內地爆紅嘅野生菌終於火鍋開到嚟香港！！之前番深圳一直都好想試吓蘑界，自己都算係一個菇迷🍄🟫見佢哋嘅菇菌好特別，出面少見，沙田開咗之後第一時間就已經拉埋朋友過黎試新嘢☺️▪️高原野生菌土雞湯底 土雞湯底會包埋黃牛肝菌同美味牛肝菌，店員會幫手放落去計時⌛️，湯底夠鮮，好濃菇味，放埋啲菜落去食吸晒湯超正👍🏻▪️文昌雞 新鮮走地雞件，加落菌菇湯底烹煮15分鐘就食得，雞件嫩滑鮮甜，件件厚肉，建議搭配佢地調好嘅辣醬▪️鮮切三花趾三花趾帶豐富彈性，係牛嘅前腿肉，肉質爽口▪️刺身金耳菌見到相已經覺得呢隻菇好得意，所以好想試！！刺身食得多，菇菌刺身就第一次食，口感同雪耳有啲似，但係金耳菌會再軟身少少，蘸上芥末同豉油，真係有食緊刺身嘅感覺，口感Q彈▪️四季見手青呢隻菇真係未食過，係雲南都幾出名，口感好嫩，夠特別▪️鮮椒溏心皮蛋以紅油作底，皮蛋呈透明色，放上切碎左嘅青辣椒醬，香辣刺激▪️火腿野生菌炒飯炒飯粒粒分明，而且好有鑊氣，一份夠分4個人食，性價比幾高▪️麻醬甄選千層肚牛百葉蘸麻醬新食法，估唔到都幾夾，爽脆醒胃▪️鮮鹵牛腱肉 ▪️鮮鹵豬耳 ▪️手打檸檬茶▪️高原七彩土豆▪️板藍根…Read More
