NAGE Taiwanese Cuisine (Ivy Street)

「那個」係其中一間喺大角咀比較出名嘅餐廳，經常都大排長龍，以前喺大角咀附近返工，都有食過一兩次「那個」嘅外賣，當時覺得炸嘢外賣腍咗無咁好食，但都已經係幾年前～最近去開大角咀就試一試堂食，但係講真就有啲啲失望～ 因為大部份嘅炸物都好油，食完都幾膩🥲 不過勝在分量偏大，都算抵食嘅～ 女仔可能叫少飯都未必食得晒～•🥢 那個滷香雞球便當 $73滷香雞球係台式滷排骨嘅變奏版，即係將啲雞球沾上地瓜粉之後拎去炸，炸完再滷～就咁睇整法會以為啲炸皮會腍晒，但原來都仲有少少脆👍🏼 炸皮有少少厚同少少油，整體調味有啲太鹹，要送飯一齊食～ 不過入面嘅雞肉好Juicy，而且大大嚿好厚肉，食落大滿足🤤 便當仲有幾款小菜：炒冬粉、炒椰菜、炒蛋同埋玉子燒，印象中炒蛋幾好食👍🏼但係玉子燒就唔係幾啱食，質地好實同埋味道太甜🫣•🥢 香酥排骨便當 $75呢個炸排骨真係好大塊，所以上菜嘅時候的確幾震撼～上面灑咗好多椒鹽粉，所以食落都幾鹹，真係要配飯/嘢飲先得～ 排骨嘅炸皮好似比炸雞嘅薄少少，但係炸排骨就有少少皮肉分離，同埋入面嘅肉比較薄，食落都比較乾，再加上嚿骨都幾大嚿，食落就無食炸雞球咁啖啖肉咁爽～ 所以我同朋友都一致認為炸雞球比較好食～•🥢 香酥魷魚足 $68因為真係好鍾意食炸魷魚鬚，所以就叫咗嚟試吓～ 魷魚鬚嘅炸衣同頭先食嗰兩款嘅有啲唔同，表面光滑啲同再薄身啲嘅，上面都係灑咗超多椒鹽，極重口味，而且好油，仲有啲油膱(益)味😵‍💫 雖然魷魚嘅份量幾多，但都不太推薦～當晚仲有啲小插曲，第一碟嘅魷魚鬚係明顯炸到過咗龍，表面好深色仲有啲燶，我同朋友食咗一件覺得味道幾燶，所以就同侍應講，佢哋都有換另一碟畀我，不過就換成好多魷魚鬚嘅頂部，即係厚肉啲嘅部份，個人嚟講都係鍾意魷魚「鬚」多啲😬•🥢 愛文芒果冰茶 $36🥢 臺南鳳梨冰茶 $36兩款嘅茶味都不錯，但係啲水果味糖漿都有啲啲藥水味🫣下次可能飲返奶茶/純茶～…查看更多

上網睇好多食評都有介紹既台灣菜，價錢唔貴又大份。今日未夠7點去到，唔洗排隊。叫左個香酥排骨便當，便當配飲品有特價，但再追加小食既話，價錢係無分別既。個香酥排骨份量真係好誇張，大塊到有2隻男士手掌咁大，味道都好食，不過以普遍香港人黎講，有d重口味。配菜粉絲同蛋都好好食。$68咁大份真係好抵食。飲品追加叫左檸檬冬瓜愛玉，加$19，另外加大多$3，大杯抵飲。因為75%糖，所以有d酸，怕酸既朋友要注意下。由於最低消費係每人一個便當/一杯正價飲品，小食唔計。我都冇留意到，所以後尾先加返杯正價飲品。叫左鳳梨冬瓜茶加寒天$35，都係75%糖，呢杯既甜度啱啱好。小食拼盤係便當到追加，不過價錢到散叫冇分別。menu冇寫拼盤包乜，我地今日叫裡面有：台灣腸一條、甜不辣兩件、台南蝦卷兩件，同梅子地瓜薯條小份。小食都好食既。而我計過散叫拼盤裡面既小食分分鐘仲抵過叫拼盤，所以大家如果唔係一定要食晒幾款既話或者拼盤冇包到你想食既小食，可以自行決定叫拼盤定散喇。除左小食拼盤，我哋仲叫左個香酥魷魚足。炸得幾好，唔會太硬，調味都好。不過可以注意下隔油既問題，我食到中間已經見到個底好多油。呢個位真係要改善下。…查看更多

💎總評分：9.0/10-呢間出名食巨型香酥排骨嘅台式小店一直人氣高企，每次經過都排晒長龍，終於呢日小編比平時早出門口又見有少少雨，就膽粗粗去睇下會唔會少人啲🤭，幸運地竟然唔駛等位，即刻入去坐低一試名店！1️⃣ 香酥排骨便當 $64每張枱上都有個牌顯示「本週配菜」📋，show反當日嘅便當配料，今日就有黃金炒野菜、紅乳炒冬粉、葱燒豆腐、葱花玉子、本日涼菜，望落都豐富😽，跟餐仲送飲品或養生湯添🥣！嚟到「那個」當然要叫香酥排骨便當🐽～一共3款口味分別係鹽酥、海苔、香辣，今次揀左海苔口味。嚟到時馬上俾塊排骨吸引住🤩，成個碗咁大，面頭舖滿海苔粉，傳來陣陣香味，食落果然香酥，真係食到不停口🤤。至於配菜同飯其實唔算多，每款都係得少少，不過一個便當入面有4至5樣配菜都算多元化👍🏻，而且有咁大塊排骨，食完都一定飽。天氣仲係凍凍地，小編㨂左跟當日養生湯，當歸薑母鴨肉湯好滋補🦆，不過味道稍為鹹左少少同埋過份油膩。2️⃣ 塩酥甜不辣 $18小食份量有2片，唔算大塊所以都無話好抵食👌🏻，質素一般，不過鐘意食甜不辣應該唔會失望。3️⃣ 台灣香腸 $12台灣菜必叫嘅小食之一，惹味又juicy😋，食完更加掛住台灣！4️⃣芋泥地瓜丸 $25有驚喜嘅小食！名副其實咁食到香芋🍠同地瓜嘅味道，入面塞滿芋泥，口感外脆內軟，趁熱食無得頂💯！5️⃣ 宜蘭三星蔥餡餅 $20「那個」同爵爵&叔叔搞左個cross over，除咗喺店內見到相關插畫同周邊商品🛍，仲有限定menu，呢個餡餅係其中一個選擇。一咬落去即爆汁💦，肉餡惹味仲有陣陣蔥香，超級juicy，非常推介💪🏻！6️⃣ 檸檬冬瓜愛玉 $36小編好鐘意飲冬瓜茶，但又怕太甜，唔知大家有無發覺冬瓜茶好多時無得㨂甜度🤔？小店就好貼心，冬瓜茶都提供甜度選擇👏🏻。台灣料理一向係受港人歡迎嘅菜式🥰，但係小店嘅受歡迎程度淨係睇平時排隊嘅人龍都知道，呢日小編邊食邊見到好多人等外賣，的確，價錢合理，多款小食，完全可以滿足到對台灣料理嘅慾望😌。 -環境服務：⭐⭐⭐⭐食物質數：⭐⭐⭐⭐⭐打卡指數：⭐⭐⭐…查看更多

大角咀覓食😋😋難得去到搵左間無其他分店既台式餐廳.✴️香酥排骨便當 $64有鹽酥、海苔同埋香辣三種口味我就揀左海苔味😁另外加咗$12一條台灣蜜蒜腸便當好大份👍🏻塊排骨又大又脆枱面有香辣粉鹽酥粉同海苔粉比你任加！另外有甘筍炒粉絲、粟米炒菇、炒椰菜同埋一舊玉子燒做配菜🍱所以感覺好豐富吾會好寡😋$12條腸有啲貴，不過太耐無食過下癮.✔️feel到好比心機既小店❤️跟餐飲品有古早紅茶、炭焙烏龍、黑蕎茶、茉香綠茶同埋養生湯亦可以加錢再轉其他嘢飲🧃座位都有啲密，不過不失Lunch限時60分鐘左右，12點去到吾洗等位，但越晏越多人😆會再去幫襯🙆🏻‍♀️…查看更多

星期六 晴天☀️3個人着咗懷念吓台灣旅行回憶，所以就特登入去大角咀試吓呢間台灣菜。朋友話已經觀望咗好耐都未試過，每次搭車經過都見到有食客排隊等位，聽到就忍唔住抱住有啲期待入去試吓。餐廳只接受walk-in，大約排咗15-20分鐘已經有位，但係個日天氣相當炎熱…企咗5分鐘已經流哂大汗…雖然餐廳等候位置無任何遮蔭位，不過見餐廳好貼心望咗幾把長遮俾客人借用，帶位侍應有禮貌，排隊個陣已遞上餐牌自助下單，環保♻️餐牌嚟可循環再用。*記得要人齊先准入座，同埋用餐時間都有限時。3個人叫咗3個招牌便當，仲有一款小食(2個朋友堅持一定要食😂)，當然唔少得仲有台式飲品。香酥魚菲力便當香酥排骨便當香酥脆雞便當甜不辣  (6塊)飯後有感: 朋友聚會，回味下台灣風味其實ok，飲品都值得推介嘅，不過食物因為都係油炸，偏油膩，主菜唔係我鐘意嘅，值得一讚係飯同配菜有心機，食到淡淡牛油🧈同菇嘅香味，仲有甜不辣好好味，大家下次可以一試。…查看更多

香酥排骨便當 $64不枉我等咗15分鐘，絕對係值得的！豬排大過我塊臉，炸完仲要多肉汁而唔油膩，豬排調味帶少少甜，外層炸粉剛剛好，唔會厚身！我揀咗海苔粉做豬排嘅調味粉。海苔粉本身係少少咸，加埋豬排本身嘅甜味，味道豐富又好夾。每個便當都配有該週配菜。今週配菜有屬正常發揮嘅蒜香大白菜、好入味嘅紅腐乳粉絲、唔嘅辣宮保素丁同埋甜甜嘅焦糖玉子。配菜份量仲要一啲都唔少，送飯一流！最上層係勁大塊豬排，中層係4款好味配菜，下層係珍珠米。珍珠米份量唔少，仲可以添飯，真係大胃王都唔怕餓親。細食朋友或女仔可以考慮要少飯。蜂蜜青檸寒天冰茶 $15便當加錢可配台式飲品，我加咗 $15要呢杯冰茶。唔太飲到蜂蜜味，但酸酸嘅青檸令我好開胃！無咗佢，我諗我真係食唔晒個便當。呢杯飲品屬正常發揮，下次會嗌其他。「那個ㄋㄚˋ ㄍㄜ˙」主打台式便當，目測其他便當嘅份量都唔小。店員熱情有禮，食物又有質素，屬可以encore之選。雖然呢間鋪長期多人，要等15-30分鐘，仲要排隊等，但論味道、氣氛、理念等等，真係值得嘅！…查看更多

呢間小店人氣一直高企💫 平日6:15pm度去到已經開始要排隊，條龍仲越嚟越長👣 等候期間店員會派餐牌俾大家可以諗定食咩📝 用餐時間60分鐘，所以都唔算等咗太耐⏱ 然後一坐低好快就有嘢食👏🏻 臺南蝦捲便當好豐盛嘅便當🍱 有別於平時一個盒入面有幾格放配菜同飯，呢度嘅係走大碗飯路線🍚 台式蝦捲喺香港真係好少見🤩 口感彈牙，調味啱啱好🦐 配菜方面都好出色，最鍾意螞蟻上樹❤️ 辣辣地，好惹味，送飯一流😋 而溏心蛋非常入味，令成個便當更完整同完美🥚香酥排骨便當呢個便當對比蝦捲嗰個真係好好好大份👀 除咗相中面頭嗰大塊排骨，其實下面都仲有一塊😳 表面炸到好酥脆，唔油膩👍🏻 不過食咁多會怕喉嚨痛喇🤣 排骨好juicy同一啲都唔嘞口🐷 成碗嘢大過塊面，所以連配菜同飯都特別多🤪 建議女仔可以叫少飯，或者同人share👯‍♀️所有便當都包高山茶或養生湯，又可以補差價轉其他嘢飲。小編s當晚叫咗養生湯同黑糖冬瓜茶🥤 櫻花蝦昆布味噌湯好足料🥰 有勁多櫻花蝦乾，三四塊厚厚嘅昆布，鮮味十足🌊 而黑糖冬瓜茶唔會太甜，消暑又解渴🧊 唯一可惜嘅係冇得加配滷肉😢 店員話因為太受歡迎，好多客人都會加🙈 為咗令想食滷肉便當嘅客人食到，所以暫停加配... 不過都好嘅，小編s有馬上再去幫襯嘅衝動💪🏻…查看更多

由佢未搬之前仲係細鋪嘅時候就已經開始食，第一次食完已經覺得好味。到後期有越黎越多人介紹，每次中午時段經過依間餐廳都必定見到有人排隊，所以想堂食嘅話有時都係碰下運氣。今次12點15左右黎到見前面得三組客人排隊，諗住排下，結果一排就排左超過半個鐘先有得入，果然係人氣爆燈😂 不過喺出面排緊隊嘅時候已經會幫客人落定單，所以入到去坐左5分鐘左右就已經有得食。我之前每次黎基本上都係食滷排骨便當，係我個人中意嘅口味，不過我覺得水準有時有啲飄忽，試過食一兩次，啲排骨比較實，唔知係咪煮過頭。但因為聽朋友平時講話中意食香酥排骨，所以今次諗住一於試下。佢有三款口味(鹽酥、海苔、香辣)可以揀，第一次試就緊係揀返經典嘅鹽酥。依個便當$64，會包埋野飲，不過得三款免費，如果想飲其他例如珍奶嘅話就要另外加錢。不得不提佢嘅排骨真係超大塊，炸得非常香脆，而且肉質都好嫩，唔會好實，味道係幾好食嘅，不過同滷排骨相比，我覺得香酥排骨會乾身啲，尤其係佢本身無汁，但佢啲調味都做得岩岩好。除左排骨之外，個便當另外仲會有5款配菜，日日唔同。咁岩今日有玉子燒，有啲驚喜，而且都幾好食。不過坦白講佢嘅飯因為無汁，所以會有啲dry，要連埋啲配菜、排骨一齊食先得。因為我今次唔記得叫少飯，最後有啲飯都食唔哂淨低，但我覺得香酥排骨係好食嘅！食完成個便當真係超級飽，而且都好滿足🤣…查看更多

那個在舊舖時已經想幫襯，可惜座位太少，一次又一次只走過門口😢😢😢搬了新舖後，試業初期人龍太長，開舖時間就不到，一直擱置到正式開張、政府限制6點後不設堂食先有機會買個外賣😂😂😂一連三日晚餐都吃那個🤣🤣🤣正式開業天點了香酥脆雞便當🐔🍱、香酥排骨便當🐷🍱，飲料點了黑糖波霸奶茶、愛文芒果花壇綠茶。以前未嘗過台灣便當，所以一打開外賣盒就感覺怪怪的，心想怎麼便當附送一堆齋菜😅不過味道還好，脆雞便當比排骨便當好吃，唯雞塊感覺太大，如果size可以細一點更好😆😆😆飲料的味道亦符合預期👍🏻當天外賣有折🙊🙊🙊順帶一提，外賣杯的設計不錯，不喝時可把蓋蓋回👍🏻👍🏻👍🏻第二天我試了臺南蝦卷便當🍤🍱，本想喝黑糖冬瓜茶，老公誤點了鳳梨冬瓜茶🍍😮好在味道不賴😋但蝦卷便當感覺上沒脆雞相宜，本以為蝦卷有原隻蝦，原來與x記粉麵的春卷相似，有點失望😅😅😅老公專一地點個脆雞便當🐔🍱、黑糖波霸奶茶🤣🤣🤣🤣前一天店員沒問要哪個口味直接給了鹽酥，這天問了就點了香辣。脆雞還是鹽酥的比較好吃😋這天吃著吃著，我和老公都不約而同地說便當的餸都比前一天明顯少了，份量似乎有點沒標準😞😞😞原本這天沒打算買那個外賣，想吃其他店的，但想吃的那間沒開就不打算多想，再買一次那個😂😂😂這次都點了覺得最好的香酥脆雞便當（2份）🙊🙊🙊、黑糖波霸奶茶和黑糖冬瓜茶😆今天不想吃飯，我見便當🍱下寫著「少飯/多飯/走飯/轉沙拉菜🥗」，我將其理解為飯轉為沙拉菜，可惜我錯了😱😱😱回到家，我放下外賣，老公急不及待要吃，我邊洗手邊說我的一盒沒有飯，著他不要吃錯，殊不知老公吃著一盒有飯的，之後我打開另一盒都是有飯的😰😰😰😰一看，他吃了我的那盒，奇怪的是說轉沙拉菜🥗的便當🍱，飯依然存在，走的卻是除雞塊以外的餸😱😱😱晴天pig pig 🐽 ，我這樣理解有錯嗎🙄而今次試的黑糖冬瓜茶好像不及鳳梨冬瓜茶好味🍍😅😅😅P.S. 沙拉菜的那天便當已被開動，所以沒拍照😅😅😅…查看更多