Give Me 5 (Closed)

平日總覺得每間餐廳都有其優劣之處，通常意粉飯好食，前菜又會差少少，或者甜品出色，就會忽略了餐湯。今次來到觀塘這間Give Me 5，雖然跟地鐵站有少許距離，但這晚所食的每樣食物都出乎意料地好~ Give Me 5 環境比想像中要大，一列卡座配上大玻璃可以遠望街外景色，如果不要求要到高級餐廳，我覺得這裡也挺適合慶祝紀念日或生日甚麼的。 現有$10隻生蠔優惠，不過每人限叫3隻，我跟男友不會放過機會，一於要半打試試是否圖片只供參考。 Menu選擇都頗多，主菜可以單點或加錢做Set，本想叫一個烤雞Set + 一個意粉及其他小食，但落order時侍應哥哥說會太多，所以就cancel了意粉。 生蠔都算大隻，其他餐廳都有用$10隻作招徠，而且不限隻數，不過試過發現又細又冇肉，反而這裡雖然限隻數，但質素超班才算真正值回票價。 周打魚忌麻湯 餐湯大碗到夠兩個人飲，所以叫一個餐的決定絕對正確，蒜蓉包有兩塊，溫度足夠而且外脆內軟。 蜜瓜西班牙火腿配黑醋汁沙律 跟Set的前菜賣相都幾討好，Parma ham份量不少而且鹹味得宜，配菜方面就以燈籠椒為主，男友天生不愛吃燈籠椒，我就覺得甜甜少少辣都幾得意~ 香辣單骨雞翼 $48 睇樣都知炸得恰到好處，質素好食過連鎖炸雞店10倍左右，皮薄肉又juicy，不過辣味比較輕，我相信即使不好辣的朋友都會喜歡。 墨西哥薄餅配蕃茄沙沙及牛油果醬 $60 侍應哥哥推介的，食落似Pizza不過餅皮就又薄又香脆，中層的芝士與青椒及粟米等融合在一起，然後我發現蘸上冰凍的牛油果醬就更有層次~ 又凍又熱~ 法式原隻黃油雞伴黑松露燒汁SET $158 一上檯已經聞到超級香噴噴，雞皮少少脆而肉質鮮嫩又有汁，加上個黑松露燒汁真係不得了，好味程度是我鍾意食個汁多過隻雞XD 薯角大舊厚肉，連皮炸食完很香脆，調味適中，食完真的非常飽肚。 芝士餅雪糕 跟Set甜品味道是高質的，不過賣相太平凡，如果可以加錢upgrade其他甜品就更好了。 抹茶朱古力心太軟 $68 另加的甜品，在這一款跟鮮果拿破侖之間掙扎了很長時間，最終選擇了心太軟。上檯時間都算快，一切開中間便流出溫熱的抹茶漿，雖然杰身不過甜度實在適中。這道甜品真是又好睇又好食，下次可以試鮮果拿破侖了~ 其他甜品都好靚的，有機會要相機食先。最後埋單五百蚊鬆啲，飽到要去散步先落到格，認真抵食~…Read More

觀塘工廈區有好多隱世食肆，今晚到左give me5試下佢地既西餐，呢間餐廳有環境非常闊落，近窗位置可以遠眺麗港城以及維港景色。所以唔少食客都鍾意早早到來選一個窗口位睇風景。我6點已經到左選好靚位，餐廳地方閣落，夠放大量座位，甚至有桌球檯以及飛鏢機，無論係二人世界或者一大班朋友開派別都絕對無問題。現在餐廳做緊啤酒買二送一，而由於今晚係萬聖節，佢地都推出萬聖節優惠，$250一位價錢可以任食小食及紅白酒等等。生蠔亦做緊優惠，$10有一隻紐西蘭生蠔，之後我都點左4隻。點菜後，侍應送上蒜蓉包，食落又香又脆。harty 生蠔($40)中型大小，入口銅味及海水味不算太濃，容易入喉，味道清新，食落後段蠔味濃郁，價廉物美。香辣單骨雞翼($48)少辣，皮炸得很脆，肉汁頗多，風味十足。點上醬汁更惹味。多國風味腸($58)兩款腸提供，白腸肉質較滑，紅腸肉汁較多，各擅勝長。墨西哥薄餅配蕃茄沙沙及牛油果醬($60)薄餅內有洋蔥和芝士非常香口惹味，又脆又軟熟薄餅點上兩款風味醬汁特別醒胃，食完不覺有半點肥膩的感覺。炸軟殼蟹煙肉卡邦尼($108)軟殼蟹好大隻，大到成個碟咁，而外皮炸得很脆，一切開一咬又多汁。意粉煮得軟，不過醬汁濃淡適中，與軟殼蟹非常夾味。紐西蘭羊架配薄荷汁($188)火喉洽到好處，羊肉軟熟，燒汁帶出羊肉的微羶味，烤薯仔煮得較粉，食落不易飽滯，薄荷汁不是一般綠色的薄荷醬，而是經過廚師調製的薄荷汁，點過羊肉後，令羊肉仍然帶少許羶味，但又能將肉質的口感加強，刺激食欲又令原本的風味不減。芒果沙冰($45)味道不俗，唯一可惜是碎冰粒較多店內有不少很漂亮的擺設，配合歐陸風格的裝潢，令人眼前一亮。店內的主打甜品，可惜我們得兩位，無可能消化到呢道美食，下次一定要搵齊人馬，再次到來。餐廳亦有做到會，價錢都幾公道。…Read More

衝著$10生蠔的Promotion而來~餐廳的位置不大好找, 在觀塘地鐵站走了十多分鐘才找到, 夏天行得會較吃力餐廳算大, 有飛鏢機和桌球玩~座位亦很寬敞, 也適合大夥兒來進餐環境不錯! 近窗位置可以看到橋~ (不過太黑了沒有拍到照)原來$10優惠只限每人首3隻~之後再點會稍貴一點點 (不過沒記錯也是十多二十元一隻而已)生蠔鮮甜,  雖稱不上是肥美~但止止蠔癮是綽綽有餘!.鹽燒牛舌 ($60)口感味道都像吃牛餐肉, 又有一點牛肉味.雞串沙嗲 (半打) ($60)雞肉肉質並不嫩滑, 烤得有點過乾了而沙嗲醬也很普通, 不夠香又不夠惹味.香辣單骨雞翼 ($48)雞翼是香脆Juicy的, 但無論賣相或味道也像麥當當的脆香雞翼而且配white sauce感覺不太對勁, 還是索性配泰式辣醬好了!.香煎紐西蘭羊架配薄荷燒汁 ($188)羊架不羶~ 肉不算韌~整體是OK的配菜冬菇也蠻好吃~ 很Juicy~菇香濃 (錯重點XD) .香蒜辣椒白酒煮蜆配意大利粉 ($108)蜆沒有砂~ 但炒得不夠香意粉很乾、油、亦無味............炸魚薯條 ($60)炸魚的粉太厚, 而且離晒皮....薯條也乾....田園沙律千島Pizza ($88)Pizza底是酥皮來的, 上面是極多蔬菜和無限的醋和酸味醬汁感覺怪怪的, 而且味道有點太酸了還有"千島"到底是指什麼?總結來說, 餐廳的環境很好, 大夥兒來聚餐是非常合適的醉翁之意不在酒, 來Cafe主要都是找個好地方落腳, 與朋友聚舊, 所以對環境的要求會比食物高~不過食物水準真的有進步空間! 希望餐廳能夠好好改善吧~…Read More