Gathering (Closed)

Times Square 樓上果啲餐廳都有返咁上下質素☺️餐廳分為兩邊有一邊係鐵板燒，另外一邊係西餐，餐廳環境勁靚，好高級嘅感覺。Dinner set有齊4 course ，餐湯、沙律、主菜、甜品。整體都好豐富，2週年全單75折😝叫咗一個dinner set再散叫。Dinner set 蟹肉蘆筍沙律: 真係有原條蟹肉食落鮮甜，蘆筍好爽脆。焗酥皮龍蝦湯: 酥皮夠脆，入面好足料真係有龍蝦肉，湯香濃。香煎太平洋鱸魚柳青檸牛油汁: 兩件魚柳大大件，豐富蛋白質，減肥人士一流😝提拉米蘇: 食完主菜已經好飽，甜品份量少少哋啱啱好，奶油口感香滑，唔會太膩。香煎加拿大帶子沙律仲有三粒帶子超大粒，沙律菜種類豐富，份量都好多，一定夠兩個人食😝✨烤豬手入面有酸椰菜、薯蓉。香脆豬手真係焗得好靚，成個皮脆透，乾身唔油膩，真係好好食，最重要係果皮夠脆夠香，超級推介😊Cocktail Kon Tiki: 帶蘋果菠蘿同White Cacao味，飲落味道都傾向甜，女仔都好容易入口。個杯造型好得意，用嚟打卡真係正。Me before you: 個杯上面痴咗啲花瓣，所以勁靚勁靚，味道非常豐富且有層次。📍 饗11 (銅鑼灣)銅鑼灣勿地臣街1號時代廣場11樓1101號舖…查看更多

因為幾年前由香港搬咗去九龍住，所以都比較少喺港島區食嘢，由於今日同另一半咁啱都係港島區工作，所以大家收工後都想回味下以前嘅時光，所以放咗工後喺時代廣場行街，我就負責搵食，另一半就自由購物... 咁Times高層食通天都有好多間餐廳，今日就一於試下有邊一間正啦，上到去見到有間西餐廳門面都幾吸引而且仲有鐵板燒，見佢幾吸引咁今日就去呢度享受下啦。由於時間尚早，入到去只得幾枱食客，唔駛等我就最鐘意。見佢有鐵板燒同埋西餐兩邊，見今日又唔想食得太飽所以食西餐算，由於另一半未到所以都有同侍應交流睇下有啲咩好食，見到佢個餐牌都一如傳統有好多款菜式選擇    ，最後我選擇咗幾款，一個Set Din，另外散叫咗兩款。等咗大約15分鐘，另一半同埋啲食物都相繼到咗喇。首先上枱啦就係兩個沙律，一見到就好嚇人，佢兩個沙律份量都非常大，而且整得好靚成件藝術品。首先個蘆薈鮮果合桃沙律配熱情果汁，上面除咗有合桃同熱情果之外，仲有啲無花果、蕃茄、青瓜等等，食物好新鮮而且配搭非常好，成盤都好Fresh。之後睇埋個香煎加拿大帶子沙律，最吸引我係佢嗰三粒煎香咗既超巨型帶子，食落好新鮮再配合埋有少許黑醋既沙律菜，入口好新鮮，淨係食沙律都已經令人食指大動。食完個沙律等咗陣間之後就到兩碗湯，套餐個款就係忌廉南瓜湯，另外散叫左個焗酥皮龍蝦濃湯，餐廳有龍蝦湯就點都要試下。忌廉南瓜湯就咁睇賣相都非常之濃稠且入味，配合埋上面嘅麵包粒食，好鮮甜好香，令人開始進入狀態。試埋個龍蝦湯，佢個賣相真係頂呱呱，個廚師整得好靚，整開酥皮見到龍蝦湯亦相當濃稠，而且入面都有幾粒龍蝦肉，再將酥皮浸住啲湯嚟食，真係超開胃好好味，口腔充滿香濃嘅龍蝦甜味，啊~ 已經急不及待想食正餐啦!!!飲完湯等多大約10分鐘，我最期待嘅澳洲M9和牛西冷牛扒終於都上枱啦~~~ 個賣相好好睇之外而且好香濃嘅牛味已經進入我的鼻，要急不及待要試一試。佢嘅份量都好大份，兩個人食我都覺得已經夠飽，牛扒之外仲有啲蔬菜、薯蓉同埋炸蕃薯伴碟加埋個燒汁，之後切開牛扒睇一睇，你地淨係睇張相就感受到佢有幾粉嫩同豐富嘅肉汁，七成熟嘅牛扒依然係我最佳選擇，影完相之後快快食一嚿。OMG~ 佢肉質非常鮮嫩，除咗肉汁豐富之外香濃嘅牛味令人齒頰留香，成個扒勁高質素，如果去就一定要試下，係我高度推介。 另一半就食個明太子蟹肉忌廉寬條麵，雖然我依家少食澱粉質，但個賣相都忍唔住食咗幾啖，佢呢個寬條麵處理時間剛剛好，麵條煙韌爽口，配合有大量嘅蟹肉同埋明太子忌廉汁，撈埋嚟食味道相當唔錯而且好掛汁，果然冇介紹錯。幾款菜嘅份量經已食到好飽，不過仲有兩款甜品當然要試埋佢。佢個甜品係近期非常出名嘅巴斯克芝士蛋糕，就咁睇賣相已經吸引，佢呢個芝士好香食落嗰陣時好有口感，比較坊間一啲蛋糕鋪有過之而無不及。慢慢傾下食下真係好Chill，呢個環境真係非常值得推介，坐得舒服又寧靜 ，食物質素性價比相當高，兩個人埋單每位都係$550左右，懂得享受一定要試下，離開時見到鐵板燒個邊食客都食得津津有味，埋單嗰陣時侍應都俾咗張單張話鐵板燒依家都有折扣 ，好~ 等我下次試埋佢，食飽飽兩個人繼續回味昔日時光~~~ …查看更多