樸一拉麵

星期日夜晚排了15分鐘就入得，店員會在排隊個陣比定餐紙等我地嗌定食咩，到入坐後好快就會上菜👍🏻我覺得這服務幾貼心🫡我地分別兩碗都係嗌左魚介湯底😋🫶🏻魚介湯底+慢煮梅肉叉燒（3片）+博多麵一飲湯底好重魚湯味，好濃郁，湯底好有誠意，不過飲幾啖就要開始食麪😂😂如果吾係就會有啲滯，因為濃底較濃厚容易膩😀叉燒相對較普通😂🫶🏻魚介湯底+厚燒五花腩叉燒（1片）+博多麵吾好見得1片以為會吾夠飽😇實則五花腩叉燒係厚切，起碼目測有2cm咁厚。我本身都一般食肥膏，但樸一係用灸燒燒叉燒，勁入味，同埋做到半肥瘦，食落好有驚喜，二揀一既叉燒，一定要試厚燒五花腩叉燒🥰🥢…Read More

小弟我食過咁多間拉麵店，我敢肯定旺角區最好食嘅拉麵店。撲一，為咗呢篇食評小弟親身分別嚟過五次（即係排過五次隊）食哂我最期待嘅拉麵（當中海老拉麵食過兩次），小弟呢邊食評係誠意之作係開始之前，我想讚一讚店員小姐，有一次我漏咗把遮喺入面，佢都幫我keep住，勁窩心，係招呼客人排隊入去之前，好有禮貌，會預先俾定菜單排隊嘅客人睇入面舖頭唔算好大，目測可以坐到大約20人，如果夏天會比較熱，因為冷氣唔算好夠麵底嚟講有兩隻：白麵（博多），比較幼身，硬少少，適合配濃湯黃麵（東京），粗少少，比較滑，口感好啲，適合配淡湯第一碗海老拉麵好好味呀，所以我食過兩次，個湯幾濃，非常重蝦膏香味，上面亦有啲櫻花蝦乾，將成個蝦湯嘅鮮甜升華到另一個層次，非常濃郁，因為濃郁所以我選擇咗黃麵，隨湯附送一隻蝦佢有得俾你揀厚叉燒/慢煮叉燒，今次我揀咗厚叉燒，簡直完勝慢煮叉燒。我覺得海老拉麵係撲一代表作。同場加映唐揚魷魚，油溫控制得啱啱好，外面卜卜脆，入面非常Juicy，用嚟佐酒一流！想講最特別係個綠色醬汁，雖然唔知咩嚟，食落去好好味，好特別特，有冇朋友仔知道係咩醬？第二碗蟹膏拉麵同海老拉麵不相伯仲叮噹馬頭，要我揀邊碗係冠軍？真係係好困難。相比起海老拉麵，蟹膏拉麵比較清淡，一如既往，清淡嘅湯，就係配白麵，但如果你哋想濃少少，不妨將上面嘅蟹膏同蟹肉碎，撈勻落啲湯度，將成碗湯嘅蟹味昇華！好似食緊隻蟹咁隨湯附送一個蟹鉗仔，老實講，冇乜味⋯今次我試咗慢煮叉燒，俾我揀100次，100次，我都應該要揀返厚叉燒，簡直係完全兩個境界，每個人都有唔同嘅口味，可能有啲人鍾意食慢煮叉燒多啲。同場加映冷凍廣島蠔，一啲都唔腥，而且非常鮮甜，個醬汁有少少辣，用嚟作為開胃菜一流，唯一缺點係限定期間發售，所以朋友仔見到呢個食評嘅時候，應該冇得食強烈要求撲一將佢列為常規菜式第三碗魚介拉麵一飲啖湯，超濃郁鰹魚香味，口感有些少流沙質感，應該係鰹魚粉，非常重成本點解會有一塊慢煮叉燒，一塊厚燒叉燒？因為師傅話嗰塊厚燒叉燒，份量比平時細，所以送一塊慢煮叉燒俾我，好佛心有良心特別嘅係竹筍吸收晒啲鰹魚味道，而且非常爽口，上面嘅木魚片撈埋啲湯飲，木魚mix鰹魚，味道非常好。同場加映黑松露魚餅，作為小食係非常高分，魚餅炸到好熱，而黑松露醬係凍凍地，黑松露配魚餅真係第一次食，呢個組合意外地夾，出乎意料好食最後一碗豚骨拉麵豚骨拉麵港人至愛，但點樣可以喺云云豚骨拉麵之中脫穎而出？撲一拉麵做到。其實個湯底做到好香豬骨味，再加少少豬油脂肪，令到成件事好「豬」就得㗎啦，起碼有人會記得你，比其他豬骨湯特別，啲湯再配埋啲脂肪，好順滑，用條脷頂一頂，啲豬油香出晒嚟總括嚟講：撲一拉麵全部菜式都係高水準水平，個人認為唔應該賣呢個平民價錢添，不論係師傅對客人嘅態度，因為塊叉燒份量少咗，加多另一塊慢煮叉燒俾你作為補償，淨係呢個做生意嘅態度，喺香港仔邊度搵？似日本嗰啲匠人精神，而且侍應小姐都非常有禮貌，價錢平，不在話下，食物嘅質素先係重點。佢係香港所有拉麵店之中，係我心目中嘅top 1。我好少會讚到一間拉麵店咁好，亦都花咗好多心機去打呢篇食評，我唔係打手賣廣告，一蚊都無收過，撲一拉麵，你值得的。Hong Kong deserves the best last forever.…Read More

見到拉麵關注組推介，二話不說黎試試佢先～ 星期日約18:10黎到，咁啱坐滿晒人，要等頭圍食完先入得。成四十度高溫，而附近又咁多美食，真係少啲定力都唔得。等左大約15分鐘終於有位！好感動，拉面舖黎講佢都算多位，有20個左右。我地每人叫左一碗魚介拉面+厚叉😋 員工好細心提醒厚燒會較肥，但食拉麵嘅叉燒係要多肥肉先香嘛😌我地坐吧枱位置唔係好夠冷氣，但就睇到師傅製作過程 — 叉燒浸過秘製醬油，再用火槍逐塊燒到微微帶焦，逼晒啲油香出黎😍 叉燒真係超厚肉，對我黎講肥瘦均勻，一啖咬落去有肥有瘦，好好食🥹 推介大家一定要試，食完番唔到轉頭而個湯底都係好濃厚好好食，見佢廚房煲湯底係熬煮到奶白色。 而麵質同份量都啱啱好😋而唐揚魷魚都好食，個醬酸酸地好開胃，好少見拉麵舖有炸魷魚食😋…Read More

這間位於旺角新開張的拉麵，裝修簡潔和樸素，但一樣有吧枱，可以一邊欣賞師傅的廚藝。餐廳提供優惠給學生和醫護人員，很有善心它們提供六款拉麵湯底，並提供麵底口感/湯底濃度/配菜選擇，另外肉類可以選擇慢煮和厚燒，慢煮叉燒雖然是薄切，但肉質較滑和香甜，與一般鹹味叉燒不同，不會搶走拉麵湯底的風味。而小菜選擇亦各有特色，魷魚/雞翼/蘿蔔等都適合飯前飯後。先上菜的是炸餃子上面鋪上了醬汁和配菜，賣相討好，外皮香脆可口，不會太厚，而且感覺餡料沒有味精，應該是自家製的然後上菜的是黑蒜拉麵和魚介拉麵，魚介拉麵上面還鋪了蔥絲、木耳、魚乾，黑蒜拉麵則配一羹黑蒜。 兩款拉麵都選擇了濃味湯底，豬骨味剛剛好，不會太咸，但濃黑蒜湯則比較苦，正常濃度較為適合這款湯底。麵底亦分兩款，我們點這款的厚度適中，沒有皂水味。拉麵份量恰到好處，還算飽肚，所以今次並沒有加麵底。但留意到其他客人加麵的話，侍應會主動加湯，非常貼心。而且食物質素比起其他拉麵舖更有誠意，下次會再來光顧…Read More