餐廳：Green Waffle Diner地點：銅鑼灣希慎廣場菜式：西餐。主打不同口味窩夫，包括鹹甜口味。餐牌：除左窩夫，仲有Smoothie Bowl，全日早餐，同多款其他早餐，薯粒鑊仔，沙律小食，意粉，意大利飯，三文治及肉類，班戟。仲有keto菜式。飲品有咖啡或茶，果汁，鮮果沙冰特飲，有機花茶，冷泡花茶，特色奶昔，同酒類。原來過濾咖啡可以無限添飲。假日都有早午餐。Keto食品可以外賣。刨牛肉漢堡配薯條 $158 另加一漢堡包面頭塊包烤得勁香脆，外脆內鬆軟，加左少少牛油更香，面頭加上少少香草。下底係好多薄牛肉片，加上豐富黃色芥末醬汁，撈有少少焦糖化洋蔥，再下底有生菜同一塊包，連下底塊包都係脆脆地。成個包好濕潤唔乾伴有香脆粗身連皮薯條，熱辣辣炸起，簡單加上香草，點埋枱上面既茄汁超正。沙律係少少沙律菜同車厘茄，加上少少黑醋，可平衡油膩感。呢個早午餐送一杯免費餐飲，我叫左熱檸水，足有四片檸檬片。香脆雞翼 $118 另加一呢個價錢有六隻香脆雞翼，都可以揀三隻。六隻可以揀兩款醬，我地揀左BBQ同蜜糖蒜蓉醬。另外有辣味可以揀。雞翼係非常大隻，賣相唔錯，伴有沙律雜菜配車厘茄。雞翼烤得皮脆肉嫩，蒜蓉蜜糖味甜甜地又帶豐富蒜蓉香。BBQ味就少少辣，好惹味。原味窩夫 $34 另加一另外推介一定要喺主餐牌叫窩夫，而最抵食係原味窩夫，齋食加枱上面免費楓糖漿已經夠好食！size係6x4。熱辣辣上枱。有少少燶，口感係外脆內軟，蛋味香濃，果然係招牌！伴有一包牛油，香脆軟腍窩夫加香甜濕潤楓糖漿已經夠好味。呢度窩夫有自選口味，先選窩夫口味，再選配料及醬汁，再加雪糕，逐樣加錢，好有彈性。食完漢堡加小食同窩夫真係大大滿足！餐廳注重食物質素，好多食品都係自家製，無添加，好健康。星期日午市滿座。…Read More
香脆雞翼(水牛醬汁)，這裡的水牛城醬汁可以揀選辣度，而我就揀選了小辣，個人覺得辣度剛剛好。雞翼都幾大隻，外層炸得鬆脆，外內雞肉嫩滑又juicy!
