新嚐泰泰國餐廳

🥘大頭蝦冬陰功 S$128大頭蝦🦐彈牙，冬陰功好夠味，帶香料味仲有秀珍菇，好開胃，配飯一流👍🏻🐽炭燒豬頸肉$95出色‼️厚薄肥瘦適中唔會油膩，燒到岩岩好，爽口唔會乾唔會靭，加上酸辣醬汁舔舔脷😋🥬馬拉盞炒通菜 $78好夠鑊氣，有少少辣好惹味😝.✨隱身灣仔樓上鋪既小店，裝修有泰國風情，簡單木枱木凳，有啲似大排檔嘅感覺，但係佢環境乾淨同埋有卡座，空間大，野食高質又抵食，性價比超高，會再回訪😉.…Read More

環境5分：入大廈要㩒鐘，正常樓上餐廳格局，地方都算大同闊落同光猛，牆上面彩色圖畫，一邊嘅窗可以全部打開，非常通風涼爽，好有泰國風味，可以畀五分。衛生5分：新舖地方好乾淨，枱面一Ｄ都冇黐立立，衛生一樣畀五分。服務5分： 服務員態度好，爽手又唔囉唆，服務畀滿分。味道5分：1)    小食拼盤有齊魚餅，蝦餅，春卷，肉丸生菜包，大部份都切開一半，方便入口。春卷入面好多粉絲同有少許咖哩味，非常特別，最正係個又爽又脆卜卜嘅蝦餅。2)    馬拉盞炒通菜野味，都算辣，好新鮮。3)    曼谷海南雞雞肉非常嫩滑，個汁辣辣地好開胃。4)    雞油飯唔會太油，份量大過普通一碗飯。5)    泰國勝獅啤比普通大杯，清爽好抵飲。抵食5分：平均每人兩百幾蚊又食肉又食菜又食飯，仲飲埋啤酒，好飽肚，抵食可以畀五分。…Read More

隱世樓上《新嚐泰》今晚同好姊妹試新餐廳，估唔到有驚喜，樓下等搭lift有d似住宅既私房菜，一入餐廳，牆上有壁畫，裝修幾有特色，亦播梗泰式歌，加埋燈光氣氛，真係覺得好似去左泰國咁，Menu唔算貴，而且好多選擇，主廚係正宗泰國人主理好吸引，每碟食物份量都好多，絕對物有所價，我地2個人，叫左勁多野食XD，馬拉盞炒通菜 $78：可以揀通菜，芥蘭或者椰苗的。我地揀咗通菜，辣辣地好惹味，不過越食越辣，柚子蝦沙律 $108：沙律入有4-5隻蝦，肉質爽口，柚子帶點清新，而且唔酸，當中混合左泰式酸辣汁，花生、蝦米及各樣配菜等等，非常醒胃，成個柚子蝦沙律既味道配搭好豐富，令人想食完一啖再一啖，好岩食，酸酸甜甜十分開胃，泰式燒豬頸肉 $98：份最多，每片都薄薄一片，加上酸辣醬，味道非常夾，小食拼盤 (魚餅、蝦餃、春卷、肉丸生菜包) $138：呢個拼盤真係超級多，份量係夠4個人食XD，魚餅好香泰國香料味，蝦餅炸得外脆內軟，春卷都炸得唔油，肉丸生菜包就好爽口，不過真心有小小辣，串燒沙嗲六串 $88：我地揀左雞肉，每串都好大串，加嘛個沙嗲醬，絕對係一流既配合，今晚所有野都好好食，無論你坐邊一個位，餐廳都有打卡位，讚！…Read More