City Nice Kitchen

九龍城好食嘅店舖往往亦好平易近人，價錢親民，就好似呢間集港式茶餐廳及大排檔風味嘅小菜館，食過一定會回頭。小菜供應時間由早上11點至晚上11點，餐牌好吸引，好多款式，有豬、牛、雞、海鮮小炒及煲仔，應有盡有，最正嘅就係每碟小菜送一罐指定啤酒，啱哂我哋呀🤩。鮑魚滑雞煲$178煲上熱辣辣，香氣四溢，份量唔惹少，鮑魚厚肉大隻，口感軟腍滑溜亦不失口感，濃郁味鮮；選用文昌雞，皮薄肉嫩，口感Q彈，雞味濃郁，以青紅椒、洋蔥、薑、蔥等爆炒，惹味又滋味😋。🥢爆炒香辣海蝦$158炒得非常有鑊氣，海蝦鮮甜爽彈，少少辣，相信大人細路都能接受，餸酒下飯都好正👍，轉餐加$12，有白飯及湯/餐飲。另外，每日11：00至18：00星期一至日都有供應10款不同款式嘅午餐，星期日有我喜歡嘅黃豆醬蒸鯇魚腩$64，包中湯/西湯及餐茶。🥢黃豆醬蒸鯇魚腩：鯇魚腩新鮮嫩滑，除咗鹹香黃豆醬之外，再加埋薑絲及蔥花，仲有鹹度適中嘅豉油，令魚嘅鮮味倍增。粉葛湯：完全唔係例湯咁簡單，湯頭濃郁又足料。☕️熱檸茶：有湯仲包埋餐茶，你都咪話唔抵👍。…查看更多

嚟九龍城唔一定食泰國菜，中式小菜都好出色好有驚喜🤩🔸鮑魚滑雞煲 $178最鍾意菜式熱辣辣香噴噴原煲上枱😍雞煲入面有4大隻鮑魚好足料！食落彈牙而不失軟糯～雞煲用洋蔥醬料爆炒雞件好惹味🤤🔸冰鎮酒醉鮑魚🍶老闆娘話而家有優惠，滿$250送一隻鮑魚～唔係講笑，隻冰鎮南非鮮鮑魚都幾大隻😲 花雕酒味好香，咬落爽滑彈牙一啲都唔韌。絕對係100分滿分嘅高質前菜🤩🔸彩虹咕嚕肉 $98諗唔到食咩一定係叫咕嚕肉🤭脆漿夠薄食落幾脆口，肉質一咬好軟嫩一啲都唔嚡～ 咕嚕肉每嚿大小一樣，唔知係咪用梅頭肉所以咁好食呢🤭甜酸汁包裹住酥脆嘅肉肉特別開胃😋🔸蝦乾啫啫通菜煲 $82熱辣辣上枱嘅啫啫通菜煲真係勁香！用蝦乾、少量肉碎、蒜頭爆香炒通菜好惹味🤤🔸例湯跟餐送嘅青紅蘿蔔湯，有齊三餸一湯😆食完就知點解餐廳好多熟客仔嚟食飯，呢度員工好親切，食物款式多之餘價錢仲幾抵食，仲唔洗加一，二至四人想食幾個簡單小菜的話就啱晒～ 性價比抵過去酒樓🤭🐾貓奴足跡🐾🌐大城小廚 (九龍城)📍九龍城福佬村道33-35號地舖…查看更多

自從鐵路開通咗宋王臺站交通便利咗咁多🚇都真係多咗機會過嚟呢邊～路過試咗呢一間小炒店都幾好食😋～而且價錢算大眾化，小菜選擇嘅款式都好多👍🏻一款小菜會送一罐啤酒/汽水🍻嗌咗三款小菜就有三罐～-🍲鮑魚滑雞煲 / $178鮑魚雞煲超級惹味🐔‼️真係有勁多隻鮑魚用料好足❤️仲要係大大隻～雞肉都好嫩滑好入味-🦐蒜茸粉絲蒸開邊蝦 / $168最鍾意係個蒜蓉蒸粉絲蝦🦐🤤蝦都好大隻而且係新鮮！勁多蒜蓉非常之入味-🐷XO醬翠玉瓜炒豬頸肉 / $78最愛嘅XO醬翠玉瓜炒豬頸肉🐷最頸肉幾爽口鹹香惹味～ 整體碟碟都真係好有穫氣🔥另外可以加配$12轉做套餐，有一碗白飯，例湯同埋熱飲～凍飲就另外再加錢。以呢個價位有呢個質素都算抵食～…查看更多