GoodDay Cafe (Moved)

朋友經openrice訂座有9折同里數儲，因為唔近地鐵站，所以我都搵左陣先去到，去到都遲左到唔洗等入得。餐廳係簡約風，鋪面唔大，幾張枱，唔會逼坐得舒服，因為去過有D cafe會因太細而坐得唔舒服，但呢間唔會。睇完menu，我點左經典牛肉芝士漢堡配粗薯條，要左鮮南瓜忌廉湯，餐飲方面，我加錢要左手工啤酒一支。店員好好有解釋到手工啤酒餐牌上頭三款係果味重D，尾兩款係麥味重D，仲問我中意邊樣多D，先再推介我飲邊隻，我自己最後就揀左第四款既。首先講手工啤先，因為我好中意試手工啤既，呢支正如店員所講，係麥味重D既，飲落係有苦，但唔係苦得好濃烈，係淡淡啤酒既苦味會有回甘果種，非常順口，果味相對冇甘出，中意果味朋友可以叫前問問店員意見先，我覺得以跟餐價黎講算好抵，中意飲手工啤既人都可以試下。南瓜湯方面，南瓜味好濃，飲到仲有南瓜茸，質地好creamy，中意南瓜既朋友應該好中意。因為我平時唔食南瓜既，但我都覺得好飲。到主角經典牛肉芝士漢堡配粗薯條，茄汁係另外問店員攞既，店員會俾成支你自己要幾多就落幾多啦。先講薯條，炸得夠熱夠脆，不過再粗D應該會好食D。牛肉漢堡，果牛肉食得出係手打出品，調味岩岩好唔會過火，亦到唔會煎得太老鞋口，牛果部分真係俾滿分，包就普通包，芝士落得唔夠多，只係得牛上面少少一片，但整體黎講係好食既。成個咖啡店黎講，服務唔錯，環境岩哂朋友傾下計聚會，食物質素亦高，食得出係有誠意既，價錢合理，都會想再幫襯。…Read More

由於上次草根食過一次GoodDay Cafe覺得佢地嘅食物唔錯！流心芝士炸魚柳同花生醬決漢堡🍔都好有驚喜，所以草根姐妹決定再去試多次，食下其他好西😚上次去過一次，老闆娘已經認得我地 🙈呢個就係小店嘅好處，食客同餐廳嘅互動多d，食嘅唔單只係食本身，仲有一份人情味❤️今次老闆娘主動推介左2樣食物俾我地，一於就聽聽佢嘅推介，睇下店主推薦質素如何！鮮南瓜忌廉湯Pumpkin Cream Soup首先晚飯前要飲碗熱湯暖暖胃先，呢碗真係堅•真材實料嘅南瓜湯🎃，南瓜味濃到好似食緊南瓜蓉咁😍😍😍晚餐前一碗南瓜湯真係超暖胃啊，安撫了草根工作一整天後疲憊的心。。。當然仲有個胃✌🏻特濃香烤芝士忌廉什菌雞肉意粉（$98）Spaghetti with Mix-Mushroom & Chicken Fillet in Cream Sauce意粉🍝有燒過嘅芝士🧀係面，再加上忌廉汁，令成個意粉好creamy好smooth😋芝士迷一定要叫！意粉煮嘅時間岩岩好，煮得好有咬口👍唔會腍哂😍條條意粉都可以掛住芝士同忌廉汁👏中間仲有唔少菇類，食落好香🍄老闆娘最初擔心草根會覺得膩，但正正因爲成個意粉都有濃濃嘅芝士味，令一向重囗味嘅草根👭大愛💋，絕對推介俾大家！市面上真係好少有濃度咁高嘅芝士意粉🧀🧀🧀好正🤤不過唯一可惜係雞肉🐥有少少鞋鞋地🙈如果無我地食得咁濃芝士味，可以叫一個意粉加其他野食，咁就足夠2個女仔一齊分享啦✌✌黑松露蘑菇奄列配多士（$88）Truffle Mushroom Omelet with House Salad & Toast奄列一上枱🍳陣黑松露味就飄出嚟，又幾香喎😋！奄列賣相唔錯，一望就知唔會好乾好老，仲要大大份🐥切開奄列可以見到內藏蘑菇🍄同芝士🧀芝士仲可以拉埋絲，配埋新鮮嘅菌類，同黑松露，的確幾香口👍不過驚喜度就冇之前食嘅芝士魚柳同花生醬burger 咁高😜但係其實個重點係個蛋煎得好鬆軟，食落好juicy💦好嫩滑，即使係咁大件都唔會覺得滯，好有水準！旁邊仲有菠菜多士，沙律菜🌿同蕃茄仔，感覺好健康呢🏃飲品方面叫左一杯熱一杯凍蘋果雪梨茶配肉桂條（$48）Apple Pear tea with Cinnamon stick養生飲品💁熱辣辣嘅蘋果🍎雪梨🍐茶🍵味道淡淡地，唔會好濃，好温和🌞建議肉桂可以浸耐d等佢出味，飲落好舒服👍不錯喔！飲晒店主仲會幫你加熱水金巴利特飲（$48）Cranberry Cooler(Cranberry juice, Lemon juice, Soda)凍冰冰嘅🍋水果汁配汽水，非常解暑🔥檸檬撻配薄荷朱古力雪糕（$62）Lemon Tart with Mint - Chocolate Ice Cream 成餐飯食完🍴最重要緊係要食番個甜品啦🍰。老闆推介咗檸檬撻🍋俾草根👭雖然唔係GoodDay自家製，不過味道真係唔錯👍個餡好滑，酸度又剛剛好🍋味道好fresh🌿撻皮好重牛油香👀正！至於個薄荷曲奇雪糕🍦.....就要睇下你接唔接受到薄荷味啦🙈草根姐姐👧就一向食唔到有薄荷味嘅嘢，而草根妹妹👩就覺得好醒神啦，不過睇番價錢真係貴左d呢今次再食仍然覺得食物唔錯，比老闆娘認得仲要多左份親切感，就係中認小店嘅親力親為，今次由於賣晒心太軟未能食到，下次要再訪試一試，小店加油啊❤️❤️…Read More

這個星期的工作真夠繁忙，日復日地開工忙到收工，終於捱到星期六。實在要悠悠閒閒地享受一下，於是睡到自然醒後來到了一家咖啡店。小店位於銅鑼灣食街 - 希雲街，店鋪雖小，但環境舒服。餐牌都是 cafe 常見的食物 - 漢堡，炸魚薯條，意粉等。鮮南瓜忌廉湯不是一般的罐頭餐湯，而是用上新鮮的南瓜製成。南瓜湯稍稠，味道香濃。湯中又有南瓜蓉，入口舒服順滑。好日特製流心芝士炸魚薯條 $148炸魚很粗大，切開香脆外層中間有大量芝士流出。中間的魚肉不會鬆散，即使用叉叉起炸魚亦十分穩陣，吃得安心。平時吃炸魚都會跟醬或檸檬汁，而中間的流心芝士足以做到醬汁的效果，芝味十足。特濃香烤芝士忌廉什菌雞肉意粉 $98絕對不負特濃之名，意粉感覺黏黏的，全因濃厚的芝士。足夠的忌廉亦令意粉份外creamy，當芝士撞上忌廉，更能帶出"特濃"的感覺。除此之外，什菌雞肉的分量都不錯。由於這個意粉較溜，建議share其他食物一齊食。Cappuccino用餐之後慢慢嘆一杯咖啡當然是個好選擇，因為今天的確需要叉叉電，而見到這個拉花更令我在繁忙過後會心微笑。真正的假期應該要這樣過。Have a good day！…Read More

今日放工，終於唔駛對住M佬，哈哈！可以同好閨蜜去銅鑼灣shopping再食飯！不過，去到人多車多大媽仲多嘅銅鑼灣，想搵間舒舒服服嘅cafe坐吓食吓嘢，再同姊妹傾吓計，講吓條佬嘅是非？我哋今日就不經意嚟到呢間小店！店內以淺木色傢俬襯白木牆，好有小清新感覺，單單係個feel，我哋已經好enjoy！鮮南瓜忌廉湯：聽店員講係用新鮮南瓜打成湯，所以南瓜湯除咗夠香仲好濃郁。值得一讚係湯底夠晒滑唔嚡口，直情好似成個南瓜放入口咁！南瓜迷必試！哈密瓜巴哈馬火腿配意大利橄欖油黑醋沙律：上枱顏色好豐富，橄欖油同黑醋汁比例啱啱好，配埋超甜嘅哈密瓜，同濃郁嘅巴哈馬火腿，作為餐前開胃小菜確實不錯。特調花生醬爽瓜瓜漢堡配薯條：好大份漢堡呀，一啖真係咬唔晒，我有嘗試過，但你哋知啦，我A姐呢個迷人櫻桃小嘴真係cannot呀！漢堡嘅牛肉好juicy同好鬆化，仲足足有成隻手指咁厚！連麵包都有烘過，入面仲有蕃茄同青瓜等配料，最驚喜係用上特調花生醬，估唔到花生醬可以同漢堡咁match，飽感度滿分。好日特製流心芝士炸魚薯條：望上去平平無奇嘅炸魚，一切開，原來內藏“殺’機！好，多，芝，士，流，出，嚟，呀！真係好罪惡呀！芝士配上炸魚，除咗令炸魚味道更突出，仲令魚柳更加香滑！如果可以再多啲再濃嘅芝士就更加正喇！唔知係未店員驚加咗芝士會溜，所以無他他汁，雖然味道好好，但如果再加埋他他汁，可能層次更豐富！洋甘菊茶 + 57%可可凍朱古力：我係一個怕膩人士，所以食飽嘆杯洋甘菊茶，就啱晒我喇！而閨蜜係一個好甜人士，所以食到飽飽都要整杯57%可可凍朱古力。朱古力夠晒香濃，唔會死甜，加埋上面嘅綿花糖同cream，賣相一流！…Read More

「Have a good day!」知易行難，不論是學生或是上班族，經過日復一日的工作折騰之後總是拖著疲憊不堪的身軀回家，能微微一笑經已萬分罕有，更遑論享受生活，擁有美好一天卻有如自嘲。早前在Instagram發現這間新開張的小店，命名為Good Day Cafe，大概正正是鼎持令人感到愉悅的宗旨，向來美食於我而言都是快樂來源，這天放學後終於與朋友一同到此共進晚餐，感受一下美好一天的感覺。小店環境一目了然，裝潢設計簡約舒適，甚有溫馨氣氛。哈密瓜巴馬火腿配意大利橄欖油黑醋沙律份量頗多，沙律菜新鮮而蜜瓜清甜，與鹹香的巴馬火腿天生一對。鮮南瓜忌廉湯質感綿滑且帶濃郁南瓜香甜，當中更能嚐出南瓜蓉於其中。好日特製流心芝士炸魚薯條 ($148)魚柳炸皮透薄香脆，中間包著流心芝士，芝士味道並不濃郁，更略有洩漏的情況出現，可幸的是魚肉嫩滑而且整體沒有過份油膩。特調花生醬爽瓜瓜芝士牛肉漢堡 ($138)牛肉厚身鬆軟，肉汁豐沛，自家調配的花生醬較為稀身油潤，當中帶有花生碎粒，甜中帶鹹，與牛肉出乎意外地配合，底層爽脆的青瓜更是畫龍點睛之處，中和了花生醬及牛肉的鹹與膩，大大提升了清新感。ICAM 56%特濃朱古力($48)朱古力香滑濃稠，帶黑朱古力的甘香而絕不過甜。無添加糖的蘋果雪梨茶配肉桂條($48)清甜滋潤，實為女士恩物。「I had a good day here, and you?」…Read More

放工行開呢頭，呢區不泛食肆，我被呢間裝修簡潔嘅餐廳「GoodDay」同呢個店名所吸引，未食已覺得附合今日心情，所以選擇呢度食set dinner。店主係環境同食物設計都好用心，牆上同食物上都有小小生活句子，令人感覺悠然自在同寫意。餐湯係鮮南瓜忌廉湯，湯底很濃稠很有質感，味道濃郁，好鮮甜，第一道菜已令我深深體會到好新鮮嘅味道，所以問店主，原來佢地每日會去買個大南瓜去打個湯，難怪咁鮮甜好味，味道絕對同出面罐頭嘅不同，欣賞佢地咁細微嘅湯都用心製作，呢個湯真的要試，推介！！牛肉芝士漢堡，牛肉係手打的，相當不錯，豐富肉汁，肉質柔嫩得黎肉味特濃，塊牛肉真係超級厚，裡面有芝士配牛肉，還有大大個麵包，好味！！仲配上超級大碟又好味爽口嘅沙律（可選薯條或沙律），令人食好滿足！！最後點少得點一柸呢度嘅笑哈哈飲品，我味咗柸熱朱古力好香好濃，極具水準，飲後餘韻重，特別個笑哈哈樣令人見到好開心，配合返店名「GoodDay」係個個美好嘅結尾。總括：食物有水準，用心製作，服務好，值得推介！！…Read More