百利火鍋海鮮酒家

現在流行多完化任點任食的大型打邊爐餐廳，多數$3xx一位，其實用料只是一般般，除了心理上，好似好抵食外，我通常試過一次就算。我始終鐘情於幫襯了多年的百利，散叫同專攻自己喜歡的食物才合我意。最终也只是$2xx一位。當然若叫埋肥牛， 象拔蚌,海鮮類…價錢會略高，但都是值得付的。百利湯底也有十三款選擇，食物質素非常生鲜，但本人因皮膚關係，近排戒牛，否則必選，唯有等下次再大戰肥牛。樓高三層，而裝修後又乾淨衛生,真的舒服了很多。沒有限時限刻的阻礙，一家人或同朋友們慢慢歎，傾吓計。百利一定是我打邊爐的首選。而百利的鲜制四寶丸，爽脆黑柏葉，新鲜魚卜，大大件口感非常粉的炸芋頭，肥美適中的鹅粉腸，特製魚腐……,很多餐廳也沒有這種好質素了。而且價錢非常合理。而且做了多年的侍應，招呼也很好。百利確是我的至愛。"…Read More

鄰近太子站的百利火鍋，每晚放工經過都大排人龍，今晚終於有機會試一試。餐廳有兩層，跟平時酒樓格局一樣。湯底有十多款選擇，海鮮種類眾多，火鍋配料除了牛肉較價外，其他全部都比外面便宜，約$50-60已經有一碟，份量十足。新張優惠，兩小時內埋單每人送一支啤酒。另外醬油每位$12，酸菜小食$12/碟，調料有蒜蓉、辣椒及葱。我們要了最簡單的芫荽皮蛋鍋，皮蛋份量都幾多，芫荽味香濃，不過食到最後皮蛋有點燶底。手切本地肥牛大牛肉紋理清晰，色澤鮮紅，肉道濃郁有肉汁，切得較厚身但肉質嫩滑腍身，油脂不多，所以不會太膩，但絕不鞋口。新鮮黑栢葉跟平時食開黃黃地色的牛栢葉不同，黑栢葉本身有點白邊，質感爽脆有咬口。招牌四寶丸有豬肉丸、墨魚丸、鯪魚丸及牛肉丸，全部都是鮮打而成，彈牙爽口。墨魚丸及豬肉丸是比較好味，墨魚夠彈牙，不會太腍身，豬肉丸肉味香濃，很有肉汁。豆腐是水豆腐，非常軟滑，豆味一般。枝竹本人對枝竹有情意結，每次打邊爐都要食過先安落，枝竹份量十足，有咬口，太大碟最後都食唔哂。豬頸肉切得夠薄，好快可以碌熟，油份不算多，肉質又腍又爽。魚腐打邊爐必點食物之一，魚腐完全吸收了湯底的精華，感覺似食豆卜但裏面有些魚肉，因為是由頭滾到落尾，所以魚腐有濃郁的皮蛋芫荽味，質感軟腍。竹庶水原來是鴻福堂的竹庶茅根，味道一般，飲品類別太少，只有啤酒和這個竹庶水，如果有鮮打西瓜汁等會更好。總括而言，食物味道中上，份量十足，外面任飲任食無質素打邊爐都要$150/位，這裏有質素有份量的都是$200/位，性價比高，最好約齊一大班人去就可以試更多不同款式食物。…Read More

今次是第二次去百利，上次去食時，可能人多，服務也錯。 侍應叔叔還介紹出名及較新鮮食物，但魚扣就一早沒貨。今次更差...首先...當然爆滿，等約10分便有位，入去後當然未清枱，企咗10分鐘左右，先有人執枱，坐底沒想點菜....又要等15-20分鐘，先有侍應幫忙落單。花竹蝦刺生 - 每人最小要點2隻....4隻就要365元，大隻爽口:)，鮮甜不足:(。 估吾到炸蝦頭先上，奇怪是蝦尾冇炸，炸得夠火喉，所以外脆內軟鴛鴦湯(沙嗲拼清湯) - 有一段時間沒食沙嗲湯底，但這湯底較失敗，微微辣，冇沙嗲香，有少少燶味，可能沙嗲湯胆燶咗。清湯是大白菜加豆腐加大地魚乾，這個就一定正常:)。 上次蝴蝶腩湯底，超級好味，要好好食量才好點這湯底...大大嚿蝴蝶腩(10嚿以上...飽肚)手切肥牛 - 今次唔軔及有牛肉味生蠔 - 少少腥，都算大隻:)鱔片 - 算新鮮，沒有腥味，但瘦咗少少...唔夠肥:(:(雞腸 - 仔仔吃到有"屎"味:(，所以...全碟由我清...我又食吾出有怪味魚腐 - 上次煲咗個幾兩個鐘先淋，今次一上枱就全數放落煲，估吾15-20分鐘就淋...必點...會有好多肉...最想吃的魚扣、鴨粉腸、牛爽、牛舌定...所有特式料沽清...失望:(:(:(共670元…Read More

二胡後的晚飯，我發覺差不多次次都係打甂爐，今晚都唔例外，一行四人去到太子百利開餐﹗之前來過兩次，味道還算不錯，作為麻甩佬最緊要就係book定樓上，可以自由活動，如果坐地下就無呢支歌仔唱﹗老友到先，先order一碟鮮魚皮食下，唔食魚的我破例一試，魚皮帶麻油香，入口爽脆，出奇地原來佢係唔腥的，幾特別﹗湯底要了這兒最出名的蝴蝶腩湯底，湯頭尚算鮮濃，蝶腩也不少，件件都半肥瘦連筋，膠質夠亦有嚼頭，肉質綿而軟，我就嫌肥左0的，不過愛吃筋的友人們都大快朵頤，未正式開始打甂爐已經差唔多食哂個湯底﹗手切牛睇個色水是不錯，入口尚算軟熟，但牛味及脂香均不足，亦帶一陣令人難以下嚥的牛羶味，同行的友人都覺得味道麻麻，睇番自己的食評，其實之前都有彈過佢地0的手切牛，但係唔知點解次次去到都係唔理三七廿一照叫可也，真係自己攞o黎衰﹗鮮粉腸同鴨腸兩樣我都唔岩，但友人們超欣賞，吃完一箸又一箸有如吃烏冬，腸壁是滿滿的肥膏，灼熟後又爽又香，不太韌但有嚼勁，幾口就俾佢地食哂﹗手打四寶丸，看得出是鮮打的，四隻中以墨丸味道最濃，其餘的則平平無奇，牛肉口感似生竹牛肉大家也覺得麻麻地，還是一片片的好吃﹗蠔$20碟有五六隻，未算大隻，但蠔味濃郁，咬落蠔汁豐腴，香口好食﹗魚腐$20碟口感有如大魚旦，帶豆香。手切牛吃過麻麻，四個牛魔當然唔會咁就算，要了美國西冷牛肉，色水呈殷紅，肥瘦勻稱，紋理亦恰當，不肥不瘦，入口軟糯中見油脂香，肉質細綿，片片雙飛，牛味香濃。一句到尾，好吃，以後來百利記住要點呢隻牛﹗大食之友食完咁多野仲未飽，再叫多個牛粒同埋雞子，牛粒牛味香濃，不過灼得耐就過韌，唔灼耐一點又怕佢唔熟，兩難式﹗雞子我睇見個樣都唔開胃，不過佢地三個就一粒一粒咁放入口，佢地話爆汁勁正，一粒起一粒清，真係當正係四寶丸咁食﹗我就真係唔識欣賞，不以置評﹗呢晚飲既係Asahi，$14支，入座如在兩小時內結帳就一人送一支，埋單岩岩好兩粒鐘，慳番幾十蚊啤酒錢﹗一人唔洗兩舊水，食咁多野又飲十幾廿支啤酒都算異常抵食﹗講真食物不算貴，不少簡單餸料都係$20，牛就大碟$100，多人吃必抵吃，係佢地個手切牛總是次次食也不太岩脾胃，其他食物質素也不錯，三五知已要大大聲暢所欲言，來這兒準不錯了﹗…Read More