早排係將軍澳地鐵站出面見到個廣告燈箱，先知道附近屋苑新開左間火鍋店，近排天氣終於涼左即刻等唔切要打邊爐，就決定同屋企人黎試新野～講真...唔係專登去搵呢間舖都唔知道帝景灣有個商場...沿路靠住火鍋店既廣告燈箱指示先識入去...雖然沿途人都唔多個，不過黎到舖頭又有唔少客，坐滿8,9成，睇黎幾受街坊歡迎，個心都定啲！師傅話生鐵鑊平時要用麻油養住先唔會生銹，用之前會筆走麻油，然後即場爆香薑蒜頭，落埋雞件、花膠、蟲草花去炒，再落雞湯煲至大滾，迫出食材既鮮味，煲成黃金雞煲，睇落就好滋補，飲落的確非常鮮甜，4個人每人share到2-3碗，好暖胃，花膠大大塊絕對係女士補充⻣膠原既恩物，雞肉仍然好滑，食到咁上下就加清湯打邊爐～非常脆身又多肉，好正！不過有幾件較厚身就難啲熟透，好彩同屋企人食再淥過都冇所謂～粒粒都勁足料，我就比較鍾意黑松露蘑菇牛丸既濃郁香味，中間係流心黑松露醬，無得輸！花膠粒北菇肉丸好重香菇味，充滿家常菜既親切感，好岩我口味～肥牛食得多，呢餐想同屋企人食好啲，叫左最貴個隻牛肉，果然一分錢一分貨，每塊既油花都分佈均勻，所以每啖肉都好細緻嫩滑，肉味濃郁，的確物有所值，讚！另外仲叫左兩款小食～濃味牛柳粒配上芥末醬非常醒胃，牛油果夠熟所以非常香滑，配搭得宜大家都唔會搶過對方既風頭～叫個冷盤清新一下味蕾，螺肉係新鮮彈牙，不過蒜味冇預期中咁重，重口味既我都係鍾情芥末牛柳粒多啲～…Read More
我地兩個由天光打機一直打到老婆們收工過到黎先開餐，老友提議去佢樓下商場打邊爐，雖然我覺得好奇怪(因為由佢屋企望落去係完全見唔到有商店的
)。我地7點半出發經帝景灣後門穿出去，原來真係有一個商場係度
，老友提議食呢間彩興來來火鍋係商場1樓，外觀普普通通，望入去亦只得一枱客，感覺唔太靠得住
，不過既然係地膽老友推介，我同老婆都冇建議食其他。我地坐左係一張四人枱，餐廳裝修簡約燈光明亮，座位寬闊，環境唔錯。由於只得兩枱客人，店員可以慢慢介紹餐廳菜色。菜單好簡單，只有兩頁，我地揀左$188的黃金雞湯底，因為呢個湯底有兩個女士都好鍾意嘅花膠。
彩興的火鍋方式好特別，店員會先將火鍋湯料以薑蒜起鑊，之後炒香火鍋湯料再加入煲好的雞湯去熬。我地揀呢款黃金雞湯材料非常豐富，除左有半隻鮮雞之外，仲有花膠、蟲草花同鮮淮山。湯底超香濃，雞肉好嫩滑，花膠我地就上繳哂俾老婆們享用。
花膠雞湯我地每人飲左兩、三碗差唔多飲清先加湯打邊爐。我同老友都係牛肉控，打邊爐必點大量肥牛，難得小店都有提供頂級安格斯牛頸脊提供，我地當然唔會錯過啦。
為左唔食牛嘅老婆，我地點左一份西班牙黑毛豬，份量都唔少，豬肉唔太肥，肉質爽滑，黑毛豬肉味好濃，唔需要沾醬汁都好好味。呢間小店嘅自家手打丸類非常出色，我地點左一份醬爆手打丸，共四款有12粒，我最鐘意黑松露蘑菇牛丸，咬開外層彈牙嘅手打牛肉中間爆出濃濃黑松露香味，呢個配搭超正。
老婆就鍾意有柚子清香嘅柚子墨魚丸。另外點的蟹籽墨魚滑都好彈牙，不過始終都係手打丸比較好味。呢度嘅餃類都係自家製，有三款，我地點左招牌三拼餃可以一次過試哂。:) 三款之中我都係鐘意有黑松露的黑松露鮮蝦餃，自家製嘅餃皮滑溜，鮮蝦大大隻，最正係充滿黑松露醬，超級惹味。
