Super Star Chinese Cuisine

朋友喺太古坊返工，約她們LUNCH當然會揀近她們啦想飲茶就來LEE度啦一早BOOK定位，咁就唔洗等喇坐左一陣佢兩個都到了，叫野食喇墨西哥叉燒餐包~~~熱辣辣的包包係好難唔好食的蛋煎糯米雞~~~冇特別，個人覺得都係蒸好食D，前得唔夠香脆，重點係唔夠熱蜜糖脆雞翼~~~去鴻星飲茶一定會叫的，個蜜糖汁剛好，雞翼外皮好脆又唔油，入面的肉又好軟滑喎帶子腸粉~~~餡料好似少左D，個腸粉皮的好滑鮮蝦腐皮卷~~~煎得唔油但好似冇乜料喎帶子餃~~~皮好薄，餡料都好多，味道都OK馬拉糕~~~勁薄，味道可以，但好細件豉汁鳳爪~~~好味排骨~~~都係好味喎總括LEE度D點心都好味的，但枱與枱實在太近了，如果隔開D會更好…Read More

星期日，間中有驟雨。與外父一家到酒樓嘆茶，主要目的都係陪下太座嘅祖父。雖然年紀大，但十分風趣健談。到這家「鴻星」飲茶，一來就腳，二來可享有泊車優惠，方便接送老人家。這不是頭一趟到鴻星飲午茶，點心選擇多樣化，而且總體嘅水準也比一般做得好。比較有印象嘅係以下幾款點心：啫啫生菜煲 – 調味料下得太重手，令味道有點太鹹，唔適合高血壓人士食用。撇除此因素，生菜入口爽脆，水份充足；豬腳薑 – 是筆者特意點俾太座的，因太座最鍾意食佢嘅蛋。甜醋份量剛好，每件豬腳皆煲得入味。用了黃薑，入口不辣，也是酸酸甜甜的，可惜來貨唔係太靚，薑身太瘦少汁；叉燒腸粉 – 比一般酒樓，這裡的腸粉比較「精緻」，大約兩大啖可以食完一條。但明顯地皮猜得比較薄，呈半透明狀，呢種做法才接近正宗；石頭魚餃 – 蝦餃就食得多，用石頭魚肉做餡嘅餃子都係第一次試。入口鮮甜多汁，魚肉嫩滑可口，令人耳目一新。如要到「鴻星」食點心，呢一味不可錯過；流沙奶黃包 – 流沙餡呈流態之餘不會太過水汪汪，甜度亦適中。至於表面嘅麵包略嫌唔夠鬆軟；菠蘿叉燒包 – 是太座嘅推介，但筆者覺得酥皮不大鬆化之餘，叉燒餡料亦冇應有嘅豬油香味，肥瘦肉比例 (呈1：3之比) 也欠妥善；馬拉糕 – 鬆軟有餘但香氣不足，不吃也不是什麼損失。一枱六個人，共銀五百四十蚊，平均每人九十蚊有找。綜合食物質素，筆者認為也是物有所值。…Read More