Vermicelli and fish soup specialist

今日收工去左附近既生記食米線，食落真心覺得正👍🏿有別於中午，夜晚去食一定有位，而且每碗米線仲可以減三蚊添由落單至上菜只需一分鐘😯有效率碗米線夠哂熱辣辣，先試下魚湯，飲落一啲都唔腥，仲有好清香既鮮魚味，個人覺得係無加味精既，所以都飲左勁多haha 至於魚腐呢，一開頭以為係炸鯪魚球黎，但食落個味又唔似喎，咬落好彈牙又有口感，當然魚味都係十足既，如果佢可以俾多幾粒我就好了~而米線質感就不過不失啦，但overall黎講魚湯真心無得輸，推薦！…Read More

是日收工自己一枝公走去搵野食見呢排成日出街覓食，煎煎炸炸，在所難免所以決定要食清啲！由於時間尚早仲未到lunch hour，所以門口都得一兩個人等緊外賣，但入面都已經幾乎滿座😯溫馨提示，要食真係要早少少去等位！唔使睇menu我呢啲熟客仔梗係一坐低就叫碗順德魚腐魚湯米線啦！魚腐大大粒啖啖肉，魚湯濃度剛剛好！可惜我一直都覺得佢個米線真係唯一既敗筆，太粗同麵質太淋身如果可以轉一轉米線供應商就好喇！或者下次都係叫個泡飯底算～今次都差唔多飲哂啲魚湯，真係好好味…Read More

平日係中環番工，閒閒地食個飯都要五六十蚊。反正有個半鐘食飯時間，今次就同同事行遠少少去到上環搵野食。黎到已經見到好多人拎籌等緊位，好彩我同時早左過黎排，所以我地等左大概五分鐘就入得去。呢度大部分米線都係魚湯湯底。見到好多其他食客都叫左什錦魚湯米線，好豐富咁。不過我地四個都清一色叫左順德魚腐米線😂😂等左一陣終於有得食。果然不負眾望，個魚湯湯底真係幾好味。奶白色湯底一飲落去飲度濃濃魚味👍👍 除左魚腐，碗米線仲有D芽菜同椰菜做配料。同埋有六大件魚腐，真係幾抵食！下次會再黎幫襯，試下個什錦魚湯米線✌️✌️…Read More

跟以前既戰友們一同放lunch 去最後, 大家都轉換了新環境畢竟是可喜可賀既事~今次我說要試個有名既魚湯米線下著雨, 細心既朋友S 早到現場拎定飛搵位不消一刻鐘就有野食~~胃口不是很好, 我只是點了單併既順德魚腐魚湯米線魚腐爽口充滿鮮魚味道魚湯完全滲入米線之內, 比起中環某一「魚x家」好多了!!~鮮甜好味, 難怪下著雨都有好多人係出面排隊呢另外朋友們點了以魚腐做主擔既雙併米線一個配鯪魚滑; 一個配炸魚片頭兩者都做得出色, 賣相不錯朋友們都讚賞看來我今回覓食總算找到了好地方喔~…Read More

男友今天帶我遊永利街, 同時, 嘗盡中上環美食, Honey 謝謝你! 一踏入上環, 即時到生記鮮魚湯米線叉叉電。這兒的米線勁大碗, 好飽, 如果大家想試多d 中上環美食, 建議大家叫細碗, 以免太飽。湯底是濃濃的魚湯, 不加味精, 很有鮮魚香味。我們點了:順德魚腐魚湯米線($25)我未食過正宗的順德魚腐, 唔知佢正唔正宗, 但真係好好食, 魚腐很大粒, 魚腐皮夠薄, 炸得又脆, 內裡又軟, 彈牙, 又有魚味, 咬落有口感。金牌豬腩肉魚湯米線($25)賣相好吸引, 但真係少食多滋味, 因為豬腩肉既肥瘦比例係73, 應該都幾肥, 但就係因為佢夠肥, 所以很香很入味, 久不久吃一次也不錯, 令人回味無窮。…Read More