炑八韓烤 (瓊華中心)

Open Now

Now Closed

靠海的釜山是韓國第二大城市，盛產海鮮，留港的日子也可以味覺出遊，同時品嚐韓牛燒肉和釜山海產。餐廳面積寬敞，抽風系統做到足，不會燒到煙霧瀰漫。今次就點了期間限定的釜山海之旅行套餐 $698，份量足夠2人享用。吃韓國菜，當然少不了一碟碟韓式前菜，令人胃口大開，除了麻醬沙律之外，小碟前菜可以隨意添加。麻醬沙律新鮮爽脆，健康又開胃。套餐份量超澎湃，肯定可滿足各食肉獸。烤爐外圍特別設計的凹槽，總有芝士粟米與爐邊蛋常伴烤肉左右。放上泡菜粒後，緩緩倒入蛋漿慢烤，爐邊蛋入口特別柔軟嫩滑。另一邊則是邪惡的拉絲芝士粟米，與爐邊蛋一樣可以無限添加。燒肉拼盤包括韓牛前胸肉、霜降牛小排、蔥蒜牛五花、和牛肩肉、牛舌、韓國辣椒和大啡菇。韓牛前胸肉色澤嫩紅，脂肪分佈較多，滿口瀰漫著牛脂香氣。霜降牛小排油花細緻，肉質鬆軟，肉味濃郁有層次。拌以清爽可口的生菜，可以中和肉食的膩感。套餐還包括了釜山直送的兩大海鮮 - 八爪魚和鰻魚，原隻八爪魚超巨型，霸氣盡現。將八爪魚觸鬚燒至金黃，口感爽彈富有膠質，加上經過特製韓式辣汁醃製，辣勁十足。釜山鰻魚肉質結實不軟爛，帶有魚油甘香。凡惠顧釜山海鮮套餐，還可追加半隻傳統韓國豬手 $115

晚市放寬至4人，朋友很想吃韓燒，另一朋友即提議到炑八，因她已吃過很多次，覺得質數不錯，炑八有很多分店，一行三人约定去旺角的炑八，原因是大家飯後回家都很方便。我們點了一個 Cheer UP! 2021套餐，價錢$488，份量已足夠我們三個女仔，可能其中原因是這裡的蛋及芝士是免費任加，我已經忘了加過多少次，所以吃得很飽。這個餐應該包括可免費任加芝士，因朋友說之前吃其他的燒肉午餐，加芝士是要收費的。另外，我們每人亦叫了一杯飲品。這套餐很豐富， 包括特級牛肋骨、雞爽肉、豬五花、貝身肉、大紅蝦、伊比利亞豬梅花肉、大八爪魚及韓式豬手半份 (熟食)。各款肉都被醃料醃得好入味，如果不是重口味的人，燒好肉後不需再加醬汁直接食已很好味，套餐亦配有生菜，可包著燒肉配菜醬汁一口吃下，口感更豐富; 炑八的肉, 肉味都很夠，雖然已加上醃料， 但都吃得到食材本身的味道，最驚喜的是大八爪魚，原本想應該很“Un”，但估不到，竟然很淋及有鮮味, 好吃!

新年套餐有兩款，今次就食好少少，試吓658嘅HANWOO HERE套餐！套餐份量十分之多，兩個人食一定夠飽。▫️前菜、爐邊蛋同埋芝士粟米都係無限添加。▫️個擺盤好得意，牛肉放嘅位置係同部位匹配㗎。▫️大蔥牛脷 - 牛脷十分好味，連埋啲蔥一齊食，絕對冇膻味。正呀！▫️韓牛前胸肉 - 呢個位置口感比較實在，牛味比較重，唔錯。▫️醬油霜降牛小排 - 牛之中最鍾意食呢個，油花比較多，加上肉質比較軟身，鮮嫩又多汁。正呀！▫️厚切黑毛和牛 - 油脂都幾多，食落一啲都唔會韌，唔錯！▫️墨魚 - 都幾厚切，可能我哋燒得唔好，有啲韌，比較難嚼。▫️鰻魚 - 都幾大條，燒起上嚟有啲難度，有皮嗰邊比較容易焦。肉質彈牙，如果有鰻魚汁就一流啦。▫️韓式豬手 - 鍾意食呢個，有少少肥，食落口感一流又有骨膠原，用生菜包住蒜片、大醬食，一流！

自從無左晚市堂食食就好耐無食燒肉啦，今日突發其想去左炑八到食呢個新年CHEER UP!2021 套餐。我地兩個人簡左$488果個套餐，其中包括有特級牛肋骨、雞爽肉、秘製韓豬五花、貝身肉、大紅蝦、梅花肉同大八爪魚。套餐仲有半份韓式豬手，十分超值！前菜、爐邊蛋同芝士粟米都無無限任吃，中意芝士既我Encore左兩次🙊韓式豬手🐷豬手配有生菜同青瓜等配菜，夾住一齊食就無咁肥膩，豬手味道好濃，放落爐到燒一陣豬皮仲好脆好好味。特級牛肋骨🐮又長又厚既牛肋骨，有Waiter過黎幫手燒，剪開出黎有成十大塊，肉質鮮嫩、帶有油脂，口感岩岩好。大紅蝦🦐將3面快快燒完一圈，入口肉質彈牙，味道好鮮甜。貝身肉🐮第一次食貝身肉，原來係最接近腰脊既稀有部位，肉含有怡到好處既油脂，入口鮮甜豐富。秘製韓豬五花🐷五花腩勁大舊脂肪連住，皮彈肉爽，炸耐少少仲有脆卜卜既肥肉，好味。梅花肉🐷好大塊既豬扒，有好濃既豬肉味，肉質均勻分布，食落都唔會韌。雞爽肉🐥雞身上最爽脆既部位，食落香口又滋味。大八爪魚🐙超大隻八爪魚，加左醬汁味道更上一層樓。柚子梳打🍹 $48有柚子肉，份量同味道成正比，解渴。

旺角瓊華中心呢度食肆林立，而且食店都屬中上高質，今日就嚟到炑八燒烤食個豐富嘅lunch，順便就同朋友慶生。喺呢個乍暖還寒嘅天氣，最適合食吓韓式燒烤。見到呢個春日燒烤套餐都好豐富，價錢又唔算貴，個名仲叫Cheer Up! 2021咁醒神，所以就點咗呢個$488嘅套餐。店員首先就奉上韓式四小碟嘅前菜，除咗有食韓國菜必定見到嘅泡菜之外，仲有醃蘿蔔同芽菜，仲要係可以無限追加😱，另外伴燒肉食嘅生菜同樣可以追加添！另外仲有沙律菜，呢個雖然冇得追加，但已經分量十足，夠兩個人食有餘。喺食緊前菜嘅時候，店員就為我地預熱個燒烤爐，然後加入粟米芝士同蛋漿，而呢兩個小食都係有得無限追加，真係抵到爛！之後店員就陸續送上主食，首先送上韓式豬手，雖然係半份但份量都唔少，仲配有生菜、青瓜、蒜片、辣椒，夾住一齊食感覺無咁肥膩。其實呢個已經係熟食，不過我就覺得放在爐上稍作燒烤，令到佢嘅豬手皮有少少脆邊嘅效果，又另有一番風味。與此同時，店員就放上兩碟燒烤肉類。第一碟有復活貝身肉、韓式秘製醬油豬五花、伊比利亞豬梅花肉、雞爽肉、大八爪魚、仲有一啲配菜，包括南瓜同菇菌類。燒烤爐面積較大，可同時放幾款唔同嘅肉類一齊燒，貝身肉同豬五

農曆新年就快到，不單是中式菜館推出賀年套餐，連韓燒都有推出新年套餐，今日中午喺炑八韓烤旺角分店，跟朋友二人點了Hanwoo Her！燒肉套餐$658，包括厚切和牛、醬油牛小排、韓牛胸前肉、釜山鰻魚和墨魚，隨餐仲附送全份啖啖肉韓式豬手，十分抵食。雖然晚市暫時只能夠外賣，但午市堂食亦有供應👍。餐廳地方頗大，座位非常闊落，最喜歡坐窗邊座位，可望街景，也可以感受陽光，加上燒烤的熱度，在寒冷的天氣中取得一點温暖。除了主菜，還有韓式前菜和無限添加爐邊蛋和芝士粟米，招牌菜燒韓牛有水準，醬油惹味，令牛小排味道更佳，個人最喜歡彈牙鰻魚口感，原來係來自韓國釜山👍。