Ming Kee (Iau Kin Building)

昨晚去吃潮州菜，一家人出街吃，天氣很熱大家想吃涼一點東西。在荃灣鱟地坊68號明記潮州菜館見到啤酒特惠，同滿$300送鹵水拼盤非常吸引地方酒家一樣，有電視，衛生美觀。姐姐服務很友善，枱上有小食泡菜(韓國?) 炸小魚仔……不像潮州菜 但味道不錯，哈哈!我們選了細蠔仔肉碎粥 $58 材料很多，蠔仔肥美，有大頭菜，有肉碎，有芫荽，香味一流! 份量約5-6小碗。 鹵水鵝片 $118 鵝片入味軟綿綿，不錯。底有2大件豆腐，切共8件!白飯魚煎蛋$88 有驚喜，白飯魚好香又大條，啖啖肉，蛋香而邊脆……韮菜豬紅 $68 超大碗，同蠔仔粥大細一樣呢……呆了! 最後外帶，因為吃不完滿300，送鹵水拼盤有芽菜放底，紅腸，鵝腸，墨魚，豬耳，豬頭肉，豬腸，豬腩片……適合貪心的人，重點是免費的值得再吃潮州店，經濟實惠! 份量充足! 幾個男人喝啤酒談天完全一流!…Read More

同朋友去完渡假屋玩再直落唱K之後搵下有咩地方可以食飯朋友們都好想去食下打冷同食下小菜，所以今次就帶黎到明記試試佢地嘅小菜啦小妹就有時都會黎食下，但係呢班朋友仔大部分都係第一次黎到呢個食，佢地個個既評價都好好！話平靚正完全係抵食！今次我地一行8人，大概7點半左右無BOOK枱，但唔緊要，去到大門口同職員講聲幾多人，佢地會話你知去新定去舊果邊而我地就去咗新果邊，係門口轉左行見到有條樓梯，上一層就可以到架啦！我地8個人叫咗7道菜，送菜方面極快！而且真係熱辣辣咁上菜，絕對係快﹑靚﹑正！所有菜既賣相同味道都好好，又唔會好咸又唔覺重味精！份量方面都好足！而家可以介紹下今次叫每道菜嘅評價啦！1. 蠔餅其實小妹今次對呢個蠔餅有小小失望嘅平時又大份，食會好脆又夠料，但今次淋咗啲！食到好多粉。不過都係足料，希望下次再食嘅時候可以食返又脆又多蠔嘅蠔餅啦！2. 滷味拼盤呢個滷水拼盤入面有好多料！基本上你想食到嘅滷水食物都會係晒入面～ 重點係平時其他地方可能好夠滷水味但會食到好咸要係咁飲水，但呢到會岩岩好，唔會好咸而且好有滷水味，有好打冷既感覺！唔錯唔錯！3. 沙拉骨沙拉骨朋友仔都好快食晒，因為真係好好味！小妹就好中意好重沙津味嘅沙拉骨，甜甜地好配合半蒸炸呢種嘅排骨，送飯一流！4. 韮菜豬紅呢個必推！大大碗都只係60幾70蚊，一啲都唔貴！豬紅好夠味！韮菜方面因為我唔食，但朋友們都好中意食，所以小妹呢到就唔講啦～5. 啫啫生菜煲呢個又係必推，好多人都會簡食通菜，通菜的確好好食，但我地今次就簡咗生菜！生菜爽淋好入味，用煲既感覺就好似食幾耐都可以保存住菜繼續熱！讚6. 蠔仔粥(大)蠔仔粥係多人打冷一定會點嘅菜之一，而呢到嘅蠔仔粥好足料，我地8個人完全夠分，男仔朋友仲可以食多一兩碗！7. 椒鹽鮮魷呢個一黎到就比我地清晒，連影相既機會都無咗始終炸野都係岩一聚年青人哈哈！好脆好好味，但會咸咗小小！今次每人加埋只係每人$100岩岩好，完全係抵食之選！…Read More

本來琴日想去沙田大排檔,但因為太遠所以去左試下荃灣既大排檔-明記.入到去見到個個人都叫左蠔餅同豬紅.咁我就叫左黎試下啦.之後仲叫左一碟好似幾出名既螄蚶. 蠔餅黎到既時候一試,果然值得每人叫一碟, 蠔既份量十足得黎,蛋槳又岩岩好份量. 而且蠔亦都夠新鮮,價錢又唔係貴.十分值得一試. 到左韮菜豬紅, 又係一道物超所值既菜色. 豬紅做到入口即溶,份量又多,而且韮菜吸晒豬紅同個湯既味, 可以講係冇得輸.但到左個螄蚶,可能係得食唔慣既關係,我覺得佢唔係幾易入口,但係其實都唔錯.相信如果中意食海產既都會中意食. 總括就係明記價錢合理 可以值得大家去試下.…Read More