喺屯門市中心有好多嘢食，要食韓式炸雞同烤雞，我一定黎呢間。餐廳喺屯門時代廣場，地下行過去嘅話，喺正V City對面，好易搵鋪頭由韓國老闆主理，正宗不在話下，重點係份量足，用料新鮮。食飯當日，都有韓國人幫襯，就知呢度連韓國人都like👍🏻我哋今次點咗：🛸 UFO芝士火鍋 (無骨) - 呢個芝士控必點! 😋呢個芝士火鍋一共有6款烤雞可以揀，我哋揀咗甜辣烤雞同蜜糖蒜香烤雞。上菜時，見到一個UFO形狀嘅鍋。呢個UFO形狀嘅鍋，中間半圓型凹咗入去，載住滿滿嘅芝士，鍋嘅側邊就排滿晒烤雞，睇到都覺得勁滿足🤩店員拎黎時，會俾我哋打咗咭，影咗相先，到個鍋燒得咁上下，佢就會黎幫我哋炒芝士。店員一路炒，就見到啲芝士有幾煙韌同痴纏，而且一路炒，一路會聞到芝士香🧀對芝士控而言，見到呢毎畫面，真係未食都先興奮！炒完後，就可以用烤雞點黎食，烤雞惹味，再加份量極足嘅芝士，成件事真係勁夾！一路食一路覺得點解啲芝士咁香，睇返menu，先知佢唔只用咗一款Cheese，而係三款呀！！佢係mix咗車打芝士、Mozzarella同Grana Padang巴馬臣芝士🧀🧀🧀 無論係芝士控定食肉獸，都一定會好滿足！😋😋😋🥚韓式雞蛋卷 - 黎到韓國餐廳，叫個紫菜包飯係基本啦😌😌呢個雞蛋卷，其實就係用蛋皮包住嘅韓式紫菜包飯，佢嘅餡有青瓜、醃紅蘿蔔、餐肉、紫菜同我最愛嘅芝士，又係一個冇得輸嘅組合😍上菜時仲會跟埋個芝士醬，勁正同惹味！🦈 鯊魚之淚 - 呢杯嘢飲係mix咗檸檬同桃嘅飲品，有酒精版cocktail或者冇酒精版mocktail可以揀，都一樣正～～仲有個小小嘅鯊魚擺設喺杯飲品度，極IG-able😆🍹西柚韓式米酒 - 去韓國餐廳，點米酒是必需的😌餐牌上有三款，今次就點咗呢款，順便補充下維他命C😆值得一提嘅係，餐廳店員極nice，食得滿足，坐得舒服又好食，已經諗好咗下次黎屯門食烤雞或炸雞都會揀佢😋😋😋…Read More
。韓式雞蛋卷先黎個韓式雞蛋卷，賣相好靚，蛋卷中間包住醃蘿蔔，青瓜，酸酸甜甜又幾爽脆，本身都加左芥末醬同茄汁，另外仲有份芝士醬俾我地另加，食落係唔錯既，不過餐具得叉就有d唔太方便，用筷子會好d
。UFO芝士火鍋今日既主角就係主要食呢份芝士火鍋烤雞，雞可以揀2種味道，我地要左果味醬油蒜香烤雞同甜辣烤雞，各8件一共有16件雞，上枱時店員會幫我地溝勻d芝士，再自己將d芝士加落雞度食，非常邪惡，店家用既係烤雞不是炸雞，食落會無咁熱氣，同埋烤雞既火候控制得好好，外皮香脆內裡都唔乾，果味醬油烤雞比較好，甜甜地，甜辣就得個甜字食唔出辣，想食辣既朋友就揀另一隻火山烤雞吧。牛排沙律上得最慢既一道菜，沙律就比較普通無咩好講，牛排本身係幾靚，肉味都好濃，不過well done左，扣晒分。鯊魚之淚我要有酒精，老友要無酒精，飲落非常之甜，無酒味，打下卡可以，88蚊杯太貴了。濟洲橘子茶老友B揀杯熱飲，佢話好香橙味，唔錯喎。3個人叫左3份野食，主要係烤雞份量多所以好快濟，食物質素係唔錯，環境都好韓國feel，價錢方面相對係偏貴，同埋有樣幾奇怪既係聽到隔黎枱食食下想加單時店員話繁忙時段唔俾加單，想加野食都唔俾令我覺得有d怪，除左呢點外整體都ok既。
