As You Like Restaurant

麻辣湯底($138)，選擇左微辣級數，所以辣椒份量唔算多，湯底顏色亦唔會好紅，但係食材煮熟後仍然食到有微微既麻辣香味。頂級手切牛頸脊(小)($198)，約有10片，平均每片價錢唔算很便宜，但食材質素絕對稱得上哩個價，牛味濃，牛頸脊軟腍而且帶有少少咬口，白色脂肪位置食落仲有少少彈牙口感。即炸響玲卷($58)，共6件，顏色鮮豔，淥一淥就可以放入口，半脆半腍既口感，而且沾上麻辣湯汁，味道超正。桂花蚌($138)，份量都幾多，桂花蚌既口感我覺得似牛筋和牛骨髓之間，爽口而且有骨膠原。四寶餃拼盤($68)，每款有兩粒，我個人最喜歡豬肉韮菜餃和餛飩，因為韮菜味道好香，同埋餛飩好多蝦啖啖肉。隨變粉($28)，外表似烏冬，但口感完全不同，隨變粉煮熟後呈半晶瑩剔透，食落有d似紅薯粉，不過比紅薯粉更易咬開，果然有驚喜。…Read More

星期一晚飯時間，不用訂座。1. 隨變麻辣雞煲 - 惹味 ，雞有鮮味，配菜很夾 2. 牛魔王拼盤 3. 頂級手切牛頸脊 - 肉質很稔，但再叫多一碟時質素明顯下滑FB like 佢個POST 會有全單85折 。我們當晚５人用餐 ，都是由侍應生協助下like and share post，但在埋單時，好彩有ＣＨＥＣＫ單 ，你唔提佢，佢冇幫我地做８５折，所以切記要ＣＨＥＣＫ單!!…Read More

<隨變雞煲火鍋>呢個名聽過好多次， 知道佢喺佐敦渡船角嘅總店好出名但一直未有機會試，朋友約食飯先知原來銅鑼灣V-Point開咗間~.呢間隨變火鍋環境好優雅，打理得好乾淨，打邊爐通常枱面或者地下都會黐lup lup，但呢道真係坐得好舒服！我地book左張六人枱係卡位，隔離仲有好靚嘅夜景添🤩☺️.乾鍋肉蟹 $388 🦀聽講呢度最出名係食乾鍋，我哋嗌咗一個乾鍋肉蟹-微辣。大大隻肉蟹用咗蒜頭，洋蔥，花椒同八角去炒。肉蟹好新鮮，啖啖肉，肉質爽口彈牙又離殼😍蟹嘅質素非常唔錯，配角嘅椰菜花吸收哂啲香料味好正🥦不過小小可惜嘅係，微辣嘅配料遮蓋左蟹嘅鮮味，食到好多花椒八角同辣味而搶左隻蟹嘅focus🙈所以建議大家揀原味就Perfect池了! *加分:呢度好細心會俾埋膠手套你食蟹，唔驚整污糟手指🤚🏻雜菌+ 酸菜鴛鴦湯底 $158 🍄火鍋嘅湯底揀咗雜菌同酸菜，雜菌湯底好足料，用咗好多唔同種類嘅菇菌(冬菇,雞髀菇,秀珍菇等)餚製而成🍄絕對係養生之選！.頂級手切牛頸脊(大)🐂呢個牛肉好正，肉脂分佈平均，牛味非常濃郁，入口即溶🤯😭高級牛果然係唔同啲！招牌手打有餡三寶丸🍢鹹蛋黃豬肉丸，鵝肝墨魚丸，黑松露蝦丸呢三隻完最出色嘅係鹹蛋黃豬肉丸，豬肉丸中間有半流心嘅鹹蛋黃，佢嘅鹹香同豬肉丸係最夾嘅。相比之下另外兩隻丸嘅餡就冇咁出，但丸嘅質地都足料，彈牙。蔬菜類粟米，娃娃菜係打邊爐必食蔬菜，呢度嘅蔬菜都好清甜，嫩身無渣🥬.最特別之處係呢度除左火鍋仲有串燒食🍢一入門口就見到一個玻璃櫥窗睇到嘅串燒位，串燒係即叫即燒架😯🍢一夜情 咁曖昧嘅名係啲咩嚟？原來係雞翼夾腸仔，一串有兩件，燒得幾香而且無骨啱晒懶人🐥🍢燒白饍皮脆肉嫩，呢個白饍肉質非常之彈牙，配上鹹鹹嘅鹽香好好味🥰最後仲送埋雪米糍🍡呢餐食得非常滿足…Read More

銅鑼灣登龍街的V Point銀座式商廈坐擁開揚市景及海景，吸引了不少高檔食肆進駐其中，所以亦難免予人是個昂貴收費地段的印象。最近筆者無意中發現有一間雞煲專門店落戶於該大廈的23樓，除了定價較貼地之外，還有川式串燒供應，而且在晚上10時後更有宵夜85折的優惠，當然二話不說上去試一下。店内裝潢新派，比一般的雞煲店來得時尚，單邊落地大玻璃遠眺維多利亞港，一望空闊增强了空間感；環境光鮮整潔，座位雖不算太寬鬆但還算舒適。造訪當晚因高朋滿座，店員為筆者和朋友安排了近門口位置的一排吧枱，雖然高身桌椅坐得不算太舒服，但世事就是如此玄妙，這樣的安排反而讓筆者能夠感受一下坐在吧台上打邊爐那種獨特的體驗，一邊欣賞店員調酒做菜、師傅即席燒製串燒，一邊淺嚐生啤品味雞煲燒物，就像在看表演一般， 為整餐飯生色了不少。先點來兩款涼拌小菜，尖椒皮蛋和涼拌窩筍，雖說是涼菜但其實十分火辣，尖椒爽脆本身辣度不强，皮蛋也不算十分溏心但仍是軟滑透彈，窩筍亦是想當然的冰清爽脆，但撈上了自家麻辣醬後，整件事就變得不一樣了，當晚只點上了中辣，入口已是一陣麻香直衝而來，繼而辣度徐徐滲出，越食越刺激，真心覺得是好辣之徒不得不試的前菜，下次筆者一定要嘗試挑戰大辣！涼菜後當然來點串燒下下酒，內蒙羊肉串醃料味道偏重口味，羊羶味不太突出，入口鬆軟香口；孜然牛肉串同樣焦香多汁，孜然香氣增添了不少風味。燒鵪鶉蛋蛋香濃厚，燒雞皮有别於日式做法，換上了川式調味，添上麻香，燒得夠乾身，香脆惹味。燒羊架，五成熟燒得剛剛好，外焦香内軟嫩，肥瘦適中還帶點羊肉獨有羶味，質素不俗。終於到招牌麻辣雞煲出場(半隻)，與一般的雞煲乾鍋有點不同，這店的雞煲是以湯鍋上枱，沒有了那濃郁的醬香但多了一份麻辣熱燙，翻拌一下湯汁發覺用料豐富，加入了大量四川乾椒、麻子、芹菜、香茜、紫洋蔥、大蔥、青椒、花椒和八角等配料，香料味頗為突出，雞件吸收了湯汁精華，肉嫩滑溜，味道濃郁帶甜，辛辣麻香，最重要是就算煮得久了雞肉也不會過老，越食越惹味，溫馨提示一下的是這店的辣度頗足，中辣也讓好辣的筆者感受到其火熱，如嚐辣不多的話記緊要注意一下，最好先從小辣著手吧。而因為已有湯底的關係，可以一邊吃雞一邊打邊爐，所以即時點來頂級手切牛頸脊，鮮紅粉嫩，油脂比例均勻，厚切夠咬口，牛香濃厚；鹹蛋黃豬肉丸，肉丸內包著大大粒鹹蛋黃，一啖咬下肉香夾雜著蛋黃香，甘香彈牙。而手工西洋菜餃則皮薄餡靚，餃皮薄滑菜餡清爽；鮮魚卜脹卜卜煙韌彈牙，骨膠原滿滿；炸響鈴豆香酥脆，吸收辣汁後更顯滋味；新鮮有膏鵝腸帶膏爽彈，脂香可口。基本上全部配料都十分到位。整餐的出品質素不俗，尤其前菜及串燒頗有驚喜，雞煲味道也很不錯，而定價在銅鑼灣來說亦算合理，加上宵夜時段有八五折優惠，難怪造訪當日客如輪轉，全場爆滿。能夠一次過望著開揚市景，品嚐即燒串燒，歎杯冰凍啤酒，再來一道勁辣雞煲刺激一下，能有如斯美饌，試問又夫復何求呢？！…Read More

今次同行既朋友揀左嚟隨變食雞煲~一出𨋢個陣個舖面靚到我以為自己出錯樓層去左美容院😂一入門口見到佢有一行吧枱可以比人飲生啤仲見到有個爐係到比人食雞煲，同可以食住串燒咁望住廚房即叫即燒🤭估唔到食雞煲都可以咁chill🤣店內環境都幾舒服，啲位好闊有大枱之餘 仲可以包房 人多嚟都唔怕😛👆🏻回味香辣湯雞煲(微辣)舖頭好細心，啲辣度分到好細，可以就番同行既朋友🙈成個雞煲份量好足料~個湯底都好惹味🤩用嚟淥之後既野食簡直冇得輸👍🏼不過煮到後期會越煮越辣，唔食得辣既朋友要留意喇🥰👆🏻頂級手切牛勁脊(大)這個不得了⭐️⭐️⭐️⭐️⭐️⭐️一嚟到見到佢啲雪花咁平均，已經好吸引😍擺落個湯底到煮一陣就食得一食落口好香牛味🤤仲嫩到入口即融咁真係好正😭😭😭👆🏻西班牙黑豚肉同行有位朋友唔食牛，所以就叫左碟豬比佢見碟牛咁驚喜 以為碟豬會冇乜特別點知又係勁香肉味🥺好嫩 可惜要留番比個朋友 冇得食太多😢👆🏻三色手打丸(碟)成個造型好正😂好方便我地每粒丸咁擺落去淥3種丸都好爽口😚同埋每種丸各4粒，岩岩好每人一粒試曬🤣👆🏻隨變粉口感好得意🧐似河粉得嚟 又有啲似薯粉咁彈牙嚟到真係值得一試🙈餐廳仲準備左個篩我地煮粉好搞笑😂第一次試咁既煮法除左雞煲邊爐，我地仲叫左啲燒物食下🤫👆🏻孜然牛肉串(不辣)又係有得揀辣度既item👍🏼好香孜然味，個牛肉仲唔會燒得又乾又韌🤤👆🏻串燒雞皮真係好邪惡🤪🤪🤪不過佢又真係燒得好正😭好脆得嚟仲好香雞皮味佢脆既口感即刻降低左個罪惡感🤣👆🏻燒芝士年糕這個芝士控必叫⚠️⚠️⚠️好煙韌🥺仲要一咬落去啲流心芝士就爆曬出嚟😍因為我地係10pm後宵夜時段入去食所以有85折，性價比真係幾高下❤️…Read More

係電視節目見到介紹此店，行開銅鑼灣附近就上去試試服務很好，一坐底就先幫我哋倒水，同即時送上餐前小食-涼伴豆乾，調味調得好好，好香麻油味，令人食完想再食下單後，去整個混醬，原來醬料吧內也有豆乾可再添燒牛舌心-燒到焦香味，外脆內嫩，入面淋到似牛肉咁師父只用牛脷嘅中間部分所特別淋滑一夜情-其實係雞中翼夾芝士腸，中翼皮燒至脆皮，中間夾芝士腸，有創意又過誘嘅一道菜不怕熱的話可以一啖一件，口感更豐富乾鍋龍躉背翅-所以乾鍋也揀辣度，有(大，中，少，微，不)，由於我唔食辣，所以揀左不辣的龍躉背翅，但仍然很野味，雖然我要求走辣，但䦿師父仍有一些麻的感覺，麻而不辣，我啱食，不吃辣人士也可一試，個味超濃，背翅肉超滑令人一試難忘另外order任何乾鍋可免費附送一個湯底，我地揀左雜菌鍋雜菌鍋-湯底本身已經好多料，有冬菇，雞脾菇，秀珍菇...所以菇味極濃頂級手切牛頸脊-起初叫了碟細，點知食落超好味，其他牛肉也不試，再叫多了碟大雪花分佈在整塊牛肉上，非常平均，所以極香滑…Read More

跟三五知己聚聚，所以隨意地點選了位於銅鑼灣的「隨變」，本以為只是一間普通的雞煲店，但後來才發現，原來「隨變」一點兒都不隨便！認真製作，材料頂盛，價錢公道！談到裝潢，尚算不錯，企理整齊，打破以往對雞煲店(嘈&雜)的觀念，而且靠窗位更是對著維多利亞港，相當高級！更設有醬料自助區，醬料由自己話事。我們所選擇的雞煲是招牌隨變麻辣雞煲(微辣)，然後再點其他配料。「隨變」雞煲的食法卻令我有點兒驚喜，以往我們都要吃清煲內的雞，餐廳才會在煲內加湯，變成火鍋。但這裡的雞煲，是「一邊雞煲一邊火鍋」，雞的味道卻沒有被火鍋的湯底沖淡，十分濃郁惹味。頂級手切牛頸脊（$188）手切牛頸脊真無得頂！牛味濃郁，肉質嫩滑，入口即溶！新西蘭羊肉卷（$198）相比牛頸脊，羊肉質感比較彈牙有口感，羊味不會太羶，易入口。三寶丸包括墨魚魚滑、蝦滑、蟹子滑，口感彈牙，但請注意，吃下去時可能會有噴汁的情況發生哈哈。炸午餐肉原來是如此美味！平日都會以午餐肉為火鍋的配料，但炸過然後再下鍋煮是如此有口感，炸過後更鎖肉汁。看見每桌都有柯打隨變粉，可知這是多麼的招牌貨，形狀像河粉，粗粗的，腍腍的。紅薯粉也是不錯的選擇，一樣有吸收濃湯精華的功效！…Read More

約左朋友食飯，兩條佬去打邊爐吹下水的確唔錯。搵左間有串燒有火鍋既，去到先發現可以食埋雞煲。坐底既時候比佢包紙巾吸引左，好少見咁好會提供Tempo。燒手工雞皮，又脆又軟，咬緊既時候仲會有啲油出返黎，並唔係乾哂。孜然牛肉串，好香孜然味，肉都好腍又有肉汁。回味香辣雞煲，我地只係叫左微辣，廢事太辣飲好多野。雞都滑，食胸都唔會太嚡。湯都好濃好夠味。奇脆炸魚皮，就咁食都脆，浸一陣湯索埋啲湯更加好味。鮮爽黑柏業，好大塊，煮完無乜縮水而且好爽口。頂級手切牛頸脊，雪花紋路好靚，食落好腍好香肉味，手切當然係唔同啲。不可錯過手工雲吞王，多蝦好足料，成粒都好飽滿，皮仲要夠薄。棍打牛筋丸，好彈牙，多汁同有牛味。…Read More

4個朋友吃飯，有人想吃雞煲，有人想吃火鍋，有人想吃串燒，真想有一隻出奇蛋，滿足晒三個願望。在開飯做功課，發現了隨變。隨變就在銅鑼灣 V point 內，雖然雞煲感覺與新商場格格不入，但進去以後我改觀了。寬敞又舒適的環境，的確沒多少吃雞煲的餐廳能做到，靠窗的位置還可以邊吃邊看風景。餐牌上的選擇非常豐富，火鍋，雞煲，串燒，也能一次過吃到。這裡吃雞煲還送紙巾，真夠窩心。隨變麻辣雞煲+酸燙豬肚雞煲 $208能夠有雙拼選擇對食客而言絕對是非常吸引，因為不用付上兩個價錢，就可以有雙重享受。選了隨變麻辣雞煲，朋友不能吃太辣，所以選了這個入門版和微辣，味道還不錯，雞煲中的配料亦充足，雞吸收了麻辣的味道，十分惹味。另一個則選了酸燙豬肚雞煲，有大量酸菜和豬肚，酸醒開胃，配上雞煲，和常吃的麻辣相比，又是另一種享受。本地手切新鮮牛 $338牛肉夠新鮮，而且份量多，也非薄切，入口口感豐富。頂級手切牛頸脊 $188雪花紋比起本地手切新鮮牛更美，灼時間比手切牛短一點，香腍而且牛肉的味道突出。招牌手打蝦丸 $48手打蝦丸真材實料，每一口都是濃郁的蝦味。招牌手打鹹蛋黃豬肉丸 $68豬肉丸彈牙，咬開中間有驚喜，豐富的鹹蛋黃令豬肉丸添加了咸香味。即炸響玲卷 $58響玲即炸熱辣辣，非常脆口而且不太油膩，即炸的溫度襯熱食就最好不過。不可錯過手工雲呑王 $32雲呑皮薄，內裡餡料十足，有大大隻蝦，難怪取名不可錯過。隨變粉 $28自家製的隨變粉，放到鍋中約三分鐘已足夠，雖然賣相似河粉，但口感更豐富，淋中帶韌。孜然牛肉串 $28出色的調味令牛肉更上一層樓，又辣又惹味內蒙羊肉串 $28用上孜然牛肉串一樣的調味，所以完全感覺不到羶味，同樣惹味燒牛舌心 $48牛舌好大舊，但入口卻不韌，非常爽口。想不到今晚一個地方就能滿足到三個願望，說它是高級雞煲火鍋店一點也不過份。…Read More