Sun Thai Restaurant

新泰東南亞餐廳😘😘😘港式泰風味尖沙咀加拿分道、店外內充滿、濃厚氣氛泰式餐廳、寬敞梳化、令人泰舒服！✨午市套餐$75星洲喇沙蝦米線喇沙湯底香濃、帶有微辣的椰漿風味、晶瑩透徹、爽脆彈牙鮮蝦、米線滑順有嚼口、搭配魚片、雞蛋、豆卜、口感層次豐富、每一口都散發著熱帶風情、色彩繽紛、賣相吸引眼球👀食不停口、舔舔脷👅👅+$28馬拉盞通菜馬拉盞醬鹹香濃郁味、配通菜一流、色香味俱全、通菜鮮嫩爽脆、清香四溢、炒過後色澤嫩綠、令人食慾大+$8紅豆冰泰式紅豆冰清涼甜美、紅豆軟糯、搭配椰漿香滑、冰晶細膩、口感爽口、不太甜、非港式款、泰好味😋✨醃無骨鳳爪沙律$78酸辣做得非常出色、無骨鳳爪夠爽脆、夠入味、夠開胃👍🏻、配紅蘿蔔絲、洋蔥絲、中芹絲、切邊鮮甜蕃茄、色澤艷麗、賣相好靚、一流開胃小菜⋯⋯✨燒西冷牛扒$138燒西冷牛扒外焦內嫩、表面呈現迷人的焦糖色、肉質鮮嫩粉紅、散發濃郁牛味、搭配鮮嫩綠白牙苗、醃漬白、紅蘿蔔條、泰式特色醬汁、色彩繽紛、賣相吸睛、讓人垂涎欲滴🤤✨芒果糯米飯$78黑、白糯米飯柔韌滑順、黑米的香氣增添層次感、淋上椰漿後更添濃郁風味、配搭香甜的熟芒果粒、色彩對比鮮明、口感豐富、錦上添花、回味無窮😍✨泰式凍奶茶$48奶茶香濃滑順、茶香與奶香完美融合，甜度適中、帶有微微的香料泰風味、清涼解渴！新泰東南亞餐廳尖沙咀加拿分道25-31號國際商業信貸銀行大廈地下1A號舖及地庫港鐵尖沙咀/尖東站N2出口步行1分鐘…Read More

食過非常多次嘅泰菜咁耐以黎都係咁full一定要book位先黎食‼️.🌟馬拉盞通菜 $75炒得好有鑊氣👏調味辣辣地幾惹味.🌟泰式海鮮濕炒河 $88海鮮有魷魚🦑芥蘭 紅蘿蔔🥕粟米 菇類河粉似腸粉 好有口感炒到有幾舊燶左🙈.🌟泰國街邊豬肉串 $68豬肉串好軟腍👍👍調味好香.📍 新泰東南亞餐廳 (尖沙咀)尖沙咀加拿分道25-31號國際商業信貸銀行大廈地下1A號舖及地庫…Read More

聖誕節正日去左尖沙咀搵食先，見呢間泰國餐廳評價幾好，位置又方便，環境又唔錯，價錢相宜就試下個場好大，裝修又靚，座位又夠哂闊落，坐得好舒服。配埋精緻既聖誕裝飾真係好似去左泰國過聖誕咁樣串燒沙嗲$88牛，豬，雞各兩串燒得好香，肉質都好嫩口，配埋佢個沙嗲汁真係一流。佢個汁食到有花生醬味，好香，仲好似有d 碎nuts,好好咬口豬肉碎生菜包$72一般啦，有d 麻辣既感覺。之後怕辣既我直接將串燒個沙嗲汁點落d 肉碎一齊食，結果係好好食🤤(我有叫staff 比多份吵嗲汁我）馬拉盞通菜$75必點，可能係我食過最好食既通菜個汁炒到好香，有d 蝦醬味但又好味過蝦醬。欣賞蝦米係好軟身，完全唔會硬。連埋蝦米送入口更有一番鮮味日本南瓜焗海鮮飯$118點左個有d 新意既飯。好靚呀又吸睛，入面有南瓜粒，都有魷魚有蝦有青口。撈埋個椰汁一齊食，個椰汁好香，好正。美中不足既係個飯太硬CP 值高，環境又舒服，價錢向呢個地段黎講又相宜，係傾計食飯既好地方…Read More

每次行過都好多人排隊，今次終於有機會試吓，進餐限時90分鐘～接待處嘅裝飾都好有泰國feel，餐廳地方好大，成個地庫嘅面積，非常旺場👍🏻👍🏻裝修幾靚，有卡位，有包廂，啱晒一大班朋友一齊嚟泰式生蝦($98)呢款生蝦肉質比較軟淋一啲，食落味道不錯，一般生蝦水準泰式青咖喱雞($88) 蒜蓉包($32)青咖哩揀咗雞肉，配菜有泰式茄子、豆角、南瓜等等，食泰式青咖哩當然要配蒜蓉包啦，蒜蓉包香脆，點青咖哩汁一流👍🏻👍🏻馬拉盞通菜($75)份量足夠，蝦乾好大隻，醬汁惹味，送飯都幾正～冬陰功($78)推介冬陰功，唔會太酸食唔到其他味，香茅、南薑香味突出，叫細份2個人可以飲得晒成兜😆越式蟹肉炒粉絲($98)蟹肉味唔算太濃，略嫌調味有點清淡，粉絲炒得唔太乾還算可以珍多冰($38) 芒果沙冰($38)芒果沙冰正常水準，推介珍多冰，非常好飲～甜度適中，椰奶好香～…Read More

呢間餐廳有3間分店，今次試咗尖沙咀呢間，餐廳裝修幾靚，環境幾大，食物種類都好多，主要係泰國菜，亦有少量越南同星馬菜，我今次就試咗幾款泰國菜試半咗半打雜錦串燒，有雞、牛、豬各兩串，燒得唔乾，而且個沙嗲汁有適量嘅花生，幾惹味馬拉盞通菜用咗好多馬拉盞炒，所以味道好夠，好好味，但就油咗少少主食揀咗麵包焗咖哩軟殼蟹，呢碟價錢相對貴啲，可能係預4人食，因為好多麵包，我兩個人食真係超級飽😂咖喱係幾甜同唔辣果款，入面有好多蛋白，撈埋個包食好正，軟殼蟹份量都多，所以都算抵食野飲就同朋友一人一個椰青沙冰，沙冰多到滿瀉，好重椰子味，好香好甜，椰青入面係冇哂椰子肉，應該係刮哂啲肉黎整個沙冰，所以真材實料，值得飲最後試埋佢個芒果糯米飯，有紫米同糯米，椰漿都好多，夠哂送糯米飯食，但芒果就唔夠熟，所以有啲酸，但整體都唔差呢間值得一試！…Read More

好耐冇食過泰國菜 決定揀間人氣泰式餐廳😄一入到去就見到有個tuk tuk 車🛺非常可愛 !打卡一流😍 果然係人氣旺盛既餐廳 平日既7點已大排長龍 😎 環境很舒服🏖我地坐既位都好闊落 仲有啲cushion chill到爆炸👏😉野食既質素都好有保證😙全部點既菜皆很滿意☺️首先我地叫左 燒豬頸肉（$78）佢每塊都好薄 且冇多餘既筋/肥膏 食落去好香口 外邊更是燒得脆脆的 非常之出色💯 點埋佢個醬 酸酸辣辣既 勁香勁惹味🤩 係值得再食既小食😏另外 個 馬拉盞通菜（$75）也是我必點之選🥬它炒得超香 好有獲氣 ! 有蒜粒、蝦乾🦐、洋蔥🧅、辣椒🌶️一齊炒 夠哂辣 搭配爽脆通菜 無得頂😻食落去仲有啖啖蝦醬味tim!泰式蝦炒金邊粉（$108）都唔錯😎 佢既份量都幾多🤪 金邊粉上更以蛋包住 很可愛😍 蝦有3大隻 我地3個人岩岩夠分😙 特別鐘意佢個麵唔會過濕 😚 酸酸咁 加埋啲 芽菜 蛋絲一齊食 是推薦既主食😜除外 我地叫了 泰式青咖哩雞 （$88） 配上印度薄餅🇮🇳（$32）個泰式青咖哩雞既汁明顯地唔係湯包溝水 啖啖放入口都會感受到多重香料😚落足本去煮 椰香味就較重😎🌴仲要都有點辣 很爽😙 當中有青豆 南瓜 🎃雞肉 材料非常之豐富配上脆口既薄餅 簡直一流😜薄餅 好酥脆 十分多層香口 就咁樣點青咖哩嚟食都飽肚又過癮🤗野飲方面 我地share 椰青沙冰🥥 （$58）夏天飲好清涼解渴 ❄️🧊飲落去仲有啖啖椰青肉 會比滿分💯同埋食完辣野飲啖椰青沙冰正好解辣🤗 冇揀錯最後仲食埋 必食既 芒果糯米飯🥭 （$68） 啲芒果簡直是完美 熟度正好 非常甜🤤 加埋熱騰騰既 黑白糯米飯 同埋椰奶 十分幸福☺️呢到環境好 服務都唔錯 食物質素更唔使講 絕不令我失望 相信好快我又會再食🤗…Read More

▫️新 • 泰東南亞餐廳尖沙咀加拿分道25-31號國際商業信貸銀行大廈地下1A舖及地庫正宗泰菜之夜🍽泰式生蝦炎炎夏日，一口一啖新鮮的冰凍生蝦，是人間樂事。🍽馬拉盞通菜通菜非常有鑊氣，份量也很多，配上蝦米和洋蔥等配料，很有泰式風味。🍽鐵板蠔仔炒蛋金黃色的炒蛋，炸得脆卜卜，賣相非常吸引！餡料內的蠔仔很多，口感非常豐富。🍽燒豬頸肉肉質很有𡁻口，肉汁豐富，肉邊有點燒焦味，配上正宗的泰式醬料令人回味無窮。…Read More

聚餐朋友建議去食呢間泰菜，間餐廳環境幾靚，星期一既夜晚，客人都源源不斷，真係要訂枱先好黎但無做隔板間隔，感覺同前後左右距離好近:(我地3條友都叫左好多野食不過最後食唔哂，朋友仲拎左部分返去比老公🤣***先黎個泰式柚子蝦沙律，實物與相片不附，又少又細碟，得兩隻蝦，要$78唔抵食，不過勝在味道唔錯，甜酸適中冬蔭公(S) 幾好飲，都幾夠辣（食埋啲辣椒😂），細size同樣地得一隻蝦開邊變兩隻，不過湯都分到3碗飲泰式炸蝦餅。好味喎呢個可以推薦，脆口&彈牙豬肉碎生菜包。豬肉碎加蔥粒生洋蔥，味道唔錯，係生菜比較少左啲者，豬肉碎就多，其實可以叫個飯撈黎食添，但當然無叫，邊食得落😆泰式炸春卷。炸得都好脆口，但相比之下覺得炸蝦餅比較好味😋泰式芒果糯米飯：椰汁熱辣辣，白糯米軟綿綿，紫糯米軟硬適中，芒果甜飲品就真係太普通，無咩特別同特式馬拉盞通菜，基本上係泰式餐必叫既菜，味道尚可，但炒得比較濕潤，唔夠野味仲有可以推介呢個燒西冷牛扒燒得岩岩好，再沾埋佢啲醬汁總結：餐廳食物ok,但價錢相應份量上，唔太化算，比較細碟，今次無叫到任何粉麵飯，見到個麵包咖喱軟殼蟹好似幾好食，下次可以再黎試多次其他食物…Read More

突然想食泰菜，身邊朋友強推呢間餐廳，一星期前訂好位，用餐時間90分鐘。餐廳地點好方邊，係正K11隔離，當晚7:00去到暫時都未有人等位。門口仲有部tuk tuk係到，一入到去已經好有泰國Feel我地一行5人，先叫左5道菜加1碟金邊粉。先講講野飲，我地叫左椰青沙冰，超級有驚喜！椰青沙冰 $58椰青沙冰我真係要比100分！超濃椰汁味，又唔會太甜，份量都好足！呢個真係必叫！我覺得佢D上菜次序有D奇怪，咁多樣野竟然最先黎既係金邊粉。泰式蝦炒金邊粉 $108賣相好靚，味道都算可以既，但同正宗係泰國既相比真係仲有好大段距離。不過大蝦比得好足，而且大大隻。其實暫時我都無係香港食過一碟真係好好食既金邊粉，所以無期望都無失望。馬拉盞通菜 $75微辣，正常發揮。麵包焗咖喱軟殼蟹 $208呢個真係要激讚呀！咖哩唔算辣但好香口，軟殼蟹熱辣辣，就算用咖哩浸住都仲Keep到係脆口！再配埋面包真係完美既配搭，我真係諗唔到有咩理由唔叫佢！呢味真係必試呀！小拼盤 $108兩樣都唔錯，蝦餅都足料彈牙。魚餅有少少偏咸。燒原隻魷魚 $98全晚相對地比較差既一道。燒魷魚唔夠火候，唔香口。$98既魷魚黎講偏比較細條，好普通。鐵板蠔仔炒蛋 $98蠔仔都算多，味道偏淡。跟配既辣醬反而有驚喜，配搭埋個炒蛋就岩岩好！個鐵板其實係無為呢味菜提升左味道，因為個底墊左超多芽菜......所以都係中規中矩。跟全我地發現唔係好夠飽，決定叫多個炒飯同埋兩樣甜品。泰式菠蘿炒飯 $118炒飯炒得唔錯，粒粒金黃，唔乾唔濕。腰果同肉鬆分開跟配呢點幾欣賞，因為出面個D炒飯成日堆到好高，D腰果會趺晒落枱配料都好足，值得推介甜品方面，我地一共嗌左兩樣Share泰式甜品大拼盤 $168D糕點類無咩驚喜，有D仲有D唔太鍾意食，可能食唔慣，同埋都偏甜。但芒果糯米飯就真係必叫！佢絕對係我食過好食既芒果糯米飯Top 3！椰汁夠濃夠香，糯米飯甜度適中，完全係絕配。芒果好靚，唔會過熟，岩岩好，味道超甜，強推！原個椰青大菜糕 $68呢個好多人推薦，但我個人覺得普通，無咩特別之處。就係有椰肉既大菜糕，又唔算好有椰味。椰肉都幾多，應該真係整個椰青批出黎。可能個椰青沙冰太出色，相對呢個就真係普普通通。總結都幾推薦比大家黎試下，整體味道都係中上。全晚一人食左大約$240，價錢上我覺得都算合理。值得一試不過有個缺點就係上菜太慢。我地當時差唔多一個鐘先上齊晒所有菜。原定個半鐘交枱，但好彩當日無人等，所以都無催我地交枱。趕時間既朋友要考慮一下啦。…Read More

老實講，我真係好鍾意食泰國菜㗎，尤其是今日專登喺尖沙咀附近搵食，其實附近都有好多好好食嘅泰國菜，今次就嚟咗呢一間比較多好平嘅新泰東南亞餐廳。一入到去門口，就已經發覺裝修好有泰國feel，有一架篤篤喺門口，真係好似去咗泰國啊!餐廳裏面啲座位都好寬鬆，都坐得好舒服，星期一夜晚食晚餐都幾爆下，建議提前book位。見到個餐牌發覺好多嘢都好想食，但係泰國嘢都好大碟，所以就揀今日最想食嘅幾個餸同大家分享吓。第一個係馬拉盞炒通菜，我諗好多鍾意食泰國嘢嘅人都係必點之一，啲馬拉盞都幾夠啦，啲通菜都好新鮮，分量都係算正常，兩個人食都食得晒。跟住呢個真係重點推介啦，係椰青沙冰啊，唔係到到都有得飲，好似係呢間餐廳嘅出名餐飲之一，我發覺裏面嘅椰青味都好足夠融晒入去啲沙冰裏面，鍾意食椰青嘅朋友一定要點啊。然後就到個麵包焗咖喱軟殼蟹，啲麵包焗得幾鬆脆，啲軟殼蟹都好好食，個咖喱唔算太辣，如果怕辣嘅朋友都可以點㗎。最後就係呢一個越式燒春雞釀香茅黃飯，嘩呢個真係喜出望外啊，隻燒春雞好大好香，重點係裏面啲香茅黃飯，嘩真係好好食配合埋個汁，簡直係天衣無縫，我覺得呢一個雞真係要食，都見到在場好多人都有點。…Read More

今朝明明好好天，點知夜晚就落大雨仲要紅雨添，好彩約咗男朋友係新泰食飯，舖頭就喺K11 Paul Lafayet個出口行過對面就係，好方便都唔使點樣淋雨！呢間分店都係第一次嚟，門面好大仲有架泰國篤篤車係度，好似返咗泰國咁😛呢間分店就係地庫，入到去個場都好大好闊落，就算人多都唔逼，但今日星期一，八點嚟到都坐咗九成滿，真係好誇張🙈食泰菜點可以冇馬拉盞炒通菜呢，第一件事就叫咗呢個先！一如以往好惹味，馬拉盞都落得好足夠，少少辣，啱晒我呢啲食唔到大辣嘅人😛主菜方面，我想食海鮮佢又想食肉，咁就一人一樣啦，我就揀咗麵包焗咖喱軟殼蟹一嚟到個賣相已經好吸引，一影完相已經忍唔到要即刻開餐😋😋咖喱係屬於唔辣嘅黃咖喱，椰奶味比較重，食落去唔算濃味嘅咖喱，用嚟配麵包剛剛好。主角軟殼蟹就夠熱夠脆，香脆可口啖啖肉，呢個絕對係人多時分享最好，而且店家都幫你分好哂，多人分都唔洗切嚟切去。男朋友就揀咗越式燒雞釀香茅黃飯一上枱就知道冇揀錯，賣相滿分，雞油同香料嘅味道令你一聞到就流哂口水，切開入邊釀咗滿滿嘅黃姜飯，食呢個最緊要小心燙口😝😝雞皮脆得嚟唔乾，雞肉仲keep到嫩滑，啲飯先係精華🤤🤤 好彩今次叫咗呢個冇要菠蘿炒飯🤪最後仲要咗一個椰青沙冰同椰汁木薯做甜品，椰青沙冰好大個，完全足夠兩個人share！甜品糯米飯就食得多，木薯真係少地方有得食，係將木薯蒸熱再配椰漿，熱熱地，有木薯嘅糖漿加埋香滑嘅椰漿🤤🤤🤤 為呢餐晚餐畫上一個完美嘅句號🤤…Read More

經過尖沙咀就嚟到呢間泰國菜試下～間餐廳係大廈嘅地下，入面好大同埋都好多人🙈感覺啲服務員同老闆都係泰國人🤣泰國椰青($45)大大個椰青😍啲椰青水好甜，好純正嘅椰香味👍🏻我哋仲食埋啲椰青肉🤣超級好味😋日本南瓜焗海鮮飯($118)好大個嘅橙色日本南瓜😍南瓜肉值得推介好香甜😋有芝士仲有拉絲嘅效果😍海鮮有魷魚同埋蠔，鮮甜而且肉質正👍🏻兩個人都食唔晒🙈超級飽肚，不過好好味馬拉盞通菜($75)通菜有少少辣，但係好惹味，好開胃😋富有泰國菜嘅濃味👍🏻主菜未嚟到之前我地已經食晒呢個菜🤣呢度嘅店員都超級好人👍🏻感覺佢哋都係泰國人🤣服務態度好好🥰…Read More

放工同先生喺尖沙咀覓食，俾呢架色彩鮮艷嘅Tuk Tuk吸引住，一睇就知道係食泰國菜，門外亦有唔少人等位，似乎唔錯。餐廳位於地牢，地方非常大，仲有幾間包廂，而且座無虛席。食泰菜當然唔少得蝦餅，先生提議嗌呢道烤蔗蝦，好有新鮮感，用鮮蔗串住蝦膠，香口彈牙不在話下，加上淡淡嘅蔗香，唔錯。冬陰功亦有驚喜，味道香濃，酸辣度適中，材料亦算豐富，有大大隻蝦同唔少鮮菇，連平日對冬陰功要求極高嘅先生都大讚。馬拉盞炒通菜加入蝦米同肉碎，鹹鮮惹味，通菜亦保留到爽脆嘅口感，水準頗高。金邊粉炒得夠香口，用蛋網包住，口感微微濕潤，味道夠哂地道，仲有大大隻蝦仁，如果配搭埋辣椒粉就更點睛。咖喱軟殼蟹配上用牛油烘過嘅麵包，係完美嘅配搭，而且份量非常多，三四個人食都唔係問題。軟殼蟹炸得酥脆，入口仲有淡淡嘅蟹膏味，味道鮮甜；黃咖喱香濃細滑，而且椰奶味夠重，配搭軟殼蟹就最合適不過。除咗軟殼蟹之外，麵包亦係另一重點，麵包質感軟熟，搽上牛油之後烘至表面微脆，沾上咖喱一齊食，令人滿足！而且咖喱份量好多，即使成件麵包浸落去亦絕對足夠，非常邪惡！今晚每道菜式都令人滿意，味道夠哂地道正宗，而且價錢合理，難怪市道唔好依然人氣爆燈。…Read More

呢間餐廳已經同屋企人一起黎過好多次，抵食又好味，每次都覺得有新驚喜，今次都不例外。一開始上既係青木瓜沙律，木瓜條幼細酸脆，爽口又醒胃。食一啖青木瓜沙律再配一啖佢既椰青沙冰，冰冰涼涼，相當清爽，瞬間胃口大開。今次既海南雞非常驚喜，雖然雞味唔係好濃，但係就勝在雞肉超級滑。青咖喱唔係好辣，香濃惹味，蒜蓉包鹹甜香脆，非常推薦將青咖喱擺係蒜蓉包上面既食法，口感好有層次，滿足感大增。魚肉生菜包相當特別，魚肉粒炸到外脆裡嫩，包係生菜入面食完全唔油膩，反而好爽口，不過如果貪心包多左就好易漏出來菠蘿炒飯非常香甜，馬拉盞通菜炒得好夠味。…Read More

話說死黨前幾日食完依間泰菜讚不絕口，咁我就訂左位黎慶祝生日！餐廳係地庫，一落到去好寬敞，餐廳安排左我地四人坐卡位，卡位非常闊絡，仲有咕𠱸，坐得好舒服！前前後後嗌左五樣菜式，馬拉盞通菜，食落唔辣有鹹香，通菜爽脆，味道唔會過鹹，水準之上。小食拼盤大碟到令人驚訝，蝦餅炸得香脆，咬落蝦膠亦都彈牙，魚餅食得出有檸檬草，特別既係除左普通雞醬，仲有偏酸既橙汁醬，點黎食好開胃！而佢既生菜包亦都唔錯，豬肉碎酸酸辣辣，愈食愈滋味！日本南瓜焗海鮮飯好有驚喜，一上菜就見到面頭既芝士蠢蠢欲動，海鮮無雪味，食落彈牙，配埋芝士南瓜蓉，撈埋飯一齊食簡直無得彈！不得不提佢既椰青沙冰，份量超多，一個人絕對飲唔哂，好重椰香，甜度適中，值得一試！餐廳整體質素無論環境、食物同服務都好高，以尖沙咀黎講價錢唔貴，值得推介！…Read More