We viet (Closed)

晚上約了友人用餐，友人住在附近，推介了這間坐得舒適的東南亞餐廳。廚房裏的店員大部分都是來自東南亞。明亮的裝潢，頂上鋪了不少裝飾用的管道，錯落有致。凍泰式奶茶($35)，最喜歡這杯奶茶。香甜又滑的奶茶，甜度適中，是我喝過所有泰式奶茶中，最好的一杯。粉紅青檸梳打($28)，帶點夢幻的粉紅，可嚐到微微的青檸味和梳打的氣體。點各種粉麵飯類時，選這杯能一解澱粉類的膩。黑松露蝦多士($48)，蝦多士非常脆口，頂層澆上沙律醬，再加上少許黑松露味，十分開胃。蝦多士已被切成一小口，可一口吃下，這個小食值得再點。馬拉盞牛油燴通菜($32)，價格相宜但不減份量，通菜份量多，燴得香口，加上牛油，馬拉盞不會過鹹，拌飯吃甚佳。泰式美極蒸日本魷桶($78)，魷桶加入香蔥、蒜蓉、辣椒和芝麻油。香郁的魷桶煙韌有致，加上惹味的調味料，口感和味道都甚佳。有不少魷桶，份量足。巴東牛肉”卡邦尼烏冬”($98)，煙韌的烏冬掛上濃滑的卡邦尼醬汁，麵中間放着一個温泉蛋。把巴東牛肉粒與麵條和温泉蛋攪拌，蛋黃漿令味道更濃稠，能嚐遍牛肉、蛋、卡邦尼多種濃郁的味道。單球雪糕($28)，有椰子味和雲呢拿味可選，選了雲呢拿味。來自日本的香滑雪糕，奶味濃郁，雲呢拿味在口中散開，拌着脆粒吃，帶出不同層次的口感。…Read More

我又去元朗搵食喇！今次去左呢間新開但好有水準嘅東南亞fusion餐廳，由朗屏西鐵站步行5分鐘就到！新餐廳環境闊落，坐得好舒服🥰我地去到仲係lunch time，而主菜實在太吸引喇！因為揀唔落手所以最終店員推介左呢個雙層漢堡俾我地試！兩塊patties厚度啱啱好，煎得好juicy，一拎起就開始漏汁🤤 配以蕃茄同生菜，而印尼嘅巴東汁好特別，配搭burger唔漏之餘仲好惹味！另外點左清少少嘅冷手撕雞蕎麥麵，賣相極之吸引，而且非常足料，有蛋、蔥粒、野菜、青瓜、蘿蔔等！麵更配有檸檬辣椒醬油作調味，微辣得黎又開胃，絕對係愛食辣人士嘅午餐之選！我地追加左兩款小食，又係超有驚喜！薄薄嘅米紙卷包住冬菇同青瓜等配料，加上甜酒松露汁，味道非常特別！加埋旁邊炸得香脆嘅野米黎食，呢個配搭好夾😍 而通菜都好高水準，份量好多，聞落有淡淡嘅牛油香味，但食落一啲都唔油膩，配上海量蒜粒配料，好惹味好正，非常值得一試！…Read More

上星期接完姨甥女上跳舞班之後我地就五大一細黎呢度食lunch，我預先book左檯，早左四五個字黎到等左一陣就被安排入座👍我地叫左四份主食👉軟殼蟹三文治，安格斯生牛肉湯河，斑蘭青咖哩雞配白飯，煎肉餅溏心蛋配珍珠米三份小食👉扎肉米紙卷，馬拉盞牛油燴通菜，巴東牛肉生菜包兩杯飲品👉青檸梳打同越式咖啡落單時店員好清晰咁同我地講話軟殼蟹三文治唔係兩塊麵包夾著而係軟殼蟹下面墊住份厚多士，問我哋有冇問題😊實物都幾大份，材料豐富👏軟殼蟹同多士都好香脆👍 牛油果夠熟唔會有我唔中意既草青味，除咗有鹹蛋黃沙律醬之外仲有少少酸辣汁，都幾開胃， 平時我媽出街食嘢要求好高佢都係咁讚呢個整得好出色😮😳安格斯生牛肉湯河既牛肉分量都算多而且好滑👍河粉都滑唔會太淋， 但感覺上湯底唔太特別，唔香牛味偏向似味精味多啲😅斑蘭青咖哩雞嘅雞肉幾滑，但味道偏辣，食唔出班蘭香味同椰香味，配料豐富，有洋蔥茄子紅蘿蔔薯仔等等，水準不過不失煎肉餅糖心蛋飯嘅肉餅都幾厚身，唔會太肥膩，尚算juicy，其實似burger裡面既扒多過肉餅，同樣都係不過不失😅扎肉米紙卷裡面夾嘅都係生嘅蔬菜所以口感清爽，但一夾就散，底下有啲唔係酸汁既醬汁，加上只係得唔彈牙既扎肉，味道比較普通，我哋都覺得一般般～馬拉盞牛油燴通菜唔太香牛油味，亦都唔太香馬拉盞味，不過都幾爽脆既巴東牛肉生菜包既牛肉好夠淋，唔會太辣，不過無乜椰香味，雖然唔太正宗但都幾好食😂整體嚟講我哋覺得水準參差，只有兩三樣比較出色其他較普通，但配合個環境同服務都值得一試👍…Read More