North Viet Pho

呢度既越南菜一啲都唔貴，價錢非常親民又好食，係紅磡區搵食既好選擇!晚餐set – 一人晚餐有一碗檬粉、小食及一杯飲品，$82 都算幾抵食。叫左個香茅豬扒撈檬同炸春卷，豬扒夠入味，肉質juicy唔“鞋”，春卷餡料多，外層鬆脆。軟殻蟹米紙卷 $58 - 米紙卷包住檬粉、生菜、青瓜絲、紅蘿蔔絲同香脆軟殻蟹，點少少魚露味道一流!牙車快 $ 62 – 雞肉、雙色椰、青瓜、紅蘿蔔， 配上秘製魚露，酸酸辣辣，更食到啖啖紫蘇葉香味。馬拉盞炒通菜 $32 – 冇錯，炒菜真係$32，第二度冇呢個價錢，超值。…Read More

同女朋友行完黃埔,佢聽人講越北牛肉粉D豬排撈檬好食,話好想去試,晚上6點幾去到,非常好,唔使等位,仲要有卡位坐,坐得舒服.一場來到,梗係要叫佢朋友推介既香茅豬扒撈檬啦.香茅豬扒撈檬, 自己先加上撈檬嘅汁,再將檬粉搞勻,先試檬粉,非常爽口,酸酸辣辣咁,非常開胃,再試下個豬扒,果然無令我失望,豬扒唔會乾,好有肉汁,另外香茅味也幾特出,幾好味.魚餅撈檬, 檬粉一貫爽口,但食左啖魚餅,完全唔覺自已係度食緊魚餅,無魚味,同好乾,仲好辣.個人覺得不值得試.咁辣就要即刻飲椰汁三色冰,又再次令我失望,仲要加$12,無椰香味,同底部的紅豆比軟硬身,很一般.…Read More

偶爾與同事放lunch出外吃飯，同事經過越北門口時大力推薦越北的撈檬，原來下午茶時間會比晚市便宜很多。二人均點了香茅豬扒撈檬，撈檬汁放在桌上可任意使用。落單後10分鐘左右，撈檬已經上菜，豬排應該是剛炸起，還有一些餘溫。撈檬的味道不過不失酸酸甜甜，與一般外食的越式餐廳味道一致，但炸豬扒的味道令人驚艷，豬扒的外皮又鬆又脆被香料包裹過的豬扒香味四溢，配上酸酸甜甜的撈檬汁，的確令人感到意外午餐繁忙時間輪候的人較多，與同事急急忙忙吃過後便匆匆離開。沒想到連鎖餐廳的豬扒撈檬有超水準發揮，以後放飯又有多一個選擇了。…Read More