急便丼

朋友話佢屋企附近有間外賣店性價比好高，係佢飯堂尼！放假去佢屋企玩，佢就話要帶我去試下！蒲燒鰻魚丼鰻魚有好多塊，每塊都有濃郁醬料香味，配埋飯一齊食岩岩好，飯量都好多，好飽肚。口感層次豐富，令人滿足。價錢唔貴，都幾抵食。日式叉燒拉麵外賣會分湯，即使拎到反屋企都唔會浸到淋晒。拉麵都幾彈牙，湯底幾濃郁但又唔會太咸，叉燒份量都幾多有四塊，仲有半隻蛋做配料。紫菜粟米唐揚炸雞丼唐揚雞外脆內軟，亦都好juicy。炸衣好薄，唔會食到成口炸粉。紫菜好香而粟米亦都好香甜，伴埋白飯一齊食口感層次都好豐富。飛魚子玉子燒金黃色既玉子燒同鮮橙紅色既飛魚籽形成強烈顏色對比，非常吸引。玉子燒好厚切，口感綿密嫩滑，亦充滿蛋香味，飛魚籽脆感增添左口感層次。紫芋甘栗薯餅薯餅即叫即炸，熱辣辣，口感外脆內軟，紫芋同甘栗都非常香甜可口。一咬開金黃色既外皮就見到入面紫色既內餡，顏色對比強烈，好吸引。迷你咖喱漢堡扒餐依個餐除左有咖哩漢堡扒飯，仲有一個細烏冬。漢堡扒上面鋪滿濃濃咖哩醬汁，咖哩同漢堡扒真係非常之夾，送飯食一流。雖然只係迷你size，但女仔食都已經夠晒飽。漢堡扒好厚切，亦帶有少少洋蔥香味。烏冬口感彈牙，沾上蕎麥面汁食，味道都非常之夾又清爽。味香牛肉燒丼牛肉份量都幾多，口感幾嫩滑，幾有牛味，令一忌唔住食完一啖又一啖！飯量亦同樣好多，食完一定夠飽！…Read More

放工偷懶唔想煮飯，記起早兩日路過見到呢間好有居酒屋感覺既鋪頭！所以揀左佢！睇埋個menu樣樣都想試！拎埋番屋企真係開番枝Sake黎襯都米話唔過癮！我地兩個人揀左兩個主食兩個小食再加左個湯！非常夠飽！份量十足！小食我地揀左 Wasabi小丸子 ($34) 同埋飛魚子玉子燒 ($20) ！主食就揀左叉燒地獄拉麵 ($52) 同埋牛肉壽喜泡飯 ($48)，湯就加左個豚肉野菜麵豉湯 ($10)! Wasabi小丸子 ($34) ⭐️⭐️⭐️⭐️⭐️先講下小食，我地番到屋企打開左個盒，比佢震驚到！每一粒都有大大舊既Wasabi係上面！但一食，好得意，佢唔會好攻鼻！但佢有淡淡既Wasabi香，好襯章魚丸既味，食完唔會膩！飛魚子玉子燒 ($20) ⭐️⭐️⭐️⭐️⭐️濃濃既蛋味配住濃濃既飛魚子！真係一啲都唔吝嗇啲飛魚子！落左勁多！但無搶左蛋味！玉子燒依然食到個高湯煮出黎既味！好鍾意呢個配搭！叉燒地獄拉麵 ($52) ⭐️⭐️⭐️⭐️⭐️可以外賣番屋企既好處！終於夠膽試地獄拉麵喇！（諗住大不了係屋企狂飲水都無事麻🤣又唔怕比人笑）但店主再比左七味粉比得我地，話如果我地食到勁辣可以加埋！我地見係屋企食！我地倒哂落去！！！估唔到七味粉令佢野味左！因為我地其實唔太食得辣，所以覺得其實無七味粉都夠勁！但有左七味粉令個地獄拉麵多左個層次！同埋令到個後勁更西利！終於知道地獄拉麵既威力喇！但佢野味到，我地食哂！個叉燒好入味之餘，仲唔會膩！牛肉壽喜泡飯 ($48) ⭐️⭐️⭐️⭐️⭐️呢個泡飯既濃湯令我地諗起某大型連鎖店牛肉飯店當年好出名既牛肉邊爐，但佢多好多牛同埋菜！食到停唔到，最後連湯都飲哂！食得出唔係味精味！濃湯有牛味，但唔會有雜質！最後我地仲加左10蚊要埋豚肉野菜麵豉湯 ($10) ⭐️⭐️⭐️⭐️相對地有少少咸，但麵豉湯味好出！食完再飲佢，日本居酒屋既感覺由頭帶到尾！佢地既店員好親切！又會建議下我地點食，而佢地既價錢都好親民！份量十足！性價比好高！如果再偷懶唔想煮飯！都要再黎試佢啲新野！…Read More

話說呢一間小店每一日收工都會路過，但從來都未試過～最近朋友來家裡作客，想起這一家！就點了這家外賣嚐嚐～原來都幾okay抵食喎👌🏻每樣份量不算很多，勝在定價夠哂親民！可以每一樣都試吓～款式選擇有很多👍🏻✅主食類叉燒地獄拉麵 $52咖喱吉列豬扒丼 $49鹽燒鯖魚冷蕎麥麵 $58豚肉野菜麵豉湯＄10 （加配價足料抵！）✅小食類紫芋甘栗薯餅 $12 （呢個薯餅超好食！）南瓜薯餅 $12飛魚子玉子燒 $20和風紫菜玉子燒 $20煎粟米豚肉餃子 $22吉列蠔（2隻） $14 吉列蝦 （3隻） $24…Read More

📍🇭🇰 急便丼 (長沙灣)Kyubin.天氣炎熱，我們只想躲在家中嘆冷氣，經過一輪非常激烈討論，決定在家方圓二百米內的餐廳買外賣回家吃。正當我們未有想法之間還是屈服了。結果一輪指手劃腳後，居然點了一大堆，哈哈哈，他負責埋單。.回家開箱，不，開袋把食物擺好，結果擺滿整張檯。豚肉野菜大阪燒、飛魚籽玉子燒、味香牛肉燒丼、日式炸雞扒便當、吉列豬扒便當、芥末八爪魚風味小丸子，還有蘋果燒汁牛脷便當和醬油蛋一隻，剛好八味。有人或許會問，為甚麼兩個人叫四個便當？因為他懶到夜晚都不願落去，連晚餐也買定。.擺好陣勢後，他馬上拿起筷子，把味香牛肉燒丼大口大口倒進口裏，我分到一口，牛肉味道可以，飯也可以，如果牛肉汁再多點更好，$38來說性格比很高，他說下次會再吃這個。吉列豬扒便當和日式炸雞扒便當略感失望，原因是醬汁太少，要乾哽整個便當有點難度，但價格彌補一切。.有驚喜的是芥末八爪魚風味小丸子，芥末八爪魚和章魚小丸子的配合剛剛好，不會太辣，亦有章魚小丸子應有味道。連見到章魚小丸子就怕的他都吃了兩粒，吃完還直豎拇指👍🏻呢！.豚肉野菜大阪燒比較平凡，或者是因為小丸子的對味覺衝擊較大吧！蘋果燒汁牛脷便當是重點推介，牛脷燒得剛剛好，配上蘋果燒汁，一陣清香湧入口腔，結果一塊又一塊，他想食的時候，沒有了。醬油蛋也很入味，不俗！.飛魚子玉子燒也是重點推介，味道配合剛剛好，他說早知多買兩件。結果四碗飯，分了兩餐，店小二直豎拇指，抵，下次再食！.所點的餐牌📝小食📌 豚肉野菜大阪燒 {HK$40}📌 飛魚子玉子燒 {HK$20}📌 芥末八爪魚小丸子6粒{HK$34}📌 配送沙律及味僧湯.主菜📌 味香牛肉燒丼配醬油蛋 {HK$38 + HK$8}📌 日式炸雞便當 {HK$48}📌 吉列豬扒便當{HK$48}📌 蘋果燒汁牛脷便當{HK$58}.飲品📌 罐裝可樂 {HK$4}📌 紙包裝蘋果綠茶 {HK$4}…Read More

💁‍♀️💁‍♂️ 7/5/2023(Sun), Lunch🥡星期日既中午時間，為食妙妙同A先生出咗去深水埗買啲電腦💻嘢，回程既時候就遇上紅色暴雨⛈️警告⚠️，但我地又未食午餐，揸車🚗路過天悅廣場地下見到呢間外賣店好似唔錯，於是就停低買外賣返屋企做午餐。而今晚我地order咗：🔆 蘋果🍎燒汁香煎牛脷👅便當🍱（$58）牛脷煎得金黃香口，份量都好多，仲要切得幾厚身，咁就可以做到入口彈牙又保留到肉汁。蘋果燒汁味道帶點點酸甜味道，隱約有點點蘋果🍎既味道，食落都幾清新。蘋果燒汁就另外有個膠盒裝住，咁各人就可以按自己既喜好、口味去決定落幾多汁。最後仲有少少泡菜、粟米🌽粒、沙律菜🥗同埋豆卜。豆卜原來都有用汁煮過，唔會乾爭爭，夠晒細心。🔆 牛肉野菜大阪燒（$40）呢度既大阪燒有少少特別，佢地係有4片金黃既燒餅上面放咗野菜牛肉，再加大阪燒醬、沙律醬同木魚絲。咁樣食都唔錯，野菜夠爽口，加埋牛肉同沙律醬、大阪燒醬，甜甜地咁入口都好好食😋。🔆 飛魚子玉子🥚燒（$20）玉子燒大大件咁用竹籤串住，上面再鋪滿飛魚子。玉子本身夠厚，但入口唔會好實既，仍有少少鬆化既口感，微甜帶有蛋香，再加埋飛魚子脆脆既口感，唔錯既一個小食。🔆 南瓜🎃薯餅（$12）$12一件都好大件，炸得金黃香脆，內裏南瓜🎃蓉甜美幼滑，值得推介。🔆🔆🔆🔆🔆🔆🔆🔆🔆🔆🔆🔆🔆❤🙆‍♂️(A先生)整體食評：9/🔟❤🙆‍♀️(為食妙妙)整體食評：8.5/🔟👉🏻 性價比高既外賣小店，便當🍱或者小食既選擇都唔少A先生車友指數 🚗🛣️ 交通容易指數：🚗🚗🚗🚗(4/5)🅿️ 泊車容易指數：🚗🚗🚗🚗(4/5) 👉🏻 好似A先生咁停低喺店外既元州街買一買外賣🥡應該問題不大，又可以睇住部車。想泊低車就可能要考慮遠少少既The Campton🅿️或者近少少但係地獄場之一既美居中心🅿️🙈👉🏻 去完黃金商場行䢬嚟都係10分鐘左右，買完電腦💻再買外賣🥡返屋企都好方便🔆🔆🔆🔆🔆🔆🔆🔆🔆🔆🔆🔆🔆…Read More