Coast Seafood & Grill (Fashion Walk)

這天去了有數間餐廳的Fashion Walk食街，餐廳門外佈滿燈泡，加上室外座位旁的綠色植物和落地玻璃窗，開揚且帶有外國風感覺。室內用上木系地板餐椅，比較柔和的燈光，加上每張桌上放有蠟燭光，很有情調呢！餐牌選擇非常多，整本都圖文並茂，是帶有點厚度的餐牌，每樣都想嚐嚐，哈哈~真的會有點不知所措啊！另外看到有不少客人點紅酒等酒類飲品品嚐，看來餐廳酒類質素也不錯。♡泰式羽衣甘藍燒牛肉沙律$135 🥢必點🥢顏色鮮豔，十分豐富啊！有青瓜、蕃茄、洋蔥、沙律菜、羽衣甘藍，用上營養成份高的羽衣甘藍，整個菜式好味又健康啊！泰式醬汁味道開胃，表面灑有果仁碎，更有口感。而牛肉質素超出預期呢～完全是主菜的等級，肉質軟腍不在話下，牛味濃郁，肥瘦恰到好處。♡香蒜橄欖油浸墨魚片$105整盤看上去好像很油膩似的，但吃下去是很香的橄欖油味，不會有油膩感，蒜片配上橄欖油香味，表面還有香脆的珍珠葉，是充滿風味的一道菜式。♡香蔥魚子醬炸馬介休卷$120 🥢必點🥢炸得金黃香脆，加上很香的魚味，很吸引啊！外脆內軟的口感，夾雜着creamy的香蔥魚子醬，十分香口～魚子份量還要不少的呢！♡法芥醬忌廉燴黃油春雞配烤中東薄餅$280職員貼心提醒我們不要碰到器皿，因為十分熱的。熱騰騰上枱，香味撲鼻，雞皮帶點焦，更為吸引，芥末鮮黃色，十分搶眼啊！內裡有兩隻雞腿，二人不用爭奪呢～還有蘿蔔、車厘茄，而中東薄餅沾上法芥醬吃也是不錯的。✔️餐廳設加一服務費 …Read More

呢間餐廳環境一流，坐位好闊落好舒服，有室外室內，整體好有風格，員工都好主動好nice，節奏岩岩好，order 左兩杯酒慢慢嘆住chill～泰式羽衣甘藍燒牛肉沙律🥗少少辣地，幾開胃，沙律菜&羽衣甘藍都幾新鮮，整體都幾fresh 🥳，仲有牛肉肉味都好濃，都幾match～香蒜橄欖油浸墨魚片墨魚片好爽口，夾埋少少蒜片一齊食，好香口，雖然係用油浸，但食落唔會有種油膩感，呢款超推薦💕香蔥魚子醬炸馬介休卷外層炸到又酥又脆，鋪上厚厚既魚子醬，咬開內層熱辣辣出哂煙，口感軟綿綿，都唔錯👍烤阿根廷牛薄裙肉配布拉達芝士及阿根廷青椒醬牛肉大概烤到5成熟左右，賣相相當吸引，呈深紅色，口感都幾軟嫩且帶少許咬口，相當濃郁既牛肉味，由於落左青椒醬，少少辣辣地，都幾惹味～配埋布拉達芝士，芝士非常creamy，好濃既奶香味，搭配阿根廷牛薄裙肉又係另一種口感～…Read More

銅鑼灣Fashion Walk食街真係有好多野食，有中有西，今晚揀左呢一間海饌 - 海鮮牛扒餐廳，顧名思義，呢度主打海鮮同牛扒，餐牌都有肉類，麵包，湯，小吃，沙律，漢堡包，意粉，飯，甜品。烤雞肉牛油果藜麥沙律碗 $110 另加一烤雞肉牛油果藜麥沙律碗好豐富，4片烤雞肉連皮，半個滑溜牛油果，一隻烚蛋，墊有大量新鮮沙律菜，仲有青瓜同車厘茄，醬汁味道酸酸地，好開胃，面頭灑上香草，都有少少黑椒味。香蒜橄欖油浸墨魚片 $105 另加一香蒜橄欖油浸墨魚片份量唔少，墨魚片食落好嫩口而帶少少爽，橄欖油都唔算油，面頭好多蒜片，炸得好脆口，好惹味，仲有少少炸昆布。呢個小食好特別，未見過其他地方有。香蔥魚子醬炸馬介休卷 $120 另加一香蔥魚子醬炸馬介休卷一客4件，馬介休卷炸得外脆內滑，面頭加上沙律醬同黑色魚子醬，灑上少少香蔥，好香口。法芥醬忌廉燴黃油春雞配烤中東烤餅 $280 另加一法芥醬忌廉燴黃油春雞配烤中東烤餅用熱金屬盤上枱，春雞一開4，塊皮少燶少脆，雞肉嫩滑多汁，伴有紅蘿蔔塊同菇仔。個法芥醬忌廉汁又滑又香，唔重口味，仲加左少少洋蔥粒。配4片燶面中東烤餅，烤中東烤餅果然脆口，點芥醬忌廉汁好味道。餐廳環境熱鬧，平日夜晚都好多人。…Read More

始於八十年代至今，銅鑼灣食街仍是食肆林立，包羅環球美食，今次我就來到海饌 - 海鮮牛扒餐廳 Coast Seafood & Grill。室內用餐區裝潢時尚，在昏黃的燈光映照下，瀰漫著自在寫意醉人情調。戶外用餐區設有露天雅座，感覺更開揚，享受慢活時光。餐牌主打多元化歐陸料理，選擇之多，讓人花多眼亂。烤雞肉牛油果藜麥沙律碗 $110Cobb salad顏色如彩虹般絢麗多彩，單是繽紛悅目的賣相已可挑起食慾，清新又開胃。豐盛食材包括烤雞肉、車厘茄、烚蛋、藜麥及沙律菜，綴以半個翠綠軟滑的牛油果。烤雞肉肉質細嫩，脂肪不多，蛋白質豐富，加上藜麥含有高膳食纖維，吃起來更有咬口。炸物小食即點即製，熱辣辣上桌。香蔥魚子醬炸馬介休卷 $120馬介休是葡萄牙名物，鋪上烏黑發亮的魚子醬，散發獨有的海水鹹香，更能突顯到鮮野濃郁的滋味。外層炸得金黃誘人，內裡質感綿密粉糯，舌間不時點綴著鹽漬魚的鹹鮮。西班牙香辣鮮蝦風腸餡角 $125造型飽滿呈半月形的Empanada就像賀年食品的中式角仔，金黃炸皮香酥帶脆，不會因為肉汁的濕潤而變軟。內裡包裹著蝦肉和西班牙香腸Chorizo，配以Paprika紅椒粉來提香，帶來微辣刺激的辛辣感。法芥醬忌廉燴黃油春雞配中東烤餅 $280鐵鍋熱呼呼，一上桌已是香氣四溢，從頭吃到底都可保持熱度。烤焗期間把燒雞油份迫出，變得肉汁豐富，肉質嫩滑，伴以自家製的法芥醬忌廉，辣味不會太嗆，別具異國風味。中東烤餅表層已烤得帶有香脆焦香，中心位富有酥軟嚼勁，沾上醬汁更是吃得津津有味。…Read More

銅鑼灣名店坊食街一向出名多嘢食，中伏嘅比例較低😆。我哋呢晚就訂咗枱食「Coast Seafood & Grill」，因為網上睇餐牌好似幾吸引。餐廳面積非常大，並設有室外座位，天氣涼爽坐出面幾Chill，不過店內有大木枱，就比較適合一大班人或家庭聚會👨‍👩‍👧‍👦。餐廳所提供嘅菜式選擇繁多，涵蓋多國美食。佢嘅餐牌直頭整到成本書咁📖，相當精美。但亦因為咁，我未能逐版影低上傳分享。泰式羽衣甘藍燒牛肉沙律($135)，🥗沙律帶出泰菜嘅精髓，酸辣醬汁令人開胃。除咗羽衣甘藍之外，沙律仲有生菜、青瓜、蕃茄同洋蔥等，並加入大量花生粒。另一主角係燒牛肉🥩，估唔到都唔錯，食落多汁，又有燒烤嘅香氣。香蔥魚子醬炸馬介休卷($120)，炸物賣相好似中式炸豆腐，酥炸外皮唔油膩，入面就係忌廉芝士混馬介休鹹魚蓉🐟，口感綿綿的。可樂餅鹹香突出、唔過火，再加埋魚子醬同香蔥，雙重滋味。脆炸蘇格蘭蛋配風腸及蒜蓉蛋黃醬($105)，蘇格蘭蛋造型一流。🥚雞蛋蛋黃流心效果一流，外層被香腸肉緊緊包裹，保留傳統風味。我略嫌香腸肉質稍為鬆散，不過好彩調味唔會太鹹。法芥醬忌廉燴黄油春雞配烤中東烤餅($280)，依個黃油春雞正到不得了，必食推介👍。雖然話係春雞，但其實唔算細隻，仲好厚肉添。雞皮焗至微脆，雞肉肉質細嫩🐔。不過最出色嘅部份係個醬汁，法芥忌廉黃油醬好惹味，即使咁重忌廉、咁Creamy，但難得唔會好漏。我認為芥辣味唔強，反而香草🌿同牛油香更突出，總之簡單講就係好好味道。燒雞配上中東烤餅🫓，完全吸收晒醬汁嘅精華。烤餅質感本身軟熟，少少甜，蘸汁食無得輸，所以我認為得四塊唔夠喉囉。特色提拉米蘇配比利時朱古力雪糕($105)，作為Tiramisu達人嘅我，當然要食匀市面上嘅出品👋。呢度嘅製作富有自家特色，佢並非傳統一層層嗰種口味，而係以碗裝住絲滑嘅馬斯卡邦芝士，再灑上脆米粒以添口感。佢無手指餅嘅濕潤或咖啡酒香，取而代之係朱古力🍫。比利時朱古力雪糕香甜濃郁、唔苦澀；而另外倒入甜品作伴嘅汁，可揀特濃咖啡或熱朱古力，我要咗後者，比較特別嘛，成個組合出奇地夾。不過我建議先試原味，之後先再倒入熱朱，因為味道大不同。總括嚟講，Coast係一間極具水準嘅多國菜餐廳🍽，每一樣菜式都好食。聽聞呢度嘅海鮮都出名，但朋友唔啱食，就未有機會一嚐。呢餐消費其實無想像中咁貴，而且份量都唔少啊。…Read More

銅鑼灣Fashion Walk食街 一向多高質餐廳， 今晚到海饌 - 海鮮牛扒餐廳 ， 店內燈光柔和， 有室外和室內座位可供選擇😊。 點了四款菜式，有脆炸蘇格蘭蛋配風腸及蒜蓉蛋黃醬$105、 烤雞肉牛油果燕麥沙律碗$110、 香蔥魚子醬炸馬介休卷$120、法芥醬忌廉燴黃油春雞配烤中東烤餅$280。 ▫️脆炸蘇格蘭蛋配風腸及蒜蓉蛋黃醬🧆 ～ 香脆的外層有麵包糠、 西班牙腸和免治肉， 包住半隻流心蛋🥚， 口感豐富有特色。 ▫️烤雞肉牛油果燕麥沙律碗🥗 ～ 烤雞肉夠嫩滑， 再配上牛油果、燕麥和沙律菜， 食落有多重的口感又健康。 ▫️香蔥魚子醬炸馬介休卷🫔 ～ 口感外脆內軟， 有陣陣鹹香味的馬介休， 食落好creamy，酥香美味。▫️法芥醬忌廉燴黃油春雞配烤中東烤餅🥘 ～ 雞肉嫩滑多汁， 伴菜有紅蘿蔔， 整體味道有點似葡國雞， 配上美味的中東烤餅，這款主菜不錯。 餐廳地點方便，菜式和服務都做得不錯， 可以推介。 🏷️溫馨提示～ 整個用餐體驗均屬個人分享意見， 只作參考😊。 …Read More

放工同同事去食下野，去了呢間位於fashion walk嘅西班牙餐廳，氣氛都幾chill下（esp戶外位置！）餐廳食物選擇都幾多，有多款西班牙特色小食、海鮮等，可以食到好豐富！🌟烤雞肉牛油果藜麥沙律碗- 有成半個軟香牛油果配上好多塊軟嫩雞肉，仲有superfood藜麥，份量十足得來好健康！✨脆炸蘇格蘭蛋配風腸及蒜蓉蛋黃醬- 見到賣相都覺得幾吸引，蛋嘅外層係厚厚一層風腸，口感好似豬肉粒粒，配上半熟嫩滑蛋香，好有層次感。✨香蔥魚子醬炸馬介休卷- 上面黑魚子點綴好精緻，外層好脆，內裡係鹹香得來幾滑嘅馬介休魚肉🐔法芥醬忌廉燴黃油春雞配烤中東烤餅- 呢款主菜真係幾出色，係法國芥辣醬調製而成，好濃香creamy。而雞肉熟度剛剛好，點上醬料一齊食，啖啖滋味。🍸jasmine  toddy- 另外仲點左杯「冬日特飲」，暖暖地嘅whiskey好重果香味，幾暖胃。有機會要來食下海鮮～…Read More