Golden Thai

荃灣友一定唔會唔識「金坊」呢間泰國菜館， 每次去到路德圍， 都會見到好多人排隊等位， 究竟係咪真係咁正！？ 咁就要試下先知啦！😏 而家仲做緊優惠， 逢星期一至五9:30pm後宵夜優惠，指定菜式有七折優惠，都幾抵！ 不過我地今次黎太早啦，等唔到宵夜先食。😂😂 齊心抗疫下，6:00pm後外賣自取仲可以全單八折， 最正係本身餐廳就免加一，公眾假期就除外。 「金坊」嘅海南雞係最出名， 不過其實燒雞名氣都唔弱架！😏 我地叫左半隻（$98），兩個人食就啱啱好， 用明火炭爐燒烤， 外皮燒至微脆， 加上雞皮本身好薄，沒有太多嘅肥膏， 雞件厚肉得黎又夠嫩滑，肉汁豐腴， 蘸上自家製嘅酸辣醬汁，好惹味！⭐️推薦❗️ 小妹最鐘意食豬頸肉， 見到呢度豬頸肉好似燒得好靚咁，就試吓啦！ 果然冇令我地失望！😌 燒豬頸肉有兩種口味款式可以揀， 有淨燒和青檸汁燒， 唔想咁滯就要試下青檸汁燒豬頸肉（$96）啦！⭐️推薦❗️ 嘩，豬頸肉堆砌到好似一座山咁，份量好足呀！ 豬頸肉肥美爽嫩，配上酸甜嘅青檸汁，好醒胃！ 仲有超多芽菜墊底，吸晒醬汁嘅精華，咁就冇咁膩啦！😏 平時我地倆口子去食泰國菜都係食炒金邊粉， 不過見到呢度嘅炒粉麵都幾多種類可以揀， 所以就試下香辣炒粉絲（$90）， 可以任選一款肉類，雞、牛或豬， 同雞有仇嘅我地揀係揀雞啦！😂😂 配料好豐富，有好多時令菜蔬， 雞肉都算嫩滑， 炒粉絲炒得夠乾身，微辣惹味！😋 ⭐️推薦❗️ 馬拉盞炒椰菜苗（$92） 份量都幾多， 馬拉盞炒得幾香幾惹味，不錯吃！👍🏻 最後，食完泰國菜梗係飲番個椰青啦！ …Read More

約左好耐無見既朋友食飯，因為突然好想食生蝦，就決定食泰國菜朋友介紹話呢間出名，咁就食呢間啦！呢餐飯既主角生蝦好新鮮，好鮮甜，不過如果個醬汁係泰國綠色果種海鮮醬就更加好啦！不過不失，菜唔會老，都幾好食既非常足料！成碟粉絲鋪滿海鮮又唔會辣到食唔到，好香口！每次食泰國菜都一定會叫好好味，唔會好油又唔會好乾，燒得岩岩好，令人忍唔住食完一舊又一舊又係另一個泰國菜必叫既野食不過呢個就偏辣，又無咩酸味，我都係比較鐘意酸酸辣辣既口味！另外，因為好掛住係泰國飲果種奶茶既味道，所以叫左杯泰式奶茶黎試下，但都係無泰國飲既風味睇黎又係時候去一次泰國啦…Read More

又係為食鬼同朋友仔一齊出去食飯嘅時候喇。荃灣有好多好嘢食，搞到都唔知食乜好。因為我同朋友仔都好鍾意食生蝦，所以就同佢去食泰菜。原本唔係食呢間，不過嗰間有位都唔俾我😒咁我就轉去附近呢間。塞翁失馬焉知非福點知呢間都好好食。一坐低梗係叫左朋友仔最鍾意嘅「公車濫霸」先，蝦身厚肉夠新鮮，非常好👍🏻美中不足就係個汁唔正宗，似燒烤辣汁又無青檸味。之後叫左個馬拉盞炒椰菜苗，可能唔當造，菜苗有啲老但味道👌🏻。叫過泰式濕炒河勁大碟用厚身片片河粉👍🏻。朋友仔好鍾意食燒白鱔就叫左唔叫普通串燒，估唔到咁好食😋外脆內熱辣辣，但同生蝦個汁一樣嘅🙄好生意勁多人枱拍枱，我哋走嗰陣直頭出唔到去…Read More

好像放假後遺症還沒好一樣，這個星期上班都是還渾渾噩噩，一副打不起精神的樣子，好不容易才撐到星期五，收工後當然要吃一頓好的來獎勵一下自己。上次與友人在這試過椰菜苗，一試難忘，在街外也找了很多地方都找不到椰菜苗賣，想要親自下廚都不能，唯有又來到金坊。馬拉盞炒椰菜苗依然爽口清脆，味道清新，入口帶些少微辣，香葉炒聖子皇味道辛辣，對於一般不能吃辣的人，這辣味絕對超出能承受的範圍。聖子都算大隻，爽口彈牙。香茅蠔仔煲的味道非常濃烈，非常下飯。蠔仔原本的腥味被香料蓋過，本身不太愛吃蠔的我也接受得了。來到泰國餐廳怎可不試串燒，這裡的串燒非常出色，入味又不會太乾，一定要推介一下。椰青水清甜可口，內裡椰肉厚身，可以刮下來吃，不錯。雖然服務不太好，但是食物味道出色，依然會繼續來...…Read More

天氣開始轉涼，飄著微微細雨，相約兩三知己，傾談心事，幸好金坊不用等位，還能安排到卡位，心情大好。九點後人客的數量不少，但是上菜速度非常快，對於飢腸轆轆的我們，簡直是雪中送炭。海南雞(半隻) - $90比以前的質素差很多，雞肉肉質偏霉而且鬆散，沒有海南雞獨有的鹹香，對於愛吃海南雞的我，一大打擊。馬拉盞炒椰菜苗 -$76朋友極力推介的椰菜苗，爽脆的口感，帶些少微辣，非常惹味。辣椒膏炒大蜆 - $86只有五六隻中等Size的蜆，有一兩隻有沙，配菜沾上辣椒膏，味道還不錯，愛辣人士一定會喜歡。沙爹串燒 - $85每次光顧一定必食的串燒，沙爹味較一般的重，最重要的是不會太乾。菠蘿海鮮炒飯 - $74味道香甜而且飯粒粒粒分明，但是配上肉鬆就太甜了，奪去了飯本身的滋味。椰青 - $28清甜解膩，椰肉又多，$28絕對值回票價。埋單時發現雖然沒有加一服務費，但是水原來要收錢，覺得不值，水我們都用來洗碗筷了。食物質素相對以前失色不少，而同區的泰國菜館越來越多，同樣的價錢不難找到更加好的。…Read More

朋友很多年前就來吃過，說這裡的泰菜很不錯，於是叫我一起來試試，果然無介紹錯。可能是閒日，所以不用等位，但也幾乎滿坐，相信開左咁耐應該有唔少係熟客。整體食物水準都很好，服務態度也不錯，價錢又不太貴，值得一再幫襯。…Read More

由於飯局前1星期已訂位，所以等位時間只需10分鐘我地人數7位，因地面餐廳太少大枱，所以由職員帶領我地到某隔離之樓上，感覺舒服多吧！我地埋位每人叫左1杯野飲，分別係椰青5個<每個$28>(味道普通，而且唔夠凍)，1杯青檸梳打<$24>及1杯泰式鹹檸7<$24>佢地上菜速度實在太快，我地就變左怪獸咁狂食酸辣鳳爪沙律…　酸辣適中…　我地覺挺好味唷生蝦…　就普通普通…　海南雞1隻…　大家食到相當美味香濃芝心蝦丸…　挺特別的…　但我冇食沙嗲串燒(豬、牛、雞)…　不錯不錯～記得趁熱好快手食啦碎肉生菜包(豬)…　我地食完再反兜　因為碎肉炒得唔濕但有點汁，包埋生菜簡直太好味！蝦醬炒飯…　不過不失…　不過裡面ｄ臘腸好似豬肉乾味好滾動！馬拉盞炒芥蘭…　太野味馬拉盞炒椰菜苗…　由於太野味…　我地再叫多碟菜食到飽到暈後，送左碟甜品(冇影相添/_\)，應該係椰汁糕之類野～7人總共食左$1,064～　本人覺得抵食又好味！值得值得～…Read More

約o左女友人RL,VL尋(12-3-2012 Mon)晚食飯,咁o岩男友被調呢日放假,咁就四個人一齊食,由於VL同RL都唔知食咩o野好,我就提議呢間同o係鱟地坊o既井上,佢o地就揀o左呢間.我同男友先o黎攞位,只係6:50pm,接待小姐問我o地幾多人?我o地答四個,佢問我o地搭唔搭枱?我o地答唔搭,咁佢就畀張飛我o地叫我o地等,等o左一陣就有枱啦.我o地坐一張四人卡位,RL同VL都到o黎喇,佢o地三個話事食咩o野,我完全冇參與過.我o地叫o左:1.$62.00o既香葉炒大蜆o黎到,個樣都幾靚,個個都夾蜆先,蜆係好大隻但少,一碟得五隻,呢個味道唔算濃,食到香葉味道.2.$53.00馬拉盞炒椰菜苗我o岩o岩食到好多馬拉盞,椰菜苗夠嫩冇渣,不過其實都平平無奇.3.唔知幾錢o既明爐烏頭如果我知道RL叫呢個,我會叫佢叫燒烏頭.呢個o黎到會跟一大碗汁,呢條烏頭幾大條,有好多肉,配埋微酸o既汁,幾惹味.4.$61.00o既半打沙嗲串燒沙爹汁唔太惹味,啲肉燒得o岩o岩好,唔乾唔硬,OK.5.$58.00三串o既燒大鱔呢個跟酸辣汁,VL幫我蘸o左啲汁,嘩!又熱又辣,唔係幾o岩我,今次燒鱔外皮唔脆,不過一樣咁大件.6.唔知幾錢o既中冬蔭公其實我唔飲,原來RL都唔飲,只有男友同VL飲,咁做咩叫個中呢?最後我都係半推半就咁飲一啲,呢個竟然唔辣,真係出奇,當中都有大蜆,重有唔知咩o野,因為我冇食.7. VL唔知食o左咩o野叫辣,就要一杯青檸梳打,我冇問佢好唔好飲.8.最後送o既甜品相中上方四件o既係大菜糕,咩o野味呢?原來係椰青,清清地,OK.下方o既以為係椰汁馬豆糕,但原來唔係,係椰汁芒果糕.呢個口感冇大菜糕咁實,椰汁味好夠,唔太甜,都唔差.服務:其中一個泰國小姐好好禮貌,無論佢送o野o黎,收o野,幫我o地斟水,佢都好好笑口同叫我o地食得開心啲.最後埋單係$428.00,都幾貴喎,上次已經話應該要平啲,點知一年後不單只加o左價,加幅重要好大.上次食評: http://www.openrice.com/restaurant/commentdetail.htm?commentid=2143201…Read More