Wing Gor Kitchen

今次同幾個朋友去觀塘工業中心試咗間私房菜，一早預訂咗個4人餐，有超過10道菜而且份量多，冇大食嘅朋友一定會食剩，仲有食物味道都唔錯，人均$450，都算合理🌟榮哥自家甜酸齋🌟涼拌雲耳先黎有兩碟開胃前菜4個人share，甜酸齋調嘅味唔會過酸，好食過平時食開果啲🌟本地水耕沙律菜伴芝麻醬🌟雙色墨魚仔🌟茶燻流心蛋伴黑魚子醬配厚切茄子呢3個小食整得幾精緻，我特別鍾意個茄子，因為隻蛋整得滑，配上少少魚子醬幾香，而茄子大大件充滿照燒汁嘅味道🌟原盅燉哈密瓜螺頭黑毛豚肉湯🌟原盅燉姬松茸淮山甘筍黑毛豚肉湯湯就每款有兩盅，兩款都好足料，我飲咗哈密瓜螺頭黑毛豚肉湯，因為第一次見用哈密瓜黎煲湯，勁大舊瓜，湯同件瓜一樣咁清甜🌟香煎北海道帶子海中寶呢樣係蝦滑包住粒帶子整成球狀，蝦滑好彈牙，入面粒帶子鮮甜🌟桂花炒素翅雞蛋整成碎粒，連埋芽菜、素翅一齊炒，賣相幾靚，味道都ok🌟韓泡汁煮牛面肉配雙色蘿蔔（微辣）牛面肉同蘿蔔煲炆得好淋好入味，而且個汁帶有少少辣，更加惹味🌟招牌茶王燻雞雞皮薄而且烤得脆，雞肉嫩滑，兼夠味，仲帶有清香嘅茶葉味🌟魚湯有機時令鮮蔬呢碟係魚湯浸莧菜，魚湯冇腥味，莧菜夠嫩🌟大紅大紫炒飯飯連紅薯粒一齊炒，而我估計餐廳用咗紅菜頭汁令個飯紅紅地色，不過就冇食到紅菜頭味，所以應該人人都啱食 🌟時令甜品最尾每人有兩粒流心芝麻湯圓，糯米皮好煙韌好滑，一咬開入面啲芝麻真係湧出黎，好正周圍好多枱係一大班人黎食，下次約多朋友或家人食飯會再黎呢間…Read More

今晚食咗一間係觀塘嘅私房菜，由於之前未試過食私房菜，所以好有驚喜，每一款菜式都係好特別。前菜有木耳同埋榮哥自家甜酸齋。本地水耕沙律菜伴芝麻醬，啲沙律菜新鮮爽脆，配上啲芝麻醬、柚子同芥末，非常開胃。雙色墨魚仔，橙色墨魚用咗韓式辣醬，辣辣地好好味。茶燻流心蛋伴黑魚子醬配厚切茄子，茶燻香氣非常誘人，配上厚切嘅茄子，炸得外脆內軟，口感十分豐富。流心蛋更係一大亮點，加咗少少黑魚子醬，令香味更為獨特。燉湯方面非常出色，4位食客有兩款湯選擇。原盅燉哈密瓜螺頭黑毛豚肉湯，好少見用哈密瓜，味道相對清甜。原盅燉姬松茸淮山甘荀黑毛豚肉湯，松茸味就令到湯嘅味道好濃郁。香煎北海道帶子海中寶，手打蝦膠入面釀咗帶子，啲帶子煎到啱啱好，彈牙有鮮味，真係好好食！桂花炒素翅，係一味環保嘅素食菜式。翅的質感十分真實滑溜，加入芽菜增添咗菜式嘅清爽口感。韓泡汁煮牛面肉配雙色蘿蔔，口味帶少少辣，雙色蘿蔔煮到好入味，牛肉亦煮得十分軟腍，配上微辣的韓式泡菜汁，令人回味無窮。招牌茶王燻雞，肉質鮮嫩而且味道濃沃，雞肉經過燻製後，香氣撲鼻。大紅大紫炒飯，顏色非常鮮艷，炒飯上面鋪咗飯素，入面混合咗紫薯，令視覺同味覺得到滿足。魚湯有機時令鲜蔬，菠菜非常翠綠，仲有幾粒杞子，非常健康。時令甜品係薑汁芝麻湯圓，湯圓芝麻味道香濃，再配上啲薑汁，好食之餘好暖胃！…Read More

好耐冇出街食中餐，朋友揀左位於觀塘工廈的私房菜，位置好方便D出口1分鐘就到。第一次食私房菜，非常有驚喜，下次帶屋企人食！茶燻流心蛋伴黑魚子醬配厚切茄子-流心蛋茶燻味好足，流心效果101分，光食隻蛋已經好滿足-茄子上下都有一層煙韌的炸過的coating,脆得黎再加上厚茄子的質感，好有層次感原盎燉湯-哈密瓜螺頭黑毛豚肉湯: 好清甜好足料，螺頭都有兩大粒，料都食得返-海底椰鱷魚肉湯：好清潤的感覺，唔油大孖頭抽鵝腸-鵝腸非常爽脆！簡單頭抽加芽菜已經好正蝦球水芙蓉-底係蛋白，好似燉蛋咁好滑-重點係隻蝦球，非常爽口彈牙！食到海蝦的味道澳洲大蘆筍黑松露醬炒鮮百合-冇諗過呢啲材料炒埋一齊加黑松露醬會咁夾，加埋南瓜肉食又另一返風味-大蘆筍名符其名好大條好爽甜香煎北海道帶子海中寶-外面係手打蝦滑，入面係北海道帶子，一咬落去帶子汁出哂黎，鮮！米王有機時令菜-估唔到湯底真係有米味！大紅大紫炒飯-紅係用左紅菜頭汁，紫係加左紫薯，非常健康的炒飯薑汁擂沙湯丸-好耐冇食過咁有驚喜的中式甜品，湯底薑味好濃好濃，湯圓超級流心，出色過街外好多專門做中式糖水店！…Read More

相約友人初嘗私房菜, 此店位於工廈中, 很接近地鐵站, 很好找。坐下店員先詢問開茶及放下菜單。菜式相當豐富。本地有機沙律水耕菜伴芝麻醬/涼拌黑木耳/岩鹽花枝豆: 先一拼送上三碟前菜。水耕菜以青瓜卷著沙律菜，賣相精美且令菜不會散開更易吃入口，菜相當鮮甜，配上芝麻醬很好吃。旁邊的車厘茄配上了柚子醋汁，很refreshing，個人很喜歡。涼拌黑木耳除有黑木耳還有較少吃到的白木耳，木耳爽脆，醋汁調味剛好，很開胃。另有枝豆，粒粒飽滿，鹽量亦剛好，都是很開胃的餐前小食。茶燻流心蛋伴黑魚子醬配厚切茄子: 賣相非常美! 流心蛋帶著淡淡茶燻香，流心做得很好，下面的茄子炸得酥脆，最精彩的是醬汁，秘製醬汁加上蔥芫荽及辣椒，和清淡的茄子很配襯!原盅燉湯: 兩款燉湯分別為哈密瓜螺頭黑毛豚肉湯及川貝陳皮海底椰鱷魚肉湯，兩款湯送上時都非常熱，而且相當足料! 與友人分著喝，哈密瓜湯頭較清，喝到哈密瓜的天然甜味及螺頭黑豚香味，另一款鱷魚肉湯較另一款濃厚，喝後有很滋補之感，相當滿足。蝦球水芙蓉: 喝完湯已半飽，主食才剛開始! 先來一人一份蝦球水芙蓉，水芙蓉為蒸蛋白，上面有帶雞油的芡汁，蛋白很香滑，上面的大蝦球相當爽彈，沒有過多調味吃的都是鮮味，相信是對自家食材的自信表現。士多啤梨黑豚肉排骨: 超愛這個擺盤! 士多啤梨醬想不到與黑豚肉如此適合，酸酸甜甜，黑豚肉肉味確比一般豬肉更香濃。下面的米通很香脆，增添了整度菜的口感。香煎北海道帶子海中寶: 想不到此為一件海鮮餅，上方為蝦膠，下方則為北海道帶子，入口先咬到彈牙蝦膠，再咬到軟滑帶子，所有鮮味在口腔中，很好吃，亦是我最愛的一道菜。魚湯有機時令鮮蔬: 是日為小棠菜。吃罷肉類後來一碟蔬菜有解膩之用，此安排很照顧食客所需。魚湯鮮味，小棠菜亦很甜，不錯。荷香蒜蓉海斑片原籠蒸紅白米飯: 最後的主食為籠仔蒸飯。蒜蓉及無骨海斑片從來都是絕配，店家特別用上紅白米飯，感覺更健康。飯下亦有荷葉，令飯帶有淡淡清香。即使已經很飽也幾乎把飯吃完。最後奉上水果作甜品，為整頓晚飯作結，很是滿足。價錢比坊間酒樓可能稍高一點，但環境，服務及菜式都相當不錯，比較安靜，上菜亦不會過急，會一道一道上，吃得舒適，值得一試。…Read More

之前曾經跟大夥人前來，感覺不錯，特意帶男友前來試試這裏$768的二人餐先來一系列前菜，本地有機沙律水耕菜伴芝麻醬，為自家養植，健康又環保涼拌黑木耳爽脆可口:)岩鹽花枝豆送酒佳品茶燻流心蛋伴黑魚子醬配厚切茄子柔滑的蛋帶淡淡燻味，茄子輕炸表面帶微脆，醬汁是很台式感覺的辣肉燥醬每位加$38可以轉改原壺舞茸菇杞子螺頭黑毛豚肉湯，湯料十足，清甜可口蝦球水芙蓉蝦球爽脆，蒸蛋嫩滑香煎北海道帶子海中寶用鮮蝦膠釀入帶子而成，蝦味十足遠年新會陳皮骨有很香濃的陳皮味﹐甜甜酸酸十分開胃﹐有幫助消化的作用金銀蒜香有機時令白菜仔十分惹味荷香蒜蓉海斑片原籠蒸紅白米飯魚肉結實鮮甜，飯粒充滿荷香味時令甜品為生果拼盤，健康又清新…Read More

觀塘工廠區近年開左好多食店, 除左西餐日菜之外, 中式私房菜亦有唔少。當中位於官塘工業中心3期嘅榮哥廚房私房菜係我地最愛去嘅食店之一。😙榮哥廚房私房菜雖然位於工廈入面, 不過地點非常方便, 係觀塘站D4出口一出就到。餐廳裝修簡約平實, 店內種植左有機菜以供食用。餐廳二人私房菜套餐有3款, 我地今日食嘅係$768兩位的二人餐。精心配 2人餐 $768前菜前菜一共有4款, 賣相都好精緻, 分別係有機沙律菜伴芝麻醬, 涼伴黑木耳, 岩鹽花枝豆同茶燻流心蛋伴黑魚子醬配厚切茄子。有機沙律菜伴芝麻醬餐廳自家種植的沙律菜好清甜爽脆, 小番茄好甜, 沾上芝麻醬, 味道清新。👍涼伴黑木耳黑木耳已預先調味, 口感爽滑。岩鹽花枝豆花枝豆份量都唔少, 以岩鹽提味, 味道唔錯。茶燻流心蛋伴黑魚子醬配厚切茄子流心蛋帶有煙燻香味, 上面舖上黑魚子醬, 鮮味更濃, 厚切茄子外層香脆, 茄子沾上醬汁, 非常惹味。😋原盅燉哈密瓜螺頭黑毛豚肉湯套餐可轉配唔同款式的燉湯, 我地揀左兩款唔同share飲。哈密瓜螺頭黑毛豚肉湯非常鮮甜, 帶有果皮香味, 入口清潤。😙原盅燉川貝陳皮海底椰鱷魚肉湯海底椰鱷魚肉湯材料非常多, 味道清甜, 富有椰香。蝦球水芙蓉蝦球大隻又爽口, 蒸蛋嫩滑, 伴香濃湯汁食, 味道特別好。👍蒜香芝士焗老外蠔王焗蠔好大隻, 蠔肉飽滿, 配上焗香的蒜香芝士, 非常惹味。😍香煎北海道帶子海中寶 +$30位呢款海中寶賣相雖然好似龍蝦丸, 不過用料卻是非常高級, 海中寶底部係北海道帶子, 加上由鮮蝦打成嘅蝦滑, 啖啖都充滿海鮮鮮味。😋金銀蒜香有機時令蔬菜每晚時令蔬菜係小棠菜, 小棠菜好鮮嫩, 加上金蒜銀蒜, 味道唔錯。👍荷香蒜蓉海斑片原籠蒸鴛鴦飯原籠蒸飯份量好多, 由於之前每碟菜份量都唔少, 呢個飯我地最後都係要打包走。😆時令甜品甜品係椰汁桂花糕, 食埋甜品, 呢餐非常滿足。😋…Read More

在觀塘工作的友人約飯局，強烈推介位於官塘工業中心的榮哥私房菜，原因是該菜館出品高纖少油少鹽，菜式新派之餘，又不失粵菜傳統風𩐳，當要一試。位於官塘工業中心之內，沒有華麗裝潢，裝修佈局平實雅緻。小龜喜歡杯中物，選擇飯局地點酒具齊全否是主要因素，這裏紅、白、氣酒杯齊全，雖然質素普通，卻不失為一家適宜舉辦酒局場地。朋友告晚飯必須預先訂座，否則可能要輪候座位，當晚為平日週一，八時入坐率約有九成，足證生意不俗。朋友選的二人套餐每位HK$348，只有一道紅肉菜式，餘下的都是蔬菜及海鮮。頭盤中的有機菜及黑木耳都鮮甜爽脆。茶葉燻蛋香而不澀，蛋黃甘香，配上鹹香魚籽，味道豐富充實，令人留下深刻印像。友人點了兩款燉湯跟小龜共享，一款為姬松茸燉黑毛豬，另一為哈蜜瓜燉黑毛豬，從照片所見，大家都能看到用料十足，以哈蜜瓜燉湯清甜，以姬松茸燉的一款則甘香味足。蝦球水芙蓉，蝦球做得彈牙兼鮮味充足，用上質優濃味的虎蝦是首要條件，水芙蓉即蒸蛋，火候掌握甚佳，滑溜異常，以濃雞芶的芡汁為整道菜注入靈魂，蝦雞兩者味道甚夾，整道菜做得完美無瑕。香煎北海道帶子海中寶，以蝦膠釀在帶子之上，煎熟後蘸上意大利黑醋汁，做法簡單，不過店家在這道菜的每個小節都做得很妙，蝦膠打得很彈牙，煎封時間掌握佳，帶子爽嫩！士多啤梨豚肉伴草莓以豬朳入饌，窩巴墊底，豬朳炸得乾身但不失肉汁，士多啤梨的果酸完全帶出肉鮮，鬆脆窩巴有了士多啤梨醬及豚味滋潤，成就出獨當一面的美味。米王即是粥，稀粥既帶有濃郁米香，又有着雞湯鮮味，用以浸煮小棠菜，讓菜變得鮮味兼滑溜，不需用油煮菜，卻令菜身嫩滑可口，高章做法。主食為荷香龍躉片蒸鴛鴦飯，魚片鮮嫩，紅米混合白米後雖然令米飯的口感粗嚡了，但卻增添了香味，飯是蒸熟的，沒有炒飯的油膩感覺。沒有問甜品名稱，實則口感味道是意大利奶凍跟果凍的合體，味道平實但頗具創意。總結： 出品結合美味及健康原素，飯後毫無罪惡感覺。…Read More

上年黎榮哥食過一次 之後一路都想再黎食, 因為D野食真係唔錯、而且服務都好好!私房菜都係由餐廳發辦~食下時令野咁~ 黎榮哥要早D訂位, 張菜單右上角已經有我名啦^^餐前小食雲耳~有機沙律菜伴芝麻汁~ 個沙律菜個樣都幾有心思, 好似一紮花咁! 個汁除左有芝麻之外, 仲加左小小芥末、令到佢有小小辣~ 好開胃!!流心蛋伴黑魚子醬茄子! 首先流心蛋真係好有流心效果! 配埋黑魚子醬黎食 一流阿、因為黑魚子醬味道相對較濃而流心蛋味道較淡、兩個加埋一齊令到成件事岩哂~ 而茄子就炸到脆脆地、同黑魚子醬一樣係絕配!兩個中湯分別係鑽地老鼠土伏苓同埋松茸淮山湯~兩個都真材實料、飲完無口干、應該無加味精啦~ 但都夠哂鮮甜美味阿!蝦球水芙蓉~ 加左雞湯落去煮。令到個蛋好香~而且佢唔會蒸得過老、好滑阿! 而個蝦球就好彈牙 正!新會陳皮骨~好香陳皮味、舊骨都炸到好香! 呢個配搭好新鮮 不過得一舊小左D香煎北海道帶子海中寶~ 佢係蝦膠+帶子! 大大舊阿! 煎得好香~~金銀蒜時蔬~ D菜煮得好林 金銀蒜又好香!荷香海斑原籠蒸飯~ 呢個相對淡口D 但有淡淡既荷葉香味~ 海斑一D都唔腥! 都唔錯甜品出面係桂花糕入面係椰汁糕: 出面清香入面香甜、一濃一淡、出奇地好食、因為佢地中和到個味道, 令到成件事岩岩好! 唔太甜唔太膩!呢個私房菜埋單348一位、食物高質同埋佢上菜好有心思: 因為佢會見你食完之前個樣先上下一樣! 咁就唔會食得太急 可以慢慢食、吹下水!! …Read More

經常喺觀塘工業區呢邊搵食, 因為你永遠唔會知入面隱藏左幾多間隱世美食🙈就好似呢間榮哥私房菜咁一入大門口就見到呢個蔬菜架, 有水灌溉緊架wor, 一定唔係裝飾咁簡單:)坐低望下周圍精美既裝修, 由於已經預約左, 今晚既餸菜已經特地為你安排左, 等食就ok 喇登登登櫈...!! 打頭陣既就係呢個本地有機沙律菜伴芝麻醬, d 菜勁新鮮, 就係用門口一直灌溉住既沙律菜做架頭盤有涼拌黑木耳啦, 青瓜啦, 仲有呢個特別推介既茶燻流心蛋伴黑魚子醬配厚切茄子, 先食左面頭香滑既流心蛋先, 再食埋下面個汁好正既茄子燉湯絕對係主打之一, 呢款原盅燉哈蜜瓜螺頭黑毛豚肉湯, 一飲落去勁鮮甜, 絕對唔係味精果種, 你會分別到個甜味係黎自哈蜜瓜, 加埋螺頭同豚肉, 令你欲罷不能第二盅係姬松茸淮山燉甘荀黑毛豚肉湯, 呢款一飲落去就知係好補身既藥材湯, 雖然佢有幾款中藥材, 但一d 都唔澀唔苦, 有營養之餘仲好好飲添食野喇, 先黎第一道菜, 蝦球水芙蓉, 水芙蓉原來係指豆腐好滑好香豆味, 蝦球又勁爽勁正跟住黎個士多啤梨豚肉伴草莓, 一向酸酸甜甜既醬汁配肉類都好醒神開胃, 呢款都唔例外如果京都骨係菠蘿既代表, 咁佢呢款就係士多啤梨既代表, 有淡淡既士多啤梨香味食埋下面件米通, 好香脆但唔油膩香煎北海道帶子海中寶, 原來就係呢件半蝦丸半墨魚丸, 蝦既份量好充足, 顯得蝦味香濃, 墨魚丸部分有充足墨魚粒, 食落爽口彈牙抖一抖食個菜先, 有呢款米王湯浸碧綠溫室菜苗, 將中間d 菜苗打散同d 湯撈均黎食, 菜苗既青草味加埋米王湯既大米味, 彷彿置身於田園中唔夠飽都唔緊要, 仲有個蒸飯, 荷香蒜蓉海斑片原籠蒸鴛鴦飯, 有紅糙米一齊煮, 好健康, 而且因為加左糙米, 口感方面唔會太淋, 有d 咬口, 配埋蒜蓉海斑片黎食可謂一濃一淡既配搭, 味道濃度恰到好處最後仲送埋時令甜品比你, 今日係西瓜加火龍果, 切好晒粒粒比你食, 最啱我呢d 懶人食生果喇…Read More

今晚拍拖去食私房菜，雖然食店位於工業區入面，但店內環境也不錯，裝修及擺設都很中式。而食物方面水準也很好，每一人份量也有多款菜式，真的很滿足。＂有機沙律菜伴芝麻醬＂好新鮮的菜，好爽好清甜。＂茶燻流心蛋伴黑魚子醬配厚切茄子＂個汁酸酸甜甜，令茄子變得特別好食。＂原盅燉鮮土茯苓鑽地老鼠黑毛豚肉湯＂好香藥材味道，感覺飲完會健康些，哈哈！＂蝦球水芙蓉＂蝦球很鮮甜，水蛋入口好像飲湯，因為蒸得好滑好滑。＂遠年新會陳皮骨＂炸得好香口，肉質又有口感，調味粉有些陳皮味又鹹鹹地，好滋味。＂香煎北海道帶子海中寶＂雖然係帶子，但入口有點似蝦賿的口感，都很鮮味。＂荷香蒜蓉海斑片原籠蒸鴛鴦飯＂最吸引就是飯面的海斑片，又甜又鮮，全個套餐最好味。＂湯圓糖水＂今個新年都未食過湯圓，熱騰騰，飯後食個甜品，真的很開心。…Read More

說起私房菜， 「榮哥廚房私房菜」（下稱「榮哥廚房」）相信是無人不曉的！ 「榮哥廚房」在香港私房菜界有絕佳的口碑， 主打新派粵式融合菜， 食客可以根據個人口味度身訂造喜愛的菜式。 由於是私房菜關係， 榮哥每天親自挑選新鮮食材務求不時不食， 所以建議食客最少早一日訂座， 好安排到訪時的菜單。😏 一入門口便見到十幾盆的水耕蔬菜， 感覺用料有機新鮮。😍 餐廳格局開揚， 另外還設有三間廂房，適合大夥兒的開party聚會， 同時有免費wifi供應，很貼心呢！😊 我們點了榮哥推介的2人餐 $348/位。 先上頭盤： 有機沙律菜伴芝麻醬 沙律菜新鮮爽脆，加上開邊車厘茄， 配上香甜的芝麻醬，清新開胃。 涼伴黑木耳 黑木耳爽口，用麻油和醋稍作調味，微酸惹味。 紫薯配鮮淮山切成粒裝，簡單精美， 紫薯香甜，鮮淮山味道清甜，滑腸又有益。 茶燻流心蛋伴黑魚子醬配厚切茄子 天婦羅茄子，經輕輕炸過後外皮變得香脆， 裏面則保持着軟腍的口感， 配上惹味蒜香汁，更是滋味。 茶燻流心蛋做得剛好，呈半生熟的效果， 蛋黃咬下去微微黏口，蛋黃油香， 蛋白軟彈， 喜歡吃糖心蛋、半熟蛋或..的食客不可錯過！😂 一睇湯名咁長就知落足料啦！😂 原盅燉哈密瓜螺頭黑毛豚肉湯 （位上） 用上黑毛豚肉取代一般豬肉，矜貴得黎，肉味更香濃， 加上哈密瓜的清甜，味道香醇滋潤～ 原盅燉川貝陳皮海底椰鱷魚肉湯 （位上） 有海底椰、鱷魚肉、龍眼肉、川貝和陳皮等，湯料十足，味道香甜潤喉。 蝦球水芙蓉 金黃色的外觀相當精緻～😍 水芙蓉其實是蒸蛋白，沒有用太多的調味， 入口滑嘟嘟，入口即溶， 連埋面頭個層上湯的茨汁和炸薑絲，味道更有層次， 蝦球爽口彈牙，鮮味十足，值得一試。👍🏻 遠年新會陳皮骨 陳皮粉灑滿肉面， 入口陣陣陳皮香，好惹味。😋 香煎北海道帶子海中寶 海中寶是用鮮蝦膠釀入帶子而成， 唔好睇個樣似普通蝦餅， 但食落真係非一般的美味！😏 原粒2L大的北海道帶子， 加上蝦味十足，彈牙口感的蝦膠， 口感和鮮味一流！😌 魚湯浸碧綠溫室菜苗 菜苗在溫室種值，碧綠幼嫩，爽脆新鮮， 加上奶白色的魚湯浸泡， 菜苗吸晒湯底的鮮甜， 簡單得黎又美味。 荷香蒜蓉海斑片原籠蒸鴛鴦飯 鴛鴦飯是用了紅米、糙米和絲苗米三種米混合而成，有咬口之餘，又健康， 米粒吸晒荷葉香和海斑片滲出來的魚油，味道更滋味， 海斑片魚皮軟滑，骨膠原豐富， 肉質嫩滑彈牙，鮮甜味美。😋 套餐連飯後果，幾完善～ 精心甜鮮果匯拼 水果種類有三款：🍉西瓜、🍍菠蘿和哈蜜瓜，種類都算多元化， 店家還很細心地把水果切粒，方便食用， 岩晒我呢個懶人。🙈 整體來說， 「榮哥廚房私房菜」的食物相當有水準， 採用食材新鮮有機， 全部菜式都少鹽低油，以健康為主，味道天然美味，😋 價錢方面又合理， 如果支付現金，可免茶芥（每位$15）， 另外，店家現時做緊優惠：打咭/like/share（其中兩樣），即送罐裝汽水乙罐，哎喲不錯啊！😏 …Read More

今日係老婆Training嘅第一日, 黎緊呢兩個月佢又要返工, 又要Traning仲要交功課, 非常辛苦。為左鼓勵一下佢, 我Book左係觀塘工廈嘅榮哥廚房私房菜同佢佢嘆返餐。😋榮哥廚房私房菜係同老婆一樣唔食牛又一樣好鍾意食豬嘅同事推介我去食的, 佢提醒我要預早打電話去book同埋訂定菜。雖然榮哥廚房私房菜係工廈入面, 不過好近地鐵站, 由D4出口一出去就到, 地點都幾方便。👍店內裝修平實, 係餐廳入面發現有在種植沙律菜, 原來餐廳其中一款菜式沙律菜就係用自家種植的。😮我地準時19:30到餐廳, 枱面已經放左有我訂的餐單仲印左我嘅名係上面。😁 我今晚揀嘅2人套餐叫"精心配", 每位$348, 以私房菜黎講價錢中等。前菜有4款, 都非常精緻, 自家種嘅沙律菜好新鮮, 口感爽脆, 配上混有柚子醋嘅芝麻醬, 酸酸甜甜之中有微微辣味, 非常醒胃。😚涼拌黑木耳好爽口, 老婆好鍾意食鮮淮山, 呢款紫薯配鮮淮山好啱佢口味。茶燻流心蛋做得好好, 唔咸, 茶燻香味好濃好突出, 伴黑魚子醬提升鮮味, 厚切茄子沾上醬汁味道濃郁, 同茶燻流心蛋好配。👍燉湯我地揀左兩款唔同嘅, 我飲果盅哈密瓜螺頭黑毛豚肉湯好鮮甜, 材料豐富。老婆果盅姬松茸淮山燉甘筍黑毛豚肉湯我試左少少, 姬松茸味好突出, 湯頭亦都好鮮甜。蝦球水芙蓉原來係蒸蛋白, 蛋白好嫩滑配上湯甘筍汁, 嘅香滑又惹味。蝦球好大隻, 爽口彈牙。😋士多啤梨豚肉伴草莓用米通墊底, 一啖咬落去, 嘅感到豚肉嘅鮮嫩口感, 亦有米通嘅香脆。香煎北海道帶子海中寶外層係手打蝦滑, 中間係原隻帶子, 擺盤同士多啤梨豚肉伴草莓一樣咁精緻, 蝦滑爽口彈口配上鮮甜嘅帶子, 食慢d都驚俾老婆搶埋我果份。😝魚湯浸碧綠溫室菜苗賣相超吸引, 魚湯唔會太咸, 菜苗鮮嫩, 口感好清新。😚最後荷香蒜蓉海班片原籠蒸鴛鴦飯都唔細份, 因為之前幾道菜碟碟清光已經飽了8, 9成, 我地最後都食唔哂個飯。🙈生果擺碟都唔馬虎, 埋單俾現金免茶芥, 連加一每位$380, 老婆非常滿意, 一切都值得。😚…Read More

平時食飯總係離唔開中西日韓料理，食到有啲悶。但今次經朋友介紹再打電話黎訂枱前後等左個幾兩個星期，為嘅就係一嚐呢間私房菜嘅滋味。黎過觀塘揾食好幾次，所以啲工廠大廈嘅路都幾熟唔難揾榮哥嘅位置。一入門口就見到係十幾盆嘅水耕蔬菜，格局開揚而且地方夠大，坐落幾鬆動。因為菜式訂位時已傾好左所以就座無耐就已經可以起菜。先黎頭盤係沙律，木耳同紫薯淮山。沙律菜食落清新爽脆應該係門口見到嘅自家製蔬菜所做出黎，配上酸香芝麻醬環保有益。甘甜紫薯同淮山因為灑上芝麻花生粉食落唔會咁單調。而黑木耳伴上濃香麻油佢微酸爽脆口感係近排幾鐘意食嘅一樣食物，加上高纖之餘又低卡好適合我呢啲成日唔返屋企食嘅人。之後係流心蛋配茄子，蛋香之中帶點煙燻味更引起食慾。醬汁味道略甜而茄子外面包住薄薄一層炸衣增加左軟腍茄肉嘅口感，兩者結合出黎幾惹味。食完前菜就係燉湯了。同樣以瘦肉螺頭作基底，但呢度以哈密瓜入饌令燉湯更清甜順口。唔知係咪水果嘅作用，平時會煲到柴嘅瘦肉好腍，所以同朋友連湯渣都清埋佢。蒸蛋好滑溜，蝦球爽口彈牙而佢表面嗰層茨汁充分補足左蛋嘅味道再混和炸薑絲味道更好。米通平時都係做零食多，呢個配上士多啤朵醬黎食都幾創新。豬扒本身好鬆化肉筋一咬就開，所以可以連米通一齊送入口同時感受到米通嘅脆口同豬肉嘅肉感。士多啤梨醬較香甜，增添左米通嘅味道。海中寶係鮮蝦膠釀入帶子而成。本身以為除左裝盤好靚之外無乜特別，但一放入口就真係禾桿冚珍珠。蝦膠非常彈牙其間帶子作出隱藏亮點，一黎增加左爽口感二黎令蝦嘅鮮味更突出。所以真係唔好俾外表呃左。米湯菜苗嘅米湯其實已經濃到可以叫做米糊了，濃濃嘅米香味令菜苗無咁單調之餘，亦遮蓋原本嘅菜腥味。突顯出菜苗嘅爽脆同清新。荷葉飯雖然叫鴛鴦飯，但其實係用左包括紅米，糙米，以及絲苗米三種米混合而成。健康得黎好有咬勁而且荷香味好足令米香更盛。海斑片肉質嫩滑細膩而且魚皮好厚實，咬落油香四溢配上惹味蒜泥令米飯更易入口。三扒兩撥就清左兩碗了，係屋企都無試過食咁多飯。最後食埋個時令果盤，呢餐私房菜真係大滿足。不枉預早咁多黎訂枱食加上創意，質素都好好，而價錢相宜更覺得今餐抵食。所以話唔識黎觀塘揾食就真係走寶了。…Read More

大多數的西餐的菜式離不開都是薄餅、肉扒、漢堡、意粉，款式萬變不離其中，相反，中菜用料一樣但出來的效果卻大有不同，不同配搭能帶來不同的驚喜。今晚訂了觀塘這間中式私房菜，享受一下中式菜所帶來的不同變化。紫薯配鮮淮山：紫薯很香甜軟綿，鮮淮山很爽口。涼伴黑木耳：木耳味道淡淡，但很爽脆。有機沙律菜伴芝麻醬：沙律菜新鮮爽脆，蔬菜鮮甜，伴上芝麻醬，有點酸酸的味道，非常醒胃。茶燻流心蛋伴黑魚子醬配厚切茄子：外型擺放精緻，燻蛋有蛋香及濃郁的茶燻味，蛋黃還是流心，非常嫩滑；茄子外層略煎，所以不會太腍，本身茄子無調味，但醮上帶有咸鮮的黑魚子醬，感覺是為了這醬才會有茄子出現，醬汁才是主角。原盅燉姬松茸淮山燉甘荀黑毛豚肉湯：燉湯非常足料，肉眼所見有豚肉、姬松茸、淮山及甘荀，湯名所有材料均有出現，眾所周知，姬松茸的菇味非常濃郁，基本上一放了姬松茸，成煲湯都會有陣獨特的菇味，加上甘荀的甜味及豚肉的鮮肉味，整個燉湯非常鮮甜。蝦球水芙蓉：清湯燴在蒸蛋白上面，蛋白火喉控製極準確，非常嫩滑，感覺像吃豆花一樣，蝦球新鮮彈牙。士多啤梨豚肉伴草莓：士多啤梨汁跟豚肉配搭極好，豚肉有肉味又有咬口，肉質天然軟腍，沒有加鬆肉粉，加上無味米通，米通醮了士多啤梨汁的甜酸味，香脆可口。香煎北海道帶子海中寶：外觀吸引，吸睛度高，新鮮嫩滑的帶子以蝦膠包裹著再慢煮已成，兩者都很新鮮，帶有海鮮鮮甜，外面彈牙裏面嫩滑。魚湯浸碧綠溫室菜苗：魚湯味道軟淡，但喝得出有魚的鮮味，菜苗脆嫩。荷香蒜蓉海斑片原籠鴛鴦飯：海斑片只有4-5塊，魚的份量太少但飯太多，海斑的味道新鮮嫩滑，蒜蓉不會蓋過魚的鮮味，魚肉汁滲落由紅米白米煮成的飯內，加上荷葉的清香，飯帶有蒜蓉及魚肉的油份，又爽又香。鮮果拼盤：生果已切粒，有菠蘿、西瓜及蜜瓜。總結，食物色香味俱全，重質不重量，價錢中等，值得再去。…Read More

近期頻頻在觀塘覓食，發掘了很多隱世美食，不論中西日意韓，全部都集中在這區的工廈內，今次選擇了在觀塘工業中心內的榮哥私房菜，地點非常方便，就在觀塘地鐵站D4出口隔離。餐廳內佈置特別，一入門口就有很多種在水管內的有機沙律菜，令人忍不住想摘下即食。我們約7時到達餐廳已經有半滿，全部都是已訂枱的客人，基本上私房菜是必須要訂座的，因為餐廳會因應訂座情況及客人要求的菜式而訂貨，才能有效維持材料的新鮮度。先點了壺龍井，是用茶包的，味道較淡。有機沙律菜伴芝麻醬沙律菜跟平時食到的味道很不同，真係有菜的甜味，很新鮮香脆，色澤翠綠，配上芝麻醬及帶酸的柚子醬，非常清新及開胃。涼伴黑木耳黑木耳每片都切得一樣大小，又爽又脆。紫薯配鮮淮山紫薯又糯又甜，味道清新；淮山味道一般，不太夠爽。茶燻流心蛋伴黑魚子醬配厚切茄子茶燻蛋有很香的煙燻味，蛋香十足，蛋白很滑而蛋黃外層剛凝固，一咬開蛋黃汁流出，整隻蛋又香又滑；茄子表面煎香，所以很結實但不油膩，配上黑魚子醬，味道帶有少許的甜味，茄子外實內腍。原盅燉鮮土茯苓鑽地老鼠黑毛豚肉湯燉湯內有土茯苓，新鮮螺頭及豚肉，味道帶有螺頭的清甜，螺頭已經煲到很腍，一咬落去還帶有點點的螺肉鮮味，而土茯苓鑽地老鼠有清熱利濕及解毒活血的功效，非常適合現時夏天飲用。蝦球水芙蓉蝦球肉質新鮮彈牙，蝦肉大而鮮，水芙蓉即是蒸蛋白，蛋白又滑又嫩，上面淋上一層清湯，味道較淡。整體外觀精緻，令人胃口大開。香煎北海道帶子海中寶一上枱已被它的外觀所震撼，蝦膠包著帶子經過慢煮而成，蝦膠有濃郁鮮蝦味，肉質彈牙，帶子嫩滑味鮮，兩者配合得天衣無縫。加上外型精緻的貝殼插花襯托著，整個菜式高貴了不少。士多啤梨豚肉伴草莓豚肉肉味濃郁，沒有豬的腥味，肉質粉嫩，配上士多啤梨醬，甜甜酸酸的感覺非常夾，下面的飯焦非常脆口，能中和口中酸甜味。魚湯浸碧綠溫室菜苗菜苗色澤翠綠，以魚湯浸菜苗，湯有淡淡的魚味，完全無味精，菜苗爽脆鮮嫩。荷香蒜蓉海斑片原籠鴛鴦飯鴛鴦飯顧名思義即是紅米白米配搭一起，以荷葉包著一齊蒸，有淡淡的荷葉清香，加上蒜蓉香味滲透在飯中，飯的軟硬度適中。海斑片份量較少，魚味鮮美，肉質嫩滑。精心甜鮮果匯拼有火龍果、蜜瓜、菠蘿及西瓜，生果切粒方便易食，味道清甜，為完美的一餐畫上句號。總括而言，食物質素及精緻度高，款式特別有創意，食材新鮮無欺場，每樣食物質素都好平均，不會參差不齊；服務方面，店員有禮貌，主動介紹菜式的材料及食法，是一間有誠意的餐廳。…Read More