拉麵台風

Open Now

Now Closed

我跟男友都是極鍾意食拉麵，試過無數間拉麵平時出面普遍都要大約$100／碗但荃灣嘅拉麵台風性價比極高，平均 $70－80就食到！今日見唔算太多人排，就帶未食過嘅男友試吓我哋兩個分別叫咗「魚介豬骨湯拉麵」同埋「極限台風 - 黑色暴雨拉麵」「魚介豬骨湯拉麵」($78)湯底：－ 湯底濃稠，應該煲咗以日計，好足料，而且好濃魚介味（魚介fans必嗌！）「極限台風 - 黑色暴雨拉麵」($85)湯底：－ 即係「黑蒜油x黑芝麻x麻辣椒」味－ 開頭男友擔心黑芝麻太搶，但食落又唔會，有啖啖黑芝麻香味，然後一下回甘更香！ 總括嚟講：－ 紫菜上有一堆魚介粉，每張枱都有教學，教你先飲湯食原味＞再撈3分2魚介粉＞最後撈晒～～－ 呢到嘅麵較粗身，幾有咬口又掛湯，如果食沾麵應該更加明顯 － 叉燒我覺得係唯一美中不足一part，份量好多兼偏厚身，但如果可以燒一燒再落，應該會更香口另外要留意，呢到麵嘅份量係正常拉麵嘅1.5倍，男仔食應該夠晒飽，女仔食唔到記得叫佢少麵，或者比隊比隔離果個啪埋佢lol

拉麵台風開咗咁耐（已經8年）一直都有幫襯。初初開嘅時候香港都仲係好少拉麵店，到而家愈來愈多競爭都大咗。拉麵台風唔係最top 嘅，不過性價比高，唯一缺點係排得耐，特別而家限聚，佢只係坐一半人。今次星期六8:00pm到開始排，等咗45分鐘終於有得食。平時最鍾意係沾麵，因為係限定，今日食唔到。今次叫咗骨膠原拉麵同埋魚介豬骨拉麵。夏天食骨膠原唔會食到個人好熱。雖然冇湯，但係唔會乾，而且都好夠味。我今次要咗一半麵量，可能免費加一份配菜，今次加咗辣芽菜。另外嘅魚介豬骨湯。湯都好夠味，麵彈牙，叉燒都滑不過唔係好香，蛋好食。仲要份量多，$80真係算抵。叉燒有時一塊有時係一粒粒，我覺得粒粒好食啲，冇咁乾。記得以前剛剛開麵量仲多，不過叉燒好柴，有日本師傅。好似而家已經唔見日本師傅，可能去咗另外分店。

同事介紹話荃灣大河道有間開左好耐又好好食既拉麵鋪係香港要搵好食既拉麵簡直係難如登天所以特登前往朝下聖到達時間大約1330 啱啱過左lunch hour但仍然都要係門口排隊，大約等左15分鐘就入得因為等待期間店員會比張點菜紙你揀左野食野所以一坐低基本上就有野食男朋友叫左魚介豬骨拉麵 （第一張圖）佢話d叉燒太瘦 但拉麵既湯底都不錯我就叫左台風拉麵 （第二張圖）係蕃茄+芝士既拉麵因為我叫左濃醬油所以真係超級濃郁既蕃茄味小總結：係香港尼講都算係數一數二既拉麵，對拉麵有一份執著既你不妨試吓

第一次黎到，見到門口已經排左五，六個人，抱著試下心態，排隊期間，待應已經派左張落單紙俾我落單，點左個魚介豬骨拉麵，加$10加麵底，碗麵賣相唔錯，湯底夠熱，飲完唔會口乾，麵身我選擇普通，如果想食軟身麵，可以選擇軟身，個人喜好普通，已經夠硬，半熟蛋味道唔錯，豬肉略為比較凍，可能預左用個麵湯去整熱、有點美中不足，不過整體覺得值得一試，魚介湯底值得一試！

我和朋友可說是拉麵痴，今日路經荃灣，當然要試試人氣台風拉麵。 每人叫了一款拉麵，賣相不錯，整體湯底是濃而稠稠的，味道不錯。 可能我們不太喜歡粗麵，而每碗的麵量250g , 不能吸收湯底味道，吃極都吃不完，三位大人都未能清底，可想……。三片义燒厚厚的，抵食，但凍冰冰，不夠入味可能與區域有關， 餸和麵特多，男士們會喜愛些吧！

無諗過係一個唔起眼既地方，有間甘特色既拉麵店。我叫左一碗魚介豬骨拉麵，佢地既湯底水準好高，有好重既骨膠原質感，味濃而富層次，以一個普通人如我，都知道湯頭用左好多唔同種類既材料混和而成，就算未將碗內的魚介粉撈混，都食到湯內既魚味，值得一提係佢地配料之一既筍，都係預先經胡椒醃製過，所以零舍惹味，而佢地既叉燒，都係選取偏瘦部分，所以食呢碗麵黎講，一d都唔覺油膩，而美中不足既地方，就係麵太硬，對喜歡有嚼頭的人會係福音，但我麵條一放入嘴，即時覺得係師傅搞錯我張單，做錯左碗硬拉麵俾我，點知呢碗已經係按我既要求而做既軟拉麵，所以我食得好慢，因此，碗麵由最初上枱時既溫度，加上強冷氣環境底下漸漸降溫，湯一凍，湯會變得更咸，令整個食麵過程變得未如開初時美好，而且配菜種類偏少，個人覺得如有少量芽菜和木耳會更好。總括來說，它是碗有靈魂的拉麵，但同時，也是碗有性格既拉麵。

雖然拉麵台風都有好多好評, 但今日試咗之後只係覺得一般~魚介豬骨拉麵 -食之前有instructions教你點食幾細心~大大碗, 好多麵, 好多餸~有三大塊豬肉,、半隻雞蛋、一塊紫菜、仲有D魚粉、筍同京蔥~豬肉好” 淋”, 但無咩肉味~雞蛋都幾糖心, 隻蛋有D好似鹵水味, 好入味, 但又唔會太咸, 味道剛好, 值得一讚! 紫菜、魚粉、筍同京蔥無咩特別~拉麵方面, 我要咗普通粗度~拉麵唔會” 淋”, 但又未至如好彈牙, 口感一般~湯底方面, 我亦都係要咗普通濃度, 湯底都幾rich, 但味道麻麻~環境方面 - 認真麻麻, 好簡陋, 好似無咩裝修過咁~整體來說, 好普通的拉麵, 試不試也可~