Cambo Thai Restaurant

和5個朋友約埋一齊聚會，就揀定這間泰國菜。一早已經book位，七點到，場內已經有唔少客人，一到對完資料即有位，唔使齊人入座。九龍城地處偏僻，預左交通不太方便，店家留左一入門口張大枱比我地，隨便坐，十分闊落，店家服務態度很好，幾個朋友遲到，我兩個人先落座都冇收到異樣眼光，上菜快，收碟好及時，小食拼盤跟一兜香葉，我不明白點配搭，問店家，店家雖然忙都願意答復，中間遇到差人抄牌，店家仲大聲通知食客哈哈。食物方面，除了甜品，樣樣都好食，尤其是炒金邊粉，最令我眼前一亮，金邊粉口感非常好，絕對要一試冬陰功湯都好飲，叫個細份每人一碗小嘗味道，很暖心。最受歡迎要屬生菜包肉碎，好食到未黎得切影相已經清兜，不過分量偏少。甜品要攞出黎批評。特意叫左甜品拼盤，但冇樣好食，樣樣失色，唯一合格就係芒果糯米飯的芒果和紫米，淋上面的椰漿都略失色，連我在泰國機場買的芒果糯米飯都樣樣出色過佢。這間確實煮得好食，但這種好食是出邊（例如旺角）都食得到的程度，需唔需要特意入九龍城食就見仁見智，或者等宋王臺站開左會來得多d（宋王臺站就在呢間鋪隔離街）。…Read More

九龍城出名食泰國菜，朋友介紹一間有很多食家和明星捧場的泰菜館，一於試下係咪特別好食😚——————————🔹泰式海鮮炒飯 這個炒飯很足料，裏面有很多蝦丶魷魚等海鮮，但整體味道偏淡，缺乏鑊氣和鮮味，有點失望.🔸越南拼盤 $100這個越南拼盤有四種食物，分別是蝦卷、春卷、粉包和蝦餅。最喜歡蝦餅，很彈牙鮮味，令人一啖接一啖🥰春卷亦炸得外脆內軟，不錯👍🏼🔹馬拉盞通菜 $55通菜份量夠兩個人食，廚師用少少蒜頭和辣椒炒，微辣惹味，不錯👍🏼🔸蒜蓉牛油雞翼 $39這個雞翼亦炸得非常香脆可口，但蒜香味欠奉，牛油味則較重，下次應該唔會再叫🙁🔹甜品拼盤 小編特別喜歡吃椰子汁類的甜品，這個拼盤就啱晒我~ 黑白糯米飯本身是熱熱地，煙煙韌韌的糯米配上香甜濃郁和稠身的椰汁🥥真的佷好食😍👍🏼 Encore！…Read More

九龍城最多就係泰國菜， 同男友蕩黎蕩去之後男友見呢間有泰國菜同越南菜夠多選擇就揀左呢間😅 (佢係兩間舖位痴埋一齊一間越南一間泰國可以互相點另一間嘅菜式)兩個人叫咗個細酸辣海鮮湯，泰式金邊粉，馬拉盞通菜，無骨鳳爪沙律，新鮮芒果甜品同拉椰糕甜品 (其實最後都係叫晒全部泰菜🙈)個細酸辣海鮮湯都幾足料，啲魚幾滑，味道係飲開泰式酸辣湯既味道，幾重香料味，辣度接受到，有個煲煲熱住係好好既設計，因為湯凍左真係唔好飲😀 尤其有海鮮驚凍左會腥泰式金邊粉係我食泰國菜必叫😅 酸酸Mei Mei 好好食，又有我中意食既蝦，呢間既蝦都幾爽👍馬拉盞通菜都係我食泰國菜好鍾意叫既餸之一，通菜脆口，配埋好微微既辣同啲蒜勁惹味😋😋食到7788好想食甜品但係又好似食唔落糯米飯，所以叫左個“新鮮芒果”， 好少見泰國菜有得淨係叫芒果😂😂 個芒果好甜無渣，很好吃😍至於個無骨鳳爪同拉椰糕都係男朋友食，因為我好少食沙律同埋我係好唔鍾意椰汁味🙈 不過佢話個鳳爪幾辣(佢同我一樣唔食得辣🙊) ，而拉椰糕好煙靭得黎重椰子味，佢覺得幾好😅呢間餐廳好多選擇同埋價錢合理，都幾推薦😋👏…Read More

第一次黎九龍城食泰國野，太多選擇所以聽朋友推薦黎左依間金寶，好彩有book枱，不然就要等了。第一道菜係生蝦，見佢人氣no.1所以試下，但我覺得唔太值$9X，好普通椰汁冰好好飲菠蘿冰都唔錯水果好甜蒜蓉法包，夠熱夠脆好味，本身係想連埋黃咖喱食，但有排未到唯有食咗先個串燒係我成餐飯最鍾意，早知唔要個生蝦食多碟串燒！個醬汁我鍾意，d肉唔會"鞋"同攝牙縫食泰國嘢又點少得馬拉盞通菜熱辣辣超正呢個雞肉黃咖喱令我失望，本身見佢個相貌唔錯仲有個火喺下面保溫，即刻叫咗碗白飯配，點知食落好奇怪，甜得唔似咖哩，仲要有啲三色雜豆，唔太夾仲有一點令我唔鍾意嘅係，滿心歡喜以為係薯仔點知原來係菠蘿點解會有菠蘿煮熱嘅菠蘿實在唔啱我口味總括而言我覺得間餐廳係好味值得食，但每樣餸都差不多食完先黎下一碟，本來期待一次過上晒枱，可能今日比較忙下次來食會試吓豬頸肉同第二款咖哩…Read More

去開九龍城，決定要食九龍城最出名的泰國菜，餐廳食物選擇眾多，而且價錢可算是抵，我地一行三人眼闊肚窄地叫足8碟餸: 串燒沙嗲($70)、馬拉盞通菜($55)、活蝦剌身($95)、椰汁青咖哩雞($60)、醬爆蝦餅($80)、泰式蝦春卷($60)、泰式炒粉($65)、雜菜炒咸魚($60)。先來的馬拉盞通菜同串燒沙嗲(雞牛豬各兩串)水準都很高，尤其係串燒燒得剛好，肉質嫩滑。接下來的活蝦剌身食得出食材新鮮，但由於沒有冰鋪墊，擔心室溫會變壞所以都急急先清光這一碟。椰汁青咖哩雞係這一餐最大的敗筆，咖哩汁水汪汪得沒有青咖哩味，令人失望。另外其招牌菜醬爆蝦餅果然名不虛傳，蝦餅內的醬汁為蝦膏，味道濃郁，而蝦餅亦十分彈牙，屬必吃之選，反而蝦春卷只能說是不過不失。泰式炒粉起初以為即平日吃的泰式金邊粉，結果用料雖一樣是蛋絲、銀芽、火腿之類，味道卻完全跟廈門炒米一樣! 但平心而論，味道還算是不錯。最後雜菜炒咸魚味道真的是太咸，早知道不會叫這碟菜。總括而言，除了一兩碟中了伏外，其他總算是物超所值，可以再回頭。…Read More

平日星期三晚慣性要出街食飯，因為仲有有兩日先到weekday休息,令人納悶日子。今次約了姐姐食所以選擇了近她的九龍城，黎到呢頭就當然係食泰菜，亦當然地選了這間老字號。無bk枱，黎到好full,但他開了間越南菜館在旁，所以有有位坐，同時可以叫泰菜及越南菜。推介的蝦球，原本覺得80蚊好貴，但上菜見蝦球好大粒，而且即炸，熱辣辣，交落滿滿彈牙蝦肉，中間有蟹黃油滲出，好滋味。本來見到有少許失望，唔係預期的金黃色沾滿炸蒜，但咬落有驚喜，肉質鮮嫩保有水份，好重牛油香。叫了一份細的，份量驚人，有約4隻蟹，炸得剛剛好，保有水份，唔會硬亦不會過咸。每次食泰菜必點的，份量多，味道夠，令人回味點了黃咖哩牛肉另加蒜蓉包，咖哩濃郁椰香味，內用菠蘿粒取代薯仔，菠蘿甜味同咖哩非常相襯，有碗豆，洋蔥，蘿蔔。咖哩多，最後食唔完可以問佢拎個盒帶走。蒜蓉包熱辣辣，蒜蓉同牛油塗得很均勻，從頭到尾都有。雖然等兩大條但中間有切口可以一開三食左咁多野以為起碼400幾，但原來唔使加1，埋單354 only,好鬼抵。知道佢地係 tst都開左分店，嗰邊方便d,下次會去試一試…Read More

馬拉盞通菜無得輸 泰國菜野味可口，馬拉盞通菜、龍眼冰、蒸烏頭、炸魚餅，通通都想食。要食泰國野梗係要去九龍城搵食今次簡左金寶泰國菜，招牌係泰文，侍應都係泰國人，泰風味👍🏻內部雖然唔係太大，但坐得舒服唔會太逼，裝修都係泰式風情，最好吹水聚會傾計點可以唔叫杯泰式特飲？！我每次只會叫龍眼冰，朋友叫左三色冰，大大杯好多果肉，我自己偏向鍾意飲甜野因為放工好肚餓，好彩上菜速度都好快，先黎馬拉盞通菜，我覺得通菜絕對係一個好食既指標。通菜入味juicy而微辣好正，因為我唔食得好辣三四個人可能要叫兩碟先夠之後就有菠蘿炒飯連三隻大蝦，賣相唔錯，大蝦爽口彈牙，飯都好香。最期待都係泰式蒸烏頭，我自己好鍾意食魚，呢味餸真係無得輸，頂呱呱出面好多時個湯都偏咸，但呢個味道好適中，魚又大條又滑，成條都食哂，湯都差d飲哂最後老闆心情好，送埋芒果糯米飯做甜品，芒果新鮮好甜，糯米飯一黑一白好正下次要多d人食可以食多d款，下次要食炸蝦餅…Read More