CoCoPig Hainanese Chicken (Closed)

🌸紅磡美食🌸可可豬椰香海南雞專門店🐓今天想吃新加坡菜❗️知道紅磡有間專門提供新加坡菜的小店-「可可豬椰香海南雞專門店」，而小店主打外賣海南雞飯❗️於是今天決定光顧此小店回家慢慢品嚐作晚餐❗️小店主打新加坡特色海南雞飯，還有港式小食❗️而小店服務員的工作態度也十分友善健談，他們都非常之清楚了解餐廳提供的食物❗️能夠向客人詳盡地介紹餐點❗️我們一行2人共點了以下餐點：1️⃣🌟首創竹絲海南雞飯 $52首創竹絲海南雞飯採用滋陰清熱、肉質嫩滑的竹絲雞，營養價值高，而且雞肉美味，搭配特色椰香飯味道一流❗️美味指數：⭕⭕⭕⭕️⭕️賣相指數：⭕⭕⭕️⭕️❌抵食指數：⭕⭕⭕⭕️⭕️2️⃣🌟特色椰香海南雞飯 $38特色椰香海南雞雞肉質地滑嫩，雞皮如啫喱般溶化，搭配特色椰香飯味道相當搭配，而香飯還有甜甜酸酸的蘿蔔絲，十分開胃❗️美味指數：⭕⭕⭕⭕️⭕️賣相指數：⭕⭕⭕️⭕️❌抵食指數：⭕⭕⭕⭕️⭕️3️⃣🌟蒜泥白肉 跟餐+ $22蒜泥白肉配搭小店秘製香濃蒜蓉，而白肉肥皮，每一塊的肉快相當入味，配搭一流❗️美味指數：⭕⭕⭕⭕️⭕️賣相指數：⭕⭕⭕️⭕️❌抵食指數：⭕⭕⭕⭕️⭕️🌟為是次餐廳用膳的推薦菜色❗總括而言，此小店價錢親民❗️而且食物質素不俗❗️屬於紅磡一帶外賣新加坡美饌之選❗️…Read More

搬咗嚟紅磡都差唔多半年，行過幾次想試呢間可可豬，近近地買返餐外賣返屋企食又唔慳返D功夫唔洗煮! 海南雞飯食得多，第一次食竹絲海南雞飯，己全部起骨，小朋友食都好方便，竹絲雞夠哂補身，咁樣食都真係首次，要知道平時坐月都係食竹絲雞喳! 有幾補唔洗多講啦! 肉質幼嫩香滑，出奇地又同椰香飯好夾，一盒飯入面仲要有埋少量沙津菜伴碟，唔錯!今次其實想一嘗佢的皇牌海南雞飯~ 一盒5件海南雞，好味嫩滑去骨即食，點埋個秘製醬汁，好正，再加埋個重椰香味飯，好正! 如果平時無煮飯絕對可以再encore，方便又好味，價錢仲好相宜。兩個飯加錢要埋個蒜泥白肉先，我地兩個大人加小朋友，一家四口都夠食，份量都多，蒜泥白肉絕對足料，有咬口之餘配埋個蒜泥醬，酸甜得嚟又有小辣，但辣的程度小朋友都食到，白肉又唔算太肥，唔想只食雞的另一好味之選。配埋兩樽養生茶 – 金羅漢果養生茶及熱情果茶，甜度剛好，入面真係熱情果籽，好解渴，飲養生茶真係覺得成個人都健康咗添！整體來說，好滿意的一餐外賣，近近地相信短時間內會再encore!…Read More

炮台山個間可可豬海南雞就去過幾次，原來紅磡都有可可豬椰香海南雞，個名多左椰香兩個字。今日去開紅磡做野，同一樣野，價錢居然比炮台山店平，索性買返一餐外賣試下先。呢間舖同炮台山唔同，呢度冇得堂食。得一個姐姐收銀同做樓面。首創竹絲海南雞飯 $52第一次試竹絲海南雞，真係全部起哂骨，除左隻雞翼。一盒飯有六件竹絲海南雞，有雞胸肉同雞翼。肉質同味道當然比唔上普通海南雞，勝在夠補身，我地連皮都食哂。梛香飯超正，梛香味香濃兼非常濕潤，絕對係我杯茶，份量好多。伴碟配有青木瓜沙律同橙色車厘茄，下底墊左一塊生菜。橙色車厘茄超甜。嫌味道唔夠，一定要點呢個秘製醬，甜甜地超好味，一盒雞飯跟一盒醬。梛香海南雞飯 $50如果唔洗咁補身，呢個梛香海南雞飯絕對係好味道。海南雞有5件，有雞胸肉同雞脾肉，雞有雞味，皮有彈性，雞肉嫩滑，加埋特製甜醬，好味道。最緊要外賣同堂食一樣好味。其他梛香飯同配菜同首創竹絲海南雞飯既一樣。蒜泥白肉 ＋$20加錢要左個小食，白肉有七塊，凍食都冇問題，幾有咬口，層皮仲有彈性。個蒜泥汁勁正，酸酸甜甜帶少少辣，好開胃。連墊底既個塊生菜吸左d汁都好食。餐包左兩大碗湯，係清雞湯，仲有一大舊冬瓜同白蘿蔔，好健康，飲個陣仲熱辣辣。黑糖桂圓紅棗茶＋$12叫左個養生熱飲，呢個黑糖桂圓紅棗茶超足料，有好多桂圓紅棗同杞子食，d甜味完全係由呢d材料度黎，好天然健康。熱情豐盛＋$12呢個熱情豐盛係瓶裝凍飲，有好多熱情果核同杞子，味道清甜而唔會假，好似淡淡地既熱情果汁，好好飲。幾欣賞呢度既外賣，着重健康之餘連外賣食物既質素都唔錯。…Read More

我老公好鍾意食竹絲雞，我亦都知道竹絲雞係好補身又唔燥嘅好食材！但我對於竹絲雞就麻麻，我最怕食到啲肉好鞋口！今日路經呢間海南雞專門店，竟然有一款《首創竹絲海南雞》，忍唔住由紅磡帶返天水圍俾佢品嘗吓🤪🐦首創竹絲海南雞飯望落好似平平無奇咁，但一食入口就好有驚喜！肉質竟然嫩滑無比，而且非常入味🤩呢種味道同口感簡直顛倒咗我思維🤯原來竹絲雞可以整得咁香滑😋對唔住！我錯啦🙇🏻‍♀️竹絲海南雞簡直一流，配埋椰香飯，令人食到停唔到口！🐤特色椰香海南雞飯對比竹絲雞嚟講，雞件比較大啲！同樣都係嫩滑無比，亦都非常入味！雞又唔會過肥，整得好出色，好好味！椰香飯夠多，仲要煮到粒粒分明！點埋個雞醬仲更加惹味！勁正👍🏻同喺泰國食嘅味道一樣👍🏻正👍🏻正仲有送哂個湯，入面白蘿蔔夠甜，湯夠清😍🥢泰式酸辣無骨鳳爪無骨鳳爪好爽口👍🏻泰式汁夠哂開胃！酸辣味適中！入面勁多木瓜絲做沙律🥗而且切到每條都好平均，又唔會過粗或過幼！最抵讚係木瓜絲口感夠爽脆，食材夠新鮮😍其實每個飯都有跟一啲木瓜絲沙律，令到食慾大增😋😋😋😋🧉熱情豐盛一支幾特別嘅飲品，第一啖飲落覺得幾淡口嘅！但當我食咗第一啖海南雞飯後，再飲呢支飲品，味道就出哂嚟！飲得出有熱情果加少少菠蘿汁，味道清甜！又唔會有酸味！而且裏面有啲杞子同熱情果嘅核，飲落多咗份咬口！唔錯🤩🥤日本白桃乳酸梳打入口有淡淡白桃香味，可惜味道有啲似假甜！如果乳酸味再多啲，我相信會好好飲！…Read More

大仔上完堂，佢見到有間門面好似美食車的舖頭叫我行去睇下，原來係外賣海南雞店的可可豬，我懶懶地煮飯，於是就係度外賣返去做晚餐一大袋外賣攞住去坐巴士返屋企都好重手，重點係d湯好熱辣辣，用我大脾墊住，真係好熱。返到屋企，飲啖熱湯，當堂暖哂，大仔一飲就話碗雞湯好味😚青木瓜蝦沙律（$30）：材料都好豐富，有蝦，黃及紅車厘茄，青木瓜絲，紅蘿蔔絲同西芹絲。用料新鮮，蝦好爽口，菜絲類咬落去都好爽脆。再混埋盒底的汁，酸酸甜甜好好味🤤特色椰香海南雞飯（$38）：椰香飯有好香椰味，食落香而不膩，而海南雞都好嫩滑，點埋個似香草味而帶甜甜地的醬，大仔都話岩哂佢口味，整個飯大仔超鍾意😋首創竹絲海南雞飯（$52）：竹絲雞飯叫比自己，平時多數用竹絲雞黎煲湯，可可豬用竹絲雞黎做竹絲海南雞，好大膽創新。真心估唔到又真係做到d竹絲雞咁滑，值得一讚，可以安哥金羅漢果養生茶（+$12）：飲落有金羅漢果的甘甜味，仲有菊花的香味，眼見仲有杞子，同最後食左塊陳皮落肚，潤哂熱情豐盛（+$12）：大仔話佢酸酸甜甜，又食哂d熱情果籽，就知大仔有幾鍾意呢枝飲品😌大仔對呢餐外賣非常滿意😘…Read More