Bobsang Green (Closed)

平日成日食韓國菜就食得多，韓國🇰🇷素食仲要自助餐就真係第一次最近好熱氣又夜訓想食番清淡d又吾想食得咁悶見到尼間店素食得黎又有其他野任食，所以就黎食下尼間店分左兩邊，一邊素食，一邊不是素的，而尼間素色晚市係半自助餐既形式先揀一個主菜之後其他就係出面自助任飲任食今日大概六多半左右剛開始晚市不久就來了。店內設計以簡約、樸素為主，食物、飲品整齊分類排列。因為未黎食過，店員非常細心介紹各區食物既種類同區域。素食尼邊區比想像中細間，不過都可以坐到廿幾個人左右。店員安排坐位之後就介紹左今日主菜定時主菜都借更新，最近都係尼三款為主。我同老公各素揀左一款吾同可以試下不一樣既主菜。主菜第一款揀左《揀芝士炸素魚腐漢堡》漢堡比想像中大個，配埋炸紫薯薯片漢堡包🍔皮初初望落好乾身，點知食落去非常鬆軟，魚腐炸完無乾身之餘又吾油膩，亦非常彈牙有質感，配埋生菜番茄🍅芝士粒食落非常清新的感覺。紫薯薯片炸得脆脆可口，仲有醬汁配埋，更加惹味。另一個主菜揀左《香煎素豬肉流心芝士漢堡扒》漢堡扒有兩塊仲配埋生菜方便自己不同既食法。漢堡扒同真既一樣樣吾食真係吾知佢不是豬肉漢堡扒煎得非常香口咬落口感同平日食既漢堡扒相似，而入面係香菇再配濃濃芝士流出黎非常好味，唯一就係鹹左些少，不過配埋佢原有包埋既生菜包住漢堡扒食就剛好了店內自助餐部份有韓式湯兩款揀。門口附近是飲品區，有水、檸🍋水、熱水、自調既薑茶、蘋果蓉等等，同埋栗米茶各樣自助酙全部飲品都好健康，同埋係韓國🇰🇷必有既飲品同茶。尼一邊各款材料同醬料自助整韓國拌飯材料款都幾多另一邊就係整韓國🇰🇷火鍋🍲即係部隊鍋湯底有兩隻，辣醬湯或清湯。我最欣賞佢個芝士腸整到超似揀完材料後同湯就在位食就得了，因為每個位都有一個自助爐方便食火鍋尼個辣醬火鍋湯底真係好惹味配埋年韓式年糕、芝士腸、金菇同韓式拉麵等健康得黎又好食芝士腸吾講真係吾知係素腸，入面仲有芝士流心同食真芝士腸無太大分別，食吾停另外吾想食飯、麵仲有沙律🥗揀最後食飽當然要食甜品啦甜品有豆腐花、手工芋圓、芝麻糊另外有素朱古力撻、素南瓜🎃撻同各款手工麻薯撻雖然無落牛油但一樣夠香個撻忍吾住食左7、8件。朱古力撻鹹鹹地有海鹽朱古力既感覺，真係食吾停，麻薯口感夠黏韌，但就甜左d。芝麻糊吾會太甜清得黎夠重芝麻味老公自調左一碗芝麻糊加左合桃粒同芋圓，合桃同芝麻糊真係好夾手工芋圓俾平日食到既偏腍身，最後食得太多撻既關係食吾落豆腐花了豆腐花有好多醬料自由配搭雖然望落好似吾多野揀但食落真係食吾晒咁多樣百幾蚊自助餐真係好抵食，間中食下素菜也真不錯…Read More

近年素食比之前流行，青衣城呢間素食餐廳賣點在於香港比較少見既韓式素食，同埋semi buffet，每人一款素食main course，包埋任食既buffet bar，食物款式都幾多元化主菜：香煎素豬肉流心芝士漢堡扒望落同一般煎肉餅真係無分別😆連個味都好似，幾可亂真！雖說流心，但其實似拉絲芝心多d（芝士都係素），個餡一d都唔膩，一個人食哂三塊都得😎成塊漢堡口感做到好結實，食落口唔會好油淋淋，素漢堡做到咁既味道同質素都非常抵讚了～主菜：素芝士炸素魚腐漢堡超大份！食呢個個胃都飽左一半😆材料非常豐富，想一口咬落去都十分有難度，塊包有稍微烘過，所以微熱同幾香口魚腐好大塊，口感似白魚蛋，偏彈牙但因為配料都幾多，有芝士碎、蕃茄、生菜，同埋醬汁，所以如果塊魚腐唔係炸，而係普通煎煮，感覺會無咁heavy😛伴碟既紫薯片好味👍🏻脆口零油味，紫薯味都好足Buffet bar選擇都幾多，有湯有粥有伴飯有年糕有素部隊鍋我無攞飯，但就拎左d伴飯既材料，所有都好新鮮抵讚既地方係所有野食擺出黎既份量唔會好多，而係keep住refill，確保食物新鮮同唔會擺太耐又唔會有過多調味料，清清淡淡夠健康😌甜品方面拎左蛋撻、朱古力撻、豆腐花撻類唔會好甜，但撻底有少少偏淋，朱古力撻有驚喜，因為咬開d朱古力好實心😍店員話豆腐花係每日新鮮整，喺公和豆腐度攞貨🤗食落口真係好滑，比出面既豆腐花有過之而無不及～加埋紅棗粒、桃膠，好養生好岩女仔食（但有d桃膠未煮夠時間，所以有d硬）整體都好好，素食黎講算多選擇，勝在main course都已經夠飽肚😚食食下聽到隔離枱有位素食客人同店員大讚，仲話已經share左比佢素食group既朋友😇見有d朋友話服務麻麻，但我平日夜晚去又還好😆雖然都滿座，但見到每枱客人坐低個陣店員都有介紹是日精選，而且有d都會停低傾兩句🤔…Read More