Baekmidang Chul Grill (Closed)

呢間由韓國傳入既甜品店，係K11 MUSEA 開左一間鐵板燒。見時間尚早冇咩人排隊，就入去試下。入去時店員同我哋講限時90分鐘用餐時間。佢係open kitchen，如果你坐bar格枱叫鐵板燒的話，可以見到師傅即席表演。每張枱都有消毒酒精搓手液同埋濕紙巾，都幾細心。我叫咗個韓式燒汁三文魚扒，朋友就叫咗個韓式燒豬肋骨定食。🐟 韓式燒汁三文魚扒（$228）呢個係單點項目，三文魚皮好香脆，配上甜甜地嘅燒汁，好惹味，又唔會覺得太濃味，食完唔會好口渴。三文魚尚算滑身，唔會太鞋口，應該係因為油脂都比較豐富。底下烤過嘅洋蔥，但比較油膩，而且冇調味，不過因為洋蔥係熟嘅，所以都比較甜。單點項目其實價錢都比較偏貴。🥩 韓式燒豬肋骨定食（$208）定食包左漬物、柚子汁沙律、麵豉湯配蒸蛋、韓式辣炒海鮮、燒豬肋骨、泡菜炒飯，每樣細細碟，正常食量就岩岩好。漬物：喬頭、牛蒡、黃瓜，酸酸地幾開胃柚子汁沙律：幾清新麵豉湯配蒸蛋：蒸蛋放喺湯入面，蒸蛋都幾滑，麵豉湯就係一般嘅麵豉湯，幾好味。燒豬肋骨：又喺下面墊洋蔥，份量較少，得三條，但調味比較輕身，有焦香，但係比較乾，唔算多肉汁。韓式辣炒海鮮：有 虎蝦、鮑魚、魷魚圈虎蝦應該係急凍既，但都有甜味，只係唔夠彈牙鮑魚需要少少牙力魷魚圈微辣，好味泡菜炒飯：比較濕，飯偏淋，泡菜偏酸。成個套餐整體味道不錯，唔係平時一般重口味韓食，感覺較健康。…Read More

位於K11 Musea內之百味堂，店舖內有其品牌下之韓食店‘百味堂.鐵’，可算是店中店。主食：韓式燒豬肋骨定食、韓燒三文魚扒定食，定食包括沙律、麵豉湯、韓式辣炒海鮮、泡菜炒飯。由於是韓式食物，除漬物、沙律、麵豉湯和鐵版食物外，其他食物都帶韓式辣粉味。其中辣海鮮有一隻大蝦、一隻鮑魚和魷魚，烹調時間恰當肉質鮮嫩。另外單點了韓式辣雞飯，由於價錢與定食相差只有數十元，定食性價比較高。甜品：焦糖咖啡伴牛奶雪糕、濟州抹茶黑朱古力牛奶雪糕、新鮮藍莓牛奶雪糕和韓國林柿牛奶雪糕。雪糕保持百味堂一向的高水準。…Read More