Mala's Fusion Cuisine (Closed)

與女友相約晚餐, 本想到小酒窩, 但朋友建議先到母店Mala's, 就去電訂位, 訂位過程順利, 電話對話中已感受到員工十分細心和有人情味. 晚上準時到餐廳已見有十多人在門口等位, 望落地方比較淺窄, 踏入店門店員招呼貼心, 由於有訂位及準時, 一到就有位, 坐低先點了兩杯飲品, 店員介紹各食物內容, 非常好笑容. 是晚食物包括 BANANA SMOOTHIE, 香芒魚柳沙律, 咖哩羊肉, Four Season Pizza.BANANA SMOOTHIE飲品上劃左人面公仔, 而且會因食客特徵(例如有戴眼鏡)而不同, 味道順口.香芒魚柳沙律驚喜! 好食推介! 賣相吸引, 味道一流! 魚柳嫩滑好味, 芒果香甜多汁! 值得ENCORE!咖哩羊肉呢個咖哩我邊食邊講話啲牛肉好嫩好林, 講幾次之後, 女友提醒此乃羊肉而非牛肉, 我突驚, 羊肉!? 從未感受過羊肉可有如此口惑! 簡直口噴飛龍!Four Season Pizza餅底乾脆, 食落濕潤, 平時細食的女友都食到3件, 以後PIZZA遠小小都要來食.…Read More

講真，好評同負評既比率差咁大，我諗間店都好難差得去邊。所以當咁岩同朋友黎佐敦聽Talk，就不如搵埋佢入去試下真唔真大部分既菜式都係店經理介紹而食既，所以唔係好知佢地既菜名。首先係呢碟薄餅，一入黎就放左係檯面?至於碟醬我諗係青咖哩黎，配埋一齊食OK啦！跟住就已經係招牌菜，呢個沙律用料好，魚柳條好有魚味，一啲血腥味都冇，仲要煎(定焗?)到岩岩好，加埋條條都甜既芒味肉，同其他配料，一食已經覺得冇入錯黎！呢杯飲品有啲似芒果奶昔，又幾好飲喎！而呢一杯係朋友叫既，味道好似Bailey酒，但冇酒味。經理幫我地叫既細份Pizza，兩種Pizza每種兩件，味道偏重，但岩晒我:)，無論邊邊都係想食完左食！我諗係咖哩羊腩，唔辣，咖哩味好重，羊腩非常之腍，唔蘇，我地索性就咁畢黎食！最後係芝士烤餅，原先飽飽地仲諗住唔要，點知一到熱辣辣又香芝士味，我地忍唔住即刻狂食！食到好飽好Happy，埋單前我地諗住食左咁多又咁好食，無人過二百係正常吧！點知唔洗，GOOD！！！…Read More

一家人終於夾到時間一齊食飯,一次過慶祝父母親節雖然我地BK左位,但可能平日關係,所以唔洗BK都入到當咁多選擇唔知揀咩時,就睇下OpenRice有咩推介啦4個人,我地叫左5樣野食...好多樣都想試下呢..香芒魚椰沙律,Openrice推介的,OH!好好食,我鍾意個汁煙三文魚寬條面,個汁稠左少少,但味道OKAY豬肋骨,正!老爸話啲炸薯都正唔記得咩薄餅了,同平時食開既薄餅口感唔同我地食得7788時,店主問我地意見,我大讚個沙律,加上我鍾意食菜多過食肉店主知我地慶祝父母親節,所以送我地一人一杯唔知咩酒味道好特別,面頭個層係朱古力味,等我睇下下次有冇得叫先開開心心食飽,下次再來老媽也推介,原因有3個 1)味道好 2)價錢合理 3)練習英文(因為店主係同我地講英文)…Read More

紙婚記念日，想同老公食一餐有特色又不太貴的晚餐 ，所以放棄了一般昂貴的自助餐，決定試食這間近近地食評不錯的Fushion餐廳，又貪佢有飯後甜品的少少驚喜 ，所以早2日訂枱時已講明來意 :) 我們比約好的時間早到了10分鐘，門口姐姐很親切的確定了約會並安排我們先坐在門口的櫈上等候，當晚可能是星期六的關係，全場爆滿，等了約10-15分鐘後，有另一位姐姐過來告訴如果唔介意的話，已有一張搭枱 ，否則要再等下，我當然選擇了等啦，佢跟手比左本MENU待我，叫我可預先看左落ORDER， 咁到時就唔使等太耐啦，我照佢的指示做了， 再過了十分鐘就有位啦，入場時因人太多，完全無留意到室內環境，一路跟住個男仔直衝，我地被安排了坐係最角落，即係KITCHEN對出，雪柜格離個張，雖然個處係SET左2張二人枱，但環顧四週，已經係最清靜同最有PRIVCY的位置開餐啦食完之後，餐廳侍應“老虎仔”為我地特別安排的甜品，等左都有15分鐘，佢不斷同我地講SORRY FOR KEEP U WAITING， BUT U GONNA LOVE IT ！！！我同老公係好味到碟碟清，最後當然係十分滿足地離開啦，而且承諾下次一定搵多D人一齊來，就可以試多D其他食物…Read More

朋友介紹之下去試~~ book左枱 一去就即刻有得入`當天系為左幫媽媽慶祝生日~ book既時候就叫左老闆幫手準備小蛋糕`餐前送脆餅. 我地5個人叫左 燒豬肋骨, 香芒魚柳沙律, pizza, 羊肉飯, 烤餅------------------------------先上香芒魚柳沙律. 芒果好甜,魚柳好滑, 好快就比我地食曬~~`= Pizza 好好食~~ 個Pizza邊 好脆 好正~~ 好想再食~~= 燒豬肋骨 都幾大份~` 味道好好`= * 我地重叫左個淨印度烤餅. 但因為怕咖哩會太辣.. 所以無叫咖哩. 點知烤餅黎既時候, 老闆私人送左碗細既 唔辣咖哩比我地食烤餅~~ 話烤餅要咖哩先好食嘛`  好好人既老闆~*= 羊肉飯~ 會有微少既辣` 爸爸因為完全唔食得辣~ 所以有少少出汗.. XD 見到咁, 店員就好好咁推介芒果乳酪既飲品. 話飲左會無咁辣~~ 因為好飽既關系.. 我地叫左兩杯, 諗住每人分少少試下就算..點知店員好好咁話 如果系咁不如幫你地分開5杯啦~ 黎到既每杯都有畫上"笑哈哈"樣~~ * 其實每人都有好大杯.. 應該一定唔會可以系我地叫既兩杯分到出黎.. 但個老闆好好人又唔同你計呢D小事~*老闆之後重同我地開左個玩笑. 話佢太忙唔記得左幫我地準備蛋糕..其實我地都好飽所以都話無所謂唔緊要.但過左陣, 忽然之間店內就播起生日歌~ 老闆就帶住蛋糕出黎話岩岩系講下笑~ 當然有準備啦~雪糕同芝士蛋糕都好好食~ 重有系碟上寫上生日快樂~~ 好貼心`全間店既客人同店員都分別同媽媽講生日快樂~ 店內氣氛好好所有客人店員都打成一片~好Friend咁~開頭一入去店鋪雖然細細間, 但其實真系非常唔錯~~ 食物好味同埋都幾大份,食到好飽~~下次會再去~~~`老闆又成日同我地傾下計 問我地野食O唔OK, 睇下我地有無咩需要咁服務好好~ 老闆真心想大家開開心心, 好多小事都唔計較~題外話 >>之後聽到有人Book 左枱, 但又話人地地方細, 又話人地唔比張大枱佢坐.. 老闆都好好咁話會幫佢安排下. 要佢等等.. 點知之後個客就發脾氣話 老闆安排唔好,book左都要等. 最後就走左唔食.你先每2-3個人黎食, 重想坐曬人地張6-8人枱...會唔會大過分呢. 都見到人地地方唔大. 可唔可以唔好要求太多 =============================所以講真大家真系應該支持下呢D小餐廳~ 當然佢比唔到5星級酒店既地方你坐. 但服務好. 食物又好味. 老闆又真心想大家食得開心` 呢D系比錢都未必有既服務`…Read More