Superior Manya Japanese restaurant

同友人殺入荃灣御滿屋，佢嘅套餐A-77品真係顛覆想像！兩小時內喪食馬來西亞榴槤、松葉蟹腳刺身、海膽手卷，Mövenpick、Häagen-Dazs無限loop，仲有清酒梅酒暢飲，性價比真係高到爆!📌榴槤控天堂極品榴槤肉香甜，仲有爆餡貓山王炸彈，熱食凍食都邪惡！📌刺身狂熱松葉蟹腳鮮甜過癮，阿根廷赤蝦大過拇指，劍魚腩油香入口即化～📌隱藏王牌杞子花雕鮑魚酒香濃郁，鮑汁花膠黏唇膠質滿滿，同行友人食唔停！📌酒鬼福利冷熱清酒、梅酒任斟，配鹽燒牛舌同川燒蒜蓉焗生蠔簡直一絕！野食多到數唔哂，上菜又快，建議留肚攻海鮮同榴槤！$300+食到高質放題＋酒精自由，記得預早book枱，晚市勁爆滿～…Read More

大隻仔今次覓食嘅店舖就係💥 御滿屋日本料理 💥一大班朋友聚會食飯又唔知食乜好，日式放題係一個幾好嘅選擇，大隻仔今次介紹一間喺香港開業多年，價錢唔貴，上菜速度快，食物質素又唔錯嘅日式放題店「御滿屋」，餐廳食物選擇好多，有齊刺身、壽司、手卷、日式料理、天婦羅、炸物、燒物、鐵板燒、串燒、中式料理，更有任飲清酒、梅酒，任食 Mövenpick、Häagen-Dazs雪糕，真係物超所值。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 A 經典 77品 $238-$308 成人價錢大隻仔必食推介：1） 必食刺身拼盤，有10多款刺身選擇，質素比想像中好好多，尤其係阿根廷大赤蝦，超級大隻新鮮，赤貝爽口鮮甜，帶子新鮮厚肉，油甘魚充滿油香，三文魚肥美嫩滑，以上每款刺身都好好食。2）海膽手卷，海膽冇苦臭味，味道不錯。3）竹笙瑤柱蟹肉羹、鮑汁煮花膠，有高級中式酒樓水準。4）芝麻雞翼，外皮香脆，肉質嫩滑。5） 炸榴槤波，鍾意食榴槤嘅朋友仔必點，外脆內流心，充滿榴槤溶，味道濃郁。6） 西京比目魚，肉質嫩滑，啖啖肉，厚切更加美味。…Read More

呢日去荃灣剪頭髮前💇‍,嚟咗呢間新開嘅放題~環境好新淨🌟,而且好光猛~我哋揀咗最抵嘅A餐,每位258🤑,已經有77品~大部份我想食嘅刺身,壽司同燒物都有齊🍣~反正我都係主力食帶子,希靈魚同油甘魚🐟~壽司當然就係必點嘅燒左口魚裙邊!而且仲有海鰻壽司,真心唔錯~壽司飯唔算大舊,啲飯都香軟唔笠~燒物就當然叫牛舌,不過燒得有少少乾~而燒蝦,燒菠蘿都唔錯,我個人就覺得燒羊鞍好出色~其他熟食仲有卜卜蜆鍋同埋花膠~如果夠大食,仲可以試下羊腩煲同瑤柱海皇粥添!…Read More