北海道牛乳蛋糕

🍻 啤酒🐷食評 🍖 💁🏻‍♀️｜北海道牛乳蛋糕｜💁🏻‍♂️係新寶戲院隔黎，有間默默耕耘既蛋糕店🤔聽講佢地既古早蛋糕、批同撻都係店鋪入面現場烤焗架🤤新鮮出爐既蛋糕成日都吸引好多人去排隊，唔知啲批同撻又好唔好食呢🤔·—·—·—·—·—·—·—·—·—·—·#🍻🍖 質素：🐷啤酒豬今次買左以下呢幾款👇🏻🥧白汁錦爽雞批｜$22先講講個咸批先，批皮做得幾鬆軟，雞肉餡料都算多，咸度適中，不過白汁可能太杰身，食落有啲黏口同易覺得膩🤔🥧鮮忌廉吉士泡芙｜$25泡芙size都幾大個，同價錢成正比，至於吉士同忌廉都整得好滑身，味道唔太甜😋都幾好食，下次想試埋個朱古力味泡芙🥧北海道3.6牛乳鮮奶撻｜$22鮮奶撻既撻底好好食👍🏻曲奇撻底整得好鬆脆，而且用3.6牛奶黎做材料，做出黎既鮮奶餡都香濃啲😌🥧京都抹茶麻糬紅豆撻｜$25今次呢款抹茶撻最得我心😍面頭既抹茶cream整得好重抹茶味，食落有甘甜味，裡面仲收埋左啲麻糬，軟綿綿但夠煙韌，仲有少許紅豆做點綴，少許就夠，太多反而會太甜搶左抹茶既fo🤤·—·—·—·—·—·—·—·—·—·—·🐷豬頭評分：🍻🍖：🍻🍻🍻🍺 7/10 分環境 ：🍻🍻🍻🍺 7/10分服務 ：🍻🍻🍻🍺 7/10分性價比：🍻🍻🍻🍻 8/10 分✨推薦評級：💜 評級7 💜推薦評級參考：👇🏻👇🏻👇🏻👉🏻1-10分👈🏻👇🏻👇🏻👇🏻💔🖤🤍🤎💙💚💜🧡❤️❤️‍🔥…Read More

▲我最愛奶製甜品，瘋狂Order咗一大堆外賣回家，然後又強逼症set好場影相~哈哈~▲其實我係邊影邊偷食，辛苦了御用工人(男友)😍我好愛飲奶，所有奶製品，只要不太甜我都好buy！😍❤️​話說旺角最近開咗間以北海道3.6牛奶為主題嘅甜品店，所售嘅甜品全都沿用日式製法，好似一系列嘅牛奶蛋糕、芝士撻、泡芙、批類及鮮奶撻等，款款都勁精緻，唔講以為自己去咗日本百貨公司度買甜品，身為奶控，真係未食先興奮！（因為試咗超多，我就揀幾款必食嘅分享下）😍​▲店子係旺角豉油街，都幾易搵到~▲店家入面係半開放式廚房，睇住店員馬不停蹄整蛋糕，太勁了！▲「北海道牛奶蛋糕」最出名係一系列嘅牛奶蛋糕！▲翻熱，芝士流出嚟，睇見都食指大動！說到店家最出名，一定係佢哋嘅日式牛奶蛋糕系列，一日差唔多賣二百個呢！呢頭出爐，嗰頭就賣晒，真係好鬼誇張！😝​造訪時，我見鹹蛋黃流心芝士蛋糕剛出爐，於是要咗個回家食！呢個蛋糕真係無敵正！據說每個蛋糕平均用20隻蛋製作呢！蛋香、奶香超濃郁不在話下！用微波爐叮一分鐘回暖，一切開，入面嘅流心芝士仲漏咗出嚟！🙊差啲影唔設相！加上蛋糕中有少少鹹蛋吊味，隻味超夾，令我印象難忘！​至於質感，如我想像般，好鬆軟，比我感覺有啲似而家好興嘅台灣古早味蛋糕，不過相比之下，呢度蛋糕嘅蛋味及奶香更勝一籌！​​▲好巨型嘅泡芙，入面塞滿忌廉吉士，食完好滿足！呢個係泡芙真係好巨型，有我2隻拳頭加埋咁大！令我諗起之前係大阪梅田買嘅大泡芙🙊我見到立即要！咬入口，泡芙脆脆地，空氣感好勁，入口即同忌廉吉士醬一齊化開，口感真係太治癒啦！❤️​不過真心大份，食完都唔洗食正餐！🙊​▲熱食撻款都唔錯，其中照燒牛肉芝士批及錦爽蘑菇芝士雞批啖啖肉，食肉獸接示高質！▲熱撻橫切面，餡料超多，真係太有誠意了！第一啖咬落去，心諗洗唔洗咁多餡！真係爆餡wo老友！除咗層酥皮，入面塞滿肉，真係好足料！我諗Meat lover應該好開心！😂​牛肉批餡料有洋蔥、火腿及忌廉，幾惹味；雞肉批餡則芝味濃郁，啲菇皮係一片片架，好有咬口！​▲凍撻選擇亦多，一定要試焗雪山系列！呢2款焗雪峰真係邪惡之最，外層係燒棉花糖！🙊媽呀！🙊夾心仲有吉士醬，藍莓醬/草莓醬等，隻味似cheese cake。個人覺得有少少膩，但味道其實唔差。​…Read More

順路經過旺角時，聞到出爐蛋糕香氣，原來是由這間新開不久的北海道牛乳蛋糕傳來的。櫥窗裡琳瑯滿目，款式繁多。餐牌除了主打多款蛋糕之外，還有冷熱批撻供應。黑板上公佈各款蛋糕出爐時間，更易買到新鮮熱烘烘蛋糕。黑胡麻牛乳蛋糕 $125最近推出的新口味，不過我自己未試過，未知味道如何。今次反而選了好幾款撻類，外賣回家。泡芙類則是獨立包裝，外賣時更加衛生方便。北海道3.6牛乳鮮奶撻 $15由日本北海道直送3.6牛乳所製成，是店內的熱賣皇牌。北海道3.6牛乳潔白滑溜，濃濃的鮮味奶香就在嘴裡化開。酸乳酪芝士撻 $20乳酪芝士撻熱烘烘，撻皮堅挺而富牛油香。一咬開略帶半流心效果，口感柔嫩夠creamy，芝士味甜中帶酸香。錦爽磨菇芝士雞批 $20雞批鬆脆外皮烤得金黃，散發豐腴牛油香氣。內裡餡料豐富實在，填滿雞肉、洋蔥和芝士白汁，既甜且鹹。富士蘋果金寶批 $25這款可以凍熱兩食，以烤焗過的甘寶碎舖面，再灑上白色的糖粉，猶如白皚細雪。裡面裹滿玉桂蘋果餡料，將蘋果的天然酸甜果香與玉桂的特有香味交互融合，齒頰留香。鮮忌廉吉士泡芙 $25泡芙size 頗巨型，質地挺身，蓬鬆酥脆。載滿重量級的忌廉和吉士，入口雖幼滑，但就稍為甜膩。…Read More