮮蝦片，份量十足又好味又飽肚🔮雪糕薄荷咖啡咖啡味香濃，味道有點像越南咖啡，薄荷味又剛剛好，多添了一份清涼的好味道🔮雪糕班蘭奶茶斑斕清香，奶茶入口順滑，再加一球雲呢拿雪糕，有得飲又有得食…Read More

🍴招牌海南雞飯 ($85)海南雞飯跟油飯同冬瓜雞雜湯我地轉左做輕怡排骨茶 (+$10)海南雞肉質嫩滑 唔會皮肉分離👍🏻油飯都ok 幾香但係雞既份量唔算多 而且有幾件係骨位黎🥲排骨茶味道不錯 幾濃 排骨亦都好淋😌🍴海南豬扒叻沙摻摻 ($70)叻沙摻摻有豆卜 魚片 魚蛋 芽菜 通菜叻沙湯底味道不錯豬扒份量又係唔算多 而且油膉味有dd重😂🍴鮮油咖央多士 (跟餐+$15)烘得幾香脆 牛油好厚好邪惡 呢個價錢幾扺🤭🍴凍恐龍美綠 (跟餐+$18) 仙草椰奶冰 (跟餐+$18)兩杯餐飲都正常發揮…Read More

買完戲票之後在附近看看, 最後決定在這裡吃, 這次是二次到訪, 味道也不錯的。餐廳轉了手機點餐, 比之前方便。由於外面正在維修, 所以只拍到‘’蘇山雞飯‘’的招牌。正值下午時段, 餐廳都滿座, 可能因為維修問題, 外面等候的客人不多。新加坡白胡椒排骨茶配白飯 + 油條 $68肉滑茶略帶胡椒味, 加點蔥花, 可能個人口味比較重, 認為胡椒味再多一點會更好。排骨肉很淋, 骨與肉幾乎已經分開了, 反而豆卜比較硬。油條本身不是脆口, 單吃的話雖然不覺得油膩, 但不好吃, 所以一定要浸在肉骨茶才能把味道昇華。飯雖然很多, 但湯的份量剛剛好, 絕對可以一口飯配一匙湯。招牌海南雞飯 $70雞肉依然十分嫩滑, 配有三個醬汁, 鼓油和薑蓉會比酸甜醬出色, 油飯香口而不油膩, 吃完會想立刻再吃一口, 十分滋味。另外還送上一碗冬瓜湯, 味道非常清淡。鮮油咖央多士 $15午餐追加小食可以享有半價優惠, 多士暖暖的, 中間夾心一層極級厚的牛油, 非常邪惡!!! 咬一口大量牛油溜入口中相當滿足, 多士兩邊抹上咖央醬會多一種滋味, 咖央本身帶有甜味, 像蜜糖一樣。這隻咖央不會太甜, 與牛油簡直是絕配, 是必叫之選! …Read More

𝓢𝓲𝓷𝓰𝓪𝓹𝓸𝓻𝓮 𝓸𝓻 𝓜𝓪𝓵𝓪𝔂𝓼𝓲𝓪 ? 𝓦𝓱𝔂 𝓷𝓸𝓽 𝓫𝓸𝓽𝓱高質星馬菜｜蘇山雞飯｜已經encore咗好多次嘅蘇山雞飯，每次叫唔同嘢食，都好有驚喜，唔單止分量十足仲好好味，賣相亦好吸引，食咁多次都唔厭巴東牛肉配江魚椰漿飯一上碟見到綠色嘅飯，有啲嚇親。不過其實係椰漿溝埋嘅飯，所以甜甜地好好味。仲有塊蝦片同滷蛋，牛肉分量都好多，所以呢個餐好豐富泰式魚餅好入味脆口，不錯鮮油咖央多士邪惡推介！個牛油勁厚，但略嫌太多會有啲食到有啲滯，多士烘到脆卜卜，趁熱加埋牛油食超正獅城芽菜走地雞飯配油飯、雞雜冬瓜湯雞肉好滑好嫩口，有青檸酸酸地好開胃，芽菜撈埋醬汁同油飯好好味，海南雞可配埋三種唔同醬好好食…Read More

長沙灣出名多好嘢食，今日專程入去試下近排幾多人介紹嘅「蘇山雞飯」！預咗應該幾多人要排隊，所以個日都早左少少去，大概6點30唔洗等位就入到座，去到7點就開始多人，要排陣隊，要試嘅你地就記得早啲嚟排隊啦！✅招牌海南雞飯配雞雜冬瓜湯＋凍炭燒咖啡 有齊正宗嘅海南雞飯三寶配包括酸辣汁，薑蓉及甜醬油雞肉嫩滑，無食到雪藏味，調味不會過鹹！油飯出色，同平時食開嘅油飯不同，顏色上偏深色帶少少斑蘭味，好啱撈飯！炭燒咖啡有濃濃嘅炭燒味，帶點甘香味，令成杯咖啡有不同層次！提提你記得少甜，唔係會蓋住炭燒嘅味道！冬瓜湯偏淡，味精味不重✅Susan豬手飯 ＋ 凍香滑奶茶上網個個都大大推介，必點 item！果然真係幾好食！豬手味道好入味，肉質煙韌，食完成口都係骨膠原！滷水蛋都好入味，不過有少少過左龍，少少鞋口！香滑奶茶都好飲，茶濃不過偏甜，就算少甜都係有啲甜，可能星馬嘅奶茶都係比較偏甜啲！✅鮮油咖央多士一上菜見到一堆脂肪喺枱面！烘到脆卜卜多士夾著超級厚嘅鮮牛油，簡直喺超級邪惡！熱辣辣嘅多士令牛油呈半溶狀態，加埋不太甜嘅咖央醬組合埋一齊食，超級推介！…Read More

一向都鍾意食馬拉嘢，不過，就唔會太刻意專登去食，喜歡隨遇而安，而「蘇山雞飯」亦都無話刻意嚟，不過，撞啱約咗朋友過嚟長沙灣食飯，而聽住晌附近嘅親戚介紹，呢間主打星馬菜嘅食店，絕對喺平靚正嘅街坊飯堂。 睇門面都估計到，餐廳都應該唔細，間鋪確喺幾深長，一室木系配上藍調嘅座位，而地下黑白色大方格地磚，帶點馬拉懷舊茶室嘅感覺，加上牆上掛有唔少浮雕木繪，讓簡潔嘅裝修又不失雅氣。 餐牌蓋咗層膠，有啲反光，好在晌外面有啲外賣單張拎，掃瞄晒出嚟就一目了然，由招牌雞飯、推介、湯粉、蔬菜、小食、特色飲品到甜品，都充滿星馬風味，難得喺價錢貼地 ，又無加一，怪唔之得親友叫佢做飯堂啦。 此外，亦有一系列午餐、下午茶、個晚餐精選……等等，已有多款招牌菜式供選擇，包飲品，並有多種升級及加配優惠。 可以用二維碼落單，相信都唔使多介紹啦，店家唔收加一，喺親民嘅表現，再者，啲服務又好吖嘛，俾多少少貼士都值得。 順化炭燒豬肉串 +$20既然有加配優惠，咁當然就用盡啲優惠啦，不過，印象中「順化」應該喺越南嘅一個城市，但都唔理咁多，好食就得。以為喺平常嘅一嚿嚿嘅豬肉，嚟到一睇喺豬肉棒，咁功夫就自然多咗，入口好鬆化，又充滿肉汁，唔知喺咪真喺炭燒，但確喺有陣陣炭火香。廿蚊3串，抵食到暈啦。 參巴醬通菜 +$20呢個又喺抵食，無話因為加配，而份量就將貨就價，一樣載到滿大大碗，比起好多粉麵店還要大碟。雖然點菜時有得揀走辣，但走辣就失咗少少風味，況且，無走辣，其實都唔喺好辣。參巴醬類似我哋嘅蝦醬，食落非常鹹香惹味，帶微微辣，通菜又夠爽口。  獅城芽菜走地雞飯配輕怡新加坡白胡椒肉骨茶 $90 既然店名叫得雞飯，朋友就話梗喺叫雞飯啦，仲標明走地雞，仲配上白胡椒肉骨茶、雞油飯，包埋餐飲，絕對喺精選中嘅精選，完全唔使多諗，就揀佢。的確，單喺一整盤套餐送上嚟，賣相已好吸引，最搞嘢，揀咗少飯，都一大碗，再睇吓其他客，原來正常飯量喺會堆到成咗山咁。 睇外觀，個雞油飯有別平常所見，比較深色，問問店員，原來煮雞時，用上啲日本花菇、元貝、多種香料增味，加埋啲雞油、斑蘭汁，所以，個飯真喺色香味全， 用上走地雞，油脂會無乜，果然食落雞皮更爽下，皮下近乎零脂肪，啲肉又嫩滑，加上已去骨，啖啖肉；佐食嘅3款醬汁：秘製辣醬、薑蓉、黑醬油，夠晒傳統、地道，下面墊咗唔少怡保芽菜，外形短身肥嘟嘟，清爽有特色。 白胡椒肉骨茶飲落陣陣白胡椒香，少咗朕藥材味，對好多人嚟講變得輕怡易入口，豬肋排亦炆到好腍、好鬆化，啲肉一咬就開。依家天氣凍，飲呢個湯夠晒暖胃！ 星洲龍蝦叻沙摻摻配鮮油咖央多士 $128老早就相中呢個餐，因為有我鍾意食嘅叻沙，更配上龍蝦添，真喺無得唔點，再者，配埋同樣打算都會嗌嘅咖央多，真喺一個餐滿足兩個願望，合晒心水。嚟到果然好有睇頭，半隻大龍蝦，兼有好多配料，絕無欺場，摻摻份量又多，真心推介。 先講個叻沙湯，色澤略為淡色，但仍算濃郁鮮香，呷一啖，淡淡椰香慢慢滲出，夾雜富層次嘅香料味；一般叻沙多數伴有雞蛋、豆卜，呢度仲有魚片、魚蛋、芽菜、通菜，夠晒豐富，然後折開啲蝦肉，唔單止啖啖肉，仲非常爽口鮮甜，口感一流；配上摻摻，即油麵加米粉，夠地道啦，而且，份量真喺勁多。  鮮油咖央多士賣相夠晒邪惡，中間件牛油厚到呢，件多士烘得極之脆口，中間嘅咖央好清甜，搭上香滑鮮香嘅牛油，嗰份化學反應絕對唔喺一條公式講得明，只有試過你就知有幾好食。  鮮檸檬薏米水 套餐包鮮檸檬薏米水或基本熱飲，亦可加錢轉凍飲或特色飲品，但天寒地凍，當然飲杯熱飲暖和啲。入口有陣陣檸檬清香，飲到尾就見有好多薏米晌杯底，飲完感覺非常舒服。  多謝親友嘅推介，果然抵食，百零蚊就食到捧住個肚走，而且，味道非常之好。啲阿姐亦好有禮，見我哋每逢食完嘅嘢，都幫忙收搭，保持枱面整潔。…Read More