Taro & Tea (The Whompoa Phase 3)

🥕香芋芋圓仙草：8.5/10 （$39）作為主角嘅芋圓煙韌得黎好有咬口，雖然食唔出三種芋圓嘅味道有d咩分別，但係明顯食得出每一粒芋圓都係真材實料好重芋頭味（呢度嘅芋圓標榜無添加色素✨）。芋泥方面，店家加左好多芋頭粒落去一齊煮，所以咬落去會明顯食到一舊舊嘅芋頭🤤🤤。仙草方面，口感正正常常，不過🙎🏻‍♂️就覺得佢無乜仙草味。整體黎講，三款配料都幾高水準，配合埋淡淡地嘅奶底，🙎🏻‍♂️認為呢碗嘢值得比高分💯💯。🥕芒汁仙草芋圓西米露：8/10 （$48）芋圓同仙草大致上同上面所講嘅分別唔大，我地就唔起到重複多次啦。芒果西米露底方面，甜到適中，芒果味唔算話特別重，西米露就正常發揮，成碗嘢都好足料👍🏻👍🏻。…Read More

知道開左新分店 又係咁熱既天氣真係要黎食返碗！叫左一凍一熱凍叫左香芋芋圓仙草（再加小丸子）仍然係冇令人失望！大碗多料 芋圓煙韌又大粒 好有咬口小丸子仲要係有黑糖味 香芋係芋泥口感 夾雜左香芋粒粒 口感十足！ 熱叫左芋圓紫米露唔會太稀太結 剛剛好。…Read More

喺黃埔行行吓見到一間食芋圓嘅專門店，見都冇咩人就入咗去試吓，又估唔到好好食。大家如果去睇演唱會或者出去黃埔嗰邊，可以試下🤟🏻🤟🏻香芋芋圓仙草 $39暫時係我食過香港最好食芋圓，每一粒都好香芋頭番薯味，而且超級食上去好煙韌，配上勁綿既芋泥唔算太甜，勁好食。 不過仙草口感唔夠滑、無咩仙草味，整體都算好食，推薦！…Read More

之前睇到介紹黃埔開左間芋圓店, 今日咁啱同朋友食完lunch路過，行到熱辣辣諗都無諗就入左去~ 當時眼見都full house, 所以我地見門口有張枱諗住坐嗰張就算 , 但個姐姐勁好, 佢話最入面有張4人枱, 入面涼啲叫我地坐入去。坐低睇完食咩就行番出去落單，然後好快啲野就黎。我地叫左3款唔同既野，不過我只係食左仙草芋圓西米露，我覺得齋食西米露係甜左少少，但如果加埋仙草一齊放入口可以中和番個甜味好食啲，但芋圓口感偏硬，如果可以腍少少會好啲。另外朋友叫既黑糖珍寶仙草同香芋芋圓仙草佢地都話好食，而且餡係多既, 加上嗰2個都係冰沙底, 夏天食真係好正。但我覺得開喺嗰個位，睇埋個份量，三十幾蚊一碗係幾抵食~…Read More

黃埔又多一間食芋圓嘅甜品店‼️傍晚時段去食 唔需要等位😆 有十幾款嘅甜品仲有飲品 真係好多選擇🤤 【五福仙草】$35 (芋圓 紅豆 小丸子 仙草)【桃膠芋圓仙草】$36兩款都係冬瓜茶冰沙底 仙草底下有碎冰 夏天食真係好消暑‼️ 呢兩款都好足料 不過食到最後真係甜到食唔到落去🫠【香芋芋圓仙草】$36 +芋泥$10芋圓煙煙韌韌！仙草好爽口質地 唔係特別滑～ 芋泥真係好正！有粒粒芋頭🤤【阿華田波波冰】$38除左甜品 飲品都極吸引！ 阿華田波波冰滿瀉🔥 上面層阿華田冰勁濃郁！不過最後都係太甜🥲【木瓜桃膠鮮奶】$38木瓜桃膠鮮奶 呢個配搭就一定唔會出錯！ 不過鮮奶好似過多🤣 令到啲木瓜桃膠就沉哂底…Read More