Running Chicken (Chiu Tak Mansion)

原來長沙灣都有好多好嘢食㗎！今日行行吓就發掘到一間都幾有特色嘅芝士雞煲。事緣係今日同老公去長沙灣買嘢，買完之後行行吓見到間野叫米走雞，好似幾得意就去試吓。格局似茶餐廳，初頭諗住質素一般，點知食落有驚喜！我哋叫咗個黃金芝士雞煲（2-3人 $178），芝士碎重要揀左激量🥰🥰 見到個雞煲真係「嘩」一聲，因為真係好大煲同賣相好靚！店員仲好細心咁教我哋點樣食，芝士味極濃，起碼落咗兩種芝士，每舊雞肉肉質嫩滑多汁，啖啖肉，而且均勻地沾上芝士醬，質素極高👍🏻👍🏻而且份量十足，食到大半已經飽飽地☺️之後仲叫咗：手切新鮮牛頸脊（小 $138）- 肉質一般，牛肉味亦不濃，不過勝在分量算多。手打五寶拼盤（半份 $48）- 呢個可以一試，因為粒粒都大粒，而且爽口彈牙，尤其特別推介蝦肉丸，絞碎蝦肉撈埋原條蝦肉，有雙重口感！❤️鮮製五拼餃 （半份 $58）- 餃子感覺冇丸咁特別，不過質素尚可，可以一試。響鈴 - 同出邊一般嘅響鈴唔同，超大條，塊皮較一般厚同韌，但又好脆，好特別呢！😋…Read More

好耐冇食過雞煲啦，今日黎到米走雞。我哋一行六人，點咗兩個煲：🧀黃金芝士(大) $238 - 米走雞叫得自己做芝士雞煲專門店，嚟到就梗係要試吓個芝士雞煲。個煲本身嘅配料有洋蔥、中芹、芫荽同落咗少量芝士碎。黎到嘅芝士好澎湃😂啲雞好滑，同芝士勁夾，呢個煲係勁啱啲芝士怪😂食完個鍋，其實仲可以加湯同加個面咪整芝士湯麵，但因為仲有其他餸，驚會食到好飽，所以就冇咁樣做，但想像下都會覺得好正🤤🌶另一個鍋係叫咗火焰麻辣鍋(大)$228，配料有辣椒乾、洋蔥、中芹、芫荽 - 我哋叫小辣。個麻辣勁夠味，麻辣同雞煲永遠都係最佳拍檔😆其他配料我哋仲叫咗：🟡響鈴全份$52 - 啲響鈴勁大隻，好少出街食飯，會見到啲咁大隻嘅響鈴⚪️蜂巢冰豆腐半份$24 - 呢個只係okay, 下次就未必會叫🐮手切新鮮牛頸脊$228 - 新鮮又嫩！🐑蒙古羊肉片$148🦆鴨血$43 - 鴨血建議一開始就落，去到最尾先食，如果唔係就會唔夠入味🥟鮮製五併餃$108🍄雜菇拼盤$44🐟炸魚皮$48🐟脆鯇腩$98🟡豆卜半份$20🟤木耳$34整體質素都好唔錯，配料都好新鮮。如果食雞煲，呢間都係一個唔錯嘅選擇！…Read More

星期日既夜晚，一定要食番餐好，嚟緊一個禮拜先有力做野，好想食芝士雞煲，而米走雞既芝士雞煲不嬲最多好評，所以山長水遠去到長沙灣食裝修都好骨子👍🏻👍🏻👍🏻選擇好多黃金芝士雞煲 （$178）雞件好多，芝士味好濃，每件雞件都跟住啲芝士絲🧀🧀🧀食完雞煲再加芝士湯打邊爐！正！新鮮手切牛肉 （$208）雪花好均勻，入口即融，一睇就知係靚貨🥩🥩🥩脆鯇片 （$88）魚片好爽脆，食得出係新鮮貨!魚蟹子墨魚滑 （$88）手打既墨魚滑係特別爽口彈牙！最後要大讚呢樽竹蔗矛根，好清甜，減低又油又滯既感覺！…Read More

呢幾日天氣又開始凍返,最岩就係⻝雞煲。之前經過旺角分店見到好多人排隊,但今日行開⻑沙灣搵⻝見到呢間「米走雞」竟然可以即刻入去,實在太正~門口地下投射咗「米走雞」嘅logo,好得意。入面唔算好大,但空間好闊落,坐位舒適。而且餐廳嘅設計用心,係有特色嘅中國風。餐牌只有一張,左上就係揀雞煲款或者火鍋底,其中「黃金芝士」同「火焰麻辣」都係重點之選。今次就揀咗「黃金芝士」,仲可以揀5同程度嘅芝士量,咁熱愛芝士嘅我當然叫咗激量啦!!!張枱紙上面印咗d雞煲配搭嘅推介,同埋⻝法,睇清楚,跟住⻝就岩架啦~個煲落完單好快就黎到。2人份量都好大煲好足雞,入面唔只一種芝士,而且係鋪到滿一滿嘅激量芝士,溶咗之後說完全覆蓋係上面,每舊雞都痴滿芝士,係多到可以拉絲,極邪惡!愛cheese之人,必叫!一煲有超過15件雞,而且件件都好大舊,仲要勁嫩,一d都唔老。2人份量都係$178,的確幾抵。除咗雞同芝士,仲有大量大大塊嘅洋蔥,都幾鮮甜,仲可以沾d芝士一齊⻝。⻝到差5多無哂雞就可以同店員講要加湯,本來以為同出面一樣會加水或者清湯就算,但呢度加嘅係濃濃嘅芝士濃湯,撈埋雞煲d芝士個火鍋又lv. up咗~ 而且d店員好好,滾咗一段時間見我地無湯,會主動幫我地加湯,又會叫我地小心彈到。未加湯前不時會睇下我地個煲,幫我地調教個火,讚!仲叫咗黑松露蟹子魚面($148,(大)特級雪花肥牛($198),鮮炸響鈴($52)。響鈴大到不得了,一件係平日出面⻝嘅3倍,而且質素很高。黑松露蟹子魚面係要自已擠落個煲到嘅,d蟹子面好彈牙,又真係⻝得出有黑松露味。最估唔到嘅係佢有碟仔原黑松露蟹子醬,就咁夾黎⻝都好正肥牛黎到就覺得佢排得好靚,⻝落唔覺得有根,牛味重。…Read More

同其他朋友講今晚去食芝士雞煲，十居其九既反應都係話仲有人食既咩，一般般咋喎講真，我都只係係佢一開鋪，仲係得長沙灣店嗰陣食過兩次，但我覺得兩次都好好食所以見依排凍冰冰就即刻book嚟再食，冬天打邊爐/食雞煲已經係人生一大樂事，芝士雞煲簡直係將幸福昇華都差唔多成兩年無去，原來已經搬左鋪位雖然新開左好多分店，位置都比較方便，但有種情意結，就係要食就要去第一間開鋪嗰間所以就同朋友放工之後入左嚟長沙灣一入到去，感覺完全唔同我印象中明明係好逼既，但依間好闊落，每張枱都隔得好遠，仲有卡位坐好驚喜，坐得好舒服無論一大班人定兩口子嚟食，都可以坐得舒舒服服坐底就無謂諗咁多，兩個人就嗌左個細既芝士雞煲先真係太耐無食，連佢個整法變埋都唔知😂😂等啲芝士溶左就食得芝士好好味😭😭我覺得就咁食都唔會太漏雞件大大舊又多，絕對係三個人既份量嚟依個整法食落有少少韓式既味道，我覺得芝士比以前更加濃郁同好食媽啊，咁凍嚟食，真係每啖都好幸福😭連加湯打邊爐都係加芝士湯就咁飲，我都覺得好好味😂我個人就覺得唔算漏，啲芝士味道適中朋友都係食到後半，先覺得頗漏，所以女仔嚟既話，要好好衡量嗌幾多嘢食唷我地就嗌多左四樣嘢食嚟打邊爐雪花肥牛($128) 點可以唔嗌打邊爐既好拍檔肥牛擺盤擺得靚，已經贏左唔少分😂夾上嚟又唔會痴住一舊舊，每片都差唔多厚薄食落牛味重，唔算太肥，配埋芝士真係食到停唔到午餐肉 ($22)朋友既至愛-午餐肉😂午餐肉同芝士又係好朋友嚟，加埋一齊點都好食手打墨魚丸($68) 食落幾彈牙同一般任食邊爐既墨魚丸完全無得比響鈴($48)依個同芝士雞煲真係超級好友😭😭一浸落去就吸晒啲芝士，再咬落去，啲芝士就入晒個口，真係幸福既感覺😭😭😭兩個人埋單五百蚊左右，食個特別既雞煲嚟講，都算可以接受環境坐得舒服，職員服務都唔錯份量唔少，叫多啲人嚟就可以試多啲唔同款最最最重要就係佢依家個芝士真係好好味😭濃郁得嚟，食得多都唔會漏短期內，趁天氣仲凍一定要捉朋友再嚟過平日夜晚嚟都full晒，要記得book枱，我地兩個人都可以坐四個人既卡位，坐得舒服啲…Read More

吃火鍋, 大家都會選清湯, 因為能突顯出配料的原味, 而我這次會反其道而行, 點了一個濃味的沙爹湯;雖然這個是沙爹湯底),但沙爹味不太濃, 輕輕的沙爹味, 隨著火力全開不停翻滾著, 裏面的豬皮厚厚的, 一大片, 混以沙爹醬, 十分惹味;我們點了不同的配料, 西班牙黑豚肉,  大大片的黑豚肉, 軟滑無比, 淡紅色的肉, 雪白的肉筋及油, 配合得宜, 肥瘦適中; 滾了一會兒, 吸收了沙爹的香味, 為淡淡的豚肉, 增添了另一番風味;而這裏的響鈴, 也是一絕; 金黃色的響鈴, 比起外面的, 較厚較脆而且不易軟; 把響鈴輕輕一浸, 吸收了沙爹香, 仍然十分香脆;而午餐肉, 午餐肉厚切, 味道平凡, 沒有甚麼獨特;鮮蝦雲吞, 一份有8粒, 每一粒都十分大粒, 用料飽滿, 雲吞吸收了沙爹味, 蝦味依然濃郁, 爽口彈牙;沙爹鍋, 有些人喜歡吃濃味, 有些人喜歡吃淡味, 而我較喜歡吃淡味的, 因為能使淡淡的配了加上一些點綴, 而且也不會掩蓋食材的味道。 …Read More

一直都想食呢間既芝士雞煲好耐，今日終於有時間同朋友黎。餐廳分左2邊，每邊得幾枱所以都唔會好迫，入面都唔會油淋淋一大陣味，坐得好舒服。由於我地得2個女仔，所以叫左個細煲，點知份量我覺得可以比4個人食！老闆話佢地只會用雞脾肉，件件又大又嫩滑，真係同一般其他雞煲既細細粒，又冇乜肉既雞粒差好遠！除左大大嚿雞，仲有d洋蔥塊，乾蔥粒同蔥段起鑊，當然唔少得另一個主角芝士啦！芝士既份量都好足，做到拉絲效果其實咁多芝士話唔會濟都呃你啦，但食完雞煲之後加左d湯稀釋左就得翻淡淡芝士味，唔會愈來愈漏，可以繼續下半部分打邊爐！我地2個叫左好多料，包括一碟細既手切新鮮牛頸脊，牛肉肥肉分佈均勻，手切既厚度岩岩好，比平時食既肥牛更濃牛肉味，更有口感，十分推薦！另外仲叫咗唔同嘅蔬菜，包括翡翠苗，豆腐同雜菇拼盤，每樣都份量適中，好新鮮。而除左手切牛之外，另一推介係響鈴。睇圖都見到佢比平時個d大條好多，炸到非常脆，浸一浸落d湯到索哂d芝士味好正！仲要一碟有6條，非常抵食！整體來說，絕對會再encore既抵食店！…Read More

香港人中意打邊爐，任何季節，任何時候，人多與人少，都可以打邊爐。而雞煲更可以話係邪惡化身，佢比打邊爐嘅湯底更惹味香口，更加容易食上癮。但今日，我同朋友兩個人，決定去打大佬，就係食芝士雞煲。我地我兩個人都係芝士迷，又係吃貨，任何有芝士嘅美食當然不能錯過。芝士雞煲比芝士火鍋吸引，因為一開始雞煲嘅香料本身已經好惹味，再加上食完芝士雞煲，用呢個湯底打邊爐，揀自己中意食嘅食物，比起一般不外乎沾麵包、香腸更為啱合味。當中邪惡之最，一定要選響鈴。一下浸入個芝士雞煲之中，沾滿黃金色芝士醬，真係好味加罪惡感爆登。不過呢啲咁邪惡嘅野，奉勸大家少食多滋味。真係有腎病病人食完雞煲第二日就bye bye喇，各位量力而為啊。…Read More

趁著天氣轉冷，是時候相約朋友吃火鍋啦！鍋品之中，我最愛的是雞煲，加上芝士，真是令人難以抗拒！這家是芝士雞煲的始祖，要食當然要食始祖啦，於是趁著早放工，便來試試！因為今日是平日，到達時只是6時多，所以幸運地等了十多分鐘便被安排入座了。這裏的雞煲有2款，黃金芝士雞煲或火焰麻辣，而我們選擇了馳名的芝士雞煲！因為我地只有3人，所以選擇了2-3人份的細煲$148. 很快地，侍應已遞上芝士雞煲，置於爐上加熱，面前的雞煲份量十足，每舊都是烙得金黃，淋上濃稠的特製芝士茨汁，上面再撒上大量未融的芝士粒及鮮紅蔥和洋蔥，令人食指大動！不消一會，雞煲已滾起，濃烈的芝士味香撲鼻，忍不住夾起一塊試試。雞塊多選取的雞脾肉，外面微焦，內裏嫩滑，每塊雞塊都裹著芝士汁，每一口都是味覺的享受！當雞塊被消滅得七七八八，便開始加湯享用其他火鍋配料了！而湯不是普通清湯，而是特製芝士湯，確保不會溝淡芝士味！這兒的火鍋配料選擇亦不少，而且選料認真、新鮮，亦不缺創意！響鈴吸收了芝士汁，正！要說說的是新鮮牛頸脊（$188小份），非常有牛味，是爽口的質感，不會韌！配合芝士湯底亦很美味！竹笙墨魚滑（$88）亦不錯，竹笙吸收了滿滿的芝士汁，墨魚滑亦爽口彈牙！手打芥末墨魚丸（$58）， 墨魚丸中釀入芥末，有創意，不過如果加多些芥末會更好，我們接受到更嗆辣的！蒙古羊肉片 （$98），這碟羊真的非常非常有羊味，夠羶的！我愛羊的朋友忍不住吃了差不多整碟！吃到尾聲，我們加了個公仔麵和鳥冬，吸盡芝士湯汁及配料精華，另加兩片芝士，將美味昇華至極致！最尾埋單九百幾， 3個人食到好飽好滿足！ …Read More

一行二人放工到此店等位，時關打電book 枱話已full,要walk in waiting! 6:45 等到8:00 都唔係太長時間！但附近冇其他店舖可逛，所以只能呆坐門口等！坐低第一時間叫咗個「芝士雞煲」，黎食都係為咗佢！其實有95%人都係食佢！味道都算可以，可能我鐘意食芝士！其他叫了竹苼、牛肉、響鈴、冰豆腐、魚歡喜（墨魚餅）。。係墨魚餅尚算可以，其餘都好普通！不過個響鈴真係麻麻，食咗兩條全個冇食！可能個芝士鍋頂住咗，唔係太好就唔想食…Read More

已經聽過好多人介紹這間食芝士雞煲，上次來大排長龍，所以放棄了等，這次早一點來，人比較少但都要等一會，實在太受歡迎了。 終於食到馳名的香濃芝士雞煲，當然叫個大size （$188），一開火香味撲鼻，上面放了紫洋蔥，必少看它，當吃到最後便知道這是精華所在。講返個芝士雞，肉質勁軟又入味，雞肉容易撕開，連我不太愛吃肉也舉手大讚，太棒了。芝士雞吃得七七八八，便開始放配菜，先吃點素類，我們點了響鈴（$38）、芋絲（$28）、三菇拼盤（$38），這些都正正常常，沒有太大驚喜，但吸收了芝士湯，味道很夾，特別是芋絲無敵吸味，我吃了一大半，哈哈！另外當然不少得食肉獸的朋友們最愛的蒙古羊肉片（$98）和豬頸肉（$68），羊肉片色澤很新鮮，肥的比例很好，配埋芝士好好味。豬頸肉肉質爽口，味濃可口。丸丸類也是我吃火鍋很愛吃的，有手打牛丸（$58）和手打墨丸（$58），牛丸彈牙又鮮味，仲加入粟米粒好有口感。而墨丸非常特別，裡面放有wasabi 味道出奇地夾很好味。另外仲有竹笙墨魚滑（$88），竹笙爽脆配彈牙墨魚滑，特別的口感，不錯。其實已經食到超飽，但朋友說不能少得出前一丁加芝士（$12+$10），我心諗已經芝士湯底仲加芝士好重口味，但食落果然好正，條條麵都夾雜著芝士，而且吸收了整個鍋的精華，好吃得不得了，完滿結束。…Read More

跟朋友食過這裡的雞煲，覺得很值得推介，所以一直很讓家人來試一次。可惜上次來到的時候大排長龍，所以這次懂得預先訂，輕輕鬆鬆八點半便能享受我們的雞煲。其實這裏的芝士雞煲和麻辣雞煲我同樣喜愛，但由於媽媽不能食辣，於是我們便點了芝士雞煲。先來一個香濃芝士雞煲(大)($188)，雞塊分量超多，加上大量芝士和洋蔥，已經令人食指大動。雞件原本已經熟了，但還是先煮一會讓其更入味。雞件都是多肉少骨的，而且每件都是雞脾肉似的，十分嫩滑。就算在鍋裏多煮一會兒，也不會變老。雞味濃郁，全無雪味。雞件食得七七八八時，店員便為我們加上芝士濃湯以作打邊爐之用。由於爸爸不食牛，於是我們便點了蒙古羊肉片($98)。羊肉顏色鮮紅，十分新鮮，而且稍為厚切讓羊味更為濃郁。豬頸肉($68)亦同樣新鮮，十分爽口。手打墨魚丸($58)和手打牛丸($58)。很喜歡這個手打墨魚丸，十分特別，咬開裏面竟然是Wasabi醬，但一點也不會刺鼻，反而淡淡的Wasabi香味更能刺激食慾。手打牛丸內加了粟米粒，增加了口感層次，而且食得出新鮮牛味。竹笙墨魚滑($88)。把墨魚滑釀在竹笙內，有趣的配搭。煮熟後的墨魚滑十分彈牙，同時竹笙吸收了芝士湯汁的香味，是一個很特別和好味的配料。除了肉類外，少不了的當然還有蔬菜類。這間火鍋店最好的地方就是大部份配料都可以選擇一份或半份，令客人可以多做不同的選擇。三菇拼盤($38)，芋絲($28)，生菜半份($18)蘿蔔半份($15)，豆腐半份($15)。當然少不了響鈴($38)，爽脆的響鈴加了香濃芝士湯汁，十分惹味。就算食得再飽，食這個芝士雞煲還是一定要點一分烏冬($18)和出前一丁($12)，記得別忘了多點一片芝士($10)。熱力把芝士溶掉在出前一丁上，加上芝士濃湯，麵條把這個芝士湯底的精華全部吸收。十分邪惡的一個結尾。一家四口食到十分滿足，每人才不過$200，十分抵食。而且這家雞煲能把水準保持得很好。第二次來到還是吃得到第一次的感動，而且不時會有創新的配料(如Wasabi墨魚丸)推出，讓人會有回顧的念頭。看眼前的芝士雞煲，立刻把減肥的計劃都忘記得一乾二淨。不過吃完之後真的覺得十分值得。…Read More

差不多每個月都約實一些朋友相聚當中有朋友食過芝士雞煲就向我們推薦,而個人又喜歡芝士加上長沙灣又易去,所以決定這間早一日同whatsapp去book位,當天更致電給我確認(可我2次call都miss了)幸好再在whatsapp確認訂了8點半,但仍要在門口等一段時間等位期間店員先給我們menu,說會預先order入座後雞煲很快就到很快就熟!一開蓋就有香濃的芝士味湧出!每件雞肉都沾滿芝士汁,還有淡淡的奶香味雞肉很鮮和嫩配上濃郁的芝士而洋蔥的量就比較多,香味都很明顯!響鈴很能吸收芝士湯汁!!!而金茹菜的味較為淡,但不錯!蜂巢凍豆腐-我跟朋友都以是蜂蜜凍豆腐還在想為什麼沒有蜂蜜味但原來是外形像蜂巢,食落軟軟的很可愛魚歡喜(墨魚滑)很彈牙,但實物比較細條龍蝦丸都很彈牙,而且還有蟹籽在內!很喜歡那口感!而牛柏葉看似量多,但一放落煲就立即縮水個人覺得肥牛不太合我意,可能脂肪的分佈比較多當然最後加了出前一丁原來出前一丁麵才是終極boss每條麵都吸收了芝士湯的精華!口感極為豐富回味無窮有點後悔沒有加芝士..但這邪惡的想法只有我一個…Read More

　　米走雞最出名的莫過於芝士雞煲。提及此家，就想起上年有幸獲邀試食，但最終告吹。因為當時店方用Hangout通知，我沒有注意到，結果一個月後才發現。其後一下子跟朋友在半個月內吃了三次雞煲，就已經滯厭。然後現在，為了這個特色芝士版本，還是放開懷抱去大吃一番。　　環境就是一般茶餐廳那樣，頗為狹窄。沒所謂，不是自助形式，不用走來走去，方不方便都唔關我地事。只需坐定定係度，咩都唔使做。衛生方面感覺還好，感覺是算清潔，至少坐得安樂。又唔見有好多飛蟲之類的，我也沒有敏感啦。不過位就真係唔多，要大棚人去既話等都未必有，都係訂位算啦。　　餐桌墊紙印上了雞煲進食教學。先是以大火煮滾，調至細火食雞煲，實情是我們關火了XD雞件打後就加湯，進入打邊爐一環。　　餐牌當然是有各式各樣的火鍋料可供選擇。我中意佢有好多款都可以揀要全份定半份，俾多個選擇客人。就算大食既，可以點半份，試多啲款式。而右上角有一區列出了推介配料，就係店方認為同芝士雞煲最搭既食材。基本上都係好大路既響鈴、出前一丁……特別在於可以加芝士，要是希望芝士味更濃，或是芝士香被骨湯沖淡，都可以嘗試調番好個味。但固然係要加錢架啦，盛惠$10。　　側邊有鐵架可以放食材配料，唔使放哂上枱咁狼狽。數層設計，可以放多幾盤，連飲品都得。同時可以分隔開兩枱，不失為一個貼心的設計。黃金芝士雞煲（小）　$128　　上桌的時候還是蓋著蓋子，看到的只有鍋內的水氣霧氣。等及水滾，迫不及待揭開蓋子，大力索盡芝士濃香。的確物如其名，黃金的誘人芝士色澤盡收眼底。　　雞件是非常的澎湃．就算是小鍋，也是大方足料。表面的乾蔥呈紫白色，看上去有如片片花瓣，自然不過。沒有嗆味或是青味，只有強烈的清香，十分醒胃。邊吃芝士雞件，邊配乾蔥碎段，惹味非常，且膩度大減。　　芝士緊緊裹起每件雞件，稠稠濃濃，不是稀身如水的。沒有牽絲，因為芝士品種不是靠此起家的。而是其濃郁的奶滑感，以及金黃微鹹的滿足滋味。配上稔香不油膩的雞肉，絲毫沒有違和感。就如平日食炸雞沾點芝士醬，根本就是絕配！　　雞肉件件多肉，沒有很多碎骨，食起黎方便。雞肉肉味普普，至少沒有雪味及腥味。雞皮薄身不肥膩，皮肉之間不見雞凍，並非肥油香雞。原本的肉香比較清淡，芝士味道就更為突出。　　消滅雞件之後，若是仍然夠水，就直接打邊爐唔使加。因為另加的湯是骨湯，用的不單是雞骨，也有豬骨等。雞味就愈是輕淡，而芝士也會沖稀。建議整煲只留三分一水份，以及用細火，那麼芝士香氣就沒那麼容易消失。手切新鮮牛頸脊（小）　$168　　色水新鮮紅潤，加上油花分佈均勻又細緻。片片切得厚薄相約，帶微微厚度，煮熟後更易嚐到其味道質感。鋪放在小碟之上，看上去不是大堆頭，底下也有用菜絲墊起。不過細數之下都有八片或以上，兩人分食也是可以的。　　輕輕煮至剛熟的啡棕色，不沾任何調味已經足夠。餘下少許芝士及骨湯香味也算夠味，再沾只怕苦了味蕾。牛肉肉香濃郁甘腴，豐潤之餘不會油膩。肉質稔軟不爛，少許厚度讓其入口不柴不老，亦保有點點水分肉汁。豬頸肉　$68　　豬頸肉卷得有如花狀，單是上碟都有花心思。看上去每片薄身，有如泰式燒豬頸肉一般。想著想著，已經忍不住要一次過淥哂佢XDDD　　誰知熟透之後肉片收縮，加上卷花造成的錯覺。原本看上去薄薄的，現在卻成厚厚一塊。質感紥實而帶彈性，頗韌，不過未至於咬不開。嚼勁豐富，咀嚼之間濃濃的豬肉鮮美肉香及脂肪油香全滲於口腔中。友人認為太過硬身好滯，我就認為味道是不錯的，薄切一點應該更佳。魚歡喜　$78　　聽到呢個名就令人不禁聯想起低俗喜劇當中的牛歡喜。這個當然跟牛歡喜沒有關連，只是名字上取個噱頭而已。大概不用多作解釋也明白，歡喜是指其裝飾形象。　　墨魚滑塑成魚形，白而透亮，有點像賀年糕點好了。另加上橙色晶瑩剔透的蟹籽作點綴，魚頭位置點上笑臉，就成歡喜。墨魚滑放進鍋中滾熟，上面的蟹籽黏得緊緊，不算太過浪費。而墨魚滑彈牙爽口，沒有任何黏牙感，也帶點墨魚清香。微韌，嚼下去不黏牙縫，不時有脆脆的蟹籽作伴。可惜是鹹了些少，調味似乎重手左，加上湯底又濃味，感覺有少許負擔。蜂巢冰豆腐（半）　$18　　這裏的冰豆腐是真的雪至結冰，奉桌時就是數塊大冰。不用等到溶冰，我們直接拋進鍋中。任由熱鍋將冷冰化掉，直至蜂巢豆腐露面。　　說到是蜂巢豆腐，重點就是表面的格格蜂巢紋理。此店的豆腐比較老身，未有平時打邊爐食到果種既細密。但紋理就明顯易見，也頗有嚼感，粗糙的質感反倒是頗有趣。雖然不是細滑版本的吸汁，但粗疏的格紋卻很掛汁。若果剛好食完芝士雞件要打邊爐的話，可以試下一黎就落呢款。響鈴　$38　　一份份量不少，與人分享才不覺過份膩滯。透薄香脆的響鈴似乎也是外購貨，不是自家即炸的。那麼質量之類也不多說了，反正就是豆香微薄及脆身帶油這樣。不過若是剛食完雞件，放響鈴來吸盡芝士香氣。或者喜歡大骨濃香的，其後用以收附湯汁，也無不可，隨你喜好。加多寶　$12　　打邊爐飲涼茶是常規吧？只是餐牌上寫的是黃（王）老吉，來的卻是加多寶。不但名字寫錯，連來品也是有別，有點無奈……　　尤其是對侍應說要加多寶的時候，她堅持說是王老吉。因為我不太喜歡別人出錯卻是說成像是我有問題。雖然只是極小事，但我都會好介意。無論事情大小，堅持的原則信念不會改變的吧？你大可以說我脾氣差，我認。…Read More

有天突然心血來潮想吃雞煲，但朋友又不想吃辣，在OPENRICE找到長沙灣的米走雞有自創的黃金芝士雞煲，看似蠻特別的，決定一試。雖然桌與桌之間沒有太多空間，不過坐得蠻舒服的。雞煲來到之後等大概5-7分鐘後便可吃，因為雞件都已經熟透了，可以先食雞之後再加湯底打邊爐。雞肉嫩滑，而且很掛汁，整塊都沾滿了濃郁的芝士醬汁，融化了的芝士非常香濃，而雞煲中更有洋蔥，香甜惹味。手切鮮鮮牛頸脊牛頸脊的肉質比較結實，很有嚼勁。白鱔片長條狀的白鱔片，厚度適中，有口感，而且爽脆鮮嫩，不過鮮味不足，大概是被芝士味蓋過了。魚歡喜外型令我想起新年的年糕，體型細小蠻可愛的，而且用橙色的蝦子扮成眼及笑容，賣相甚吸引。不過魚滑當中混合了點肥豬肉，口感不及其他魚滑爽口，有點結實。響鈴一放湯就馬上變得軟腍，趁外層有點脆就馬上拿起，充滿芝士湯汁。娃娃菜，生菜肉類過後，點些蔬菜類來平衡一下吧。金菇當中金菇掛汁能力最強，沾滿了濃郁的芝士醬汁，芝士迷一定不可錯過。出前一丁看到大家都熱烈推介出前一丁加芝士，我也點一個來試，把芝士放面再加上芝士湯底，感覺有點像芝士撈丁，再加芝士後令個湯底十分結身，每一條都沾滿了濃厚的芝士汁，但吃到最後有點咸。原本還怕芝士雞煲會有膩感，誰知竟然沒有滯膩感，不過吃到最後有點咸，如果湯底淡一點會更好，但我非常欣賞餐桌旁邊有一個食物架放置食物，有時兩人去打邊爐，點了很多食物但根本沒有位放置，要盡快清空餐桌真的有點趕，但這兒有食物架就可以讓大家慢慢享受，這個安排非常不錯，超讚。「你當我那夜突然渴望被需要即使我能沒有你　可惜那時心血正來潮你當我那夜突然正陷入最低潮應該笑而沒法笑　才想對你哭一秒為甚麼當冷鋒吹過我便醉倒為甚麼跟你傾訴原本想你知道　相不相愛也好如果愛抱便抱」…Read More