Kedai Kopi Semua Semua

行過路過見到有一間馬來西亞餐廳就入去try try啦，門面已經好吸精，入到去環境裝修都好有馬來西亞既特色，咁我地就未食過馬來西亞食物咁就睇餐牌揀左幾款(蘇媽推介)既食物和飲品啦😂(蘇媽推介)招牌砂鍋老鼠粉我本人就勁中意食老鼠粉，，但砂鍋就真系第一次，面頭就勁多配料，老鼠粉就用醬油炒，每一條粉都上哂色，餐廳好細心會每張枱準備醬油，怕你吾夠味可以加醬油食👍🏻椰香咖央多士必食，咖央甜甜外脆內軟馬拉沙嗲串燒叫左雞牛豬名一串，燒到剛剛好，點埋沙嗲醬好滋味飲品檸檬薏米水(蘇媽推介)美祿暴龍（最新推介）我私心推介美祿暴龍，好大杯面頭好多美祿粉，好好飲🤤…Read More

蘇媽蘇媽係香港非常受歡迎嘅馬來西亞餐廳 🇲🇾，有特色又啱香港人口味。餐廳環境乾淨，價錢合理。🍽️椰香咖央多士 -烤得好香脆，每一啖都滿滿咖央醬！牛油入口即溶。👍🏻🍽️魚仔醬蘿蔔糕 🌶️- 魚仔醬微辣，好惹味！🍽️馬拉沙嗲串燒- 可以揀雞豬牛 🐓🐂🐖。沙嗲醬有花生粒，超級好味！唔會烤到好乾柴 。👍🏻🍽️鮮香魚蛋 🌶️- 魚蛋彈牙，配埋辣醬好零舍滋味。🍽️椰汁斑蘭冰 - 斑蘭味道香濃，有一粒粒西米，好有咬口！👍🏻…Read More

這家餐廳價錢便宜，所以假日吸引了不少食客。餐廳裝修鋪上特色瓷磚，牆上也有碧綠色的磁磚，加上仿窗花作裝飾，感覺有身處馬來西亞的懷舊感覺。餐牌上的選擇頗多，有特色小吃、麵食、特色飲品和甜品。每人都有碗肉骨茶，藥材味道很濃郁，很滋補。⭐️馬拉沙嗲串燒/6串$92我們分別點了雞肉、牛肉和豬肉串燒。我覺得牛味的味道最突出，蘸了醬料很惹味。⭐️仁噹牛肉撈麵有不少牛肉，大大塊厚切，加上咖喱薯仔，十分足料。雖然撈麵，但吃起來一點也不乾柴，牛肉入口也很稔。⭐️海南鴛鴦燒麵包$45我最喜歡吃鴛鴦燒麵包，夾心是斑蘭醬和牛油，精髓在於那一片略厚的牛油，放了一段時間也沒有化掉，入口牛油仍有口感，牛油加上烤得香脆的麵包，實在值得一試。⭐️桔仔話梅水桔仔話梅水略帶鹹香，可以解膩。…Read More

蘇媽。蘇媽（尖沙咀店）📍加連威老道10號加威中心地下最近發現蘇媽蘇媽呢個名好似愈開愈多分店，而且聽朋友講佢地嘅肉骨茶味道正宗，所以去開尖沙咀就想試下。為左避開Lunch人群，雖然肚餓等都等到1:30先至去，但都要等一陣先入得🤭。受歡迎嘅餐廳真係要去就趁早👍🏻蘇媽正門一推好似去左另一個地方咁，因為要經過一個西餐環境，再行入啲先至見到南洋風味裝修嘅蘇媽範圍。後來先發現原來蘇媽同一間叫做So Bar 嘅西餐/酒吧 係share 同一個入口，所以要去蘇媽就先要經過So Bar 😂蘇媽嘅裝修保持住馬拉地道風味，牆身同地面都用左瓦仔鋪面，牆上掛左幾張舊年代美女圖，成個氛圍都相當懷舊！蘇媽有提供午市套餐，選擇亦都多元化，除左招牌叻沙同雞飯之外，連肉骨茶都做 set, 價錢亦都好經濟！ 如果想試佢嘅肉骨茶就岩晒啦！我地叫左2 個午餐，加左個串燒小食，飲品就叫左拉茶同白咖啡！👩‍🍳 百吉嗲細肉骨茶 - 一字骨跟白飯 $88原來食肉骨茶係有幾個步驟要跟，指示亦都好清楚列明左喺枱面張墊枱紙上，等緊食物嘅時候不妨可以留意吓💁🏻‍♀️1️⃣第一步：先調校醬汁，枱面調味架有蒜蓉同辣椒，黑豉油筒頭抽，只要將四種調味適當混合就完成✅2️⃣第二步：店員會為你送上一小碗滾熱辣嘅湯，肉骨茶未到之前先享受個湯，因為呢個湯底係藥材味比較重，但午餐果個肉骨茶就會帶有鮮甜味，完全唔同味道㗎！3️⃣第三步：當店員送上肉骨茶後就可以細心品嚐果個骨同湯，呢個時候第一步準備好嘅醬汁就可以出場啦，一字骨沾醬會更惹味！之於個肉骨茶湯底，當歸味好香濃，同肉湯平衡得非常好，會帶有啖啖鮮甜味！為左保持住一字骨嘅肉質嫩滑程度，個湯底嘅溫度就要有所取捨，所以要理解個湯係唔會滾熱辣咁送上👻4️⃣第四步：食到咁上下可以叫店員為你添加熱湯架！咁就可以趁熱飲！自己比軟鐘意飲熱湯所以都要麻煩左店員幾次，每次都會好樂意服務嘅🫶由於過往冇乜幾多食肉骨茶嘅經驗，所以就冇得比較。但今次嘅體驗幾好，由其欣賞佢個帶有鮮甜嘅當歸味湯底，味道好特別，飲完感覺好補身咁！而且一字骨都好嫩滑，絕對值得一試👍🏻👩‍🍳 辣死你嗎配烤雞髀 - $68唔好俾佢個名嚇親，因為事實並唔似佢個名咁辣😆呢道菜係外脆內軟又多汁嘅雞髀配以牛油果綠嘅椰漿飯！大大碟顏色又靚咁上到枱都好開心架👍🏻👍🏻伴碟仲有個靈魂醬汁參巴醬、青瓜、花生、乾魚仔、蝦片、蛋！參巴醬少少辣又香又有少少甜甜地 , 配青瓜好正！另外個飯底真係正，椰漿味唔會話好濃好濟果種，淡淡椰漿味之餘aftertaste 帶有少少斑斕味，平時唔多食飯嘅我竟然會追食，一啖又一啖咁空口食都食左一大半！😋😋➕追加小食 +$38：馬拉沙嗲串燒3串 （雞牛豬）$38 又要再讚佢啲醬汁，花生味好香濃！而串燒嘅肉一啲都唔dry架！ 值得追加！🥤怡保白咖啡 （熱）/ 馬來亞拉茶 （凍）呢種白咖啡其實係煉奶溝咖啡，所以比一般咖啡比較濃厚，同埋奶味重！特別之處咖啡杯面有泡泡，相信用左拉茶方法黎調製呢杯咖啡☕️馬來亞拉茶即係奶茶，不過比起平時果啲就比較甜同埋茶底唔同，食東南亞菜必叫！❤️整體感覺唔錯，店內裝修令你感覺好似走左轉星馬遊咁🤭 同埋係我心中set左一個肉骨茶嘅benchmark !…Read More

中意食馬拉野既朋友一定有留意呢間蘇媽蘇媽😉之前食過佢既外賣已經覺得好岀色今次終於有機會食到堂食🤤依然咁好味——————————————————🍴招牌砂煲老鼠粉($92)老鼠粉呢個名可能大家未必知係乜🙈銀針粉呢個名聽過啦呱😏岀面其他餐廳已經好少見到有銀針粉所以見到就即刻想叫佢👍🏼面頭有勁多配料😆魚乾仔啊 肉碎 冬菇 炸蔥蒜 豬油渣成件事係勁惹味同勁香口😋而且老鼠粉係用豉油炒過 每條都上晒色重點‼️有隻蛋黃係到襯佢仲熱辣辣個陣 記住撈匀佢先😌等啲蛋黃熟熟地 一齊食就好正🤓呢個好啱同朋友share一齊食——————————————————🍴馬拉沙嗲串燒($92/6串)講到香口野 串燒一定唔少得😏串燒可以揀食豬🐷牛🐮雞🐔我就揀左每款2串串燒唔會燒到乾柴柴👍🏼重口味人士記住要點沙嗲醬🤤因為食落真係幾香花生味🥜——————————————————🍴海南鴛鴦燒麵包($42)呢款麵包就用左比較深色既麵包🍞完全唔係因為佢烘燶左😂先至咁深色入面搽咗滿滿的咖央醬 馬拉野必食呢個醬😎咖央醬唔會太甜 而且仲有淡淡既香味☺️加埋凍既厚切牛油🧈一冷一熱咁食成件事真係好幸福🥰上碟個陣 staff都有提醒要盡快食唔係舊牛油溶左就唔好食啦🙈——————————————————🍴美祿恐龍($38)呢杯🍫🦖又係星馬菜必叫‼️雖然每間餐廳沖既方法都差唔多😂但點為之夠好飲就係面頭要夠多美祿粉😌呢杯直程有個小山丘🙈都值門票價…Read More

已經唔記得係第幾次去食蘇媽🫢某日經過尖沙咀呢間分店 覺得裝潢特別唔同後尾先知原來因為連埋佢既西式餐廳😍原來內裡既風格同其他既分店係大同小異最特別之處係佢半室外用餐處 好有格調下次去食So Bar 可以坐出去感覺下(不過天氣涼啲先🤪)➷❐ 百吉爺肉骨茶 • 三層肉唔知係咪改咗模式 而家要嗌肉骨茶先會有熱湯🫣餐紙上有教大家食用既方法 所以可以放心會享用到最佳食法😌每次食都係食捧捧骨 今次就揀咗食三層肉🐷三層肉 顧名思義就係豬腩肉上肉脂分明既三層肉😍腩肉基本上都已經入晒味 仲好軟腍同一般煲到嚡熠熠既肉質有好大分別🤤佢唔算太肥膩 口感都唔錯 藥味唔算好重 會岩大部分人口味➷❐ 辣死你嗎配咖喱雞肉以往都係食老鼠粉 今次一於試下椰漿飯😋基本上一個辣死你嗎都會有好多配料係入面 呢度都唔例外椰漿飯既椰味香得黎好過癮 食落口唔算好重味但每啖飯都有椰香 但唔係甜個隻🤤咖喱同椰漿飯既香氣配起上黎都幾惹味👍🏼雞肉大舊得黎又唔會乾身 味道同火喉都控制得好🤤➷❐ 馬拉沙嗲串燒❐ 椰香咖央多士串燒好有地道風味🥳色香味都做到個種神髓沾上令人回味既馬拉沙嗲 花生既味道好濃郁🥜呢個沙嗲汁都幾邪惡 會唔覺唔覺沾咗好多😂咖央多士可以話係招牌 每次黎都會叫🫢多士依舊底面都烘得好脆口🤤咖央漿同咸香軟滑既牛油🧈係甜係肥嫁喇但試問又點可以忍得住🫣➷❐ 椰汁班蘭冰一杯好香班蘭味既野飲🏝甜度比預期低 仲有粒粒西米咬口😋係杯唔錯既飲品👍🏼➷野食唔需要多講喇 水準依然都保持到反而下次真係想試佢既西餐 睇下係咪都咁出色😬➷🧸🌞 𝗖.𝗼𝗼𝗸𝗻𝗴𝗯𝗲𝗮𝗿推介指數 👉🏼👉🏼8️⃣🌟…Read More

早排去Ｓｏ Ｂａｒ後便想念起肉骨茶約朋友逛街前想簡單吃 又來到了這裡蘇媽人氣長旺 還好七點前還不用排隊復古冰室風 座位不算闊落但乾淨企理餐牌選擇頗多 必點的肉骨茶都有十款好味足料性價比高 長期滿座不是偶然-⧫⧫ 百吉爹肉骨茶 - 豬腳彎 ⧫⧫ $𝟓𝟔招牌的肉骨茶有多款部位可選 好吸引有雜錦／一字骨／棒棒骨／三層肉 等按著步驟先混醬 蒜蓉辣椒黑豉油頭抽店員很快奉上熱湯 湯頭充滿藥材香氣採用當歸川芎等藥材 有養生補氣功效肉湯及藥材味道很平衡 兩者相輔相成接著開始吃肉 肉另上好處是不會過熟選了有皮有肉的豬腳彎 份量相當足夠豬皮及筋膜炆得軟冧 漿口亦充滿膠原肉的部分大大舊也入味 口感比較結實沾醬後變得惹味 蒜香及辣椒提昇味道湯頭任添就再來一碗 胃暖心暖很滿足-⧫⧫ 椰香咖央多士 ⧫⧫ $𝟑𝟐也是幾乎每檯必點 多士本身極之酥脆裡面塗上滿滿咖央醬 椰香牛油香交織小烏胃的我放棄主食叫多士 決定正確-⧫⧫ 魚仔醬撈啦啦 ⧫⧫ $𝟓𝟔未見有人寫過 海鮮控出於好奇叫來試啦啦其實是蜆 不算飽滿反而醬汁搶鏡魚仔醬有ＸＯ醬影子 夾雜魚仔勁惹味-⧫⧫ 馬拉沙嗲串燒 ⧫⧫ $𝟒𝟖 / 𝟑串喜歡它自由度高 可以每串自選豬牛雞焦香偏淡 牛的肉味較濃雞則相對嫩滑沙嗲醬躍身成為主角 很香濃的花生味-⧫⧫ 無糖可樂（冰底）⧫⧫ $𝟏𝟑叫三款小食的話飲品有優惠價 幾抵玩 冰底也不用加錢 飲有氣可樂夠哂爽快-喜歡肉骨茶 也欣賞它任添任飲的大方尤其愛吃皮的部分 下次來會試豬手仔…Read More

發跡於深水埗嘅蘇媽·蘇媽陸續開分店，最近仲開到去尖沙咀加連威老道，當然要帶埋老公嚟試吓。尖沙咀分店嘅餐牌同深水埗嘅基本上大同小異。餐廳入面嘅環境比老店更乾淨企理，裝修亦有馬拉華人風格。枱上已經放有黑豉油、頭抽、辣椒同蒜蓉，原來係用嚟點肉骨茶入面嘅配料。枱上嘅餐紙仲有教你點樣調配。落咗單點咗百吉爹肉骨茶之後，店員隨即奉上兩碗熱辣辣嘅肉骨茶，而呢個湯係無限添飲，都係蘇媽蘇媽出名之處。百吉爹肉骨茶有數款唔同嘅食材可供選擇，今次我哋就揀咗啫喱骨，其實即係類似我哋平時食開嘅豬軟骨，總共有四大件，啫喱骨之下仲有豆卜同金菇，我覺得呢個係喺多款肉骨茶入面性價比最高嘅一款。海南鴛鴦燒麵包嘅麵包比較深色，帶有一種特別嘅香味，再加上入面一層厚厚嘅牛油以及咖央醬，熱辣辣非常好味。辣死你嗎係我最推介嘅主食，最鍾意佢嘅花生同乾魚仔配上椰漿飯，今次揀咗配參巴魷魚，魷魚相對地都幾辣，不過又覺得好惹味。馬拉沙嗲串燒分別有豬、牛、雞，而且係任意配搭。佢嘅沙嗲醬充滿濃濃嘅花生味道，非常香口。由於食完辣嘢，所以都決定飲番杯恐龍下蛋，冰凍白咖啡上面配上一球雲呢拿雪糕，再加有朱古力波同美祿粉，大人細路都鍾意。…Read More