Pepper Power

準備睇演唱會之前到紅椒力量食晚餐，位於紅磡必嘉街紅磡灣中心12號地舖。 餐廳提供星馬菜和中式， 選擇多，但唔算好吸引， 晚餐 ～ 海南雞飯$68、 福建炒飯$65、 香茅豬扒撈檬$59、 凍奶茶$3、凍檸茶$3、茶走$9。 ▫️ 餐湯 ～ 羅宋湯和冬瓜湯， 正常味道。  ▫️海南雞飯 ～ 見到賣相都不太吸引， 肉質唔算嫩滑， 味道很普通。 ▫️福建炒飯 ～ 芡汁傑撻撻， 飯底好多，但味道不似預期。 ▫️香茅豬扒撈檬 ～ 豬扒瘦瘦的， 幸好撈檬和甜酸汁味道正常發揮。 ▫️凍奶茶 ～ 一般。 ▫️凍檸茶 ～ 一般。 ▫️茶走 ～ 茶味好苦澀。 個人感覺整體性價比低😅， 應該不會再來。🏷️溫馨提示～ 整個用餐體驗均屬個人分享意見， 只作參考😊。 …Read More

雖然黃埔線開通咗好耐，但慣性問題，都喺較少過嚟紅磡、黃埔呢區食嘢。而呢一晚因為有個安息禮拜要出席，而且，又結束得早，所以，同友人打算食埋飯先返歸。自問對呢區認識淺，故此，今晚幫襯「紅椒力量」都喺友人帶路，因其工作關係，食勻港九新界:)。雖然店名有紅辣兩個字，但店內環境除咗紅色牆身之外，就唔喺太多相關嘅裝飾，反而遠處位有個大樹樹枝嘅裝飾，一路撐到上天花板喺較突出嘅設計，否則，格局就似喺慣常所見嘅茶記，但卡位闊落算好坐。睇門面，因為貼咗好多星馬泰菜式嘅圖片及套餐，以為喺賣星馬菜，其實，睇埋佢嘅餐牌，就知帶着茶記精神，乜都有，但就以東南亞為住，中西式為副，散點、套餐都有，普遍嚟講，定價都街坊，飲品又有加配優惠，所以，真喺有唔少街坊光顧。雜錦拼盤 $98餐牌寫到明有蝦餅、雞翼、春卷、豬牛雞沙嗲各一串，有得幾個嚟叫拼盤就最好不過。幾款食物炸又好，燒又好，外觀就金黃靚仔，不過，中間位加多幾片青瓜、蕃茄就好睇啲。蝦餅做得彈牙，亦有蝦鮮味；雞翼同春卷就叫做穩打穩紥，算香口惹味，沙嗲就隨手揀咗串牛，睇樣就唔多分得出雞牛豬，不過，牛肉軟腍有肉香，啲沙嗲醬亦好好味。泰式鹵豬脾飯 $62見佢喺廚師推介，就增加興趣一試，而個飯就送埋老火例湯（青紅蘿蔔煲豬骨）。其實個飯都幾抵食，因為豬脾俾得唔少，味道方面都幾入味，個滷水都算香，加上去晒骨，啖啖豬皮（骨膠原？）、啖啖肉，伴有少少酸菜俾客人去消減吓點點油膩。香茅豬扒撈檬 $50香茅豬扒一向喺越南菜嘅特色食物，天口熱，食撈檬就更合適，尤其加埋啲甘筍絲、青瓜絲及銀芽，再淋上魚露，鹹鹹鮮鮮，口感清爽，寧舍啱胃口；而豬扒煎得香脆，更充滿香茅嘅香味，肉質鬆化，又喺一道有水準嘅越式粉麵。馬拉盞炒通菜 $62搭多一道淨菜，而蔬菜類都有好幾款選擇，做法亦有得揀，如馬拉盞、泰式、清炒、蒜蓓、鹹魚。啲通菜好嫩口吓，炒得仲喺爽爽哋，加上超惹味嘅馬拉盞，簡單而美味。菠蘿沙冰 +$19近排天氣實在熱爆，所以，就點咗杯沙冰降吓溫，有菠蘿味就啱晒我喇。雖然大大杯，但菠蘿味稍嫌未夠強，而且，冰感比較重，飲落有好多大冰粒，意思即喺成份中，水量佔多數所做成嘅效果。龍眼冰 +$10友人就喜歡龍眼冰，其實，呢個都喺我心水。大大杯嘅龍眼冰，望落去裡面唔算好多龍眼肉，友人就話OK啦，至少可以消吓暑。飲品一環就普通啦，但幾款食物都真喺做得唔錯，份量又十足，全日仲免加一（所以，我視佢為茶記大於一家東南亞菜館），食咁多嘢都喺三百頭，可謂平靚正啦:)！…Read More

今日要同個朋友去睇演唱會，諗住係附近食左野再去睇，所以就揀左呢間餐廳食。裹面除左有泰國菜叫之外仲有好多茶餐廳既特色野食，例如小炒、焗飯、意粉、鐵板餐等等，所以都幾適合一家大細黎食，滿足大家不同口味！至於我同我朋友就叫左菠蘿海鮮炒飯（$62）同埋香茅豬扒撈檬（$50），我地都分別叫左椰汁紅豆冰同埋椰汁三色冰，原價$26，跟餐就可以半價（$13），所以都幾抵！其實每樣野食份量真係好大，3個人叫2個餐就剛剛好，而且野食價錢唔算貴，都算抵食！…Read More