Sawasdee Krub Thai Restaurant

人大咗比較忙，好唔容易約到一班好朋友，一齊出去食嘢。今日要介紹嘅係呢一間， 位於佐敦廟街嘅莎娃迪卡！七點幾店內睇見滿座，係擔心緊係幾時先可以食飯嘅時候，原來有樓上雅座咖！老闆仲同我地介紹，人多時可以包場！事不宜遲，當然立刻以下個肚先啦。泥得泰國鋪，當然唔少得生蝦刺身，柯打咗無耐就十分快到！雖然一碟六隻，但每隻都非常新鮮、肥美。點埋個醬汁，少少酸辣，十分開胃！接着黎嘅餸呢，就係木瓜沙律。雖然講都無人信，但其實我係第一次食，口感比青瓜沙律硬生少少，非常爽身，份量泥講都幾適合三至四人食。其後到青咖哩雞配薄餅喇，之所以揀青咖哩，因為相比其他無咁辣，而且椰汁味好濃郁！之前幾菜式都偏酸辣同咸，所以呢個青咖哩，非常中和到口腔嘅刺激味蕾。都幾多滑雞肉，青咖哩配飯同薄餅都係一流！終於最想試嘅冬蔭公湯到喇，唔知由幾時開始鐘意咗飲冬蔭公湯，酸酸辣辣咁，好適合送飯食。不過今日叫太多，所以無叫白飯喇！都好足料咖，有好多餸係湯裡面。馬拉盞炒通菜跟住到戲肉喇！海鮮椰青焗飯，侍應先生信心推介，椰汁味非常濃，米粒嘅口感有啲嚼勁，感覺似糯米飯！當然海鮮都好足，夾落椰汁飯有種好新奇嘅感覺，但味道唔差。鐘意椰汁類嘅朋友可以試試。…Read More

放工行到去佐敦覓食，原先都不知道吃什麼好，直到走到一間泰國餐廳，門口有一磈牌寫著食夠＄400就會送生蝦刺身一碟，而食滿＄600就送明爐烏頭一條。我和友人決定入去大快朵頤，兩人應該可以食到＄400送生蝦吧。餐廳呈長方形，環境光猛，感覺不錯，牆上有此特別的裝飾。泰國餐廳就當然有象形的擺設。我們被領到餐廳盡頭的一張四人枱，職員端上餐牌並熱絡地介紹餐廳的特色美食和優惠。當然我們也不忘食夠＄400就會送生蝦刺身一碟。冬陰公大頭蝦湯（小）＄108我先點了一個冬陰公大頭蝦湯，這是我去泰國餐館必食的一道菜，我最愛就是冬陰公湯的惹味！但不是每間餐館都做得好吃，好彩這裡的冬陰公大頭蝦湯做得十分出色。它用上泰國的大頭蝦來煮的，大大隻的蝦，煮得湯頭鮮味十足，加上其他鮮味的配料如鮮菌，令整碗湯鮮味無比。甜甜酸酸之間又帶點辣，十分過癮！一碗夠兩人飲。馬拉盞炒通菜＄78通菜好新鮮好爽脆，馬拉盞味濃香，加上炒出來的通菜不會油淋淋，我十分滿意。間中還會食到蒜味的香，看來蒜和馬拉盞都有爆香過。泰式咖哩豬頸肉 ＄108咖哩不太辣，應該說是沒有辣味，但有濃濃的咖哩辛香味，黃黃的咖哩比我想像中濃郁，加上豬頸肉爽口，連咖哩一起吃真是錦上添花。雖然第一次食豬頸肉的咖哩，但一試愛上，咖哩裡面有煮到入曬味的薯仔，也是亮點之一。泰式炒飯＄88飯裡面有蛋碎、蕃茄粒和大大片嫩滑的雞肉！飯炒得很好，不會黏在一起，飯粒疏密有致，每粒飯都完美地沾上調味。一碟的份量好多，我和朋友兩人吃不完，份量可以三人同吃。蟹肉煎蛋＄98非常大的一片煎弓人中，而且蛋煎出來的厚道適中，不會太老。蛋的邊緣有少少焦香，中心還是十分嫩滑可口的，裡面有一絲絲的蟹肉，還有少許的表椒碎，好惹味。不過如果蟹味可以再出一點兩引人入勝。沙爹＄98雞牛各三串，沙爹的醬是分開上的，所以可以因應自己喜好而沾上不同份量的沙爹。特別一提的是這裡的串燒真的燒得剛剛好，肉質還好鮮嫩多汁的，不會燒到乾曬水，所以入口還是很juicy。新鮮椰青＄45店員極力 推介，我開頭本著一試無況的心情，結果一試難忘！椰青水好清甜，而且份量比我想像中要多，喝後清涼解渴！飲完記得要食埋椰肉，因為真的好好吃的哦。椰肉好厚肉，可以整磈括出來吃，甜美可口，椰香味濃。龍眼冰＄35整杯清甜解渴，甜度適中，大大粒龍眼肉，飲完水還可以連龍眼肉一併吃。最後就是壓軸的泰式生蝦刺身，因為我們食夠＄400 ，所以可以免費送，原價要＄118 。一碟六隻，每隻的蝦身都精瑩通透，蝦肉上有一顆辣椒和一片生蒜，我通常都不吃。把蝦沾上甜酸醬，就是惹味。蝦肉清甜爽口，十分推薦。餐牌上還有許多美食:原來餐廳有二樓，上面枱的數量比較多，可以供一大班人來開party。今次用餐經驗不錯，食物水準很高，我尤其推薦冬陰公大頭蝦湯，而且環境舒適，服務周到。如果有下次經過會再來。…Read More