Mee...lemongrass (彩園廣場)

呢間應該係上水唯一一間食東南亞野既餐廳。上次我同大家介紹過外賣，今次我去堂食，試多幾款菜式～1️⃣十勝紅豆伯爵奶茶&十勝紅豆抹茶（各$32）飲品黎到，我先諗起我冇叫少甜，我仲擔心左一下。🙈但飲落唔會好甜，抹茶味夠。👍🏻最正都係啲紅豆，夠林又夠甜☺️。❕除咗可以堂食叫野飲外，餐廳外設有飲品corner，就好似一間手搖飲品店咁，經過想淨係買杯飲品都可以架～2️⃣馬拉盞炒通菜（$64）均衡飲食點少得蔬菜。呢碟通菜色澤好靚，通菜好新鮮～少少辣好惹味，食落仲好有鑊氣添！❕唔想食炒菜，呢度仲有好幾款泰式沙律俾你揀～3️⃣馬來蔗蝦（3件）蝦肉真係包喺一條蔗仔上面先拎去炸。外面夠脆口，蝦肉夠彈牙，食到入面仲有微微蔗香味！伴碟仲有米粉，好欣賞米粉唔會一夾即散。❕喜歡香口炸物既朋友可以試試！而米粉就建議用此店既魚露甜酸汁撈黎食。4️⃣地道串燒（牛、雞各兩串）（$66）串燒淋上有少少椰香既醬汁，另外有沙嗲醬俾你點。沙嗲醬同平時食開既有啲唔同，我詞窮唔識形容😆，但朋友認為個醬幾正宗幾有風味。側邊仲有啲配菜、麵包。我地覺得個醬幾好，用左麵包點黎食。❕菠蘿非常甜😋，食完咁多肉，再食返幾舊菠蘿，解膩一流～5️⃣馬來蜜汁炭燒厚切豬扒撈檬（$68）好多豬扒，多到睇唔到檬粉！食肉朋友岩晒～呢度既魚露甜酸汁都好出色，頭先撈米粉，而家撈埋檬粉。😛❕有時食撈檬，食完我會口乾口渴，呢樣係我對食物有冇味精既指標。但喺度食撈檬冇呢個問題，做得好！6️⃣movenpick雪糕（雲尼拿&士多啤梨味）（一杯$18）最後用甜品作結，大滿足！❕晚市$18一杯，但中午跟套餐叫只需加$12咋，好抵呀！🤩…Read More

今日同男朋友去上水整啲野 所以就決定係上水食埋晚飯先走，行過見到呢間啲裝修同食物都幾吸引 就入左去食。106-香葉蝦仁米紙卷6件 $66食落好清爽好清新 蝦仁幾爽口！🤓202-無骨酸辣鳳爪沙律 $72呢啲個汁酸啲 係一個好開胃既小食 而且好岩食肉獸既朋友食 無骨真爽😌😙306-炭燒豬扒喇沙 $74豬扒有塗上蜜糖 好好味但豬扒本身質感偏硬身，而喇沙湯非常濃郁 飲完好似去左泰國馬來西亞個啲國家咁😂 不過唔食辣既朋友可能會覺得辣！同埋超大份😆502-馬拉盞炒通菜 $64通菜非常吸馬拉盞既汁 所以好正！☺️607-招牌無骨海南雞飯 $78雞皮好滑好彈 雞肉雖然唔算滑 但都可接受 因為佢有例湯，菜，雞同飯。基本上嗌一個呢個已經好夠飽 但我地唔知 所以叫左好多野食（個時太肚餓），好彩最後都差唔多食曬～😌最後，忍唔住叫左個芒果糯米飯外賣比屋企人食，外賣而家仲有八折好抵！…Read More

向北區想揾個地方食星馬菜ge地方真係好少，近排發現彩園商場有間，今日有時間，去惠顧下先秘製特色牛骨湯河唔係淨係得個湯係牛骨，內裡全部都係牛，有牛肉、牛丸、牛腩、牛柏葉牛腩好淋，又有牛肉味，牛丸又夠彈牙芭堤雅蝦醬炒飯份量幾大碗，炒飯好香一層肥一層瘦，幾層口感好跟餐點左兩杯手搖飲品黑糖珍珠鮮奶、西柚凍頂烏龍茶，大大杯慢慢歎馬拉盞炒通菜$64我哋點左份《Mee...小食拼盤》，餐廳會捐$10做善事小食拼盤有蝦餅、串燒、雞翼、春卷、無骨鳳爪無骨鳳爪好入味春卷裡面好足料，又脆卜卜碗底有隻公雞難得可以坐低慢慢歎我的手搖飲品…Read More

去左上水區探朋友，所以佢就盡地主之誼，帶我地去食好野🤤 呢間新開的餐廳外面有獨立的飲品店，去的時候做緊買一送一優惠，排隊的時候可以一路飲野一路等。晚市的時間都幾多人等位，好彩等左10分鐘左右就入得😃招牌無骨海南雞飯（$74）上菜時餐盤跟左一個油飯、一碗湯、一碟芥蘭同一碟半隻海南雞。碟雞的油光均勻，色澤好靚。因為已事先起左骨，所以食落啖啖肉，好滑！正！馬來蜜汁炭燒厚切豬扒（$72）好厚好大份，外層的顏色燒得好靚。不過食落有少少硬，同埋蜜汁味不太突出。但個辣汁意外地好惹味，辣得黎帶少少酸。不過如果唔食得辣的人，可能會覺得個後勁好辣😆地道串燒(雞) （$62）配菜有燒菠蘿、番茄仔、青瓜同埋有幾塊白麵包😂😂 雞串已經去左皮，雞肉好嫩滑，完全無雪藏味。另外有沙嗲醬可以沾黎食，個沙嗲醬好似加左少少椰奶，所以食落好香。香煎蝦餅4件（$68）沒想到4件蝦餅會在廚房直接開二處理，所以一上枱就有8小塊。這個做法幾好，方便食客沾醬。炸完的蝦餅有少少乾和硬，影響左口感，不過味道唔錯，沾埋泰式辣醬就更好味！馬拉盞炒通菜（$58）我地叫得太多肉，最尾都係加左一碟菜去中和番😆 個通菜炒得幾好，有鑊氣，同埋唔會炒到又老又黃。不過美中不足的是馬拉盞味唔夠出唔夠香，如果d馬拉盞可以落重手少少，會更惹味。同埋份量好似偏少，我地4個人食一碟菜，每人只係食左少少就清左一碟，唔夠喉呀😅香芒椰汁糯米飯（$42）可能宜家唔係芒果當造的季節，雖然芒果都算甜的，但最尾會有少少酸酸的餘韻。不過個椰汁好稠好香好有奶味，整體來說不過不失。伯爵珍珠奶茶（$25）用左伯爵茶做茶底，飲得出有伯爵茶的香味幾清新。因為餐廳的食物偏濃味，用伯爵奶茶來送飯，一濃一淡配合得幾好！另外飲品入面仲放左好多珍珠，好有咬口！加分！…Read More

經過這間東南亞菜的新餐廳正在做優惠，然後就被吸引入去試試了。小編一行3人要了6道菜式，首先要個小食的無骨酸辣鳳爪沙律($62)，意外的很美味，酸辣度適中，推薦。然後在健康菜類中要了馬拉盞炒通菜(可轉蒜蓉，$58)，味道鹹香，正常水準。第三道是廚師推介的秘製肉骨茶($72)，味道有點偏淡，藥材味也不突出，整體普通。然後就是這一餐的主角，就是把小編吸引進來的波士頓龍蝦喇沙(原隻，$84)，很大的一碗，份量十足，不斷吃都好像吃不完似的，雖然龍蝦不是很大隻，而且也被喇沙的味蓋過了龍蝦的味，又或者其實龍蝦本身沒有很突出的鮮味？但這個價錢都算是物有所值吧。然後再來多個廚師推介的香脆鱸魚配青芒果秘製醬汁($98)，一大堆青芒果絲包圍着鱸魚，意外地青芒果很美味，與鱸魚非常配搭，很開胃的一道菜，推薦。最後最後的第六道菜式當然就是甜品了，要了椰汁千層糕($24/4件，平均$6/件)，甜度適中，正常水準。當時的飲品優惠是買二送一，那就要了一杯鮮果四季春茶。最後結帳大約$450左右，要了6道菜式和飲品，當作是7款，平均每款大約是$64。食物方面有2道菜式是不錯的，其餘就是普通，然而價錢也不是貴，算是親民價，是有可取之處。…Read More

原來上水新開左間食泰國野既餐廳，隔離仲有台式飲品店，食野果時可以順便買埋野飲，都幾特別。首先食左鳳爪沙律，酸酸地食幾開胃，份量都幾多，我地4個人食就岩岩好。海鮮喇沙摻摻，海蝦好大隻，份量好足，湯辣辣地都唔錯，如果一個人食絕對夠飽。見呢到有肉骨茶食於是就叫黎試下，湯唔錯，好夠味，肉真係好多，食唔晒，不過呢個冇跟飯，飯就要另外再叫。食到招牌無骨海南雞，呢到係一隻既份量，雞肉好滑，可以點佢配既兩個醬黎食，一隻夠4個人食覺得唔夠食仲可以叫串燒，肉燒得唔會好乾，好有泰國風味。最後一定要食芒果糯米飯，芒果宜家當做好甜，配埋椰汁，好正。…Read More

上水區一直都沒有這類星馬菜的店鋪, 難怪一開業就吸引大批街坊, 再加上店鋪有買一送一水果茶、珍奶等飲品, 正好讓等候的顧客邊喝邊等.  Mee Lemongrass 的座位數目不多, 大多為四人枱, 若5人或以上, 等候時間則較長. 我們都被這些推廣吸引了, 等候期間已在說要點的菜式. 兩個女生就點了四個菜, 份量剛好! 先來軟殼蟹米紙卷(6件), 米紙卷稍為過厚, 不夠軟身, 裹著三色椒、蔬菜及軟殼蟹, 必須沾伴碟醬汁, 才能帶出味道. 一致評為很美味的是馬拉盞通菜 , 少許辣, 夠惹味, 而菜是剛得剛好, 夠爽口.  足爆版溂沙由$258減至$188是非常吸引的, 所以我們也來一碗, 份量是給二至四人, 店員端來兩件- 大碗麵及喇沙湯, 要吃時才倒入喇沙. 豐富材料有大蝦、魷魚、蟹柳、青口、蜆、超厚帶子及蛋.一箸夾起, 有油麵及米粉, 正是摻摻; 海鮮都夠實淨的, 若烹調時以喇沙去煮, 海鮮會入味.  與新加坡喇沙相比, 這碗顯然是改良了, 就算平時不甚受辣的也能吃. 我們點了斑蘭椰絲卷作甜品, 卷皮夠薄且軟, 不錯~ 斑蘭忌廉比例較椰絲多, 吃起來算滑溜. 最後, 朋友點了一杯桂圓黑糖珍珠鮮奶, 挺大杯啦~ 有細粒細粒的龍眼肉, 珍珠夠Q彈, 甜度適中, 只是黑糖味太薄. …Read More

同朋友係上水食晚餐，去左上水站附近既彩園商場既一間食泰國同馬來西亞食物既餐廳！晚市時間，門外好多人拎飛等緊位！係門口位有個賣飲品既counter~食物有好多選擇，我地叫到成張枱擺滿野食～軟殼蟹米紙卷，薄薄既米紙包住好多蔬菜同軟殻蟹，有咬口得黎又香脆！無骨酸辣鳳爪沙律，酸酸地加少少辣，開胃之選！無骨海南雞喇沙，雞肉嫩滑，點黑醬油食，喇沙湯底香濃，豆卜浸得好入味，讚！馬拉盞炒通菜，炒得翠綠！泰式蠔仔蛋都唔錯，唔似蠔餅煎炸得咁脆，蠔仔炒蛋另一番風味～香芒椰汁糯米飯，食返個甜品，壽司造型擺得好睇，另配香甜椰汁！食得超飽，下次再食要預時間等位！…Read More

一直都幾鍾意食Mee lemongrass！之前係火炭返工，成日Lunch Time都同同事食。今次知道佢係屋企附近開左，我就帶左屋企人食(´▽｀)上次食了雞串燒，今次就食左地道牛串燒。牛燒得夠香，但又唔會過乾。個沙嗲汁花生味香，味道唔辣。個串燒仲會包幾塊厚多士，可以吸盡沙嗲汁的精華，如果大家點唔曬D汁就一定要食哦。馬來一品牛柳粒以鐵板上，食的時候熱辣辣，黑椒味香，而且夠軟熟，非常惹味。我們四個人叫左一隻招牌無骨海南雞，一份有好多，雞皮有少少厚，但夠香。雞肉嫩口，點埋個甜甜地的醬油，味道的層次就更豐富。馬來蜜汁炭燒厚切豬扒配菜飯的豬扒確係幾厚身，肉質軟熟而且都好入味。軟殻蟹撈檬的軫軟殻蟹比想像中細左少少，不過都炸得幾香的。檬粉彈牙，加埋配菜及花生粒，口感豐富。馬來海鮮炒粉絲炒得夠乾身，𠱸會痴埋一「餅」野。唯獨海鮮少左D，如果多D餸就會更好了。馬拉盞炒通菜味道夠香，而且無炒得太耐而變得太軟身。黑糖鮮奶成為城中熱話，呢到25蚊就有超大杯，係絶對抵飲之選！餐廳用了北海道牛奶，所以奶味香，加埋香度十足的黑糖，味道真心唔比一般手搖飲品店差。草莓芝芝冰茶的草莓味香，味道酸酸甜甜，好適合夏天飲。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)一…Read More

彩園近排新開左間連鎖式泰國菜舖，今晚就同老婆黎食。黎到唔少人等位，等左半個鐘左右就入得。門口仲有飲品外賣，都好多人等緊。鮮果四季春茶，生果味較重，所以偏甜，茶味雖少但有回甘味。伯爵珍珠奶茶，老婆話好少見用伯爵茶黎做，飲落幾好味，而且珍珠煙韌。馬拉盞炒通菜，菜莖仲好爽口，唔太咸少少辣。軟殼蟹撈檬粉，炸粉唔厚，脆卜卜既蟹殼包住少量蟹肉，雖然有少許油膩，但連埋清涼既檬粉食就完全消去了。招牌無骨海南雞，因為半隻同一隻只係相差$40，所以叫左一隻。雞肉好腍超滑，如果皮整得爽口啲會更加正！地道串燒雞，燒得好香，咬落仲有肉汁喺到，味道唔濃，沙嗲醬好香好夠味，用黎點多士好好味！…Read More