農耕記 湖南土菜 (東港城)

呢一間湖南菜 近排都開咗新分店平時夜晚同屋企人經過見到都幾多人排隊一直都想搵機會食咁今日放假係平日就可以同屋企老人家嚟試下雖然冇獨立嘅小包間但係有寬闊嘅圓枱同埋有一個屏風隔住其他食客比起其他嘅店舖更有私隱度佢餐牌嘅選擇都幾多 同埋強調係冇預製菜全部都係新鮮炒 呢一個係招牌菜之一會一個漏斗幫你計時 可以睇住佢由生蝦煮熟就證明佢一定唔係預製菜 而且計住時嘅 蝦既熟度就啱啱好 爽滑彈牙！另一個招牌菜，蝴蝶魚肉質好鮮同埋彈牙有啲似脆肉鯇咁爽口嘅佢加埋辣椒一齊炒，十分惹味🤪🤪佢嘅黃牛肉切得好薄 爆炒完之後都係好鮮嫩嘅 而且好入味 不過唔好以為薄就好似份量好少其實佢一兜裏面都有唔少牛肉除咗肉類之外，仲試咗佢嘅菜類高山嚟嘅毛白菜的確比起一般嘅白菜清甜好爽口 🤤 香水檸檬茶同出邊一般嘅手搖舖買到嘅香水檸檬茶質素差唔多唔會死甜，又有檸檬嘅清香最重要嘅係有成1公升咁大杯 配住嚟食辣嘢就啱晒😍因為叫咗個粉絲煲又唔想叫多碗米飯咁就試咗呢一個老面花卷 鬆軟煙韌又有咬口純對唔係平時食開乾爭爭嘅饅頭十分抵讚另外想讚吓佢哋嘅服務態度喺食黃牛牛肉嘅時候有問我使唔使開着個爐座熱不過佢亦都提醒我一路熱住嘅話黃牛牛肉就好容易會變老呢個我覺得係幾貼心嘅最後食完嘅時候佢亦都有問下我哋對食物嘅意見例如新唔新鮮同埋有咩改進嘅地方所以整體嚟講服務同埋食物質素都係好值得推介…Read More

係香港好少有正宗既湘菜餐廳，農耕記呢間內地既過江龍終於開咗嚟香港🇭🇰 農耕記主打湖南土菜，而且性價比極高！餐牌選擇好多，有辣有唔辣，我哋叫既都係小辣，唔會好辣～ 𖡼 鮑魚辣椒炒肉湘菜中既名菜招牌菜，有粒粒小鮑魚仔，辣椒唔會好辣，整體好有鑊氣🔥同惹味，辣椒同肉一齊餸飯或花卷食好好味😋𖡼 招牌湖蝶魚第一次試湖蝶魚，好驚喜地湖蝶魚既口感係爽脆的！爽脆到有啲脆肉鯇，但比脆肉鯇鮮嫩，呢個招牌菜係必叫的👍👍👍𖡼 蒜蓉粉絲蝦仁估唔到係上枱即蒸的，果然唔係預製菜，有個小漏斗計時，蒸既時間就啱啱好🦐 蝦好彈牙，同粉絲充滿蒜香，好餸飯，呢個係必點呀！𖡼 油豆腐拆骨肉油豆腐真係好油香，非常惹味，拆骨肉啖啖肉🤤🤤𖡼 蒜蓉蕃薯葉蕃薯葉炒得啱啱好，調味唔會過咸～ 據說會因應當季蔬菜及食材調整menu菜單☝️𖡼 老面花卷唔叫飯，叫咗個花卷一樣可以配餸一齊食，花卷好軟熟，推薦❣️𖡼 香水檸檬茶$36蚊有 1L，勁大杯，飲唔哂可以拎走飲😋…Read More